انا ذكر و أواجه صعوبه فى مغريات نساء وشرب ومش عارف ليه حاسس ان الحلال صعب انا ٣ ثانوى بس كل شويه يتعرض عليا فرصات مساكنه ونا برضو مرضى نفسى بعلاقاتي حاسس ان مليش صحاب وقت الشده انا رياضة مسلم أسمر حسن المظهر والمعامله الحمد لله ماديا ميسور حاسس ان الفلوس والحريم والشرب والقرف ده بعدو صحابى عنى ونا من الناس الليها علاقات من سنى لى الكبير كلهم بيحترمونى الحمد لله
السلام عليكم، "حفت الجنة بالمكاره وحفت النار بالشهوات" https://dorar.net/hadith/sharh/9031 احنا في الدنيا في اختبار واختبارك يختلف عن اختبار غيرك، أنت اختبارك دلوقتي في إنك رغم كل المغريات اللي قصادك تقدر تقول لأ وتكون أقوى من نفسك، أو تميل لشهواتك وتترك نفسك وشيطانك ينتصروا عليك. وخد بالك، "لا يكلف الله نفسا إلا وسعها" مهما كان الوضع اللي أنت فيه وحاسس إنك أضعف من تخطيه أو مقاومته فأنت في الحقيقة عندك القدرة على ده وقادر تخرج منه بسلام لكن اللي بيحصل في العادة إننا بنتغافل عن قوتنا ووسعنا وبنستسلم في الصراع معتقدين إننا أضعف من الوضع او الابتلاء اللي بنمر به. أنت قلت الحمد لله ميسور ماديا، فافتكر إن المال ده نعمة من ربنا فبلاش تستخدمه في معصيته إذا استسلمت للشهوات اللي بتطاردك وبدأت تصرفه على شرب ونساء. *** أنت في سنة مهمة، خلي كل تركيزك على دراستك وتطوير نفسك واملأ وقت فراعك، طول ما فيه وقت فراغ شيطانك هيطارك بكل الوساوس دي. خلي لنفسك أهداف كبيرة تعيش عشانها وتسمو بك عن المستنقع ده، وابعد عن أي وسط فاسد يجرك للشهوات دي. لو البيئة اللي انت فيها سيئة طبيعي تتعرض للفتن اللي ذكرتها، البيئة النظيفة والتزام الصحبة الصالحة بتثبتك وتشتتك عن الفتن دي. وفكر نفسك دايما، "والذين جاهدوا فينا لنهدينهم سبلنا" بلاش نبرة اليأس في كلامك عشان مع تكرار الكلام على نفسك هيترسخ جواك شعور إنك أضعف من المقاومة وطالما الحلال صعب فنستءلم لضعفنا "البشري" ونقع في الحرام. استعن بالله وتوكل عليه وإن شاء الله يصلح لك كل أحوالك.
تم النشر الأحد، ١٨ أكتوبر ٢٠٢٦
ازي حضرتك عامل ايه انا قريت كلامك باهتمام بصراحة كلامك يدل انك شخص محترم جدا ومتربي وقلبك نضيف ودي اهم حاجة اللي انت بتمر بيه ده طبيعي لاي شاب في سنك وخصوصا في ضغط 3 ثانوي اول نصيحة اي مشكلة حلها في القرآن افتح وشوف سورة النازعات الآية 40 و 41 وافتح وشوف سورة الطلاق الآية 2 و 3 تاني نصيحة حافظ على صلاتك في وقتها هي اللي هتحميك بجد تالت نصيحة خليك في التمرين والجيم بتاعك طلع طاقتك فيه رابع نصيحة ذاكر واملا وقت فراغك متسيبش نفسك فاضي كتير خامس نصيحة ابعد عن اي صحاب بيعرضوا عليك شرب او بنات دول مش صحاب بجد سادس نصيحة الوحدة النضيفة احسن من لمة تبوظ سمعتك اللي تعبت عشان تبنيها سابع نصيحة خليك فاكر ان الحلال صعب دلوقتي عشان انت لسه بتبني نفسك مش عشان انت وحش الشرب والعلاقات دي مش رجولة دي بتضيع فلوسك وصحتك واحترام الناس ليك وفي الاخر طلبي منك تدعيلي من قلبك ادخل كلية طب ويكون ليا نصيب فيها واحقق حلمي وانا من قلبي بدعيلك ربنا يثبتك وينور طريقك ويبعد عنك اي شر ويفرحك بنجاحك السنة دي وتدخل الكلية اللي نفسك فيها
تم النشر السبت، ٢٤ أكتوبر ٢٠٢٦
ادعى ربنا انه يهديك كتير اوي حتي لو مش بتصلي دلوقتي او مكسوف انك تدعي ربنا ادعي وربنا هيتقبل دعائك في أنسب وقت باب التوبة مش بيتقفل وربنا مش بيمل انه العبد يذنب ويتوب طلاما بيتوب وبيحاول ف ربنا بيتقبل مع استمرار الدعاء هتلاقي فجأة كل اتغير ووقتها هتفضل تحمد ربنا العمر كله بس برضو انت لو مليت من التوبه ف ده اكبر غلط لأن ربك بيقولك انه بابه مفتوح .. ادعي وانت طلاما حاسس بالذنب ف أول بصيص من النور بدأ وربنا يهديك يارب وحاول ترمي السلام وانت ماشي حاول تذكر حد بالصلاة علي النبي حاول تذكر حد بذكر الله لعلها المنجية .. ادعي
تم النشر الأربعاء، ٢١ أكتوبر ٢٠٢٦
أخي، أولاً أحييك على صراحتك وشجاعتك في التعبير عن اللي بيحصل معاك، ده خطوة مهمة جداً. اللي بتمر بيه طبيعي في سنك ده، خاصة مع الضغوط الدراسية في ثالثة ثانوي، والتغيرات النفسية والاجتماعية اللي بتحصل. الإغراءات زي النساء والشرب بتكون قوية في السن ده، والشعور إن "الحلال صعب" ده شعور شائع، لكن الإسلام بيعلمنا إن التحكم في النفس والابتعاد عن الحرام هو اختبار بيبني شخصيتك ويجيب لك راحة نفسية أكبر على المدى الطويل. بالنسبة للأصحاب، اللي بتحسه طبيعي كمان. لما تكون ميسور الحال وحسن المظهر ورياضي، الناس بتتقرب منك لأسباب مختلفة، وبعضهم ممكن يبتعد لما يشوف إنك مش بتشارك في "القرف" ده. الحقيقة إن الصحاب الحقيقيين هم اللي بيحترموك زي ما أنت، ومش بيبعدوا عنك بسبب قيمك. ركز على بناء علاقات مع ناس بتشترك معاك في القيم الإسلامية والرياضة أو الدراسة، عشان تلاقي الدعم وقت الشدة. أنت قلت إن الكبار بيحترموك، استغل ده في بناء شبكة إيجابية. نصيحتي العملية: ركز دلوقتي على أهدافك الدراسية والرياضية، لأن النجاح في ثالثة ثانوي هيفتح لك أبواب كتير ويبعدك عن الإغراءات. حاول تقوي علاقتك بالصلاة والقرآن، ده بيساعد في تهدئة النفس وإعطاء قوة داخلية. لو حاسس إن في مشاكل نفسية في العلاقات، جرب تكتب يومياتك أو تفكر في أسباب اللي بيحصل عشان تفهم نفسك أكتر. ابحث عن أسئلة مشابهة على فدني عشان تشوف تجارب ناس تانية وتاخد منظور أوسع. أنت قادر تتجاوز ده، وأنا هنا لو عايز تتكلم أكتر.
تم النشر الأحد، ١٨ أكتوبر ٢٠٢٦
ابعد عنهم انت ربنا بيحبك و اختارك عشان تبعد عنهم ربنا لما بيحب حد بيبعده عن الحاجات الوحشه اوعى ترجع للطريق دى تاني صدقنى اوعى و لما تحس ان فى مغريات و مش قادر غض بصرك عن الحاجه و ابعد عنها و صحابك دول ناس وحشه دى ربنا بيحبك انهم بعدوا عنك لو رجعت هتندم صدقنى ربنا ياحفظك بس خليك قريب من ربنا و غض بصرك و انت شخص كويس اوعى تعمل حاجه وحشه اهتم بصحتك و علاقتك بربنا و نفسك و دراستك و بس
تم النشر الثلاثاء، ٢٠ أكتوبر ٢٠٢٦
لعرض السؤال في فدني اضغط هنا