ازاي اذاكر كويس واجيب درجات حلوه وانا لسه مش بدأت ومعرفش حاجه في المنهج وبجد ضايعه في كل المواعيد ومبقتش عارفه يعني ايه مذاكره وكله حاطط أمله فيا وانا بجد بقول حرام الفلوس اللي بتندفع دي مش عارفه ابدأ مشتته كله متراكم عليااا
السلام عليكم أولًا التفكير والإفراط في التفكير والخوف والرهبة ساعات بيكونوا أكبر من المذاكرة أصلًا المذاكرة فـ قللي خوف وقلل ويلا من دلوقتي حطي لنفسك وخلصي الـ عليكِ وصدقيني هيخلص بس المهم تكسري حاجز الرهبة والخوف وتستعيني بالله وتبداي من دالوقتي الخطوات: هتعملي جدول هكتبي كل المتراكم عليكِ تابعي الجديد عادي جدًا مع المدرسين والتراكم كل يوم خذي جزء منه مع الجديد!. المهم والأهم الحاجة الـ سرقت منك وقتك وبسببها راكمتي أرميها وقت المذاكرة وأعتقد ' الفون''" هو أكبر سبب نظمي وقتك وبلاش خوف أنتِ هتقدري تخلصي الـ وراكِ. نظمي وقتك اصحي بدري اعملي جدول وامشي عليه إجباري مفيش حاجه أهم من مذاكرتك. ذاكري أول بأول كلمي نفسك كلام إيجابي مش سلبي. بالتوفيق 💜.
تم النشر الأحد، ١٨ أكتوبر ٢٠٢٦
السلام عليكم ورحمه الله وبركاته عامله ايه يا قمر بصي ما تشوفيش كل اللي عليكي مره واحده يعني مثلا انا متراكم عليا ماده كذا وكذا وكذا وكذا لا قسميهم مثلا لو انت ثالثه ثانوي مثلا كان بيبقى بالباب يعني مثلا في الفيزياء عندي باب كذا وكذا وكذا فانا الاسبوع ده مطلوب مني إن انا اخلص ثلاث ابواب في مادة كذا باب في ماده كذا فهماني اكتبي كل اللي وراكي في ورقه كل اللي انت مراكماه وبعدين حددي انت عاوزه مثلا تخلصيهم في وقت قد ايه وقسمي كل ماده على الوقت ده يعني مثلا الاسبوع ده هخلص كذا وحددي لنفسك بقى وقت معين وكل يوم انا كل يوم مثلا هصحى اصلي الفجر لو انت بتصحي بدري وهقعد اذاكر من من بعد الفجر لحد الظهر مثلا فهماني وبتاخديها بقى بالاولويات شوفي اولوياتك ايه وحاولي ان انت ما تقارنيش نفسك بحد خالص عشان ده هيجيب لك احباط جدا. وإن شاء الله توصلي لكل اللي بتتمنيه.
تم النشر الأحد، ١٨ أكتوبر ٢٠٢٦
> هقولك تعملي ايه ومتسمعيش كلام "ذاكري 10 ساعات" ده: > أول حاجة سيبي اللي فات، انتي مش هتبدأي من أول المنهج، انتي هتبدأي من النهاردة. الدرس اللي هتاخديه النهاردة هو اللي تذاكريه وبس. > تاني حاجة هاتي كشكول واكتبي فيه كل المتراكم عليكي بالعدد، مثلا 5 دروس رياضة، 3 عربي. كل يوم خدي درس واحد بس من القديم مع الجديد، هتلاقيهم خلصوا لوحدهم بعد اسبوعين. > تالت حاجة جربي نظام 25 دقيقة، اظبطي المنبه 25 دقيقة مذاكرة بتركيز والموبايل بعيد، و 5 دقايق قومي اشربي حاجة، هتلاقي نفسك ذاكرتي ساعتين من غير ما تزهقي. > وآخر حاجة ودي الأهم، متحكميش على نفسك بالدرجات دلوقتي، احكمي انك قعدتي وذاكرتي ولا لا، الاستمرارية أهم من الكمال. > انتي مش متأخرة، انتي بس محتاجة تبدأي بخطوة صغيرة، وربنا مش هيضيع تعبك.
تم النشر الاثنين، ١٩ أكتوبر ٢٠٢٦
أختي العزيزة، أول حاجة أحب أقولها لك إن شعورك بالضياع والتراكم ده طبيعي جدًا لما الضغط بيبقى كبير والتوقعات عالية، ومش عيب إنك تحسي كده. كتير من البنات بيمرّوا بنفس المرحلة، والمهم إنك دلوقتي قررتي تبدئي، وده أقوى خطوة. ابدئي بخطوات صغيرة وواقعية عشان ما تتحسيش بالإحباط. أول حاجة، خدي ورقة واكتبي كل المواد اللي عليكِ، وبعدين قسمي كل مادة لمواضيع صغيرة (مش لازم تبدئي بالمنهج كله مرة واحدة). اختاري مادة واحدة بس في البداية، وابدئي بأسهل جزء فيها عشان تكتسبي ثقة. حددي مواعيد يومية بسيطة، مثلاً ساعتين أو ثلاثة مقسمين على فترات قصيرة مع راحة قصيرة بينهم، وركزي على الفهم أولاً مش الحفظ. استخدمي طريقة "التلخيص بصوتك" أو شرح المعلومة لنفسك كأنك بتشرحيها لحد تاني، ده بيساعد الذاكرة كتير. وتذكري إن التوكل على الله مهم جدًا، ادعي ربنا ييسرلك ويفتح عليكِ، واعملي اللي عليكِ بإخلاص. الفلوس اللي بتتدفع دي مش هتضيع لو بدأتِ دلوقتي بخطوات ثابتة، حتى لو بطيئة. أنتِ قادرة، وكل واحدة بتبدأ من الصفر بتقدر توصل. لو حسيتِ إنك محتاجة خطة أكثر تفصيلاً، ابحثي عن أسئلة مشابهة على فدني عشان تشوفي تجارب بنات تانيين. أنا هنا معاكِ، وأنتِ مش لوحدك في الرحلة دي.
تم النشر السبت، ١٧ أكتوبر ٢٠٢٦
لازم التركيز و اننا نعرف ان مش كل حاجه بنحبها هتتعمل لأن الحجات الصعبه هي البتوصلنا ف الاخر للاماكن الكويسه
تم النشر الثلاثاء، ٢٠ أكتوبر ٢٠٢٦
بصي ما دام انتي عارفه انه في فلوس بتنصرف عليكي اتصرفي فيها صح يعني روحي للمدرس اللي يعجبك واللي تفهمي منه ومتمشيش ورا المشهور لو مش فاهمه منه واعرفي انك قدامك فرص كتير وتجارب هتمري فيها فا خديها رحله واعملي اللي عليكي وصدقي نفسك وثقي فيها
تم النشر الأحد، ١٨ أكتوبر ٢٠٢٦
بالضبط كلام الشخص اللي فوقي صحييح
تم النشر الأحد، ١٨ أكتوبر ٢٠٢٦
امشي بنظام 25دقيقة مذاكره و5دقايق بريك ده بيساعد على التركيز و يكون في كل حاجة اخلصها تاخد مكافه حاجة بتحبها كل ده هيساعد معك و أهم حاجة حل أسئله علشان تعرف نقط الضعف فين و بالتوفيق
تم النشر الأحد، ١٨ أكتوبر ٢٠٢٦
لعرض السؤال في فدني اضغط هنا