يا جماعه انا تالته ثانوى ولحد دلوقتي مبدأتش او بدأت حوالى تلات محاضرات او اربعه بالكتير وكل محاضراتى اونلاين ومش عارفه ابدا ازاى والتزم كل م قول خلاص أنا من انهردا هلم المتراكم هذاكر لو ذاكرت يوم اجى بعد كدا اقف مع انى عارفه انى عندى كذا وعندى كذا بس زى ما يكون تجاهل زى م بكون مش حاسه انى بضيع وقت المفروض امسك فيه بكل ثانيه زى م كنت قائلة والمفروض اعمل بس لا بقيت حتى مش عارفه انا المفروض ادخل كلية ايه او حتى اسعى لهدفى بقيت مش عارفه بعد إلى بيحصل بقول اشوف واعمل الى عليه واذاكر واسيب موضوع الكلية دا براحتو بس انا عايزة اسعى لهدف ومش عارفه
كل الى معايا وقريبتى وناس اعرفها كانو وموصلوش لكليتهم مش عايزة امسك فى حلمى الى عايزاه واقول عايزه اعمل عشانه وانا مش صامته انا هعمل ايه بقيت الى انا كنت بذاكر دايما ومش بسيب حاجه براحتها لا بقيت سايبه اهم حاجه حتى المذاكره بقيت الى هو عادى هذاكر فى مره وهلم كل دا ومع ان دا لمه مش سهل والوقت بيجرى وبيضيع وانا بضيعه بايدى
وحاسه عادى انه مش عارفه مليش هدف مع انه كان ليا بس لا من اول م بقيت فى السنه دى لا فيه شغف ولا هدف ولا عايزه أذاكر اصلا بقيت الى هو مشتركه منصات وكتب وكل حاجه قدامى وانا ولا هنا ولا عايزه ولا نفسى حتى اذاكر وحاسه انه مش لازم بس شخصيتى التانيه برضو مش عارفه اعمل ايه
مش عايزه افكر فى كدا عايزه اخلص كل دا عشان اعمل الى عليا واوصل للكلية للى عايزاها بس انا مش عامله ومش متقدمه واكتر حاجه بتدايقتى انه لما بذاكر بذاكر بطى مش تراجع بس ابدا المحاضرة وانا شغالة فيها افكر في حاجه دماغى تركز فى حاجه تانيه افتكر حاجه تانيه اروح ارجع بالفيديو ارجع اعيد المعلومه أعيد السؤال وافضل كدا
ولو كمان ايه المحاضرة كبيره تقريبا تلات اربع ساعات اخد بقا اليوم كله لحد م خلص المحاضرة شرح ودماغى ممكن تصدع من اقل وقت يعنى ممكن ساعه اخد فيها ساعه ونص تفكير بقا ودماغى مش ثابته على حاجه لحد م اخلص جزء وافهمه ببقا عايزة راحه ولما ارتاح وارجع اوصل لجزء من المحاضرة تانى وبعدين بعد فتره اتعب وبكون اوقات برجع الفديو اقفله وهكذا لحد م وقت المحاضرة كشرح بس اشوفه دا غير المذاكره وغير الحل وغير الكويز
والمدرس بيبقا منزل كتب تانى حل واجب ودا كله بيكون محاضرة واحده في انا بزهق واتعب ببقى طول اليوم فى محاضرة واحده بس وان خلصت اصلا اوقات مش بتخلص ببقا اتخنقت دا غير الباقى وغير الى عايزاه عايزه التزم عايزه اخلص بسرعه عايزه انجز
أنا السنين الى فاتت كنت بخاف على اليوم دلوقتي بضيع اهم سنه ووقت ومذاكره ومش عارفه اتصرف ازاى واخلص ازاى وليه تراجعت بكم رهيب كدا وبقيش عايزه اذاكر مع انى والله العظيم مكنتش كدا بس مش عارفه اراديا كدا من جوايا حاسه انى مش عايزاها كأنى درجاتى ومجموعى السنين الى فاتت والهدف بتاعى بعد تالته ثانوى السنه الى فاتت والى بيحصل كتير
دا بعيدا عن انى مش عايزه اذاكر ومش بسعى من جوايا بلشغف بحلمى ب انا الى عايزه اذاكر عشان اعمل كذا عشان استفاد عشان اى حاجه عايزه وكنت بذاكر عليها بشده السنين العاديه دلوقتي مبقتش عارفه ومش حاسه انى بقول كلام مجرد كلام عشان مراكمه او كدا لا انا بقول حرفيا حاسه انى مش عايزة ومش قادرة ارادى اذاكر
دا غير تشيت البال والدماغ قدام المحاضرة وكل شويه اعيد وغير انى حاسة بالذنب على المصاريف الى دافعاها والكتب الى اشتريتها والحاجه دى كلها مش عايزة استسلم او اضيع بس عايزه اكمل واخلص واذاكر بس دا كله من غير ارادة جامده من جوايا مش عارفه مكنتش كمان من اول السنه بالطريقه دى بصراحه كنت ابقى وقت عادى متحمسه وهخلص وبداهت فيديوهات التأسيس الى المدرسين منزلنها وكانت تكون بالتلاته والاتنين ووقت طويل وكنت بذاكر عادى ومش مفرقه بين السنه الى فاتت
بس بعدين بقيت الشبكه عندنا حصلت فيها مشكله وباظت ولحد م عملناها كلها من جديد وكنا كل شويه نعمل فيها حاجه ومتشتغلش لحد مع الوقت بقيت مش عارفه اتصرف وكل مره تضعف واوقت بيضيع ومره على مره نستنى ونشوف لحد م نصلح نجيب الجهاز لحد مينزل كل دا وانا ارادتى وشغفى وكل حاجه بتقل ومحاضرات بتتراكم وشغف بيزول وإراده تحت الصفر
بقيت زى الى عايزه متكملش مع انى كنت عامله مشاكل عشان الشبكه ولما اشتغلت من تلات ايام بقيت حتى مش ليا نفس ولا قادرة وى م تكون حاجه جوايا موقفنا بتقولى كفايا او ابعدى او متذاكريش ومش حاسه بالوقت ومره واحده اتخنقه واحس دا كله عليا و احس بخنقة حرفيا مقدرش اتنفس من كتر ما بحس انى الوقت عدى وعندى كتير المفروض أخلصه ووقت تانى ولا كان عندى حاجه او كأنه عادى
مش عارفه ارجع شغف ولا اذاكر ولا اعمل ايه ولا ازاى اركز وابقى على الاقل زى م كنت السنين الى فاتت العاديه اذاكر لاى سبب اعمل عشان اى حاجه معرفش عايزه حد يقول ذاكرى خلصى اعملى عملت منبه او حاجه عشان حتى حد يقولى ذاكرى اوقفى خلصى زى م كون عايزه حد يجبرنى عشان اذاكر عشان يقولى اعملى ومتعمليش وطبعا مش هقول لحد من صحابى تعالى نتابع مع بعض
أنا من نفسى هجيب عذر ومش هقول لحد أنا معايا ايه وعملت ايه عشان اصلا مش ضامناهم ومش ماشيه معاهم فى المنهج وماما مش بتبقى معايا هنا فى مكانى ومش عارفه بجد حاسه بالذنب على كل وقت وكل الفلوس الى باخدها ويشترك فيهم وفى الكتب وانا لسه فى اول حاجه وقربت على شهر 11 ومش عارفه ألحق نفسى حتى ومش عارفه الم ازاى او اعمل جدول يخلينى اركز واخلص باسرع وقت زى م كون عايزه اخلص كل دا مره واحده او ازيل همهم مره واحده بس ازيل ايه ولا اعمل ايه دا اهم سنه مش عايزه اضيعها ومش عارفه الحل
السلام عليكم، على فكرة ممكن تكوني ذكرت سبب مشكلتك في التفاصيل، أنتِ السنين اللي فاتت مكنتيش حاسة بنفس الضغط والمسؤولية تجاه السنة الدراسية فتعاملت عادي وذاكرت لكن السنة دي أنت في جواك وفي عقلك الباطن مقتنعة إنها سنة مصيرية وأهم من السنين اللي فاتت فطبيعي ده يعمل ضغط على نفسيتك الضغط بيجيب تسويف وبعدين لامبالاة وبرود تجاه الوضع كله. أنتِ محتاجة تعيدي برمجة تفكيرك، أيوه السنة مهمة بس مصيرك مش متوقف عليها، بمعنى، إن حتى لو لا قدر الله محققتيش الهدف اللي عاوزاه فحياتك منتهتش ومش معناها إنك خلاص اتحكم عليكِ بالفشل طول عمرك... النجاح ممكن تحققيه في أي مكان ووقت، المهم إرادتك في تحقيقه وفهمه. **** اقعدي مع نفسك كده قعدة هادية، تكوني لسه صاحية وفايقة، مع قهوة ولا مشروب بتحبيه وورقة وقلم وفرغي كل الدوشة اللي في دماغك عشان تعرفي تفكري في الوضع بهدوء وتلاقي المخرج الواضح. ** طول ما بتركزي على المتراكم هتفضلي مخنوقة وبتسوفي لكن لو ركزت بس على الخطوة الأولى المطلوبة منك ومشيت خطوة بخطوة مهما كانت الخطوات صغيرة أو بطيئة هتلاقي نفسك مع الوقت بتتحركي. *** أنتِ مش محتاجة حد يجبرك ولا يقول لك قومي ذاكري، التحفيز الخارجي مش بيستمر، لازم التحفيز والدافع يكون من جواكِ عشان يكون فيه استمرارية. *** أنصحك كمان، واظبي على أذكار الصباح والمساء وقراءة الرقية الشرعية كل يوم أو قراءة سورة البقرة يوميا (ممكن تقسميها على ٣ أيام) عشان برضه لو فيه أي حاجة زي عين أو حسد تكوني استبعدتها وإن شاء الله ربنا يبارك لك بفضلها ويوفقك. *** بالنسبة للتراكمات فيه أسئلة كتير على التطبيق عن نفس الموضوع ممكن تبحثي عنها في شريط البحث وإن شاء الله تفيدك النصائح اللي فيها. وبالتوفيق إن شاء الله.💚💚
تم النشر الثلاثاء، ١٣ أكتوبر ٢٠٢٦
السلام عليكم، مشكتلك الأساسية ليست صعوبة المواد مثلا بل التشتت في أمور جانبية تفكيريا، من ناحية تريدين التفكير في كليتك المستقبلية ومن جهة أخرى المواد التي لديك الآن، من جهة مصاريف التعليم ومن جهة انك تراجعت.. وهذا التفكير هو الذي يمنع دماغك من التركيز؛ الان خذي نفس عميق وفكري بهذه الطريقة، "الآن لدي مذاكرة وهدفي هو التركيز فيها، الاستفادة من وقتي" هكذا تقومين ببناء اهداف يومية وليس فقط هدف مستقبلي بعيد، اكتبي كل المواد التي لديك الآن وقيّمي نفسك فيها كيف ترين نفسك؟ أي من المواد اصعب بالنسبة لك وكل ذلك... قومي باحضار دفتر للبرنامج اليومي، في أول الاسبوع قومي ببناء برنامج اسبوعي لانهاء اهداف معينة، لا تجعلي البرنامج ثقيل جدا، حاولي عمل أيام خفيفو وايام ثقيلة وتذكري الانجاز ليس ابيض او اسود يمكنه ان يكون رمادي... يمكنك انجار ٣ امور من ١٠ وهذا انجاز، ونحن لسنا في نفس النفسية كل يوم لذلك قومي بتوزيع الأمور بشكل اذا كنت متعبة بيوم معين مثلا يمكنك اكمال ما عليك في اليوم "الخفيف"... وهكذا.. والأهم من كل ما سبق: ١.حافظي على صلاتك ٢. استعيني بالله ٣. اذكري الله في الاستراحات عند الدراسة ٤. اخلصي النية لله مثلا رضى والديك قومي بعمل أهداف يومية وليس فقط اهداف عامة ومشتتة، والدفتر مهم جدا لا تجعلي كل ما عليك فعله في عقلك فقط
تم النشر الأربعاء، ١٤ أكتوبر ٢٠٢٦
أختي العزيزة، أفهم تمامًا الضغط اللي بتمرين بيه دلوقتي في تالتة ثانوي، والإحساس بالتراكم ده بيخلي الواحدة تحس إنها عالقة في دائرة مغلقة، خاصة لما الشغف يقل والإرادة تتراجع رغم إنكِ كنتِ ملتزمة قبل كده. اللي بيحصل لكِ طبيعي جدًا في السنة دي اللي مليانة ضغوط وتغييرات، ومش عيب إنكِ تحسي بالذنب أو الخنقة، لكن ده مش نهاية الطريق، وأنتِ قادرة ترجعي تتحكمي في الوضع خطوة بخطوة. ابدئي بخطوات صغيرة جدًا عشان ما تحسيش بالإرهاق من أول يوم. اختاري محاضرة واحدة بس، وقسميها لأجزاء قصيرة زي 20-30 دقيقة كل مرة، وركزي على إنكِ تخلصي جزء واحد فقط في الجلسة دي بدون ما تفكري في الباقي كله. استخدمي ورقة أو مذكرة بسيطة تسجلي فيها كل ما تخلصي جزء، عشان تشوفي التقدم قدامكِ وده هيحفزكِ تكملي. حاولي تحددي وقت ثابت يوميًا، حتى لو ساعة أو ساعتين في البداية، وتجنبي الجلوس قدام المحاضرة الطويلة مرة واحدة؛ قسميها وخدي فترات قصيرة بين الأجزاء للراحة بدون ما تتركي الموضوع كله. تذكري إن السعي للعلم عبادة، وادعي الله دايمًا بالتوفيق والثبات، وقولي "حسبنا الله ونعم الوكيل" لما تحسي بالضغط، فالإرادة بتيجي من التوكل عليه مع العمل. ركزي على هدفكِ القديم ولماذا كنتِ عايزاه، واكتبيه في مكان واضح قدامكِ عشان يرجع يذكركِ. لو لقيتِ صعوبة في التركيز، جربي تبدئي بالمحاضرات الأسهل أو اللي فيها أسئلة بسيطة عشان تبني ثقة، ومع الوقت الإنجاز هيزيد. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ مش لوحدكِ في ده، وكل خطوة صغيرة هتقربكِ من هدفكِ إن شاء الله. خدي نفس عميق وابدئي النهاردة بجزء بسيط، وهتلاحظي الفرق تدريجيًا.
تم النشر الثلاثاء، ١٣ أكتوبر ٢٠٢٦
مصادر التشتيت زي السوشيال ميديا والتليفزيون وغيرها واكيد الصحبة الغير مناسبة أسباب كافية لعدم تحقيق أي إنجاز.....البعد عن مصادر التشتيت والبدء فوراً في المذاكرة بالاستعانة بالله افضل حل
تم النشر الأربعاء، ١٤ أكتوبر ٢٠٢٦
لعرض السؤال في فدني اضغط هنا