انا في تانيه بكالوريا المفروض فات 3شهور من السنه كلها انا ثانويه عامه ومن الاول السنه مراكمه ومش عارفه اى حاجة بجد ف المنهج وكل دروسي اونلاين بسمع شويه صغيرين وبزهق وبحس ب ملل الموضوع مستفز بجد وبنسي اى حاجة ذاكرتها ومراكمه محاضرات قد كدا ومش عارفه ابدا منين ولا اعمل اى وهخلص امتى يكون راكمت تانى وبزهق من المذاكرة بجد وبسرح احيانا وتفكيري بيتشتت
السلام عليكم، أنتِ حاسة بزهق وبتملي بسرعة أول ما تبدئي تذاكري عشان المذاكرة بالنسبة لك هم وضغط كبير فطبيعي نفسك تلجأ للتسويف والهرب عن طريق الملل والشرود. متفكريش خالص في المتراكم لأن ده هيضغطك أكتر. ** دلوقتي أنتِ محتاجة تعيدي برمجة نفسك من ناحية المذاكرة، ارمي أي ضغوط ورا ظهرك ومتفكريش حتى في امتحانات نهاية العام ولا النتيجة ولا توقعات أهلك ولا حتى توقعاتك أنتِ. خلي تركيزك بس على إنك تذاكري وفهمي نفسك إنك الفترة اللي هتقعدي فيها تقرأي من الكتاب أو تسمعي الشرح فأنتِ بتتعلمي حاجة جديدة وبتكتسبي معلومات مكنتيش تعرفيها قبل كده. وقسمي المذاكرة لفترات قصيرة، ده بيخلي نفسك متحسش إنها داخلة على مهمة صعبة محتاجة وقت طويل وهتاخد جهد. وده هيقلل التسويف والملل معك. *** خلي في تفكيرك دايما صورة لهدف تشجعك وتحفزك كل ما تحسي بملل أو حمسي نفسك بمكافأة بحاجة بتحبيها لما تخلصي أجزاء حددتِها لنفسك من المذاكرة. *** ابدئي واحدة واحدة وخدي جزء بسيط من القديم مع الجديد عشان مفيش حاجة جديدة تتراكم وتكوني بتخلصي من القديم تدريجيا. ** مرة تانية، بلاش ضغط وتوتر وخوف من التوقعات. ده أكبر عائق في طريقك بالثانوية العامة. توكلي على الله وابدئي وربنا يوفقك إن شاء الله. 💚💚
تم النشر الاثنين، ١٩ أكتوبر ٢٠٢٦
أول حاجة، أنا فاهمة إحساسك تمامًا يا قمر، التراكم ده بيخلي الواحد يحس إنه غارق ومش عارفة تبدئي منين، وده طبيعي جدًا في الثانوية العامة خاصة لما الدروس أونلاين والملل بيجي بسرعة. بس الحمد لله إنك قررتي تبدئي دلوقتي، وده أهم خطوة. ابدئي بخطة بسيطة وواقعية: خدي ورقة واكتبي كل المواد والدروس المتراكمة، وبعدين رتبيها حسب الأهمية أو اللي هتيجي في الامتحانات أولًا. متحاوليش تخلصي كل حاجة مرة واحدة، ابدئي بمادة واحدة بس أو حتى درس واحد صغير. مثلاً، اختاري الدرس الأسهل أو الأقصر عشان تبني ثقة وتكملي. حددي وقت ثابت يوميًا، زي ساعتين أو ثلاثة مقسمين على فترات قصيرة (25 دقيقة مذاكرة + 5 دقايق راحة بسيطة بدون ما تسرحي في الموبايل). عشان متزهقيش ومتسرحيش، استخدمي طريقة "التدريس الذاتي": بعد ما تسمعي الدرس، اكتبي ملخص بكلماتك أو شرحيه لنفسك زي كأنك بتشرحيه لحد تاني، ده بيساعد على التذكر أكتر من السمع بس. كمان، راجعي اللي ذاكرتيه كل يوم قبل ما تبدئي جديد، عشان التراكم ما يزيدش. لو حسيتي بالملل، غيري المادة أو المكان اللي بتذاكري فيه، وخلي هدف يومي صغير زي "هخلص الدرس ده وأحل 5 أسئلة عليه"، وكافئي نفسك بحاجة بسيطة بعد كل إنجاز. بالنسبة للتراكم الكبير، قسميه على أسابيع: مثلاً الأسبوع ده ركزي على مادتين، والجاي على الاتنين التانيين. ولو لقيتي نفسك بتسرحي، جربي تكتبي الأفكار اللي بتشتتك على ورقة جنبك وترجعي للمذاكرة. هتخلصي إن شاء الله لو استمريتي بخطوات صغيرة يومية، مش لازم تكوني مثالية من أول يوم. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ قادرة، وكل خطوة صغيرة بتقربك من هدفك. لو عايزة نراجع خطة مع بعض أو نعدلها، قوليلي.
تم النشر الاثنين، ١٩ أكتوبر ٢٠٢٦
ربنا يعنيك ويقويكى حاولى ترتبى افكارك وابعدى شوية عن السوشيال هتفرق معاكى فى التركيز والتحصيل
تم النشر الخميس، ٢٢ أكتوبر ٢٠٢٦
لعرض السؤال في فدني اضغط هنا