انا دفعه ثانوي 2027،لسه مكملش الشهر الاول حتي وانا حاسه اني بضيع، الحمد لله مراكمتش اي حاجه بس الضغوط بتيجي من كل حته حرفيا، انا فقدت الشعور بالأمان، انا طول عمري كنت بسمع انها سنه صعبه ومليانه ضغوط بس مجاش ف بالي كدا،
المدرس بيخرج طاقته السلبيه عليا لو هو عنده ضغوط مثلا وانا سألته سؤال، العيله كذلك، اي طاقه سلبيه من حد بيخرجها عليا مش فاهمه ليه،
بردو منظمه وقتي بطريقه تخليني مراكمش والطريقه حلوه وقربتني من ربنا جدا وبعدتني عن الموبايل وانا متأكده تلاتلاف في الميه اني لو كملت علي دا هحقق اللي انا عايزاه بس دفعه السنه اللي فاتت، دفعه 2026 افقدتني الشغف اللي هو ممكن اتظلم في الدرجات او الغش يرفع التنسيق اوفر او محدش ياخد حقه وكدا.
عماله اقول طب لو محققتش اللي انا عايزاه اعمل اي، العيله كلها دخلت كليات القمه خاص، مش بحسدهم، ربنا يوفقهم بس انا مش هقدر ادخل خاص ف الحاجه معتمده علي مجهودي وبس، كل ما افتكر حاجه زي دي بخاف حتى الكوابيس مش بتسيبني في حالي اللي هو لا راحه وانا صاحيه ولا راحه وانا نايمه
السلام عليكم، السنة دي مش محتاجة منك غير تذاكري وتعملي اللي عليكِ وتشيلي أي أفكار تانية من دماغك سواء بقى قلق بسبب الدفعة اللي قبلك ولا الامتحانات هتبقى عاملة إزاي ولا توقعات أهلك. حتى أسلوب المدرسين وتعامل الأهل، حاولي ترمي كل ده ورا ظهرك ومتركزيش معه. متركزيش غير مع أي حاجة هتشجعك وتدفعك لقُدام. القلق والضغوط والأفكار السلبية أكبر عدو لكِ السنة دي، فخدي بالك. **** استمري على النظام اللي أنتِ واضعاه لنفسك وراجعي بانتظام وحلي أسئلة امتحانات وتدربي عليها كتير، وممكن تجربي تمشي فترة على الدروس الأونلاين وتلتزمي وشوفي إذا هتكون أفضل لك من المتابعة مع مدرسين بيأثروا على حالتك النفسية ومستواكِ. **** الأفكار السلبية كلها مفيش منها فائدة حاليا وهتوقفك مكانك. أنتِ مشفتيش بكرة فيه إيه، فليه تفضلي تضعي احتمالات وظنون وتخوفي نفسك وتحبطيها؟ تفاءلوا بالخير تجدوه وربنا سبحانه وتعالى بيقول في الحديث القدسي: "أنا عند ظن عبدي بي" فظني بالله خيرا، وتيقني من قلبك إن ربنا مش بيضيع مجهود وتعب حد. يعني حتى اللي اجتهدوا من الدفعة اللي فاتت واتظلموا لأي سبب، ربنا أصلا مضيعش تعبهم وحاشاه يكون ظلمهم، ربنا حفظ مجهودهم وهيجازيهم عليه، لكن وجههم بعلمه للطريق اللي فيه خير أكبر لهم حتى لو هم نفسهم مش شايفين ده دلوقتي. فأحسني الظن بالله وتيقني إنه إن شاء الله طالما عملتِ اللي عليكِ واجتهدتِ فربنا هيحفظ سعيك ويجازيك عليه ويوفقك للي فيه الخير الكبير بإذن الله. استعيني بالله وابدئي وربنا يوفقك إن شاء الله.💚
تم النشر الاثنين، ٢٤ أغسطس ٢٠٢٦
أختي العزيزة، أولاً أحييكِ على وعيكِ المبكر وتنظيمكِ لوقتكِ بهذه الطريقة الرائعة التي قربتكِ من ربنا وأبعدتكِ عن المشتتات. هذا إنجاز كبير في حد ذاته، وهو دليل على قوتكِ الداخلية رغم الضغوط اللي بتواجهيها من كل الجهات. الشعور بالخوف والضياع في أول شهر من الثانوية العامة أمر طبيعي جدًا، خاصة مع كل القصص اللي سمعتيها عن الدفعة السابقة، لكن تذكري أن كل دفعة لها ظروفها وأن مجهودكِ الحقيقي هو اللي بيحدد النتيجة في النهاية، وليس ما يحدث للآخرين. الضغوط اللي بتيجي من المدرسين أو العائلة غالبًا ما تكون انعكاسًا لضغوطهم الشخصية، وليست موجهة ضدكِ شخصيًا. حاولي أن تتعاملي مع هذا بوعي: عندما يحدث موقف سلبي، خذي نفسًا عميقًا وذكّري نفسكِ أنكِ مسؤولة فقط عن رد فعلكِ واستمراركِ في خطتكِ. استمري في الدعاء والتقرب إلى الله، فهذا أقوى درع لكِ، واجعلي نيتكِ دائمًا أن مجهودكِ لوجه الله، فهذا يخفف من الخوف من النتائج. أما بالنسبة للكوابيس والقلق المستمر، فهو يعكس تراكم الضغط النفسي، ويمكنكِ مواجهته بتخصيص وقت يومي قصير لكتابة مخاوفكِ ثم تحويلها إلى خطوات عملية صغيرة، مثل تقسيم المواد إلى أجزاء يومية قابلة للإنجاز. ركزي على ما تستطيعين التحكم فيه: استمري في روتينكِ المنظم، ولا تدعي مقارنة نفسكِ بمن دخلوا كليات خاصة تؤثر عليكِ، فكل إنسان له طريقه الخاص ورزقه المقسوم. إذا خفتِ من عدم تحقيق الهدف، تذكري أن هناك دائمًا بدائل وفرص أخرى، والأهم هو سلامتكِ النفسية واستمراركِ. ابحثي عن أسئلة مشابهة على فدني لتجدي تجارب أخرى تشبه حالتكِ وتستفيدي منها. أنتِ قادرة، وهذا الضغط مؤقت، وستتجاوزينه بإذن الله.
تم النشر الاثنين، ٢٤ أغسطس ٢٠٢٦
أنا دفعه 2026 و حاولى تبعدى عن اى حد بيديكى طاقه سلبيه حتى المدرس دا و لو انتى متمسكه بشرحه خدى معاه اونلاين و حاولى تحطى ف دماغك انك بس بتسعى و تعملى اللى ربنا يقدرك و النتيجه سبيها على ربنا محدش عارف الخير فين و الناس اللى بتغش دى ربنا هيحاسبها لانها ظلمت الالاف من الناس ف سلميها لله من قلبك و ربنا يوفقك و يكرمك يارب باللى نفسك فيه
تم النشر الاثنين، ٢٤ أغسطس ٢٠٢٦
والمدرسين بتوع الأونلاين بيتابعوا معاكي كل شوية بالتيم
تم النشر الاثنين، ٢٤ أغسطس ٢٠٢٦
لا علفكرة بالعكس الأون لاين حلو وليه مميزات بيوفر وقت وبتكوني لوحدك في البيت لا صحاب بيحسدوا ولا حاجه ، وعلفكرة اوائل الجمهورية اللي بيطلعوا دول بيكونوا اونلاين فقط ، فالأون لاين ليه مميزات
تم النشر الاثنين، ٢٤ أغسطس ٢٠٢٦
الاونلاين سمعت مش ينفع لوحده، واحده زميلتي ما شاء الله جابت مجموع عالي 91% في الثانويه بالاونلاين بس لانها مكانتش بتاخد دروس بس انا بصراحه حاطه هدف وعايزه اعلي من كدا ف خايفه من ناحيه الاون لاين لوحده خاصه ان دي اول مره اخد فيها سنه بجديه لان مكانش عندي هدف قبل كدا ف كنت بذاكر بنيه اني انجح وخلاص اما دلوقتي انا ممكن اذي نفسي في سبيل احقق اللي انا عايزاه عادي جدا ودفعه 26 بسبب الظلم اللي شفتهانا دخلت الثانوي وانا عارفه اني ممكن اتعب ومجيبش بس لازلت عندي امل في ربنا وبدعي كتير اوي بسبب دا بس مازال الموضوع بيأثر عليا نفسيا وصحابي بصراحه غراب اوي يعني انا قبل كدا جاوبت سؤال وطلعت الاجابه غلط ف واحده راحت قايله اكيد اجابتي صح وخلت الكل يضحك عليا والبنت اللي جمبها عطست عطسه جابتلي برد وبقيت نايمه طول الوقت، خلصت من البرد بس مضايقتهم لسه موجوده، بشتكي لماما قالتلي اقرأي قران م اكيد الناس اللي بتذاكر بيلاحظو عليها بس محمين اكيد عشان بيقرأو قران ف مش عارفه بقا، انا بذاكر ايوا وبدعي صحيح بس بعمل دا وانا جوايا عارفه ان هيبقي في ظلم وفي توتر وفي حالات وفاه بسبب ام الثانويه في نهايه السنه، الواحد والله م عارف يعمل اي، لا عارفه اعيش حياتي ولا استخبي ولا حتي ادعي علي نفسي واخلص لاني لسه مش مستعده اقابل ربنا، ربنا يسترها بقا، القرار بتاع المقالي بصراحه طمني شويه ان الغش هيقل لان دا بيعملي عقده نفسيه لما الاقي واحد مبيعرفش يكتب جايب اعلي من درجته خاصه لو هو متعبش حتي عشان يغش، انما المراقبين او اللجان اللي بتساعده
تم النشر الاثنين، ٢٤ أغسطس ٢٠٢٦
وبالنسبة لدفعة ٢٠٢٦ اللي أنا منهم 🙂 فبصي ، في رب وعادل " ومكروا مكرا ومكرنا مكرا وهم لا يشعرون " ، في ناس بتفلت من الظلم وبتاخد درجة بمجهودها دا لإن ربنا حفظ ورقتها ومجهودها وفي أمثلة كتير لأشخاص عندي هنا ، انتي عليكي بالسعي وعلي ربنا الباقي.
تم النشر الاثنين، ٢٤ أغسطس ٢٠٢٦
لي متاخديش اونلاين ؟ مدرسين الأون لاين احسن من اللي بره بكتير ، عندك عبد الجواد كيمياء ، عبد المعبود فيزياء ، E انجلشاوي أو عبقري اللغة ، العربي حمثلاح ، والأحياء محمد أيمن أو الجوهري ، وكلهم والله مش بس بيعلموكي لأ بيهتموا بالجانب الديني برده
تم النشر الاثنين، ٢٤ أغسطس ٢٠٢٦
لعرض السؤال في فدني اضغط هنا