السلام عليكم ورحمه الله وبركاته
انا طالبه بكالوريا 2027 ال هي الشهاده المصريه الجديده وبصراحه انا بدات دروس 15/8 وحاليا أقسم بالله معرف حاجه عن المناهج ولا اي حاجه الدرس اخده احل الواجب وارجع اروح البيت اقعد واروح الدرس ارجع تاني ونظامي كدا غير اني معنديش طاقه لاي حاجه يعني يا المدرسه يا الدروس يا المذاكره اعمل اي غير كدا
انا م بعرف اذاكر بليل ممكن انام ع نفسي وانا قعده اخري ب الكتير الساعه عشره بليل بتعب من اقل حاجه ودي بعاني منها من سنه اولي ثانوي تعبت اوي ومش عارفه اذكر والا الم المتراكم القديم أو الجديد وكمان بفكر اقعد الشهر دا من الدروس
حاسه اني معنديش وقت يعني ال بيقول انا بذاكر ست سبع ساعات انا الساعتين بتوعي بيبكوا ف الزوايه تعبت اوي عايزه اخلص بجد ولا فاهمه طريقه حل المسائل الفيزيا ولا الإنجليزي كل المواد نظام جديد تعبت ومش عارفه اعمل
وعندي مشاكل ف عبادتي ومشاكل مع اهلي كل شويه يحصل خناق بينهم وعليا ضغوطات كتير ومحدش حااسسس بيا غير أنه بيقول عادي كلنا مرينا بيه ومن عارفه اعمل وبصداع ع طول وصحتي خايني وعقلي مشتت وحاسه اني مستقبلي بيضيع وانا بموت
يا بنتي اهدى على نفسك كدة واعرفي ان كل اللي انتي فيه ده طبيعي وبيحصل مع كل بنت بتعدي بمرحلة الثانوية اللي بتخوف دي أول حاجة لازم تفهميها ان لسه بدري اوي ومش معنى انك بدأت في اغسطس انك مش هتلحقي بالعكس انتي لسه على البلاط زي ما بيقولوا والمنهج لسه هينزل وتتلخص تفاصيله وتتلم مرة واتنين وتلاتة فسيبيها على الله واهدي بلاش موضوع الانهيار ده اللي بيضيع نص طاقتك وانتي قاعدة تندبي وخلاص نظام الثانوي الجديد مش معجزة ولا شعبة صعبة هو بس محتاج حد فاهم دماغه وشغال بذكاء مش بغشومية ولا حفظ اعمى يعني سيبيكي من اللي يقولك بذاكر عشر ساعات في اليوم دول ناس بتهلس او بيقعدوا يسرحوا اكتر ما بيحصلوا انتي آخرك ساعتين تforcus فيهم بجد وبتركيز يساووا عشر ساعات من اللي بيقعدوا يمثلوا انهم بيذاكروا فيهم تعب جسمك ده سببه انك ضاغطة على أعصابك ونايمة نوم مقطع ومركبة ميت الف هم فوق راسك مرة واحدة فظبطي نومك وكلي لقمة عدلة واهدي مع اهلك وفهميهم بالراحة انكم في مركب واحدة ومش ناقصة نكد وشد وخناق وانتي والله هتععدي وهتعدي بامتياز كمان بس بطلي استعجال على الرزق ومن كتر القلق هتقع في الشغل فخديها خطوة خطوة وكل يوم لمي اللي تخليه يتلم وبكرة تفتكري الكلام ده وتضحكي على اللحظات دي.
تم النشر الثلاثاء، ٢٠ أكتوبر ٢٠٢٦
وعليكم السلام ورحمة الله وبركاته، يا بنتي. أولاً، أحب أقولك إن شعورك بالإرهاق والضياع طبيعي جدًا في ظل الضغوط دي كلها، وإنك مش لوحدك في المعاناة دي. كتير من الطالبات بيمرّوا بنفس الإحساس مع النظام الجديد للبكالوريا، خاصة مع تراكم المواد والضغط العائلي والصحي. خلينا نركز على خطوات عملية تساعدك تبدئي تتحركي بدون ما تحسي إن كل حاجة لازم تتغير مرة واحدة. ابدئي بخطة يومية بسيطة تناسب طاقتك الحالية. بما إنك مش بتقدري تذاكري ليلاً، ركزي على الصباح أو بعد الظهر بعد الدروس مباشرة لمدة ساعة أو ساعتين فقط في البداية، تقسميها على مادة واحدة أو اثنين. مثلاً، خصّصي 30 دقيقة لفهم مفهوم في الفيزياء (ابدئي بمسائل بسيطة وفككيها خطوة بخطوة: اقرئي السؤال، حددي المعطيات، ثم طبقي القانون)، وبعدين ساعة للإنجليزي بقراءة نص قصير أو تمارين يومية. ما تحاوليش تحلي كل الواجبات دفعة واحدة؛ ركزي على الفهم أولاً، واستخدمي مذكرات صغيرة تكتبي فيها النقاط الرئيسية. أما بالنسبة للمتراكم القديم، ابدئي بالمنهج الجديد دلوقتي عشان ما تزيديش الضغط، وخصصي يوم في الأسبوع لمراجعة سريعة لجزء صغير من القديم. بالنسبة للعبادة والمشاكل العائلية، حاولي تحافظي على صلواتك حتى لو مختصرة في البداية، لأن الصلاة بتدي طاقة وتوكل على الله اللي هيساعدك تتجاوزي. لو الخناقات بتأثر عليكِ، حاولي تتكلمي مع أهلك بهدوء في وقت مناسب وتعبري عن احتياجك للهدوء بدون ما تدخلي في تفاصيل الخلافات. وبالنسبة للصداع والتعب المستمر، لو استمر، استشيري طبيب عشان تطمني على صحتك وتكملي بقوة. تذكري إن التقدم البطيء أفضل من التوقف، وكل يوم صغير هيبني لكِ أساس قوي لـ2027. ابحثي عن أسئلة مشابهة على فدني عشان تشوفي تجارب تانية، وخدي خطوة واحدة النهاردة بس. أنتِ قادرة، ومستقبلك مش هيضيع طالما بتحاولي.
تم النشر الثلاثاء، ٢٠ أكتوبر ٢٠٢٦
لعرض السؤال في فدني اضغط هنا