أنا في تالته ثانوي أزهر
أنا مش عارفه أنا مراكمه ولا لا بس أنا بذاكر بس مش فاهمه مراكمه يعني ايه بس بحس إني نسيت اللي مذاكراه دي يعني مراكمه ولا اه
وكمان كنت عايزة تعملوا لي جدول ألم اللي أنا حاسه إنه متراكم يعني أنا مخلصة الفقه والمواد الشرعيه واللي هم تفسير وحديث وتوحيد ومخلصة ماده اسمها الأدب والنصوص والنحو والبلاغه أول وحده والصرف أول ثلاث دروس وثلاث محاضرات كمياء والدرس الأول ونص الثاني فزياء والوحده ونص الأولى إنجلش والأحياء أول فصل ونص
والرياضة خلصت تفاضل وبدأت في أول وحده تكامل خلصناها أنا حاسه إني ناسياهم فدي يعني مراكمه ولا ايه وغير كده إني عندي دروس والدروس مش ورا بعضها ومش بإيدي أخليها ورا بعضها علشان غصب عننا يعني بتكون متطوره طول اليوم فمش عارفه
عايزة حد يعملي جدول ألم كل حاجه دي وبالذات المواد الشرعي والعربي علشان دول كنت بادآهم في تانيه وخلصتهم والمستر وقف معانا وأنا لو سيبتهم وركزت على المواد التانيه هنساها وهاجي هيكونو مزهقيني في آخر السنه فعايزه جدول بالله عليكم ولو عايزين مواعيد الدروس أنزله ليكم
السلام عليكم، مراكمة المواد في رأيي الشخصي تشمل حاجتين، يا إما مراكمة مذاكرة (مراكمة حقيقية) يعني لسه في دروس أصلا متفتحتش، يا إما مراكمة مراجعة، يعني أنتِ أصلا ذاكرتِ الدروس مرة لكن مش راجعتِ عليها وعلشان كده بتحسي إنك نسيتِ اللي ذاكرتِه. بس ممكن عادي متعتبريش إن اللي متراجعش متراكم عليكِ، رتبي بس وقتك وخطة مراجعتك مع مذاكرة الجديدة ومش هتحسي بمشكلة. *** وعلى فكرة نسيان اللي ذاكرتِه شيء طبيعي ومش مشكلة فيكِ أبدا، دي حاجة طبيعية، المعلومة اللي بتقرأيها أول مرة بتتحفظ في الذاكرة قصيرة المدى فلو مراجعتيش عليها بتتنسي، ولما بتراجعي كذا مرة بتتنقل في الذاكرة طويلة المدى. استخدمي أسلوب مراجعة التكرار المتباعد، هتلاقيني شارحاه في إجابتي على السؤال ده.👇👇 https://www.fedni.net/q/41462396/كيف-أوازن-بين-مذاكرة-المحاضرات-الجديدة **** بالنسبة لعمل جدول فممكن تستعيني بالذكاء الاصطناعي عندك عشان تعمليه أفضل. هكتب لك في التعليقات أمر هندسي يناسب حالتك، ممكن تعدلي في أي تفاصيل سواء في المواد أو تفاصيل تانية. انسخيه على طول في أي تطبيق ذكاء اصطناعي عندك وهيعمل لك الجدول اللي محتاجاه. لو احتجتِ أمر هندسي مختصر عن ده شوية عرفيني أعمل لك واحد غيره. *** وبالتوفيق إن شاء الله.💚
تم النشر الثلاثاء، ٨ سبتمبر ٢٠٢٦
أنا كمان في تالته ثانوي و يعاني من نفس المشكله بالرغم اني مخلصتش ربع اللي انتي مخلصاه كمان يعني حالتي اسوء و كمان محاكمه مزاكره يعني مزاكرتوش من الأساس في انتي احمدي ربنا و حاولي تراجعي بهدوء على كل اللي فات و تقسمي الاسبوع و تعرفي كل يوم محتاجه تراجعي ايه عشان متتوهيش
تم النشر الخميس، ١٠ سبتمبر ٢٠٢٦
أهلاً يا بنتي، أول حاجة أطمنك إن اللي بتحسي بيه طبيعي جدًا في تالتة ثانوي أزهر، خاصة مع كم المواد الكبير ده. "المراكمة" يعني إن المواد اللي ذاكرتيها قبل كده بتتراكم وبتحتاج مراجعة مستمرة عشان ما تنسيها، وده مش معناه إنك مش بتذاكري كويس، لكن الدماغ بيحتاج تكرار عشان يثبت المعلومات. اللي بتحسي بيه من نسيان مش مراكمة سلبية، ده إشارة إنك محتاجة تخصصي وقت يومي أو أسبوعي للمراجعة السريعة، مش بس المذاكرة الجديدة. بالنسبة لجدول المذاكرة، هعملك جدول عملي يركز على مراجعة المواد الشرعية والعربي (اللي خلصتيها في تانية) عشان ما تنسيها، مع الاستمرار في المواد الجديدة. نفترض إن يومك فيه 6-7 ساعات مذاكرة موزعة (صباحًا وبعد الظهر)، وهنقسم الأسبوع كده: المواد الشرعية (فقه، تفسير، حديث، توحيد) : خصيصي لها 45 دقيقة يوميًا للمراجعة السريعة (مثلاً: يوم السبت تفسير، الأحد حديث، الإثنين توحيد، الثلاثاء فقه). راجعي الدروس السابقة بسرعة باستخدام ملخصات أو أسئلة. المواد العربية (أدب ونصوص، نحو، بلاغة، صرف) : 45 دقيقة يوميًا أيضًا، ركزي على الوحدة الأولى اللي خلصتيها. يوم الأربعاء والخميس راجعي النحو والبلاغة، والجمعة راجعي الصرف. المواد العلمية والإنجليزي : خصيصي 2-3 ساعات يوميًا للجديد (كيمياء، فيزياء، أحياء، رياضة، إنجليزي). مثلاً: يوميًا ساعة للرياضة (تكامل)، ساعة للكيمياء أو الفيزياء، وساعة للأحياء أو الإنجليزي. المراجعة العامة : آخر نص ساعة كل يوم لمراجعة سريعة لأي مادة حسيتي إنك نسيتيها. ابدئي الجدول تدريجيًا، ولو عندك مواعيد الدروس الخاصة قوليلي عشان أعدله. كل أسبوع قيمي نفسك باختبار سريع على المواد القديمة. لو لقيتي صعوبة في التنظيم، ابحثي عن أسئلة مشابهة على فدني لآراء إضافية. أنتِ قادرة، وهتتغلبي على الإحساس ده بخطوات صغيرة ثابتة. لو محتاجة تعديل، قوليلي!
تم النشر الثلاثاء، ٨ سبتمبر ٢٠٢٦
المراكمة هي أن الدرس يتشرح ومتذاكريش اول بأول ويبقي تراكم المذاكرة مش النسيان وأفضل طريقة هتساعدك جدا انك تتغلبي على النسيان هي انك تستخدمي طريقة الشرح كإنك معلمة وتشرحي لأي حاجة قدامك لعبة ملزمة اي حاجة ودي فعلا طريقة جربتها واحسن حل لمشكلتك دي
تم النشر الخميس، ١٠ سبتمبر ٢٠٢٦
براحه علي نفسك ومتتوتريش ادام اخدتي المحاضره وذاكرتيها انتي كدا تمام متبدايش السنه ضغط اوي علشان ماليش ف الآخر وتزهقي
تم النشر السبت، ١٢ سبتمبر ٢٠٢٦
لعرض السؤال في فدني اضغط هنا