نجمة ن

كل اشي منعيشه بهاي الدنيا في وراه سبب، الي عم بتعيشيه صعب جدا جدا، الانسان لما بيشعر بالوحدة وما يلاقي حدا من البشر بحس نفسه كأنه واقف مكانه والعالم كلّه عم يتحرك ويتقدّم... بس هاد الشعور افضل من شعور انه الكل حواليكِ ومعك، بس لما تحتاجيهن يعتذروا او يبعدوا او يتغيّروا عليكِ... هل هاد بعني رح تضلي هيك؟ لا طبعا بإذن الله. بدنا نستغل هاد الشعور، ونصير اقوى ونتقرب لربنا، فرحتنا ما بدنا نعلقها بأشخاص، عشان لما ربنا ينجيكِ من هاد الوضع تكوني قوية، يكون حواليكي اشخاص تحبيهن ويحبوكي بس انت داخليا عارفة انه هاد بفضل ربي، انه ربنا الي رزقك، اذا فتتي بموقف صعب تعرفي شو تساوي ولمين تتوجهي، انت داخليا مش بخوف دائم من خسارة أي شخص، لانك موقنة انّه رزق، وموقنة انّه قوّتك وابتسامتك مش بسبب الاشخاص، بل بفضل من الله ﴿وَأَنَّهُ هُوَ أَضحَكَ وَأَبكى﴾ [النجم: ٤٣] ﴿وأنَّه هو أضحكَ وأبكى﴾؛ أي: هو الذي أوجد أسباب الضحك والبكاء، وهو الخير والشرُّ والفرح والسرور والهمُّ والحزن، وهو سبحانه له الحكمة البالغةُ في ذلك. - تفسير السعدي (العربية) نصيحتي إلك ، استغفري استغفري استغفري وما تتركي الاستغفار ولا بأي يوم فقلت استغفروا ربكم إنه كان غفارا * يرسل السماء عليكم مدرارا* ويمددكم بأموال وبنين ويجعل لكم جنات ويجعل لكم أنهارا. {نوح:12،11،10}.

القدر موكّل بالمنطق احمدي الله على نعمة العافية وما تكذبي هيك كذبة مرة ثانية، استغفري ربنا

مش المكان الي بيحدد راحتك النفسية، اقلك؟ ولا حتى الأشخاص.. احيانا في ناس بيكونو الي حواليهن جدّا طيبين ومتفهمين، ومع هيك بيشعروا بضيق وعدم انتماء لشيء.. وعقلهن بيدوّر على غير الموجود في حياتهم. الحل يا عزيزتي هو انك تبدئي بذكر الله، ونصيحتي الك ابدئي بالاستغفار، استغفري كثيرر ، واجعليه ورد يومي، رح تتغير حياتك من كل النواحي صدّقيني، والكلام مش من عندي اصلا، بتلاقي الراحة السكينة، تيسير الامور، تصبير الله لك عند الابتلاء ، والفرج... وَأَنِ ٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِ يُمَتِّعۡكُم مَّتَٰعًا حَسَنًا إِلَىٰٓ أَجَلٖ مُّسَمّٗى وَيُؤۡتِ كُلَّ ذِي فَضۡلٖ فَضۡلَهُۥۖ وَإِن تَوَلَّوۡاْ فَإِنِّيٓ أَخَافُ عَلَيۡكُمۡ عَذَابَ يَوۡمٖ كَبِيرٍ (3) [سورة هود]

بين الرجل والمرأة لا وجود "لحب طاهر" او حب بدون احتياج الطرفين لبعض، وهذه حقيقة لا وجود للفلسفة فيها، بما انه خطيبك عليك النظر الى دينه،اخلاقه، تفكيره، وان كان هناك قبول في قلبك تجاهه، هذا هو المطلوب. الحب الحقيقي لا يأتي الا بعد العشرة الطيبة والمواقف، فترين جدّك لا زال يحب جدّتك ويخاف عليها. اما ان تسأليه ان كان يحبك لنفسك او لشيء اخر برأيي لا يوجد معنى لسؤال كهذا، فلا يوجد شاب سويّ وطبيعي لا يحتاج شريكة حياة، وكذلك الامر بالنسبة للفتاة.

وعليكم السلام ورحمة الله وبركاته لا عادي، هني بيعملوا مقابلة مع اكثر من شخص، قسم من الاشخاص بينرفض من المقابلة الاولى وقسم "بيتأهل" وبعدين ببعتو مهمة وحسب النتائج وحسب الشركة ممكن يبعتو كمان مهمة ، وبطبيعة الحال بدهن يشوفو اكثر متقدمين وسير حياتية، عشان يقدروا يقارنوا ويقرروا صح.. وانت ما تستنى جوابهن اصلا، ضلّك ابعت لشركات تانية، عشان تختصر عنفسك وقت وبالنجاح يا رب

لا طبعا ما تلغي فكرة الزواج، عشان نفسك وعشان اختك كمان؛ بكرا بس تكبر اختك اكيد رح يجي الوقت الي رح يتقدمولها خطّاب، وبطبيعة الانسان بحاجة لشريك حياة، واحتمال كبير يصير بقلبك مشاعر سلبية تجاهها، وهي اصلا ما الها ذنب! ما بصير تعملي صفقة (من طرف واحد) بتتعلق بشيء مهم جدا بحياتك الي ممكن يأثر عليكي بالمستقبل ويأثر حتى على اختك؛ الي ممكن تحس كل عمرها بالندم عشان وجودها اصلا! (بسبب انها أثرت وقيّدت حياتك..) زي ما قالو الاعضاء بالإجابات، بتقدري تتزوجي وكمان تعتني بأختك، يعني مادام زوجك بالشغل ما في مشكلة تكون اختك كل الوقت عندك بالاتفاق معه طبعا، وكمان شوي بصير عندها امتحانات وجامعة وانشغالات، مش ضرورة تكوني عايشة معها بنفس البيت عشان تهتمي فيها الله يبارك فيكِ ويرزقك الزوج الصالح

عزيزتي انظري: user_input = input("Enter a sentence: ") if user_input == "Nobody loves me..": print("I love You") else: print("Input not recognized") هذا كود بسيط يقول اذا ادخل المستخدم "لا احد يحبني" فأظهر له جملة "انا احبك"... هذا هو باختصار التطبيق وكل التطبيقات المماثلة، عبارة عن اوامر وجمل بلا أي مشاعر ولا أي عقل، مجرد اوامر وبرمجة... هل تستحق اهدار حياتك ووقتك بالانغماس بالحديث معها، هل تستحق اعطاؤها مشاعرك؟ تطبيق سيقول لك ما تحبين لا اكثر، هل يستحق؟ ستبحثين عن شخص يشبهه في الحقيقة لكن لن تجدي.. لانه الانسان لن يتصرف معك داىما كما تحبين؛ ستخسرين مهاراتك الاجتماعية هذا اولا، وثانيا هذه خطوة من خطوات الشيطان، فممكن ان يوقعك بالاحاديث الممنوعة، وممكن ان يجرّك هذا على البحث عنها بالواقع، وعندها لا قدّر الله ستغرقين... اوقفي الحديث معه

لأن نفسنا تبحث عن الطريق الأسهل، واما بالنسبة للمعلومات فلا يوجد اي تحدي لإيجاد معلومة جديدة مثلا (وهي بالواقع موضوعة على الرف)... فالإنسان يؤجل حتى يمر الزمن... لكي يرتقي تفكيرك تحتاج الى العمل وبذل مجهود لذلك.. واما لكي تشاهد المقاطع القصيرة مثلا فلا تحتاج اي مجهود تأخذ "الدوبامين" بكل سهولة.. لكنها تكون راحة زائفة فقط سرقة للوقت

السلام عليكم جنى، اولا لازم تستعيني بالله، بالدعاء والاستغفار لانه سبحانه قادر انه يغير حياتك بلحظة وحدة بس، ثانيا، خلي كل تصرفاتك بحياتك بما يرضي الله لانه رح تسهلي على نفسك كثير صدقيني، مهما رحتي واستعنتي بطرق غلط ما رح يزيد حياتك الا سوء، فقط سوء. ان كان انه تئذي نفسك، وإن كان انك تحكي مع حدا غريب وتكوني بعلاقة؛ كلو هاد رح يخرب حياتك اكثر. وطبعا الانت-حار مش راحة ابدا، بالعكس اصلا حياتنا بالدنيا هي مجرّد طريق ومش هي الحياة الاصلية مش هي حياة الخلود الي رايحين عليها، هل من المنطق انه تطلعي من السيارة بهاي الطريق وتروحي النار بسبب انه السيارة مش مريحة؟ انا بعرف انها مش سهلة يا جنى، وبعرف انه الألم النفسي اشدّ كمان من الجسدي، لانه هو الي برافقك بحياتك ، وما حدا رح يفهمك غير الله، حتى انت ما بتفهمي نفسك مرات، بس ربنا بيعلم الي جوانا أكثر منا، لهيك اختصارا لكل مجهود غلط، ولكل تخبّط بالحياة عشان تصلحي حياتك، انا قلتلك الطريق الي رح يصلحلك حياتك. خلي يكون عندك مسبحة وما تتركيها ضلك استغفري ، وحتى بدون مسبحة، ولكن للتشجيع ورح تشوفي حياتك بتتغير بعد الاستغفار، الحوقلة والصلاة على النبي

نعم لقد كان له اثر في حياتي شخصيا، فكما قلتِ لا ندري أي كلمة طيّبة قد غفر لنا بها ذنوب كثيرة، كم حياة قد تغيّرت للايجاب بسببنا... اتمنى ذلك

السلام عليكم🌸؛ سوف اضيف على باقي الاجابات، اولا اذكرك ان الزواج ميثاق غليظ، والطلاق ابغض الحلال، وأن الشيطان يسّره فراق الزوجين هذا اولا، ثانيا مادام الزوج لم يطلقك فورا اذا فقراره لم يكن حاسم، عليك ان تقفي امام الموضوع وتنظري اليه نظرة الشخص الثالث، ما سبب الخلافات؟ هل في طريقة الكلام ام في طريقة الجدال؟ اين هو تقصيره هو؟ ما الذي يفعله مثلا ولا يعجبك؟ والعكس طبعا... كوني صريحة مع نفسك؛ وتذكري الأيام الجميلة معه، أيام البدايات.. تذكري ما علق في قلبك وقلبه من الذكريات؛ اجلسي معه؛ للكلام بطريقة واضحة وواعية؛ قولي له انك لا تنوين الابتعاد وانك تبحثين عن حل؛ وتأكدي الكلام معه بدون غضب، بدون تعصّب.. وبطريقة تفكير واقعية وهادئة... وطبعا قبل كل هذا استعيني بالله سبحانه وتعالى، فهو قادر ان يصلح بينكم وان يجعله زوجا صالحا لك، وان يجعلك زوجة صالحة له... الله سبحانه وتعالى قادر على ان يعيد كل المشاعر الجميلة في قلبيكما وبشكل مضاعف عشرات الاضعاف... اذكري الله، استغفري الله كثيرا ولو جلست لساعات للاستغفار... حوقلي... اسأل الله ان يصلح بينكما ويجعل بينكما المودّة والرحمة وأن يرزقكما حياة هادئة وذرية صالحة🩷

وعليكم السلام ورحمة الله وبركاته، اسأل الله ان يهديك ويهدي الوالدة، اولا لا تقصّر في الفروض. ثانيا ؛ جميعنا في هذه الدنيا لدينا اختبارات متفاوتة في الصعوبة، وشخص يبر والدته وهي سهلة ليّنة بالطبع أجره لن يكون مثل شخص يبرّ والدته وهي صعبة الطباع؛ لذلك الان انت امام تحدي كبير، لكن أجره عظيم بإذن الله؛ كما قلت لك في البداية وهذه اهم خطوة، لا تقصر في الفروض واضف الى حياتك النوافل ؛ ذكر الله؛ الاستغفار ، الحوقلة... ثم بالنسبة لتعاملك مع أمك: ليس سهل صحيح، لكن صاحبها في هذه الدنيا معروفا؛ واطعها في كل شيء بما يرضي الله، ابتسم في وجهها، حضّر لها الطعام احضر لها هدية بين حين الى حين، اسأل عن احاولها كل مرة تراها، ادخل عبارات جميلة بالحديث حتى لو كنت مرهق من المدرسة مثلا.. "امي حبيبتي، نور عيوني، عمري .." فإنه والله حسن الكلام يلين القلوب.. وفي حالة الشتيمة او الدعاء اعتذر منها فورا وقل لها لكنني احبك وانصرف عنها قليلا الى الغرفة مثلا، ثم ادع الله ان لا يستجب دعوتها، الله هو اللطيف الحكيم العليم، هو سبحانه العدل؛ سيشهد على حسن معاملتك لها، وسيكرمك في الدنيا والآخرة بإذنه تعالى

الله يرحمه ويغفر له، ويجبر قلبك جبرًا يليق به سبحانه وتعالى، الفقد هو الحقيقة الي كلنا واجهناها ورح نواجهها مادامنا بهاي الدنيا... الحل بمواجهة الفقد اولا ابعدي عن كل مظاهر الحداد، بعرف صعبة ؛ بس مع الاسف الشديد في عادات مثل احياء ذكرى الميت كل خميس وكل اربعين يوم وكل هاي الامور... لبس الأسود دائما، حرمان النفس من ابسط الأمور وبناء نمط حياة جديد يمتد لسنة كاملة... هاد الاشي الي بيزيد الوجع وبقوم بتجديده... والدك الله يرحمه انتقل الى رحمة الله؛ ودعائك الو بهاي اللحظة بيفيدو جدا، وحتى بتقدري تفيديه اكتر من وهو عايش، ما تنسيه أبدا من دعائك بكل لحظة وبكل موضع استجابة دعاء، ادعي الله يجبر قلبك قولي يا جبّار اجبر قلبي.. وتذكري ما في أي انسان بروح للعدم بإذن الله كلنا رح نلتقي بس تخلص هاي الحياة القصيرة جدًا... لسا في حياة البرزخ والدار الآخرة وطبعا الحياة الدنيا ما بتيجي نقطة من الخلود الله يسعدك ويجبر قلبك❤️

رمضان مبارك ♡ اولا اعرفي انه احتساب الأجر حتى بالأمور اليومية يُعتبر طاعة لله سبحانه وتعالى وعبادة، يعني "الله يحب اذا عمل احدكم عملا ان يتمه" كان الحديث الي كنت احتسبه أيام الدراسة والامتحانات، هاي اولا، بالنسبة لتنظيم الوقت، الي كان يناسبني اني ما بقدر ادرس بعد الفطور يعني بتعرفي احيانا جمعات عائلية، او بسبب ثقل بالجسم، فهاد البرنامج الي كنت امشي حسبو تقريبا: ١. بعد اذكار الصباح، بعد الفجر ببدأ الدراسة، لحد العصر تقريبا، وهيك بكون معك وقت كافي جدا للدراسة، تقريبا ١٠ ساعات ٢. من العصر للمغرب بترك الدراسة يعني ممكن قيلولة ممكن اخصص لقراءة القرآن ٣. طبعا قبل المغرب بساعد امي بالتحضير ٤. بعد التراويح عبادات وبنام شوي بكير يعني ١٠ تقريبا، وبتقدري تصحي لقيام الليل بساعتين وهيك بتكسبي كمان وتذكري انه النيّة واحتساب الاجر مهم جدا، وكمان تذكري انه ذكر الله مش محتاج اصلا وقت كتير، يعني اثناء الدراسة ممكن تعملي كل ساعة خمس دقائق استغفار، وبخمس دقائق بتقدري تستغفري تقريبا ٥٠٠ مرة! لانه سبحان الله الذكر من اسهل العبادات ومع ذلك منغفل عنو.. الله يوفقك

استعن بالله، اللهم لا سهل الا ما جعلته سهلا.. القلق المفرط على المستقبل يُخسرك حاضرك، ما لديك الآن يتمناه غيرك؛ جملة نعيدها جميعا لكن إن تفكّرنا بها بصدق سنرى كم نحن اغنياء، ها لا يعني عدم الطموح طبعا، لكن استبدل القلق بالدعاء، وضيق الصدر بحسن الظن بالله وتأكد انه لن يخذلك سبحانه

اسأل الله ان يفرّج كربتك، شوفي اختي، الحالة الي انت فيها ما في حدا بيقدر يطلعك منها بشكل نهائي غير الله سبحانه وتعالى، ممكن تشغلي حالك بأمور او ماديات او أو... لكن السعادة رح تكون مؤقته تنتهي مع انتهاء السبب.. فانت استعيني بالله، كيف؟ ابدئي بأيسر عبادة , ذكر الله، الان بدون أي مقدّمات ابدئي استغفار... وكلها كم دقيقة وبإذن الله رح تحسي تغيير بقلبك... ما تتوقفي داومي، حياتك رح تترتب لحالها صدقيني طبعا حافظي على الفروض لانه تركها حرام وبكون سبب ضيق الصدر

اولا حبيبتي قولي الحمد لله انه ما وصل الأمر انو تحكي معو، المشاعر الي بقلبك طبيعية لأنك انت نمّيتيها وطورتيها، لما تراقبيه بشكل مستمر، وتتخيلي سيناريوهات معه، هاد الاشي بيوهم عقلك وقلبك أنه في حياة كاملة بينكو وانت فعليا ما بتعرفيه! وطبعا مش بحاجة اقول انه هاد الاشي لا يجوز لانه يجب انه تغضي بصرك، ممنوع تراقبي حساباته ، لما يشرح ما تطلعي عليه اذا حسيتي انه نظرك الو بيفتنك، او برايي خدي عن معلم ثاني وكثفي دراستك عشان توخدي علامات عالية، لانها ممكن تكون مجرد حجج لترجعي عندو... لهيك عشان تنسيه تذكري أمرين: ١. مشاعر الاعجاب والحب الي بقلبك عادي جدا بتروح وبترجعي تحسيها بالحلال بإذن الله حتى مع شخص ثاني ٢. هاد التعلق سببه تصرفاتك لا أكثر، ما تراقبي وحاولي انسي شوي شوي رح تنسيه بشكل نهائي

وعليكم السلام ورحمة الله وبركاته، بداية خلينا نفهم انه تصرفات البشر مش بالضرورة بتعكس الدين، حفظك للقرآن وصلاتك هاي لنفسك وانت فيها عم بتفيدي نفسك، وكل اشي بأجر طبعا وربنا ما بظلم حدا سبحانه، بس فكرة انك رافضة فكرة الحجاب بسبب وجود بنات مش محجبات بالشكل الصحيح هي فكرة غير منطقية ابدا... الحجاب فرض وانت بتآمني بهاد الاشي، اولا تذكري انه هدفك بالحياة ارضاء الخالق وليس الناس، والاشخاص اللي بيطعنو فيكي وبيقذفوكي هني اللي رح يتحاسبو. بس هاد ابدا مش مبرر انه ما تتحجبي... احنا ما منبني دين على هوانا، "بيكفي قراءة القرآن واللبس المحتشم نسبيا" "انا افضل من غيري" "المحجبات ؛ ياما تحت السواهي دواهي" "شفتي هديك المحجبة اللي بتمشي مع شباب؛ على الاقل انا مش محجبة بس ما بحكي مع شباب" كل هاي العبارات هي وساوس لإقناعك انه اللي انت فيه كافي، ولتأجيل فكرة الحجاب الى وقت الأجل لا قدّر الله. مثل ما في بنات محجبات حجاب غير كامل ، في بنات محجبات حجاب كامل وصحيح، وكمان بيقرؤو قران، وكمان بيحفظوه، وكمان ما بحكو مع شباب... دائما قارني نفسك بالأحسن منك، وتذكري كلنا عنا ذنوب ؛ بس الحل هي الابتعاد عن الذنوب والاستغفار والتقرّب لله بالفروض اولا، والنوافل. وفقك الله

بدايةً، قولك:" مشكلتي انني عندي... والمشكلة إني خلاص اقتنعت" يدل أنك وإن كان بغير قصد الا انك تعترفين انّ هذه مشكلة كبيرة، باختصار شديد، مادمت تصرين على هذا التفكير فلن تشعري بالراحة أبدا ولن تتأقلمي مع أحد الا بالوهم ، وان كنت قد نجحتي في حياتك بعد الالحاد فهذا غير مؤشر ابدا على ان طريقك هو الصحيح بل هذا مؤشر مخيف جدا:  {فلما نسوا ما ذكروا به فتحنا عليهم أبواب كل شيء حتى إذا فرحوا بما أوتوا أخذناهم بغتة فإذا هم مبلسون} (الأنعام:44) ربما ستقولين "جميل مادامت الأبواب ستفتح في وجهي" ، لكن إعلمي ان الراحة ليست بالماديات بل بالروح: وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ (124) {سورة طه} لن اقول ١٥ سنة صغيرة، بل سأقول انقذي نفسك قبل فوات الأوان... لا أحد يعلم متى سيذهب من هذه الحياة، ولن يفيدك أي بشر، وطبعا لن يفيدك الشيطان الذي وسوس لك في كل هذه الافكار، فكما قال الله تعالى في سورة ابراهيم: وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِن قَبْلُ ۗ إِنَّ الظَّالِمِينَ لَهُمْ عَذَابٌ أَلِيمٌ (22) انصحك بمتابعة قصص الملحدين الذين قد دخلوا للإسلام لا تكوني كالكثير مِن مَن دخلوا في عالم الفلسفة الذي لم يضف لهم أي شيء سوى أنهم ماتو على الإلحاد وخسروا الدنيا والآخرة. وأما بالنسبة للدعاء واستجابة الدعاء؛ هناك شروط للاستجابة منها اليقين ؛ وهناك اسباب لعدم الاجابة منها الاستعجال: وَعَنْ أبي هريرة أَنَّ رَسُول اللَّهِ ﷺ قَالَ: يُسْتجَابُ لأَحَدِكُم مَا لَم يعْجلْ: يقُولُ قَد دَعوتُ رَبِّي، فَلم يسْتَجبْ لِي. متفقٌ عَلَيْهِ. اسال الله ان يهديكِ ويعافيكِ

وعليكم السلام ورحمة الله وبركاته، الحل اولا انك ترجعي للصلاة، والافرازات الكثيرة مش لازم تكون سبب يمنعك من الصلاة؛ لانه ما في سبب الا الحيض في وقت الدورة... بالنسبة للطهارة والى اخره اسألي دار الافتاء اكيد الها فتوى، والدين دين يسر.. فهاي اول واهم نقطة وصدقيني لذا ما اخدتيها مش عنجد رح تتحسني! نظمي وقتك، كثر النوم بيعمل خمول؛ نامي اقل عشان تحسي بنشاط اكبر، استبدلي القهوة بمشروبات ثانية مثلا عصير برتقال،،، او شاي سخن مع حليب.. اعملي رياضة الصبح او اخر اليوم وينتا بناسبك. وتذكري انها فترة وبتمرق ، خليها تمرق وانت مستغليتها صح وبنتائج بترضيكي واعرفي مادامك بتتوتري اقل ما دام الاعراض رح تقل... بالنجاح♡

لا توجد هنالك معادلة للحساب... الأمر يتعلق بك وبقناعتك بأنه يمكنك ان تحبّي وتعطي فرصة لشخص اخر يتقدم لك؛ فكم من امرأة توفي زوجها او تطلقت ثم وجدت العوض في رجل آخر وتزوجت... وكم من فتاة تمت خطبتها اكثر من مرة ولم يتم الامر بالزواج ثم وجدت شريك حياتها المناسب في الوقت المناسب... اريدك ان تنظري لحياتك، كيف يمكنك ان تشغلي نفسك، هوايات او "كورسات" او رياضة.. قومي ببناء حياتك وشخصيتك وطبعا لا تتركي الدعاء والاستغفار فإنه والله اثره عظيم

الله يرحمها ويغفر لها، إنّا لله وإنا اليه راجعون... فعلا الأم هي قطعة من القلب وفقدانها ما في اي اشي بالحياة ممكن يعوضو، بس هاي هي الحياة وهاد كلو اختبار؛ بيوجع صح بس ربنا سبحانه وتعالى خبّرنا انه كل اشي بالدنيا فاني، بس الخبر الحلو الأول هو انه احنا البشر ما منروح للعدم، ما في اشي اسمه خلص هاد الانسان ما عاد موجود، هو مش موجود بالحياة الدنيا فقط، انتقل لحياة البرزخ الي علمها عند الله، وبالنهاية كلنا بإذن الله منلتقي بالجنة، منلتقي مع ذكرياتنا وشخصيتنا الي اكون بتكون افضل بإذن الله، ما في غيرة ولا حقد ولا اي اشي سلبي من امراض القلوب او امراض الجلد، للخلود، ما في خوف من الموت ما في خوف من المرض ولا الخسارة... وفي كمان خبر حلو إنه انت بتقدر تبرّ امّك حتى وهي متوفاة، عن طريق المداومة على الدعاء لها بالمغفرة والتصدق عن روحها... ولما انت تبرّ والديك ربنا بيرضى عنّك وبيستجيب دعاءك بإذنه تعالى؛ اقرأ هاد الحديث الي بيطمن القلب: وعن عمر بن الخطاب أنه قال: قدم على رسول الله صلى الله عليه وسلم بسبي فإذا امرأة من السبي تبتغي إذا وجدت صبيا في السبي أخذته فألصقته ببطنها وأرضعته، فقال لنا رسول الله صلى الله عليه وسلم: أترون هذه المرأة طارحة ولدها في النار؟ قلنا لا والله وهي تقدر على أن لا تطرحه، فقال رسول الله صلى الله عليه وسلم: لله أرحم بعباده من هذه بولدها. رواه مسلم. ربنا هو اللطيف والرحيم، ادعي وتقرّب له، وانا اظن اساسا انه الوالدة الله يحرمها دعتلك بالتوفيق بحياتك كلها، وهاي الدعوة اكيد لساتها مرافقتك ورح تضل بإذن الله. الله يرحمها

انا جدا بآمن انه الاصحاب الحقيقية ما بتوخديهن بالتخطيط، او بنجميع شلة وهاي الامور... خلي علاقتك طيبة ومع الوقت لحالك رح تتقربي من البنات الي بيشبهوكي، المواقف، الوظايف وكل هاي الامور المشتركة بتخليكي تعرفي مين ممكن تكون صاحبتك /صاحباتك.

استعن بالله، عند سماع الاذان قم فورا للصلاة بدون اي تفكير، كما لو انه جاءك خبر طارئ بين الحياة والموت.

شوفي في طريقين، الاصعب انه تقولي نيتك وما تروحي وطبعا بشمل فيه النهي عن المنكر وطبعا الأجر اكبر بإذن الله، بس انا عن نفسي مرات بحس الوضع صعب او ما بقدر اواجه وهاد ضعف مني احيانا، فبيني وبين نفسي بقول انه بتهمني النتيجة وهي "اني ما احضر"، فبقول سبب او حجة ثانية (بدون كذب) كيف يعني بدون كذب؟ يعني مثلا "عندي امتحانات"، انا ما قلت رح ادرس بهاد اليوم قلت سبب عام، فما بكون كذبت اذا ما درست بهاد اليوم.

الله يهديكِ ويكون بعونك ويشرح صدرك. المشكلة الأساسية الي عم بتخليكي بنفس المكان هو ظنك إنه مستحيل حياتك تتصلح، وبإنه مستحيل تعيشي حياة البنت العفيفة الي كنتي تحلمي فيها، لانه حسب رأيك "ما ضل في امل؛ او خربت حياتك للأبد"، مشكلتك انه بتعرفي كثير امور بس مش عم تقدري تنفذيها او تداومي عليها، يمكن بتشعري انه خلص ما عاد في فايدة. ربّنا رزقك باب التوبة، مادامك بتتنفسي مادام باب التوبة مفتوح، والتوبة بتأدّي انك تطلعي من كل اشي انت فيو، معناها تحسي بالراحة الحقيقية، انّك تشوفي ارزاق وتيسيرات لأمور انت ما كنتي بتتخيليها، الشيطان اوهمك وخوّفك انك خلص راحت عليكي ما رح تعيشيها! وهاد من وسوسة الشيطان للانسان عشان يبعده عن الجنة. ما بعرف اسمك، .بس رح اقلّك يا صفاء، لأني على امل كبير إنّه حياتك وقلبك رح يصيرو صافيين ، ورح ينتهي هاد الكابوس الي عم بتعيشيه. يمكن الطريق بنظرك طويلة ، بس تذكري انه الاستعانة بالله هي الي رح توصلك، مش قوتك! انت عليكي توخدي خطوة بس، خطوة صادقة وحدة قال رسول الله صلّى الله عليه وسلّم في الحديث القدسيّ عن الله سُبحانَه وَتَعالَى:  من ذكرني في نفسِه ذكرتُه في نفسي ومن ذكرني في ملأٍ ذكرتُه في ملأٍ خيرٍ منه ، ومن تقرَّبَ إليَّ شبرًا تقربْتُ منه ذراعًا ومن تقرَّبَ إلي ذراعًا تقربتُ منه باعًا ، ومن أتاني يمشي أتيتُه هرولةً. ابدئي بالذكر صفاء، الاستغفار، رددي الاستغفار من هاي اللحظة وانت مكانك، اولها يمكن رح يكون ثقيل على لسانك ما توقفي، يمكن تجيكي افكار زي انه "وقفي هاد الاستغفار مش من قلبك" ، ما تردي ما توقفي،، كملي... هاي البداية، وامّا الباقي فإنت من نفسك رح تشوفيها عم تتغير، بعقلك وتفكيرك وروحك.. انت من نفسك رح تشوفيها عم تترتب بطريقة ما كنتي تتوقعيها ولا اصلا تحلمي فيها ... ربنا لو ما بحبك؛ ولو ما يريد لك الخير، كان ما هداكي تكتبي هاد السؤال.. رح تتحول حياتك لصفاء صدقيني، انت ابدئي🤍

وعليكم السلام. حسب كلامك وحسب رأيي ظالمة مع الاسف. انت عارفة وجع الاجرين هاد شو الي بخليه أسوء؟ الضغط النفسي والمعاملة الي عم بتعامليها لبنتك، .ابوها الله يرحمه فكر فيها وكان رحيم عليها، بس هي خسرت سندها وروحها، وكمان امها اجت عليها! وانت عارفة انو امراض الاعصاب جزء كبير منها مكتسب من المعاملة الي بواجهها الشخص بحياته؟ بكرا ابنك بتجوز وبتجيلك كنة ورح تضطري تعامليها احسن معاملة عشان ابنك حبيبك، والله اعلم شو بتكون طينتها ، وساعتها بتعرفي قيمة بنتك الي بين ايديكي. بس الخبر الحلو انه مفتش الاوان، غيّري معاملتك مع بنتك واعطيها الحنان وعامليها زي ابنك، البنات هني الي بيضلّو الحناين على الاهل بالغالب. وتذكري اذا ضليتي هيك تعامليها رح تصير تدوّر معاملة منيحة من الغرباء. غير المشاكل النفسية الي رح تسببيلها ياها. تمام الجنة تحت اقدام الامهات على عيني وعلى راسي ، بس زي ما في برّ الوالدين في برّ الابناء. والأبناء القصد البنات والاولاد مش بس الذكور يخالتي.

ممكن سمعتي هاد الكلام من قبل، بس صورتك عن نفسك بتظهر على ملامحك، يعني اذا انت بتكرهي شكلك الاشي بيظهر فعلا والعكس صحيح ياما بنات ملامحهن عادية بس بيهتمو بنفسهن وعندهن ثقة بنفسهن، ضحكتهن وشخصيتهن كلها بتحلّيهن اكثر واكثر... واقلك كمان اشي؟ قيام الليل بينور وجهك: فإن الجزاء من جنس العمل فإنهم لما احتملوا ظلمة الليل وهانت عليهم مكابدتها جازاهم الله بأن نور وجوههم، فقد قال سعيد بن المسيب رحمه الله : إن الرجل ليصلي بالليل، فيجعل الله في وجهه نورا يحبه عليه كل مسلم، فيراه من لم يره قط فيقول: إني لأحب هذا الرجل. وقيل للحسن البصري رحمه الله: ما بال المتهجدين بالليل من أحسن الناس وجوها ؟ فقال لأنهم خلوا بالرحمن فألبسهم من نوره. اهتمي ببشرتك، داومي على روتين صحي اشربي مي منيح اشربي مشروبات بتحسن من البشرة مثلا الشمندر او داومي على أكل البطاطا الحلوة... اعملي رياضة حبّي شكلك وصدقيني الاشي رح ينعكس على جمالك وثقتك بشكلك.

كل اشي قلتيه بكفّة وقلك غبية بكفّة ثانية، شخصيا نفرت من هيك شخصية من دون مأقعد معو.. تذكري اختي اسلوب الكلام اهم اشي، حتى لو في حب اذا اسلوب الكلام فيو تقليل منك هاي علامة حمرا للمستقبل... بعدين بلا مؤاخذة انت مش كبيرة بالعمر ٢٥ سنة صغيرة، الموضوع بيضغط شوي بعرف ، بس انت صبية وما حدا دخل فيكي قبل، يعني بكر. والفرص قدامك بإذن الله... استخيري واسمعي صوت قلبك وفكري منيح، ما تقرري حسب كلامي ولا حسب كلام غيري، انت استخيري وقرري بنفسك، واهم اشي اكثري من الاستغفار {فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُم مِّدْرَارًا (11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (12) } [ نوح]

وعليكم السلام، عشان تلاقي حل لطريق معيّنة بغض النظر شو هي المشكلة ، لازم تروحي على الطريق المستقيم وربنا بيوفقك... وكبداية مهم تعرفي انه اصلا الكلام مع ابن خالتك كل هاي المدة كان حرام، حتى لو هو مسلم، هو اجنبي عنّك، والاصعب من الغلط هو انو ما نشوف انه غلط، وكل طريق مش صح بيكون صعب ومعقد ونهايته ما بترضينا في حالة اصرينا على هاي الطريق.... بالنسبة لنقطة رفض اهلك شخص بسبب انه ما تعلم، هاد كمان غلط،، في هاد الزمن اصبحنا نقدس الشهادات الرسمية بشكل فظيع مع انه التعلم ما بكون بس بالشهادة وانما بالحياة والشغل وحتى تعلم شخصي بدون الدخول لجامعة مثلا. وممنوع اي شخص يكون في قلبه مثقال ذرة من كبر او استعلاء. فالحل يا عزيزتي هو انه تستعيني بالله وتتركي الي بيغضبه ولو كلمة مع شخص اجنبي عنك، تصاحبي اهلك بالدنيا بالمعروف وتبريهن. تدعي الله وتقومي الليل وتكثفي الاستغفار. واذا اخلصتي بكل النقاط الي قلتلك عنها كل مشاكلك وامورك بتترتب بشكل انت ما كنتي رح تعرفي ترتبيه اصلا بإذن الله.

الاشي بيتعلق بطريقة تفكيرك وتفكيرها في شباب ما تعلمو بس عندهن فطنة وذكاء واجتهاد رهيب وبمقدورهن يتطورو اكثر من المتعلمين بكتيير. في منهن ما بآمنو اصلا بالشهادات وما بحبو يوخدو شهادة، بس بطورو نفسهن بنفسهن شوف وين انت وكيف طريقة تفكيرك واذا هي قريبة على طريقة تفكيرها وهيك يعني شوف التوافق غير هيك ما في اشي بمنع

حسنا كنت قد كتبت اجابة وحذفتها لانني شعرت انها غير مرتبة ولا تجيبك مباشرة على سؤالك. مجال تحليل البيانات data analysis هو فرع عمليا من علم البيانات data science, الذي يرتكز على الاحصاء، وطبعا الاحصاء بدوره نظرياته معتمدة على الرياضيات. الان هناك طريقين، اذا اردت ان تكون data analyst, وهو الموضوع الاقل صعوبة، هناك الكثير من الدورات ويمكنك تعلم الاساسيات بيرعة وعملك بالاساس سيكون عادة في ال excel, tableau... وهي بالعادة هناك طرق "مبنية" للتحليل ولا تحتاج لكتابة أي كود. لكن ان اردت ان تصبح محترفا في مجالك وتحمل مجال اوسع فخيار ال data scientist ممتاز لكنه غير سهل، عليك ان تجدّ بالدراسة، يمكنك تعلم احصاء وبعدها هذا اللقب او حسب المسارات في بلدك... الان عالم البيانات يستخدم البرمجة بالاساس والمستخدم في التحليل في هذه الاونة R, python... يمكنك استخدام تطبيق spyder للبايتون وتطبيق Rstudio لل R... حسنا ما الفرق في العمل غير الطرق؟ محلل البيانات data analyst يقوم بتحليل البيانات الموجودة في الشركة او المؤسسة لوصف الوضع والتطور والعلاقات بين المتغيرات عن طريق رسوم ونتائج معيّنة للعيّنة وما الى ذلك، واما عالم البيانات فبالاضافة الى ما يعمله محلل البيانات يقوم ببناء models او machines لتوقع ماذا سيحدث بناء على ما في يديك(ساوضح لك هذا) ، وبالاساس يتم استخدام ML اختصار ل machine learning... مثلا مستشفى لديهم عينة حالات عن اشخاص قامو بأخذ لقاح معيّن، وتظهر في البيانات عدة متغيرات في الجسم والمتغير المهم فرضا هو x, بناء على معلومات الاشخاص ونسب امور معينة في الدم وما الى ذلك يتم بناء ML وتقسيم الداتا ل train , test وكل هذه التفاصيل ستذكرها ان تعلمت الموضوع؛ وبعد ذلم يمكنهم توقع x بناء على معلومات شخص اخر غير موجود بالبيانات... طبعا لكل model هناك نسبة خطأ وظيفتك تقليله... ملاحظة مهمة جدا كثيرا ما يتهاون من يريد تعلم الموضوع بها وهي الاحصااااء الاحصااء امر اساسيي في تحليل البيانات... هي التي ستفرق بين الذي يفهم ماذا يعمل وبين من يريد فقط اخذ نتائج واظهارها.

طبعا اولا يجب ان تتابع مع طبيب نفسي لمتابعة التطور، ثم ان المصابين بطيف التوحد لا يمكن تحفيظهم مثل أي شخص، بعضهم لديهم قدرات حفظ رهيبة وبعضهم لا.. انصح بالاستماع للسورة كل يوم واعادتها، وتحبيبها بسماع القرآن عموما، وليس تلقينها بالطريقة العادية، وبعد الاستماع يمكنك قراءتها معها بصوت مرتفع ، خطوة بخطوة ستحفظ بإذن الله

الحل هو انك تقدري نفسك اكثر وتشتغلي عليها، تعلقك فيو ممكن يكون بسبب ظنك انه ما في مثله او ما في حدا رح يتقدم، مع انه الله هو الواسع، بيتفحلك الابواب بصورة ما بتتوقعيها، بس كمان بدك توخدي بالاسباب، اعملي نظام غذائي واشتغلي على صحتك، من رياضة وصحة نفسية، حبي نفسك وتقربي لربنا، استغفري كتير كتير ؛ بالاستغفار ربنا بيفتح الابواب المغلقة... وما تشوفي الأكل انّه عدوّ او اشي سلبي، بالعكس ، فكري فيها انه جسمك عشان يقدر يشتغل صح لازم يوكل اشياء مفيدة، من لحم وخضار وكل هاي الامور ؛ بس كمان عشان مصلحة جسمك بدك توكلي بقدر حاجتك؛ تبعدي عن المقليات والحلويات وهاي الأمور، شوي شوي رح تتعودي؛ دخلي امور وعادات ايجابية ليومك وهاد الشخص رح يروح من بالك ان شاء الله

ممكن اذا اول مرة الها بالحضانة تصير هاي الامور، خصوصة انه في اولاد بيفوتو الحضانة من جيل سنة وسنتين فبكونو متعودين اكتر... حسب رأيي الحل انه ما تضلو تغيرو حضانات هاد اولا؛ ثانيا احكو مع المعلمة عشان تدمجها مع الصف اكتر اجتماعيا.. وحاولوا اعملو فعاليات للحضانة يعني مثلا جيبو كعكة للصف وبتكون "من بنتك" لصفها .. وهيك بتندمج اكثر... بس ما تخلوها على مزاجها بأي وقت تقعد بالبيت وبأي وقت تروح لانه هاد بلخبطها اكتر. بس طبعا تعاملو معها بطريقة ذكية وقريبة على عمرها بدون صراخ.

وعليكم السلام ورحمة الله وبركاته، شوفي اختي لازم تعرفي اشي كثير مهم، شعور الغربة بعد الالتزام مع انه مهما التزمنا منضل مقصرين، بس حتى لو التزمتي باشي بسيط شعور الغربة رح يكون دائما... هاد صراع واختبارات، لما ربنا يهديكي مثلا على الالتزام بصوم الاثنين والخميس الشعور الي عم بتحسيه بكون حلو وقوي وبتكوني شايفة نفسك طايرة من الفرحة، وعندك اهداف وكل اشي مشجع، هاد الشعور مش انت الي فوتتيه على نفسك، هاد هدى من الله، فكونك بدك الي بتحبيهن يشعرو فيو هاد اشي طيّب وتؤجري عليه بإذن الله، بس وظيفتك هي انك تؤمري بالمعروف وتدعيلهن وأما النتائج مش بايدك، الرسول صلّى الله عليه وسلّم كان يحب عمّه ابو طالب ويدعيه كل يوم، وعمّه كان يدافع عنّه ويحبّه اكثر شخص؛ بس بالاخر مات كافر! وهون عم نحكي عن عم الرسول: فإن أبا طالب عم رسول الله صلى الله عليه وسلم مات كافرا، لا يوجد في ذلك خلاف معتبر بين أهل العلم، وقد روى البخاري ومسلم وأحمد والترمذي والنسائي عن أبي هريرة رضي الله عنه قال: لما حضرت وفاة أبي طالب أتاه رسول الله صلى الله عليه وسلم، فقال: "يا عماه قل لا إله إلا الله، أشهد لك بها يوم القيامة"، فقال: لولا أن تعيرني قريش يقولون: ما حمله عليه إلا جزع الموت، لأقررت بها عينك، ولا أقولها إلا لأقر بها عينك، فأنزل الله عز وجل: (إنك لا تهدي من أحببت ولكن الله يهدي من يشاء وهو أعلم بالمهتدين). تذكري دائما انه تصاحبيهن بالدنيا وتطيعيهن بما يرضي الله؛ واما اذا كان في جلسات فيها نميمة او غيبة وانت نصحتي مرة ومرتين وعشرين، دتئما بس تصير في غيبة او نميمة قومي من مكانك، فوتي المطبخ فوتي الغرفة التهي باشي ثاني عشان ما تكون بالمجلس الي بيغتابو فيو الناس... ودائما اسألي الله الثبات، وادعي : اللهم يا مقلب القلوب ثبّت قلبي على دينك وما تزعلي من الاحراجات بالعكس؛ احتسبي الأجر، انت الك الحسنات والي بيحكي عليكي الو السيئات، تعلمي ما تهتمي كتير لرأيي الناس كوني طيبة مع الي حواليكي ابتسمي مع اهلك، وصاحبيهن بالدنيا بما يرضي الله وطبعا ادعيلهن

Habitnow للامانة لسا ما داومت عليه بس تطبيق ممتاز للتخطيط خصوصة العادات الي ناوي تدخلها لحياتك ويومك

لا حبيبتي ما في ضرب ولا اشي، هدول اغلبهن مشعوذين... اقرئي سورة البقرة كل يوم حافظي على اذكار الصباح والمساء . استغفري كتير واقرئي على نفسك الرقية الشرعية من القرآن والسنة هاد هو، انتبهي ما تروحي عند هدول الي بيسمو حالهن شيوخ

تقريبا اغلب التمارين التي ستقوم بها بالنادي الرياضة يمكنك القيام بها بالمنزل... ابنِ لنفسك برنامج رياضي وابدأ من الصفر في المنزل، وحاول استعمال الذكاء الاصطناعي لارشادك في نوعية الاكل التي عليك اكلها بعد وقبل التمرين وكل تلك التفاصيل

لا يوجد أي انسان في هذه الحياة لا يبحث مصلحة له، وهذا ليس نقص او شيء سلبي، على العكس، كل امورنا في الحياة هدفها مصلحة النفس وانقاذها من الحرام والفوز بالجنة، هذه هي القصة. لكنني اعارضك بشدة في قولك انه "لا توجد بنات اصول" وهذا عارٍ عن الصحة، فالتعميم لغة الجهلاء مع احترامي الشديد لك. انتقاء افضل شريك امر مهم، كم مرة ستتزوج الفتاة في حياتها؟ الله اعلم لكن غالبا مرة واحدة. لكن اختيار الشريك عليه ان يكون حسب الأولويات الصحيحة في الحياة وليس حسب الطلب المبالغ فيه بالماديات، وهذا ما ستجده في بعض الفتيات إن بحثت بشكل جيد وباخلاص لوجه الله وارضاءه والابتعاد عن الحرام. الحرام سهل صحيح، لكن لا يوجد أي مبرر للقيام به، ليست وظيفتنا تحليل وضعنا وقياس ان كان الحرام هو الحل او هو الانسب! بل وظيفتنا قول سمعنا وأطعنا. والذهاب للحلول الشرعية مثل الصيام والسعي للزواج. ان العبادة لا تزيد من ملك الله سبحانه وتعالى شيء فالله هو الغني سبحانه وليس بحاجة لنا، بل تنقذنا نحن في الدنيا والاخرة.

لأنك محترمة وما الك بهاي الحركات ما عم بتشوفي معاملة منيحة، لانه ما بترضي ترخصي نفسك لمستواهن بالكلام وبكل اشي، احب لأخيك ما تحبه لنفسك، انا عن نفسي ما بقعد ثانية بهيك محل، وبدوّر على شغل ثاني وبآمن انه ربنا رح يعوضني... كمان تذكري انه لا طاعة لمخلوق بمعصية الخالق والصالح بالبيئة الفاسدة ممكن يتأثر. توجهي لأهلك بالحسنى، وخدي القرار المناسب والصح

ربنا قادر يفتحلنا باب احنا ما كنا متخيلينه، قادر يرتب أيامنا ومشاكلنا بشكل نضل نفكر كيف صار... نفكر كيف صار؟ كيف نجحت الأمور؟ بس ما نلاقي جواب غير بقدرة وفضل ربنا♡ ربنا عظيم خديها فرصة، امسكي المسبحة واستغفري الليلة كتيير وتفكّري بنعم ربنا وقومي الليل وبالغي بالدعاء اسأل الله ان يرزقك الزوج الصالح والذرية الصالحة وان يكثر من ذريتك صالحة معافاة

قدّر الله وما شاء فعل. تذكر اسم الله الواسع، الباب الي مفكّر انه هو الباب الوحيد في ابواب كثيرة غيره ومن نفس النوع ، ان كان الرفض من وظيفة اصبر وطوّر نفسك وما تيأس قدم على الكثير من الوظايف واستعين بالله رب العالمين، وبإذنه تعالى بيرزقك وظيفة افضل وبراتب أعلى كمان.، استغفر كتير ، ربنا رح يرزقك. وإن كان الرفض من بنت تقدمتلها، كمان ما توخد الاشي بشكل شخصي كل القصة نصيب، ممكن هي عندها ظروفها ومش بسببك انت كشخص، وبشكل عام نفس الشخص ممكن اشعر تجاهة بقبول غير طبيعي بينما مثلا بنت تانية ما تطيق تقعد معه... فالقبول بيختلف من شخص للثاني، وبرضه تذكر اسم الله الواسع.

معلش هو لي يكلمك يعني من البداية؟ وكمان حتى يوصل انه يطلب منك طلبات مش كويسة! انت متزوجة! صوني نفسك! تعملي ايه؟ احذفي كل اشي بيتعلق فيه، من التلفون ومن عقلك كمان. اقطعي كل الطرق للتواصل معه. واهتمي بزواجك وزوجك. اذا في امور مش متفاهمين فيها احكو واتفاهمو، توجهي لربنا وادعي يصلح الامور بينكو، ادعي انه يزيد المحبة والمودة بينكو. استغفري ربك

وعليكم السلام، في ١٤.١٠.٢٠٢٤ رزقني الله بشعور اليقين بأن ارزاق الله ورحماته ستنزل عليّ مثل زخ المطر؛ ايقنت بهذا يقين عجيب في تلك اللحظة، بعد ان مررت بكرب شديد... وفي ٦.١١.٢٠٢٤ الهمني الله الاستغفار... وكتبت عندها خاطرة بعنوان "كم فاتني؟" ما شاء الله داومت عليه ورأيت الكثير من الارزاق والنعم ، ولازلت اقرأ قصص لأشخاص قد داوموا على الاستغفار... وهذه قصتي مع اليقين🤍 اسأل الله يهديني وإياكم الثبات على هذا الطريق

بتعمل كتير حساب للي حواليك... لازم ترتب اهدافك واولوياتك وتترك التفكير بالناس ورأيهم.. لما حدا ينادي عليك بترد فورا؟ هاد الطبيعي اصلا، وهاد بدل انك ما شاء الله بتركز بأكثر من مهمة بنفس الوقت وهاي ايجابية مش سلبية. كون واثق بنفسك اكثر... بتحس انهم بيحكو عنك؟ حاول فكر بطريقة ثانية، او لاقي أي مبرر آخر. او اصلا تعلم تعيش من دون التعلق بأفكار الناس وآراءهم. وحتى الشغل ، كلو بسبب نفس الاشي.. لما حدا يقلك اشتغل بتصير تفكر انه ما بدك حدا يفرض عليك، او مثلا "هني بيفكرو انه ما بقدر اعمل هاد الشغل او اني كسول مع إني كنت بدي اعملو من حالي" اترك التفكير بالناس كل شخص يمكن بيحمل هموم وافكار قد الجبال.. كل شخص عنده حياته واهتماماته ومخططاته، والشخص الفاضي يحكي عليك بتكون المشكلة فيو مش فيك، وانت بتكسب حسنات

لا حول ولا قوة الا بالله، لماذا يتم ادخال شخص غريب او غير مطمئن للبيت؟ ولماذا اصلا يدخل احدهم لغرفة النوم !!! على كل حال، لا يوجد شيء يحدث في هذه الحياة الا بإذن الله، تشغيل القران وسماعه امر جيّد ولكن عليها القراءة ايضا؛ انصحيها بقراءة سورة البقرة كل يوم بدون تركها ابدا، وان امكنها تخصيص وقت بعد قراءتها او قبل مثلا ، تدبر آياتها.. - اقْرَؤُوا القُرآنَ؛ فإنَّه يأتي شافِعًا لأصحابِه، اقْرَؤُوا الزَّهْراوَينِ: البَقَرةَ وآلَ عِمرانَ؛ فإنَّهما يأتيانِ يَومَ القيامةِ كأنَّهما غَمامَتانِ أو غَيايَتانِ أو فِرقانِ من طَيرٍ صَوافَّ تُحاجَّانِ عن صاحِبِهما، اقْرَؤُوا البَقَرةَ؛ فإنَّ أخذَها بَرَكةٌ، وتَرْكَها حَسرَةٌ، ولا تَستطيعُها البَطَلَةُ. 《خلاصة حكم المحدث : صحيح 》 البطلة هم السحرة. وايضا انصحيها بالمداومة بأن تقرأ الرقية الشرعية على نفسها كل يوم ، طبعا حسب الاحاديث الصحيحة. كذلك انصحيها بأكل حبة البركة ، ادخالها لنظامها الغذائي... وطبعا المداومة على قراءة اذكار الصباح والمساء. وذكر الله كثيرا وبإذن الله لن يصيبها أي مكروه، اهم شيء المداومة والاخلاص

للالتزام بالصلاة تذكري انها فرض، وواجبة أي انك عليك القيام بها بغض النظر ما هي نفسيتك او وضعك. بغض النظر ان كنت تشعرين الان بالخشوع والرغبة بالصلاة او تشعرين بالثقل واليأس من كل شيء، حتى لو كنت قد اذنبتِ في نفس لحظة الاذان ... في اللحظة الذي يأتي به موعد الصلاة عليك القيام لها وذلك لخطورة تركها. وطبعا استعيني بالله واطلبي التوفيق منه، وهو لن يخذلك سبحانه... وعند الالتزام احيطي نفسك بالنوافل، وادخليها كعادات صغيرة، وعندما ترين ان النوافل تأثرت عدّليها فورا لكي لا يصل التقصير للفروض هدانا الله وإياك

وعليكم السلام، قرأت رسالتك وحسّيت بكل كلمة قلتيها، رح ابلش رسالتي من آخر قسم؛ ربنا سبحانه وتعالى خلقنا وامرنا بعبادته لأجلنا احنا، هو الغني سبحانه، ترك عبادتنا ما رح تنقص من ملكه سبحانه؛ العبادات هي الطريق للجنة صحيح، ولكن أيضا نمط حياة رح يفيدنا بمجرى الحياة، ذكر الله هو سبب لانشراح صدر وتيسير بالأمور، مثلا الصوم هو عبادة وفائدة للجسم، الرياضة كمان عبادة اذا احتسبناها لوجه الله وكمان بتفيد جسمنا، استعمال السواك هي سنّة وبتفيد اسناننا، حتى حركات الصلاة ابحاث جديدة بتقلك انها الها فائدة للجسم، والكثير الكثير... وهاي اول واهم نقطة.. لكل انسان منّا بهاي الحياة صعوبة واختبار خاص فيه، الاختبارات بيننا بتتفاوت بدرجة الصعوبة صحيح، ولكن عبورها كمان بيتفاوت بالأجر، والأجر على قدر المشقة واكثر لانه الله كريم. في اشخاص بالحياة بيتشجعو من اهلهن، في من اصحابهن؛ وفي بيشجعو نفسهن بنفسهن. خلّينا نبدأ بنقطة انه انت مش ذنبك اذا سمعتي كلام سيء من امك او ابوكي، اذا قلولك انت فاشلة هاد ما بعني انك فاشلة،،، يعني باختصار شو مسمعتي من اهلك كلام سيء (بدون سبب) حاولي يكون في حاجز بين الكلمة وقلبك، اسمعيها من هون وطيّريها ما تعيريها اهتمام. انت ذكرتي انه وزنك بسبب مشكلة هرمونية، وهاي المشكلة بتتفاقم بالضغط النفسي لانه الضغط النفسي بيأثر على الهرمونات... تمام شو الحل؟ الحل انّك تبدئي حياة جديدة، انت مع نفسك، ابدئي من الصفر، كوني صديقة نفسك ما تقسي عليها، حاولي ساعدي نفسك للأحسن، ابحثي استعيني بالذكاء الاصطناعي عن المأكولات الي بتعدل الهرمونات مثلا، عن نمط الحياة وما الى ذلك، اعملي رياضة بالبيت ونمّي هواياتك. والأهم من كل ما سبق ما تتركي الصلاة وذكر الله... كل يوم استغفري ربنا كتير ، اعملي ورد يومي للاستغفار ، ما تلتزمي بعدد محدد فقط اكثري من الاستغفار... 5/1873- وعنِ ابْنِ عَبَّاسٍ رضِي اللَّه عنْهُما قَال: قالَ رَسُولُ اللَّهِ ﷺ: منْ لَزِم الاسْتِغْفَار، جَعَلَ اللَّه لَهُ مِنْ كُلِّ ضِيقٍ مخْرجًا، ومنْ كُلِّ هَمٍّ فَرجًا، وَرَزَقَهُ مِنْ حيْثُ لاَ يَحْتَسِبُ رواه أبو داود . □□□ وفي سورة نوح: فَقُلۡتُ ٱسۡتَغۡفِرُواْ رَبَّكُمۡ إِنَّهُۥ كَانَ غَفَّارٗا (10) يُرۡسِلِ ٱلسَّمَآءَ عَلَيۡكُم مِّدۡرَارٗا (11) وَيُمۡدِدۡكُم بِأَمۡوَٰلٖ وَبَنِينَ وَيَجۡعَل لَّكُمۡ جَنَّٰتٖ وَيَجۡعَل لَّكُمۡ أَنۡهَٰرٗا (12) □□□ واما بالنسبة للشخص، ما تفكري فيه؛ ممكن ربنا يرزقك اياه وممكن يرزقك افضل منه، اتركيها على الله وما تقلقي

وعليكم السلام ورحمة الله وبركاته، هاد غالبا جاثوم، وكثير بيصير مع البشر وشخصيا صار معي كمان، بتكوني شايفة الغرفة وسامعة الاصوات حواليكي بس ما بيطلع صوتك، تعوذي بالله من الشيطان الرجيم وما تنامي عظهرك، نامي عجنبك اليمين

بتمنى تكوني بخير دعيتلك بعد الفجر @السائلة

اذكر ايام المدرسة حين كنت اتخبط ليفهمني احد، تارة اشكو لتلك الصديقة تارة لإبنة عمي ، تارة لصديقة جديدة... لم اجد من يفهمني... اما بعد شكواي لله وحدة، لا احتاج لأشكو لأحد، نعم احب العلاقات الاجتماعية، لكن لا احتاج ان يسمع همومي أحد... جلسة دعاء، في اي وقت وخاصة في الاوقات المباركة.. كفيلة بأن تمحو كل همومي وتحلها. الحمد لله

🩷🌷

١. استعن بالله ٢. ركز على العمل واتقانه ٣. اتقن التسويق ٤. لا تستسلم اذا كان النجاح متوسط بالبداية بل ابحث عن النقاط للتحسين دائما.. وتذكر "كل حل المشكلة هي خطوة للنجاح"

ساختصر لك الموضوع، نفسنا تبحث عن الطريق السهل السريع.. مع اننا نعلم ما تقول... يعني مثلا من بثابر ويدرس ويجتهد ينجح، ومن ينجح يرتاح، لماذا الطلاب يتكاسلون عن الدراسة ويفضلون السهر؟ يبحثون عن السهولة الفورية

اقتراح اخر، عند كل سؤال يمكن وضع زر يسأل السائل اذا كان قد استفاد من الاجابة، (نعم/لا) ويجب ان يكون القسم واضح.. وبذلك بناء قسم جديد للاسئلة التي لم يتم الاستفادة من الاجابات بعد.. فحتى لو هناك ٤ اجابات ربما السائل لم يستفيد.. وبذلك وضع قسم حديد بعنوان(الاسئلة التي تحتاج لحل ) او شيء من ذلك القبيل..

بصراحة لا اعتقد ان التطبيق بحاجة للكثير من التحسين، لكن ربما يمكن تحسين دوائر البحث عند كتابة كلمة مثلا تختلط النتائج من اجابات وتعليقات كل ذلك، اظن لو تم التصنيف (حسب القسم وكذلك حسب الوقت) سيكون افضل.. وكذلك التواصل مع الادارة عليها ان تكون بشكل اسهل، وربما قسم خاص بالتواصل ويكون عام كل شخص يكتب سؤال والادارة تجيب...وبذلك تمنعون تكرر الاسئلة التقنية.. هذا ما خطر ببالي صراحة في هذه اللحظات..

🤖💛

"راحة نفسية" يا ذكية؟

ما تواجهيها، بعدي عنها... وما تنقهري يعني بالنهاية الاثم عليهن

{فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُم مِّدْرَارًا (11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا(12) } [ نوح]

ان لم تستطع ان تكون راضيا وشاكرا بما لديك الان، لن تصل الى مرحلة الرضى لو ملكت كل الدنيا.

تمام هو عم بحاول يتخلص من معصية! مش مصر عليها! لي حتى تخبري الوالد؟؟ يمكن اذا خبرتيه تصير مشكلة ويروح اخوكي يفوت بمعصية اكبر، رأيي من رأي اسماء استغفري ربك.

وعليكم السلام ورحمة الله

udemy

لا

غض البصر

فكرة تأجير الشقة ممتازة؛ بارك الله فيك

{فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُم مِّدْرَارًا (11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (12) } [ نوح]

تمام هاتي اقلك اشي، زي مقلت بالبداية تفكير اهلك مش صحيح وكل ما ارتقى الانسان بيعرف انه الشهادات ما بتعمل بني ادم، ياما اخدو شهادات والشخصية زفت، ياما دكاترة ومهندسين ثبت عليهم تهم تحرش وافعال خادشة للحياء... هلي النقطة اتفقنا عليها انا وياكي، واتفقنا انه الكلام مع اجنبي ما بصير حتى ولو كان"ضمن حدود". بس الحياة مركّبة من عدّة امور وشخصيات البشر كمان مركبة، بأثر عليها الزمن بأثر عليها الظروف المادية الي ممكن تصير بأثر كتير اشياء عليها، ربنا قدّر الأمور والاحداث بحكمة ، الكرة الارضية اذا زاحت سنتمتر كل الكون بخرب ؛ لي انا عم بقول هيك؟ عشان اذكرك انه ربنا علمه احاط كل اشي وعلمنا محدود جدا، يعني على الرغم من انه نظرية وتفكير اهلك غلط ممكن ربّنا يكون قدّر انه اهلك ما يقبلو لحكمة.. فمن ناحية منطق وايمان شو المفروض نعمل؟ نتوجه لله ونبعد عن الامور الي بتغضبو ؛ الأمر بسيط وكل اشي ممكن ينحل بلحظة، ممكن لما تبعدي عن هاد الشخص نهائيا وتبرّي اهلك ربنا يقدّر انك تتزوجيه! ممكن رينا يقدر انّك تنسيه بشكل نهائي ويرزقك افضل منه بأضعاف، ما بعرف! هاي كلها حكمة وتقدير من الله... والحل مش معقد♡

لا يوجد هناك داعي لكل هذه المقارنة ، الزواج ليس منافسة، ولا تحدي، بل مودة ورحمة، وان كنت قد تقدمت لفتاة ولم يحدث نصيب ذلك ليس مبرر لأن تدخل في عقلك كل تلك الامور والمنافسات، بل ذلك يعني انه ربما الوقت غير مناسب لك ، ربما عليك البحث بشكل افضل على الفتاة التي تلائم شخصيتك، لكن الاكيد انه لا توجد فتاة عل وجه الارض ترضى بأن تبدأ حياة تنافسية، بل تريد من يعينها على امور دينها ودنياها... اما بالنسبة "للقايمة" فللامانة لا ادري ما هي بشكل مفصّل لاننا لا نستعملها في بلدنا، بل الفتاة عليها احضار شيء بسيط للمنزل واما باقي الامور على حساب الزوج وذلك حسب العادات والتقاليد؛ وان احضرت الفتاة مثلا اثاث او ادوات منزلية فقلّة ما تكتب ذلك. لكن من جهة اخرى ان كانت كتابة هذه القائمة عادة عندكم فربما جاءت بعد ان حدثت حوادث ظلم ونهب لبعض الزوجات بعد الانفصال.. لذلك لا الوم الجميع... وربطك سهولة الوصول للذنب كمبرر للذنب نفسه هي حيلة من الشيطان لكي يوقعك به وتبرر لنفسك ذلك... امامك طريقين، اما ان تجلس وتبحث الاختلافات بين حياة المرأة والرجل وتكون مناهضا للرجل وتفني حياتك في قول "حياتي اسهل منك" او "الفتيات هم السبب"، او "لا توجد فتاة صالحة" وكل تلك التعميمات... واما ان تستهدي بالله وتبحث عن الزوحة الصالحة وتعمل على تطوير نفسك؛ وذلك خيارك انت. تحياتي

بتفق مع اسماء جدا، مع اختلاف صغير بآخر قسم، بنصحك تسمعي مقاطع مترجمة عشان تعلق الكلمات ومعانيها بعقلك، وحاولي شوي شوي ما تطلعي على الترجمة الا اذا في كلمة نسيتيها... شخصيا بالبداية تعلمت احكي تركي -واترجم من وإلى العربي- بس عن طريق السماع وقراءة الترجمة، على الرغم انه ما كان الي علاقة لا بالكتابة ولا القراءة (بالتركي)...

هنالك العديد من المقاطع في اليوتيوب للتدريب لنطق حرف الراء... وتذكر ان التخلص منها غير مستحيل بإذن الله تعالى

لا انصح...

حافظي عليها مقصوصة، من سنن الفطرة قص الاظافر... وانتبهي ما يكون فطريات

بالاضافة لتلك النصيحة انصحك بعدم الاسترسال تجاهليهم، لانهم غير موجودين، وانصحك بمتابعة اخصائية نفسية للمرور في مسار علاجي لكي تتعافي نهائيا من الحالة، وطبعا داومي على قراءة سورة البقرة ، كل يوم

حسنا، اردتِ نصيحة وقاموا العديد من الأعضاء بالاجابة عليك اجابات مختلفة ومتنوعة؛ اتمنى ان تكوني قد حصلت على الاجابة التي تفيدك، شفاك الله وعافاكِ ، طهور ان شاء الله.

الذي اردت قوله، اذا كان هو مستعد ان يكشف لك بشكل مجاني بحكم الصداقة، أي انه مستعد ان يخسر ثمن كشف لأحدهم صحيح؟ بدل ان يكشف لك فليتكفل بكشفك عند طبيبة وبعد ذلك تردّين المبلغ

وفقك الله❤

هاد اشي ممكن يصير مع أي شخص، ما تقلقي نفسك بردود افعال الناس، حتى اذا اساؤوا الظن فيكي فهني الي بياخدو الاثم مش انت... ربنا بيعلم نيّتك وهاد كافي... بتواجهي هاد القلق بمواقف ثانية ولا بس بهاد الموقف؟

الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ (28) -سورة الرعد-

العفو حبيبتي بارك الله فيكِ🌹

تفكير ممتاز، ليس حب أعمى... لذلك عليك دائما بالدعاء والاستخارة، وشعورك الجميل بالاهتمام مثلا التي شعرتيه بالطريق الخطأ ستشعرين بشعور أجمل منه عند الابتعاد عن هذا الطريق والتقرب من الله.... ربّنا هو الواسع، الكريم، ربما سيرزقك افضل منه، وستحبينه اكثر ... لا تقيّدي نفسك بهذا الشعور، فقط وكّلي امرك لله سبحانه وتعالى، ابتعدي عن ما يغضبه، ولا تقلقي بباقي الأمور، وتذكري اسم الله الواسع... وطبعااا نصيحة انصحها دائما اكثري من الاستغفار كل يوم ورد كبير، ستجدين الارزاق وراحة البال وكل شيء جميل

افحصي الغدة، واعملي فحص دم شامل

انا فاهمة نيتك الكويسة، الله يبعدهن عنك

ما تجيبي الهدية مشان ردة الفعل، جبيها عشان تكسبي الاجر ولوجه الله، وصدقيني صدقيني احساسك بالأجر بنسيكي حتى ردة فعلهن شو مكانت

كل القصة غير منطقية ومتأسسة على خيانة، على امور محرمة . لذلك جميع الردود والنهايات السيئة والموجعة عليك ان تحتملها، واما حلها هو الابتعاد عن كل هذا والتوبة. غير ذلك ليس هناك حلّ بل عليك ان تتحمل نتائج افعالك واصرارك عليها. هداك الله

بارك الله فيك❤

👍

يمكننا التفكير بطريقة اخرى: ١. ان يكون الأب قد صرف عليها طيبة ال ١١ عاما ثم حدثت له ضيقة مالية. ٢. اذا قررت الشراء عن طريق استلاف النقود من احدهم فسوف تغضب أباها. ٣. بالنسبة لصيغة الكتابة ، يمكنك الظن بأنها ممكن ان يكون لديها مشاكلها الخاصة التي تؤثر على الكتابة، وايضا هي قد كتبت بالتعليقات "عينيا تعبانة" ... شخصيا أعلّم طالبة في الجامعة لديها مشكلة في عينيها ولا ترى جيّدا، وفي الليل لا ترى ابدا... تحياتي

حاولي اشربي يانسون اعتبريه دوا، انا عارفة انه صعب مرات حتى ما بيجي عبالي لا اشرب مي ولا اكل اشي بس معلش اجبري حالك... وما تضلي متمددة الوجع ممكن يزيد جربي امشي ، ممكن الاشي بيختلف من شخص لثاني جربي وشوفي الانسب

وانا ما بفضل المسكنات بس انتبهي القرفة اثناء الدورة ممكن تزيد النزيف بشكل كبير... اهم اشي قربة المية وممكن يانسون سخن بيقلل التقلصات

لا ما ضيعتي اشي حاولي كمان مرة غيّري الموضوع، مادامك مش حاببتيه شو رح تستفيديمن الشهادة؟ كيف رح تتقدمي فيها؟

او مبعتش يبقى الله معاه، اكيد ما تذلي نفسك اله

تمام ممكن اذا اول ع آخر هو رح يبعث، بس يبعث احكي معو بهاد الموضوع

انت حاليا انسي مين هيزعل ومين لا، خلي قرارك نابع منك انت؛ وكمان مرة ما تتسرعي بالفركشة اعطيه فرصة، انت ابدئي احكي عادي ما فيها اشي، لانه مادامك كمان انت مكملة بهاي الطريقة رح تضل هاي الطريقة بينكو... بس كمان ما تحكي عن ضعف واستسلام وانما وعي ورغبة في تحسين العلاقة

بس عندي سؤال استاذ محمود، هل يجوز اصلا نحكي هيك؟ يعني الكفر وعدمه مش احنا منقرره وانما حسب القرآن والسنة منعرف شو الامور المكفرة او لا... ام المقصود شيء بشبه القسم؟

فعلا

جزاك الله خيرا اجابة كافية ووافية👍🏻

غلطان جدا...