ممكن لو اي حد كان من الاوائل السنين اللي فاتت يدينا نصائح في تنظيم الوقت رجاءً + استراتيجيات كان بيتبعها أثناء دراسته وبسببها جاب مجموع عالي
اول حاجه أنا اهلي معتمدين عليا السنة دي لأني في ٣ ث وبحاول اجاهد مع نفسي اني اشرّفهم بس انا لسة بادئة السنة والموضوع صعب عليا في البداية بسبب الدروس والضغط بتاع المدرسين وامتحاناتهم
أنا أستغرب بجد هما الاوائل زينا؟ لما بيرجعوا من دروس ورا بعض مش بيتعبوا؟ ازاي بيقعدوا يذاكروا في نفس اليوم ؟ يعني مثلا امبارح من الساعة ٩ صباحًا إلى الساعة ٣ وأربعين دقيقه مساءً قبل العصر كنت في دروس ورجعت تعبانه ومش قادره خالص حتى لما نمت صحيت مش قادره اذاكر خالص ازاي الاوائل بيقدروا يذاكروا في نفس اليوم بجد ما شاء الله
كل واحد ليه شغف في حاجه ف غالبا الناس الشاطرة دي عندها شغف في المذاكرة انتى ممكن شغفك يكون قليل. اولا متراكميش متراكميش متراكميش حاولي على قد ما تقدري انك مش تراكمي حاجة ثانيا حلي كتير اوي لان كل مسألة وليها فكرة ركزى جدا فزياء وكيمياء واحياء وكمان حاولى تخلى الانجليزى مضمون معاكي لانك لو قفلتى الانجليزى في الامتحان والله بينقل الانسان في حتة تانية وعربي حلي قطع كتير وركزي فى البلاغة كويس. وكذلك الانجليزى حلى قطع كتير لان في اخر السنة بيحطوا قطع طويلة اوي محتاجة واحد بيعرف يقرأ بسرعة ويترجم كويس. ومش تضيعى وقتك في حاجات ملهاش لازمة. افضل وقت فعلا للمذاكرة بعد الفجر والله وحافظى على ورد قرآن يوميا واذكار الصباح والمساء. دمتى بخير
تم النشر الجمعة، ٢٩ أغسطس ٢٠٢٥
أول حاجة خليكي مقتنعة أن تعبك باذن الله مش هيضيع نظمي المكان اللي بتذاكري فيه الغرفه بتاعتك ده بيدي طاقه إيجابية اقراي الدرس 3 مرات ولخصي الدرس في عناصر مهمه اكتبي العناصر دي في ورق بالالوان وخليها قدامك وقت بعد صلاة الفجر والله ممتاز من ناحية أن فيه بركه والفهم فيه سهل خلي نومك بدري علشان تصحي بدري بعد شرح الدرس حلي اسئله كتيره أدعي كتير في صلاتك أن ربنا يوفقك الاهل ليهم دور كبير في رفع معنويات الشخص اللي بيذاكر نصيحه قالها ليا دكتور جامعي خلي توقعاتك اعلي من هدفك
تم النشر الجمعة، ٢٩ أغسطس ٢٠٢٥
السلام عليكم يا يُسر، أولا ربنا يوفقك وييسر لك أمور حياتك كلها. يمكن مش هقدر أفتكر تجربتي بالضبط لأن عدى وقت كتير، والنظام تغير جدا لكن أعتقد في الوقت الحالي عندكم مزايا كتير تقدري تستفيدي منها وكنت أتمنى تكون موجودة أيامي، دي بعض النصائح حسب ما أتذكر من تجربتي وأرجو إنها تنفعك إن شاء الله. آخر حاجة كانت شاغلة بالي توقعات الأهل والناس، مكنتش شاغلة تفكيري بالكلية ولا المجموع اللي هجيبه، كنت بذاكر وبعمل المطلوب مني، مكنتش بركز مع أي كلام يضغطني أو يأنبني عشان مذاكرتي مش بالمستوى المُنتظر أو إن مينفعش أضيع ولا دقيقة. (حاولي جاهدة تركزي بس على الهدف وإنك تذاكري وتمشي الطريق خطوة خطوة) نظامي في المذاكرة كان، إني أقرأ الدرس وآخد عنه فكرة بحيث لما المدرس يشرحه أفهم أكتر ولما أرجع أذاكره وبعدين أحل الأسئلة الملحقة وممكن أشوف الأسئلة اللي في امتحانات السنين اللي فاتت. لو قابلني سؤال مش عارفة إجابته بدور بنفسي ولو مقدرتش أحله أو لقيت محتاج فهم أكتر بكتبه في الدفتر وبسأل عنه المدرس في المرة اللي بعدها. كنت مقسمة وقتي بحيث أذاكر وفي نفس الوقت أرفه عن نفسي، كنت بقرأ روايات عادي وبرسم وبعمل أي هواية تانية بحبها (ده بيخفف من أي ضغط وبيخلي عقلك يصحصح بعد كده للمذاكرة وميشوفهاش هم تقيل طول اليوم) المراجعة بانتظام مهمة جدا في تثبيت المعلومات، فراجعي حتى لو مجرد قراءة للدرس. تسجيل الملاحظات بالورقة والقلم كمان بيثبت المعلومات وإنك تدوري عن الإجابات بنفسك. استغلي الأوقات اللي بتضيع في المواصلات أو الانتظار، إنك تقرأي الدرس أو الملاحظات اللي سجلتِها أو تسمعي شرح على يوتيوب. دلوقي عندكم الإنترنت متوفر عليه كل حاجة، فاستغليه إنك تفهمي النقاط الصعبة أو تأسسي نفسك صح، ممكن قوي مادة تكون صعبة عليكِ لكن المشكلة في شرح المدرس وتلاقي مدرس تاني بيشرحها بطريقة تحببك فيها وده عن تجربة. النوم مهم جدا جدا جدا، بس لازم تتعاملي مع التوتر والضغط عشان تعرفي تنامي كويس، في امتحاناتي كان ممكن أروح مش مراجعة كويسة أو مذاكرة نص نص بس طالما نايمة كويسة كنت بقدر أفكر وأحل، ممكن تكون إجابة سؤال موجودة في أسئلة تانية بالورقة، ولو عقلك منتبه ونايمة كويسة هتنتبهي وتحلي كويس. (فنظمي نومك وخدي أعشاب تهدئ التوتر وتساعدك على النوم كويس وقللي خالص الشاي والقهوة لو بتشربيهم) بلاش بلاش تقارني نفسك بحد ولا نظام حد في المذاكرة لأن كل واحد له طريقته في الفهم والدراسة. أهم نصيحة قابلتني على الفيسبوك وطبقتها وفرقت معايا بالدراسات العليا، وهي إنك بين كل جلسة مذاكرة لو هتاخدي راحة 5 أو 10 دقائق اقرأي فيهم قرآن وقسمي جدولك على حسب مواعيد الصلاة، هتلاقي إن شاء الله بركة في وقتك ومذاكرتك. والدقائق اللي قبل الامتحانات استغليها إنك تهدي توترك بقراءة القرآن والأذكار، بيفرق جدا جدا. ملحوظة أخيرة بخصوص الأوائل، مش كلهم زي بعض ولا حياتهم سلسة أو هم خارقين عن البقية، فيه ناس متعودة من صغرها على النظام والمذاكرة فخلاص بقت عادة وفيه منهم أذكياء واستيعابهم أسرع وفيه منهم بيستخدموا طرق ذكية تخليهم يذاكروا بتركيز أكبر في أقل وقت (ممكن تبحثي عن فيديوهات ذاكر أقل ذاكر بذكاء) فيه منهم بيبذل جهد خرافي وبينام قليل وبيدمن قهوة وشاي عشان يقدر يواصل المذاكرة بس ده مش صحي وبينعكس على صحتهم وحياتهم مستقبلا. في النهاية كل واحد وله تجربته فركزي على نفسك وإزي تعرفي قدراتك أنتِ وتستغليها صح. طولت قوي 😅 بس أرجو أكون أفدتك، وبالتوفيق إن شاء الله.
تم النشر الجمعة، ٢٩ أغسطس ٢٠٢٥
مرحبًا يا يُسر، يا رب دائمًا تكوني بخير وبعزيمة قوية! ذكية معك هنا، وأول شيء أحب أشيد بيه عندك هو حرصك ورغبتك في النجاح، وهذا هو أساس الطريق للتميز بإذن الله. خليني أبدأ بتفكيك نقاطك المهمة عشان نقدر نمشي مع بعض خطوة خطوة: 1. ضغط الدروس والامتحانات في ٣ ثانوي أزهري هذا طبيعي جدًا، خصوصًا في سنة ٣ ثانوي بنظام الأزهري لأن المادة كبيرة والضغط كبير. وحتى الأوائل ما كانواش دايمًا بيحسوا بالراحة، بس هم عرفوا إزاي يتعاملوا مع الضغط بدل ما يسيطر عليهم. 2. إزاي الأوائل بيذاكروا يوم طويل وما بيحسوش بتعب مثلًا؟ التنظيم والتخطيط : بيقسموا يومهم لساعات محددة مع فترات استراحة صغيرة، زي مثلا (50 دقيقة دراسة + 10 دقائق راحة). الدراسة المتواصلة لساعات طويلة بدون راحة فعلاً بتسبب تعب واحتراق. ترتيب الأولويات : بيبدأوا بالمهم والصعب لما يكون تركيزهم عالي، وياخدوا من السهل والبسيط لما يبدأ التعب يظهر. تنوع المواد : مش بيركزوا على مادة واحدة طول اليوم، لكن بينوعوا المواد عشان ما يحسوش بالملل ولتجديد النشاط الذهني. 3. نصائح لتنظيم الوقت والدراسة للسنة دي إن شاء الله تعجبك اعملي جدول مذاكرة يومي : حاولي تقسمي ساعات المذاكرة حسب موادك مع تحديد أوقات للراحة وأوقات للطعام. استغلال فترات الفراغ : لو عندك فترات بين الدروس مارحي منشغليهاش بموبايل مثلا، ممكن تراجعي فيها ملخص صغير. أولويات وجدولة المهم أول : ابدئي بالمادة الأصعب أو اللي محتاجة تركيز عالي في بداية اليوم. تنظيم مكان المذاكرة : اختاري مكان هادي ومنظم بعيد عن المشتتات، ده بيساعد جدًا على التركيز. العناية بالنوم والأكل : لازم تاخدي قسط كافي من النوم، حتى لو الدراسة مهمة، الجسم والعقل محتاجين راحة فعالة. تابعي تقدمك أسبوعيًا : خلي عندك دفتر أو ملف تسجلي فيه اللي ذاكرتيه وتقدمي فيه عشان تشوفي مستواك وتتعدلي في خطتك لو احتجتي. 4. نصيحة مهمة: لا تستعجلي النجاح النجاح مش بس درجات عالية، هو كمان صحة نفسية وراحة نفسك وعقلك. أذيلي من على نفسك الضغط الزايد. خليكِ صبورة مع نفسك، وذكرِّي حالتك بالدعاء والاستعانة بالله تعالى. لو حبيتي، ممكن تزوري صفحة الخبراء على فدني (https://www.fedni.net/experts) لو حابة تستشيري متخصصين في تنظيم الوقت أو الدعم النفسي، دايمًا في ناس متمرسة تقدر تساعدك. وأكيد لو عندك أي سؤال ثاني أنا هنا معاكِ، وما تنسيش إنك تقرأي أسئلة تانية على فدني بنفس موضوع تنظيم الوقت والمذاكرة، لأنها بتفيد جدًا. ثقي بنفسك وبالله، وأتمنى لك سنة موفقة ومليانة بالنجاحات إن شاء الله! 🌟 ذكية في خدمتك دائماً💖
تم النشر الخميس، ٢٨ أغسطس ٢٠٢٥
تم النشر الجمعة، ٢٩ أغسطس ٢٠٢٥
كلام حضرتك مفيد جدًا ومش هحس خالص انه تقيل أو حضرتك زوّدتها بالعكس منتظرة الوقت اللي حضرتك تكون فاضي فيه وتكمل شرح فيه عن نظامك في تالته ثانوي لأن قليل ما بلاقي حد في ازهر يعطي نصائح ربنا يجعل كل اللي حضرتك بتعمله في ميزان حسناتك يارب وان شاء الله بفضل ربنا ثم بفضل نصائح حضرتك عندي امل كبير ان ممكن السنة اطلع من الاوائل واشرّف اهلي متشكرة جدًا
تم النشر السبت، ٣٠ أغسطس ٢٠٢٥
تم النشر الجمعة، ٢٩ أغسطس ٢٠٢٥
تم النشر الجمعة، ٢٩ أغسطس ٢٠٢٥
تم النشر الجمعة، ٢٩ أغسطس ٢٠٢٥
كنت لسة هسأل حضرتك كمان سؤال ثاني إضافة على باقي اسألتي بس حسيت اني زودتها كنت عايزة اعرف طريقة مذاكرتك في كل مادة كانت عامله ازاي؟ أنا عارفة طوّلت كتير معلش والله
تم النشر الجمعة، ٢٩ أغسطس ٢٠٢٥
تم النشر الجمعة، ٢٩ أغسطس ٢٠٢٥
جزاك الله خيرًا بجد استفدت كتير من كلام حضرتك وكل النصائح اللي حضرتك قولتها أنا دوّنتها وهتبعها ان شاء الله ربنا يبارك لحضرتك ويوفقك في شغلك 🙏🏻
تم النشر الجمعة، ٢٩ أغسطس ٢٠٢٥
تم النشر الجمعة، ٢٩ أغسطس ٢٠٢٥
تم النشر الجمعة، ٢٩ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
تم النشر السبت، ٣٠ أغسطس ٢٠٢٥
بصي كعادتي لما ابدأ موضوع ف بالي بيفضل مشغول لحد ما اقفله😅 ف وقت ما تكوني جاهزة للكلام عن الجزء المتبقي ومستعدة كدة ممكن تعرفيني علشان محسش اني تقيل او اني زودت عليكي
تم النشر السبت، ٣٠ أغسطس ٢٠٢٥
تم النشر الجمعة، ٢٩ أغسطس ٢٠٢٥
حضرتك لو عندك وقت فاضي ممكن من فضلك ترد على اسألتي وهكون متشكّرة جدًا ومش هنسى حضرتك في صالح دعواتي 🙏🏻. أولاً: هو لازم في ٣ ث ازهر الواحد يكون عنده نشاطات أخرى ويمارس هوايات ويعمل حاجات تانيه غير المذاكره ولا لازم يعطي الأولوية القصوى كلها للمذاكره بس واي حاجة تانية يأجلها لغاية ما يخلص السنة دي على خير وأقصد هنا زيي( ممارسة الرياضة + الرسم + اخرج مع صحابي عادي + اتفرج على انمي عادي ؟) فيه اللي بيقولوا ما ينفعش وفيه اللي بيقولوا ينفع عادي لان دي سنة هتعدي عليك في ركز على جوانب أخرى غير الدراسة ثانيًا: ايه كان مفتاح حضرتك في مذاكرة مادة النحو والفقه والتفسير. واخيرًا ممكن حضرتك تقول نصائح فرقت معاك في روتينك الدراسي زي مثلاً العلاقة مع الاهل بتكون عامله ازاي كنت بتتصرف معاهم ازاي أثناء الدراسة ؟ أنا المشكله اني الاخت الوسطانية ف الكل معتمد عليا في كل حاجه وبالذات ماما متعلقة بيا جدًا ومعتمده عليا اني اللي هقدر اعمل الحاجه اللي عايزاها بالشكل اللي هى عايزاه بالظبط ومن بتقدر تعتمد على اخواتي الولاد ف بضطر اسيب المذاكره كتير وأقوم اعمل الحاجات اللي عايزاها رغم اني وقتها بكون وصلت لنسبة تركيز وتعمق كبييير في المادة + تعاملك كان ازاي مع صحابك كنت عادي بتشرح لهم وتبعت لهم ملخصات وتساعدهم ولا لا ؟ أنا كنت بعمل كدا في اولى ثانوي وبساعد واحدة صاحبتي بالذات لأنها تركيزها ضعيف وكان عندها ظروف ف كنت بذاكر ليها دايما اللي بذاكره وماما بتقولي الكلام دا ما يتكررش خالص في تالته ثانوي عشان الحسد والعين وكدا ف ايه المناسب وقتها بكون عايزة حد اشاركه المعلومه أو اللي أنا أنجزته + بتعمل ايه لما طاقتك تكون خلصانة؟ أنا للأسف بضطر اقعد بالاسبوع لغاية ما طاقتي ونفستيي ترجع احسن عشان اقعد اذاكر وعارفة ان دا غلط
تم النشر الجمعة، ٢٩ أغسطس ٢٠٢٥
لعرض السؤال في فدني اضغط هنا