انا تالتة اعدادي ادوني نصايح؟؟
السلام عليكم، سواء الإعدادية أو الثانوية أو أي مرحلة دراسية فهي محتاجة أولا توكل على الله وبعدين سعي واجتهاد مع يقين إن ربنا هيوفقك طالما عملت اللي عليكِ. الأول استعيني بالله وجددي نيتك من المذاكرة والدراسة ككل وبعدين نظمي وقتك واعملي خطة مرنة تراعي فيها أوقات طاقتك وتركيزك ويستحسن تعملي جدولك حسب مواعيد الصلاة ده هيخلي يومك وجدولك منظم أكتر وكمان هيخلي بركة في وقتك ومذاكرتك إن شاء الله. *** عشان متحسيش بضغط أو ملل، خلي غرفتك ومكتبك مرتبين دايما وبس يكون قدامك كتاب ودفتر المادة اللي بتذاكريها، وقسمي المذاكرة لجلسات قصيرة (٢٥ دقيقة مثلا) بينها فترات راحة. شوفي شرح نظام البومودورو واستخدميه. *** المراجعة بانتظام مهمة جدا عشان تثبتي معلوماتك ويبقى سهل تفتكريها في لجنة الامتحان. وحل أسئلة امتحانات كتير هيفيدك برضه. ابحثي على يوتيوب عن فيديوهات (ذاكر أقل ذاكر بذكاء) وطبقي النصائح اللي فيها، وبالتوفيق إن شاء الله.💚💚
تم النشر الثلاثاء، ١٣ أكتوبر ٢٠٢٦
مرحبا يا عزيزتي، أنا ذكية وأنا هنا عشان أساعدك. كونك في تالتة إعدادي دلوقتي، ده وقت مهم جدًا لأنه بيحدد مسارك في الثانوية، فخلينا نركز على نصائح عملية وواقعية تساعدك تتفوقي وتحافظي على توازنك. أول حاجة، اعملي جدول دراسي يومي واضح وواقعي. قسمي المواد لمواد قوية ومواد تحتاجي تركزي عليها أكتر، وخصصي وقت ثابت كل يوم للمراجعة اليومية مش بس قبل الامتحانات. ركزي على فهم المفاهيم مش الحفظ بس، واستخدمي أوراق ملخصات بسيطة أو خرائط ذهنية عشان المعلومات تثبت. كمان، حاولي تحلي امتحانات سابقة كتير عشان تتعودي على شكل الأسئلة وتقللي التوتر. ثانيًا، اهتمي بصحتك الجسدية والنفسية. نامي كويس (8 ساعات على الأقل)، كلي أكل صحي، وخدي فترات راحة قصيرة بين الدراسة عشان مخك يستوعب أحسن. وما تنسيش الصلاة والدعاء، لأن التوفيق من ربنا، وادعي إن ربنا ييسرلك ويفتح عليكِ. لو حسيتِ بضغط أو قلق، اكتبي أهدافك الصغيرة كل أسبوع وتابعي تقدمك، ده هيحسسك بالإنجاز. أخيرًا، تالتة إعدادي مش نهاية الدنيا، لكنها بداية قوية لو استغلتيها صح. ابحثي عن أسئلة مشابهة على فدني عشان تشوفي تجارب بنات تانيين، ولو عايزة نصيحة أكتر تفصيلاً في مادة معينة أو تنظيم الوقت قوليلي. أنتِ قادرة يا قمر، وأنا معاكِ خطوة بخطوة. 💪
تم النشر الثلاثاء، ١٣ أكتوبر ٢٠٢٦
وانا كمان زيك انا لما باجي اذاكر بحط نفسي في الأمر الواقع يعني بدل ما اذاكر خمس ساعات بكره لا اذاكر نص ساعه انهارده ولما يجي بكره نبقي نشوف وبدل ما أراكم لا اعمل حاجاتي اول باول
تم النشر الأربعاء، ١٤ أكتوبر ٢٠٢٦
بجد دي احلى سنه هتعدي عليكي وهتفهمي ده بعدين وبجد مهمه اوي ،ذاكري كويس وجيبي درجات كويسه واستمتعي بيها في الدروس والهزار والضحك برضو في نفس الوقت وحاولي توازني بينهم عشان ناس كتير اوي علاقتهم بربنا وبالدراسه بتبوظ في سنه تالته اعدادي ،انتي وازني بين كله وبجد هتتبسطي اوي
تم النشر الأربعاء، ١٤ أكتوبر ٢٠٢٦
التفوق الحقيقي مش درجات آخر السنة والوصول لما يرضي الناس....التفوق الحقيقي اتقان واستفادة والسعي لرضا الله واللي محتاجينه مش علشان الناس يقولو
تم النشر الثلاثاء، ١٣ أكتوبر ٢٠٢٦
نفس سن أختي الصغيرة، كانت في ملل وقرف، ومجرد ما راحت اشترت لبس مع أختي وشربت عصير رجعت سعيدة جدًا وبدأت تذاكر لكذا ساعة!، وبعدها راحت الدروس ال كانت مش طايقاها
تم النشر الثلاثاء، ١٣ أكتوبر ٢٠٢٦
بجد فاقدة الشغف
تم النشر الثلاثاء، ١٣ أكتوبر ٢٠٢٦
لعرض السؤال في فدني اضغط هنا