انا حاليا في تالته ثانوي بدأت في نص شهر تمانيه وماشيه حاليا مع المدرسين بحاول مراكمش بس مش بلحق احل كتير وبعد مخلص المحاضره بذاكرها واحل كام سؤال وابدا ماده تانيه مش عارفه ازاي انظم الوقت والحل والمذاكره
ولحد دلوقتي مش عارفه اذاكر عربي عشان طلبت كتب محمد صلاح ولسه موصلتش بشوف المحاضره بس مش بحل ولا عارفه اذاكر والكميا باخد مع خالد صقر بحل الامتحان بس الحل الي المستر بينزلو مندليف والكتب التانيه مش بشوفو عشان مش بلحق
والفزيا باخد مع عبد المعبود بحس بفهم بصعوبه مش عارفه اكمل معاه ولا لا وحاليا درس التوالي والتوازي حاسه مش فاهماه اوي لما بحل في اسئله مبعرفش احلها والاحياء باخد مع الجوهري بفهم منو وحاليا هو نزل مراجعه شوفتها ولما جيت اشوف فديو الحل عارفه احل بس بردو في اسئله مش عارفه احلها
مشكلتي انو انا بذاكر لما اجي احل بحل بس بحس بردو بيكون عندي غلطات واسئله مش فاهماها وبحس بنسى اكتر حاجه ملغبطاني حاسه اني مقصره مع ان بحاول مضيعش وقت بس سعات لما احل وبتلغبط كتير بيجيلي احباط فمش بكمل حل مش عارفه دلوقتي انا كدا اعمل ايه ودا عادي لما اشوف المحاضرة واحل يكون عندي غلطات او حتى بعد المراجعه ولا كدا محتاجه اذاكر تاني ولا اعمل ايه
خالد صقر مش افضل حاجه في الكيميا حاولي تجربي مدرس تاني غيره لان كذا حد من صحابي كان بيشتكي منه السنه اللي فاتت لما كنت في تالته ثانوي.. نظمي جدول و حطي في كل يوم ماده واحده بس و خلي واجبها يوم تاني بعد ما تشوفي محاضره الماده بتاعت اليوم ده يعني مثلا العربي محاضرته يوم السبت خلاص شوفي المحاضره السبت و حلي الواجب بتاعها و سلميه يوم التلات و يوم التلات اكيد حاطه فيه ماده ف بعد تسليم الواجب ابقي شوفيها و متراكميش و امشي على الجدول و لو بتمسكي التليفون كتير و مش بتقدري تجبري نفسك تسيبيه حملي ابلكيشن keep me out هيساعدك كتير و فيه تطبيق كمان اسمه ذاكرلي بينظملك وقتك و بيعملك جدولك و فيه خاصيه التلخيصات المقاليه و الصوتيه و لو عايزه من عليه pdf file هيعملهولك ف هيساعدك في حاجات كتير اوي
تم النشر الاثنين، ٢١ سبتمبر ٢٠٢٦
بصي انا برضو زيك تالتة ثانوى السنادي فأولا كدة موضوع انك تحلي اسئلة غلط ده عادي جدا المهم انك تتعلمي من اخطائك و تستفيد منها و ثانياً درس التوالي و التوازي ده المستر اللي باخد معاه قال إنه عادي مانستوعبهوش من اول مرة بس مع الوقت هيجي معانا بالحل ، المهم بس تحاولي تحلي اكتر من ما بتسمعي الشرح
تم النشر الأحد، ٢٠ سبتمبر ٢٠٢٦
يا بنتي، أول حاجة أحب أقولها لك إن اللي بتمرّي بيه طبيعي جدًا في تالتة ثانوي، ومش دليل على إنك مقصرة. كتير من الطالبات بيحسوا بنفس الإحباط لما يحلوا ويغلطوا، ده مش معناه إنك مش فاهمة، ده جزء من عملية التعلم. الغلطات بتساعدك تثبتي المعلومة أكتر لو راجعتيها صح. عشان تنظمي وقتك، جربي تعملي جدول يومي بسيط وواقعي. قسمي اليوم لفترات قصيرة: مثلاً بعد كل محاضرة خدي ساعة للمراجعة والحل، وبعدين استراحة قصيرة، وبعدين مادة تانية. ركزي على مادة أو مادتين في اليوم بدل ما تحاولي توزعي على كل حاجة. للعربي، ابدئي بحل أسئلة من المحاضرة اللي شفتيها حتى لو الكتب لسه موصلتش، ولو عندك وقت زيادة شوفي فيديوهات قصيرة للمراجعة. في الكيميا، ركزي على امتحانات خالد صقر الأول، وبعدين لو لقيتي وقت أضيفي كتاب واحد بس. أما الفيزياء، لو حاسة إنك مش فاهمة التوالي والتوازي كويس، خدي وقت إضافي تحلي مسائل بسيطة من الدرس ده لوحده قبل ما تنتقلي، ولو استمر الضعف جربي تشوفي شرح مختصر من مصدر تاني يبسط الموضوع. لما تحلي وتغلطي، ما تتوقفيش، خدي ورقة واكتبي الأخطاء الشائعة عندك في كل مادة، وراجعيها كل يومين. ده هيقلل النسيان ويقلل الإحباط تدريجيًا. ابدئي بخطوات صغيرة كل يوم، وادعي ربنا ييسرلك ويثبتك، وتذكري إن التوفيق من عند الله والمجهود بيؤتي ثماره مع الاستمرار. لو عايزة أفكار أكتر عن جدول معين، قوليلي تفاصيل أكتر عن يومك.
تم النشر الجمعة، ١٨ سبتمبر ٢٠٢٦
لعرض السؤال في فدني اضغط هنا