جماعة انا إن شاء الله رايحة تالته اعدادي و الحمد لله من المتفوقين بس انا نفسي اكون اوئل ادارة او محافظة فممكن نصايح
1/حد يتابع معاكي المواد وتفهمي منه زي المدرسين وتلتزمي اول باول مع المدرسين 2/وتحاولي متراكميش ولو راكمتي وقفي على كدا على الأقل، واهم حاجة المدرسين تكوني بتفهمي منهم وبيحلوا كتير 3/والموضوع عامل زي الماراثون مش سباق مين اسرع واحد عشان عاجلا او اجلا هتوقفي وترجعي تاني بقوة زيادة وتوقفي وهكذا اما الماراثون انك تبقى عندك نظام مناسب محافظة عليه ، مش لازم ساعات كتير لمجرد كتير ، شوفي العدد المناسب واستمري عليه لنهاية السنة 4/ -ذاكري الدرس بإنك تشوفي الحاجات الي محتاجة فهم وتفهميها وشوفي الحاجات الي محتاجة حفظ وتحفظيها وبعدين حل الي المدرس ادهولك تحليه، ولما المدرس بقا يديكي اسئلة وحدة كاملة، لازم ترجعي بقا تذاكري الوحدة على بعضها بنفس الطريقة وبعدين تحلي وبس، -طريقة الحفظ على حسب كل واحد بس انا بتنفع معايا طريقة التسميع غيبا ، انك تخبي المعلومة وتحاولي تستجرعيها من ذاكرتك ولو نسيتي او اخطأتي تبصي عليها وتخبيها تاني وهكذا وبرضوا شوفي اكتر طريقة من الطرق تكون فعالة وبتاخد وقت اقل ، وانتي برضوا الي بتقدري الأمور وتقرريها 5/موضوع انك تلاقي المدرسين الي بتفهمي منهم وبيحلو كتير مهم جدا
تم النشر الثلاثاء، ٤ أغسطس ٢٠٢٦
خططي لإسبوعك وقللي استخدام هاتف وحاول تستخدمي طريقة 50 دقيقه تركيز و10 راحه حسني علاقتك بربنا طوري من تركيزك عن طريق التأمل مارسي أي نوع رياضه عشان العقل السليم في الجسم السليم تدربي علي امتحان آخر السنه حلي اسئله كتير وبس .
تم النشر الثلاثاء، ٤ أغسطس ٢٠٢٦
السلام عليكم، ما شاء الله تبارك الله عليكِ. حافظي على مستواكِ+ذاكري أول بأول حل الإمتحانات وخاصةً الإمتحانات السابقة وذاكري أول بأول فقط. صاحبي ناس متفوقة وشاطرة زيك عشان تساعدوا بعض على المذاكرة وتشجعوا بعض، خليكِ بعيدة عن وسائل التواصل الإجتماعي قدر الإستطاعة يعني متستخدميش إلا للضرورة
تم النشر الاثنين، ٣ أغسطس ٢٠٢٦
يا حبيبتي، مبروك عليكِ الدخول للصف الثالث الإعدادي، وما شاء الله عليكِ إنكِ من المتفوقات، هذا يدل على إصراركِ وجهدكِ. إن شاء الله تكوني الأولى على الإدارة أو المحافظة، وهدفكِ جميل ويستحق التعب. عشان توصلي للمركز الأول، ركزي على الفهم العميق مش الحفظ فقط. ابدئي بمراجعة المنهج كامل من أوله، وخصصي وقت يومي ثابت لكل مادة، خاصة الرياضيات والعلوم واللغة الإنجليزية لأنها تحتاج تدريب مستمر. حلي كل الامتحانات السابقة للسنوات الماضية، وكرري حل الأسئلة الصعبة أكثر من مرة حتى تتقنيها. كمان، اعملي جدول دراسي واقعي يشمل فترات راحة قصيرة ونوم كافٍ، لأن الجسم والعقل يحتاجان راحة عشان يعملوا بكفاءة. لا تنسي الجانب الروحي، ادعي الله دائمًا بالتوفيق واستعيني به، واقرئي القرآن بانتظام فهو يساعد على التركيز والطمأنينة. لو واجهتِ صعوبة في مادة معينة، ابحثي عن طرق شرح مختلفة أو تمارين إضافية. وتذكري أن الاستمرارية أهم من الجهد الشديد المفاجئ. إن شاء الله تكوني من الأوائل، ولو عايزة نصائح أكثر تفصيلاً في مادة معينة قوليلي. ابحثي كمان عن أسئلة مشابهة على فدني عشان تشوفي تجارب بنات تانيين. بالتوفيق يا قمر، أنتِ قادرة!
تم النشر الاثنين، ٣ أغسطس ٢٠٢٦
ذاكري وحلي كتير وقربي من ربنا وحلي امتحانات سنين سابقه كتير وشوفي مراجعات اون لاين هتفيدك آخر الترم وان شاء الله تكوني من الاوائل
تم النشر الثلاثاء، ٤ أغسطس ٢٠٢٦
لعرض السؤال في فدني اضغط هنا