سلام عليكم أنا عندي 17 سنه في تالته ثانوي عام السنادي
ولسه مش حددت هدف ومش عارفه نفسي عايزه أي
مره حابه صيدله و مره حابه ألسن و مره حابه تمريض و مره حابه أي مجال طبي
حقيقي الموضوع دا مشتتني
أنا حابه ألسن السن عشان بحب اللغات فلو في حد بيدرس في كلية ألسن أو متخرج ياريت يفدني و يقولي نظام ألسن بيكون ازاي و صيدله
عارفه عامةً مفيش حاجه سهله بس الله المستعان
نصيحة خارج منشورك ، علشان لو مجبتيش الكلية اللي أنت عايزاها ، أنا كان حلمي طب ولكن ربنا له اختيار آخر وهو الأفضل ، أنا كنت مجتهد ، قصرت في الثانوية ولكن تقصيري دا مش كان كبير يعني ، المهم جبت ٧٧.٦ وشلت فرنساوي ، كنت مصدوم ازاي ، ولكن بعد فترة عرفت ليه ، أولا أنا لو مكنتش شلت كنت هكتب في الرغبات أول حاجة تجارة لأني عارف إن كليات زي علوم هتاخد من فوق وأنا تحت خالص ، فأنا كان ليا ميزة بفضل الله إني عرفت مجموعي هيدخلني إيه ،،،، كلية علوم ، دا كرم ربنا ايجالي علوم في محافظة بعيدة ، بعدها قدمت تقليل اغتراب اتقبل في محافظتي ، شفت كرم ربنا واختياره ، مع إني فرق ٨ درجات عن محافظتي بس اتقبلت ، ربنا بيختار لينا حاجات احنا مبنعرفش قيمتها غير بعدين ، أنت ما عليك سوى الإجتهاد وربنا هيختارلك الأفضل ليكي مش لازم طب أو أو ، أنت ممكن تدخلي أقل كلية بالنسبالك وتكوني أحسن وحدة بعدين 🫡🫡".*
تم النشر الأحد، ٢٥ أكتوبر ٢٠٢٦
وعليكم السلام ورحمة الله وبركاته يا بنتي، أولاً، أحب أقولك إن اللي بتمرّي بيه طبيعي جدًا في سنك، وكتير من البنات في تالتة ثانوي بيحسوا بنفس التشتت ده. إنك بتحبي اللغات ده شيء جميل وموهبة تستاهل تُستغل، وكلية الألسن فعلاً بتكون مناسبة للي بيحبوا اللغات والترجمة والثقافات. النظام فيها بيعتمد على دراسة لغة رئيسية (زي الإنجليزي أو الفرنساوي أو الألماني) مع لغات تانية، وبتدرسي أدب وترجمة وثقافة، وبتكوني بتتعاملي مع نصوص ومشروعات بحثية كتير. الدراسة بتحتاج تركيز وممارسة يومية للغات، وبتفتح فرص في الترجمة أو التدريس أو السياحة أو حتى العمل الحر. أما بالنسبة للصيدلة، فهي مجال علمي عملي أكتر، بتدرسي كيميا وأدوية وتشريح وصيدلة إكلينيكية، وبتكون فيها معامل كتير وتدريب عملي، وبعد التخرج تقدري تشتغلي في صيدلية أو شركات أدوية أو حتى مجال البحث. الموضوع بيحتاج حب للعلوم والدقة، ومش بس حب المجال الطبي بشكل عام. نصيحتي لكِ: خدي وقت تفكري في نفسك، شوفي المواد اللي بتتفوقي فيها دلوقتي وإيه اللي بيخليكِ تحسّي بالرضا لما تتعلميه. جربي تكتبي إيجابيات وسلبيات كل خيار، واستخيري ربنا كويس، لأن "الله المستعان" زي ما قلتِ. لو عايزة آراء أكتر، ابحثي عن أسئلة مشابهة على فدني عشان تشوفي تجارب بنات تانيين. ربنا يوفقك ويختارلك الأفضل يا رب.
تم النشر السبت، ٢٤ أكتوبر ٢٠٢٦
شكراً
تم النشر الجمعة، ٢٣ أكتوبر ٢٠٢٦
إن شاء الله يساعدك الفايل دا: https://drive.google.com/file/d/1ihdmDN17vP8MWNyxAbn_xBV9hUBFhAjn/view
تم النشر الجمعة، ٢٣ أكتوبر ٢٠٢٦
لعرض السؤال في فدني اضغط هنا