السلام عليكم،
أنا في تالتة ثانوي عام، وبعاني من إن مستوايا الدراسي مش بيتحسن رغم إني بحاول. درجاتي متوسطة في أغلب المواد وواقعة في بعض المواد، ومش عارف إيه السبب ولا أعمل إيه عشان أتحسن. أنا عارف إن دي ابتلاءات من ربنا، ونفسي أتعامل معاها صح وأبذل اللي عليا. ياريت تفيدوني بنصيحتكم وتوجّهوني أعمل ايه
وعليكم السلام ورحمة الله وبركاته، أخي الكريم. أقدر تمامًا شعورك بالإحباط رغم المحاولات المستمرة، وأنت محق في رؤيتك لهذا كابتلاء من الله يحتاج صبرًا وجهدًا مخلصًا. كثير من الطلاب في مرحلة الثانوية يمرون بنفس التحدي، والأمر غالبًا لا يرجع إلى نقص في الذكاء بل إلى طريقة الدراسة أو عوامل أخرى تحتاج تعديلًا عمليًا. ابدأ بتقييم واقعي للوضع: خصص وقتًا هادئًا لتحليل درجاتك في كل مادة، واكتب أسباب الضعف المحتملة مثل طريقة الحفظ أو الفهم، أو توزيع الوقت، أو حتى التركيز أثناء الدراسة. بعد ذلك، ضع خطة يومية واضحة تشمل ساعات محددة لكل مادة مع التركيز على المواد الضعيفة أولًا، واستخدم أساليب فعالة مثل حل تمارين كثيرة ومراجعة الأخطاء السابقة بدلًا من القراءة السلبية فقط. حاول أيضًا تخصيص وقت قصير يوميًا لمراجعة ما تعلمته سابقًا حتى لا تتراكم المعلومات. من الناحية الإيمانية، استمر في الدعاء والاستغفار مع التوكل على الله، فالجهد المستمر مع النية الصادقة يفتح أبواب التوفيق. إذا استمر الوضع دون تحسن ملحوظ بعد أسبوعين أو ثلاثة من التعديل، فكر في استشارة معلميك أو البحث عن طرق دراسية بديلة تناسب أسلوب تعلمك. أنت قادر على التحسن بإذن الله، فلا تيأس واستمر في بذل ما عليك. يمكنك البحث عن أسئلة مشابهة على فدني للحصول على تجارب إضافية من الآخرين.
تم النشر الثلاثاء، ٢٠ أكتوبر ٢٠٢٦
السلام عليكم، أولا ربنا معك ويوفقك في دراستك. جميل إنك بتحاول لكن المحاولة لو في الاتجاه الغلط أكيد مش هتساعد. احنا مختلفين عن بعض وطرق مذاكرتنا وفهمنا وتحصيلنا للمعلومات وكمان استدعائها وقت الحاجة بتختلف، فلازم تشوف الأول إيه المشاكل اللي بتمنعك من إن مستواك يتحسن، هل مش بتفهم شرح المدرس فتبحث عن مدرس تاني يشرح أفضل؟ هل مش بتقدر تركز كويس؟ هل بتنسى بسرعة أو مش بتراجع بانتظام فمش بتعرف تحل بعد كده؟ أسلوب المذاكرة نفسه بيفرق، حتى أسلوب حياتك ونظامك الغذائي ونومك ممكن يؤثر على تركيزك واستيعابك وتحصيلك للمعلومات. راجع نفسك وشوف إيه المشاكل وكمان شوف فيديوهات على يوتيوب عن طرق المذاكرة، هتلاقي مثلا فيديوهات (ذاكر أقل ذاكر بذكاء) هتلاقي طرق ونصائح للمذاكرة جربها وشوف إيه اللي الأنسب لك. حل أسئلة امتحانات كتير وراجع بانتظام عشان تثبت معلوماتك. والأهم، استعن بالله وابعد عن أي قلق وتوتر وتوقعات بخصوص النتيجة عشان الضغط النفسي عامل سلبي وعقبة في طريق دراستك. توكل على الله وابدأ وإن شاء الله بكل توفيق.
تم النشر الثلاثاء، ٢٠ أكتوبر ٢٠٢٦
ممكن تكون بتمسك الفون كتير مش بتنام نوم طبيعي ف يأثر ع المعلومه انها متثبتش ف دماغك مش بتراجع مثلا مش بتحل كتير
تم النشر الثلاثاء، ٢٠ أكتوبر ٢٠٢٦
صلي ع النبي انت ممكن دوشة البيت ي تغير المكان ي تذاكر ف الوقت اللي هما ببقو نايمين فيه +شوف انت الغلطات دي هل انت كنت مذاكرها ولا عديت عليها سريع خليك صادق مع نفسك وشوف انت عملت اللي عليك قبل الامتحان وارد تكون طريقة مذاكرتك غلط أو انت تسرعت انت وبتحل والمشكله دي انت أكيد عارف نفسك إذا قصرت أو لا
تم النشر الثلاثاء، ٢٠ أكتوبر ٢٠٢٦
باخد اونلاين بس البيت مش هادي ودايما دوشه وامي طول اليوم بتطلب مني طلبات (ربنا يخليها طبعا) بس انا عايز افرح ابويا وامي بس مش عارف اعمل اي كل ما اجيب درجه في اي امتحان بتوصل الدرجه لبابا فيوقلي اي الدرجه دي وانا كل حاجه بمجهودي من غير ما اغش سؤال واحد حتي بحاول اطور من نفسي والله والحمد لله في الاول والاخر +مش عارف اعمل اي برضو؟؟؟
تم النشر الثلاثاء، ٢٠ أكتوبر ٢٠٢٦
شوف اون لاين للمواد دي جايز الشرح مش فهمت جرب تسمع اكتر من حد وتكمل مع اللي هترتاحلو ف حدد مشكلتك الاول ممكن طريقة مذاكرتك خطا بتضيع وقت ف حدد مشكلتك الاول
تم النشر الثلاثاء، ٢٠ أكتوبر ٢٠٢٦
لعرض السؤال في فدني اضغط هنا