بصراحه انا في ثانوية عامة
و بقعد اتفرج كتير علي الفون
وده كله بيأثر اكيد على الدراسه حاولت ابطل بس
محاولة لم تنجح وبرجع تاني مش عارفه ايه الحل الفعال فعلا
هي أنا نفس الموضوع ونجحت والتوجيهي على الحظ الكل يعمل يلي عليه في ناس تدرس وتسقط في مواد. مرة وحدة جابت ملحق ومعدلها ٩٣٪ وجت لها جلطة يا رب يبعدك من الموضوع ده. هي في تطبيقات مثل deep seek اشطر من شات جي بي تي
تم النشر الأحد، ٢٠ سبتمبر ٢٠٢٦
السلام عليكم، طيب ومستقبلك ولو ندمتي بعدين؟ عامةً الفون قاعد والحاجات الـ على الإنترنت هتعقد سنين لكن عمرك لأ فترة محدودة اجبري نفسك على عدم الاستخدام ساعتين يوميًا فقط للحاجة كمان أول أسبوع هتحسي بأعراض انسحاب وهتكوني عايزة تهربي بس حاولي اقفلي الفون خالص وبلاش يكون عليه داتا خليه مغلق... في الأول هتلاقي صعوبة، بعدين هتشكري نفسك عشان ذهنك هيكون صافي هتقدري تذاكري عدد ساعات أطول وهتكوني مركزة... وصدقًا دا هروب من الواقع.. لأن الفون مفيش عليه حاجة أهم تالتة ثانوي أكيد
تم النشر السبت، ١٩ سبتمبر ٢٠٢٦
يا بنتي، أول حاجة أحب أقولها لك إن اللي بتمرّي بيه طبيعي جدًا، خاصة في سن الثانوية العامة اللي فيها ضغط كبير. التليفون بيبقى ملجأ سهل للهروب من التوتر، بس زي ما قلتِ، ده بيأثر على الدراسة وده يخلّي الواحدة تحس بالذنب أكتر. المهم إنك عارفة المشكلة وبتدوري على حل فعّال، وده خطوة كويسة جدًا. الحل الفعّال مش هيبقى "أبطل فجأة" لأن ده غالبًا ما بينجحش، لكن ممكن تبدئي بخطوات عملية صغيرة. حددي أوقات محددة لاستخدام التليفون، زي ساعة بعد الظهر وساعة بعد العشاء، وخلّي باقي اليوم للدراسة باستخدام تقنية زي "25 دقيقة دراسة + 5 دقايق راحة" بدون تليفون. حطّي التليفون في مكان بعيد عنك أثناء المذاكرة، واستخدمي ورقة أو كتاب للملاحظات بدل ما تلجئي للشاشة. كمان، جربي تملي الفراغ ده بحاجات مفيدة زي قراءة جزء من القرآن أو رياضة خفيفة في البيت، عشان التليفون ما يبقاش الخيار الوحيد. لو رجعتِ تاني، متلوميش نفسك، بس سجّلي السبب اللي خلّاكِ ترجعي وعدّلي عليه. تذكّري إن النجاح في الثانوية العامة بيحتاج انضباط، وده بيجي بالتدريج مش بيوم وليلة. لو عايزة أفكار إضافية، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وهتعدّي الفترة دي بإذن الله.
تم النشر السبت، ١٩ سبتمبر ٢٠٢٦
بصي أولا تقدري تخلي الموبايل حافز لحاجة تانية زي المذاكرة والتعلم وممكن تحاولي تخلي شكله مستفز لكي زي خلفية رخمة او تنزلي تطبيق يخلي الايقونات بتاعت التطبيقات مش موجودة وبالتالي هيكون من المزعج ان التطبيقات أسماء بس وهكذا ♡ ونصايح معروفة زي انك تنزلي تطبيق يقفل الفون او البرامج وارشح stayfree تحفة وتقفلي الإشعارات تماما او لو حابة او قادرة اخلي الباسورد بيد ولي الأمر
تم النشر الاثنين، ٢١ سبتمبر ٢٠٢٦
١)الإستعانة بالله. ٢)قليل دائم خير من كثير منقطع. ٣)شئ ما أفضل من لا شيء ودي من أكتر الحاجات اللي أثرت معايا يعني لو مش قادر مثلا تقرأ ٢٥ صفحة انهاردة اقرأ ص واحدة بس . ٤)قاعدة ٥ دقايق لو مش قادر تعمل حاجة اقول هعمل الحاجة دي لمدة ٥ دقايق بس وغالبا هتخلصها للآخر. ٥) قاعدة الشئ الواحد لو عاوز تكتسب مهارات فهات مهارة واحدة وخلصها وبعد كده ادخل على المهارة اللي بعديها. ٦)قاعدة أهم ٣ اشياء في اليوم متحطش في يومك اكتر من ٣ اهداف اساسية. ٧)أنصح وبشدة إنك تقرأ كتاب ٤ شارع النجاح للدكتور ايهاب فكري هيفرق معاك جدا.
تم النشر الاثنين، ٢١ سبتمبر ٢٠٢٦
تطبيق اسمه Digital Detox احسن من keep me out
تم النشر السبت، ١٩ سبتمبر ٢٠٢٦
تطبيق keep me out كويس بس لازم يكون عندك صدق أنك تهتمي بمصلحتك
تم النشر السبت، ١٩ سبتمبر ٢٠٢٦
جزاك الله خيرا
تم النشر الاثنين، ٢١ سبتمبر ٢٠٢٦
لعرض السؤال في فدني اضغط هنا