كيف اذاكر انا في ثانوي بكالوريا وأحصل على أعلى الدرجات
السلام عليكم، أولا، مهم جدا تبعد عن التوتر والقلق ومتفكرش في أي ضغوط أو توقعات من الأهل بخصوص التفوق، ده هيؤثر سلبا على دراستك. ثانيا، بالنسبة للهاتف، إذا مش محتاجه ضروري عشان تسمع محاضرات أونلاين فاقفله وخليه مع حد من أهلك ونبه عليهم ميرجعهوش لك إلا في وقت معين تكون بترتاح فيه (متزودش عن ساعة في اليوم) لو هتحتاجه في المذاكرة فحمل أي تطبيق من اللي بيقفلوا البرامج اللي بتضيع وقتك واعملها بلوك على طول أو حسب ما أنت عاوز. *** بالنسبة للمذاكرة، فاعمل خطة مذاكرة مرنة، راعي فيها أوقات طاقتك وتركيزك وإيه أكتر وقت بتكون مركز ونشط فيه فتذاكر المواد اللي محتاجة تركيز وفهم أكبر. جرب تقسم فترات المذاكرة مع مواعيد الصلاة، ده هيخلي فيه بركة في يومك ووقتك وهيكون منظم أكتر. شوف لو فيه أوقات بتضيع في اليوم، زي مثلا وأنت في المواصلات ورايح الدرس... ممكن دي تستغلها في قراءة الدروس أو مراجعتها قبل ما تروح الدرس أو لو كنت لسه مخلص جلسة مذاكرة فاعتبرها فترة راحة واسترخاء ومتفكرش في أي حاجة تبع الدراسة، تأمل الطريق أو استرخي وفكر في حاجة ممتعة. ** أهم نقطة، المراجعة بانتظام. مذاكرتك للدروس مرة واحدة وعدم المراجعة بانتظام وعلى فترات هيخليك تنسى اللي ذاكرته وكأنك معملتش حاجة، ابحث على يوتيوب على طريقة مراجعة (التكرار المتباعد) وطبقها في مذاكرتك، وكمان ابحث عن (ذاكر أقل ذاكر بذكاء) هتلاقي نصائح وطرق عشان تذاكر أكبر قدر بأكبر تركيز وفي أقل وقت. **** حل امتحانات والتدرب على حل الأسئلة ضروري جدا وهيعودك على الإجابة واستدعاء المعلومات أثناء الامتحان. ** أخيرا، فيه على التطبيق أسئلة ونصائح كتير من طلبة سابقين ابحث عنها واقرأ وخذ منها النصائح اللي تناسبك. وبالتوفيق إن شاء الله.
تم النشر الخميس، ٢٧ أغسطس ٢٠٢٦
لو تقدري تدي الفون لحد كبير ف البيت يديهولك ف اليوم ساعه او اتنين هيساعدك ونظمي يومك ووقتك وراجعي ع كل ماده كل يوم يعني مثلا امبارح ذاكرتي جزء وهتبدأي تذاكري تاني يوم جزء جديد ذاكري الجزء القديم تاني حتي لو قرايه وابدأي ف الجديد وهكذا كل مره تذاكري فيها وكل ماتخلصي ماده كأفي نفسك مثلا بساعه زياده ع الفون
تم النشر الأحد، ٣٠ أغسطس ٢٠٢٦
مرحباً يا صديقي، أنا ذكية وأقدر تماماً الضغط اللي بتواجهه في الثانوية البكالوريا، خاصة مع رغبتك في أعلى الدرجات. التركيز على المذاكرة مع إبعاد الهاتف أمر ممكن بالتخطيط العملي والالتزام اليومي، وهذا يساعدك أيضاً على تذكر المعلومات بشكل أفضل دون نسيانها. ابدأ بوضع جدول دراسي واضح يقسم يومك إلى فترات محددة للمذاكرة، مثل ساعتين لمادة معينة ثم استراحة قصيرة لتناول مشروب أو التحرك قليلاً. ضع هاتفك في غرفة أخرى أو في درج مغلق أثناء الجلسة، وحدد وقتاً يومياً قصيراً (مثل 15 دقيقة بعد الانتهاء) للتحقق منه حتى لا يشتتك. لتعزيز التركيز والاحتفاظ بالمعلومات، استخدم طريقة التلخيص الذاتي: بعد قراءة الفقرة، أغلق الكتاب واكتب ما تتذكره بكلماتك الخاصة، ثم قارنها بالأصل. كرر هذا التمرين عدة مرات للمواضيع المهمة، فهذا يقوي الذاكرة طويلة الأمد ويقلل النسيان. للحصول على أعلى الدرجات، ركز على فهم المفاهيم الأساسية أولاً ثم حل تمارين واختبارات سابقة بانتظام، مع مراجعة أخطائك يومياً. قسم المواد إلى أجزاء صغيرة وخصص وقتاً للمراجعة اليومية لما درسته سابقاً، فهذا يبني الثقة ويحسن الأداء. تذكر أن الاستمرارية أهم من الكمية، وادعُ الله أن يوفقك في جهودك. يمكنك البحث عن أسئلة مشابهة على فدني للحصول على مزيد من الآراء والنصائح العملية.
تم النشر الخميس، ٢٧ أغسطس ٢٠٢٦
اكتب ايه الحاجات اللي هتخليك تفشل في أنك تلتزم بالمذاكرة واشتغل عليهم، وبعد كدا كله سهل إن شاء الله.
تم النشر الأحد، ٣٠ أغسطس ٢٠٢٦
حدد هتاخد سنتر ولا اونلاين ، وقسم كل مادة علي حسب بقا مواعيد دروسها ، يعني لو عندك محاضرة عربي يوم السبت خلاص خصص السبت للعربي ، ولو الثلاثاء E فخصص الثلاثاء للانجليزي وهكذا عشان تخلص كل محاضرة أول بأول ومتراكمش ، اهم حاجه متراكمش ، ثم بعد متقسم كل مادة حسب اليوم بتاعها ابدأ رتب يومك هيمشي ازاي .
تم النشر الخميس، ٢٧ أغسطس ٢٠٢٦
لعرض السؤال في فدني اضغط هنا