السلام عليكم
لما كنت بتفرج على كارتون معين بدون ذكر إسم لفت إنتباهي حاجة وهي إن عالمه فيه حيوانات وبشر بيعيشوا مع بعض(الحيوانات بتعيش زي البشر يعني) وواحدة من الشخصيات واللي هو كان إنسان كان بيرتبط بأنثى من الحيوانات دي فهل ده ينفع في إطار الكارتون ولا لا؟
السلام عليكم، أنا مش عارفة اللي شفته ده كان كارتون أنيمشين غربي ولا أنمي (ياباني أو صيني) وهل الحيوانات اللي فيه حيوانات فعلا بس بتتصرف زي البشر زي ما في فيلم (Zootopia) ولا مخلوقات أسطورية مختلفة عن البشر لكنها قادرة تأخذ صورة بشرية، أو الأحداث نفسها في عالم غير أرضي موازي أو متخيل. *** الأنيميات فيها من ثقافة شعوب آسيا فهتلاقي كائنات أسطورية هي مش حيوانات ومش شياطين بالمعنى المعروف للشياطين عندنا كمسلمين أو عرب، أرواح لكائنات تانية مش شرط حيوانات، أرواح لحاجات مختلفة في الطبيعة، ولها القدرة للتحول لصورة بشرية والعيش بين البشر. حاجة زي الثعلب ذو التسع أذيال أو gumiho في كوريا، Kitsune في اليابان. فيه التنانين اللي برضه لها صورتين تنين وبشر، فيه اليوكاي في اليابان. معرفش بقى هل اللي شفته كان تبع المخلوقات الأسطورية دي ولا لأ، فمقدرش أحكم إذا كان فيه ترويج لافكار شاذة أو مجرد قصص فانتازية مش أكتر.
تم النشر الأحد، ٦ سبتمبر ٢٠٢٦
الكرتون بالنسبة للكبار فهو ترفيه، بالنسبة للأطفال فهو بيبني اساسات تفكيرهم و بيدخل في تركيب شخصياتهم لأن الطفل في الوقت دا بيكون مستقبل و مشاهد للحواليه فوظيفتنا احنا نفلتر الحاجات اللي بتتعرضله في ظل السوشيال ميديا و التطور الإلكتروني دا نحاول بقدر الإمكان نعرضله حاجات طبيعية و سوية نفسياً
تم النشر الثلاثاء، ٨ سبتمبر ٢٠٢٦
وعليكم السلام ورحمة الله. رأيي بصراحة إن اللي وصفته مش مناسب حتى لو كان في إطار كارتون. الرسوم المتحركة بتكون وسيلة ترفيهية، لكن لما بتوصل لتصوير علاقة رومانسية أو ارتباط بين إنسان وحيوان (حتى لو الحيوان بيعيش زي البشر)، ده بيخلط الحدود بطريقة غير طبيعية وممكن يأثر على النظرة للعلاقات والحدود الشرعية. في الإسلام، العلاقات لها ضوابط واضحة، والخلط ده ممكن يفتح باب لأفكار أو صور ذهنية مش مرغوبة، خاصة لو الكارتون موجه لجمهور شباب أو أطفال. الكارتونات اللي فيها حيوانات بتتكلم وتعيش زي البشر موجودة كتير، وده عادي طالما بيبقى في إطار فكاهي أو خيالي بدون ما يدخل في علاقات شخصية بين الأنواع المختلفة. لكن الارتباط اللي ذكرته بيعدي الحد ده، وأفضل نتجنبه عشان ما يتعارضش مع قيمنا الإسلامية اللي بتحافظ على الفطرة السليمة. لو الكارتون ده لفت انتباهك، حاول تشوف بدائل أنظف وأكثر احترامًا للحدود دي، ولو عندك تفاصيل أكتر عن اللي شفته ممكن نتكلم فيه بصراحة أكتر.
تم النشر الأحد، ٦ سبتمبر ٢٠٢٦
لعرض السؤال في فدني اضغط هنا