السلام عليكم ورحمة الله وبركاتة
انا عندي 17 سنه في تانية ثانوي بكالوريا مسار طب وعلوم الحياة ودلوقتي إذا دخلت في شهر 10 ومراكمة كمية دروس ونفسيتي زفت وبمر بظروف ربنا يعديها على خير ومش عارفة اعمل ايه وانا حلمي اني ابقى دكتورة طب أو صيدلة ونفسي افرح اهلي وارفع رأسهم ومش عاوزه اشمت حد فياا معلش اللي يقدر ينصحني ب اي حاجه بجد اقل كلمة بتفرق معايا و جزاكم الله خيرا
وعليكم السلام ورحمه الله وبركاته اهدي خالص يا دكتورة ومتقلقيش تراكم الدروس ده بيحصل لمعظم الناس وفي وقت لسه قدامك وطويل بطلي تفكير في كلام الناس والشماتة عشان ده بيرهقك على الفاضي وابدئي من النهاردة لمي القديم واحدة واحدة مع الجديد ونظمي وقتك بالراحة وهتوصل لحلمك وطب أو صيدلية مستنياكي بس خدي خطوة وسبيها على الله
تم النشر الأحد، ٢٧ سبتمبر ٢٠٢٦
السلام عليكم، أولا ربنا يوفقك في دراستك وحياتك كلها إن شاء الله. لازم تعرفي حاجة مهمة، الثانوية العامة مش محتاجة ضغط وتوتر ولا تحملي نفسك توقعات وآمال أهلك وحتى نفسك. وحتى تفكيرك في شماتة الناس كل الأفكار دي أكبر عائق ممكن يقف قُدامك. ** ارمي كل الأفكار دي ورا ظهرك وركزي على حاجة واحدة بس، إنك تعملي اللي عليكِ وتسعي بجهد وأنتِ متيقنة إن ربنا مش هيضيع تعبك وهيكتب لك الخير إن شاء الله. فيه ناس ممكن تنصحك إنك عادي تحطي هدفك كلية معينة وتفضلي مركزة عليها عشان توصلي لها، لكن أنا لو هنصحك بحاجة فهي إنك متعلقيش نفسك بكلية معينة وتركزي بس على المذاكرة باجتهاد بحيث تسعي نحو المجموع العالي اللي يخليكِ حرة في اختيارات التنسيق. *** وخدي بالك، التعلق الشديد بحاجة معينة ساعات كتير بيكون سبب خسارتها لأنه ممكن يوترنا أو يضغطنا أو يدفعنا لقرارات متسرعة والخوف من فقد الحاجة دي نفس الشيء فتعاملي ببساطة مع الأمور وخليكِ مرنة، بدل التعلق الشديد بحلم معين ركزي على التفوق والسعي، والنجاح هيجي لك من نفسه. *** مش بقولك متفكريش في طب أو صيدلة فكري عادي، لكن بلاش التعلق الشديد لأنه هيوصلك لخوف من فقد الحلم ده وهيضغطك أكتر وده هيسبب نتيجة عكسية. اسعي وتوكلي على الله وابدئي. وزي ما نصحك أستاذ عصمت قسمي الدروس وحطي خطة مرنة توفقي فيها بين مذاكرة القديم والجديد، وأؤكد عليكِ، متهمليش أبدا المراجعة. دي أهم حاجة عشان تثبتي المعلومات اللي بتذاكريها. ممكن تبحثي على يوتيوب عن أسلوب مراجعة (التكرار المتباعد) وكمان عن فيديوهات (ذاكر أقل ذاكر بذكاء) وخدي منها الطرق اللي تناسبك وطبقيها في مذاكرتك. وبالتوفيق إن شاء الله. 💚💚
تم النشر الأحد، ٢٧ سبتمبر ٢٠٢٦
وعليكم السلام ورحمة الله وبركاته يا بنتي. أول حاجة أحب أقولها لك إن شعورك ده طبيعي جدًا في السن ده، خاصة مع تراكم الدروس والظروف الصعبة اللي بتمري بيها. ربنا يفرجها عليكِ وييسر أمركِ ويحقق لكِ حلمكِ في الصيدلة، ويفرح قلبكِ وقلوب أهلكِ. أنتِ مش لوحدكِ، وطلبكِ للنصيحة ده خطوة قوية. ابدئي بخطوات صغيرة وواقعية عشان ما تحسيش بالإرهاق أكتر. قسمي المواد اللي متراكمة لأجزاء يومية بسيطة، مثلاً خصّصي ساعتين يوميًا لمادة واحدة بس، وركزي على الفهم أولًا ثم الحفظ. استخدمي جدول أسبوعي واضح، وابدئي بالمواد اللي بتحتاجيها أكتر عشان تحسي بالتقدم. لو الظروف النفسية بتأثر عليكِ، حاولي تكتبي يوميًا ثلاث حاجات إيجابية حصلت، حتى لو بسيطة، عشان تعيدي توازنكِ تدريجيًا. وادعي الله كتير، الدعاء بيفتح أبواب اليسر. حلمكِ إنكِ تبقي صيدلية وتفرحي أهلكِ ده هدف نبيل، وهو هيحفزكِ. كل يوم هتتقدمي فيه خطوة صغيرة هتقربكِ منه. ابحثي عن أسئلة مشابهة على فدني عشان تشوفي تجارب بنات تانيين مروا بنفس المرحلة. أنتِ قادرة، وهتعدي الفترة دي بإذن الله. لو عايزة تتكلمي أكتر عن أي جزء محدد، أنا هنا.
تم النشر السبت، ٢٦ سبتمبر ٢٠٢٦
تسلميلي ياقلبي على كلامك اللي زي العسل ربنا يحققلك اللي بتتمنية يارب 🥹🥰
تم النشر الأحد، ٢٧ سبتمبر ٢٠٢٦
اهم حاجه ماتحطيش في بالك اني مش هقدر او ايه ده كتير ،لا خليكي واثقه وابدأي من دلوقتي باللي تقدري عليه وحاولي من دلوقتي متأجليش ولسه فاضل كتير على الامتحان وهتقدري تلمي كله بإذن الله وتدخلي الكليه اللي بتحلمي بيها
تم النشر الأحد، ٢٧ سبتمبر ٢٠٢٦
نفس حالتي بجد مش عارفة اية الي بيحصل والمدرسة مبوظة كل حاجة انتي فيزياء ولا رياضة
تم النشر الاثنين، ٢٨ سبتمبر ٢٠٢٦
لعرض السؤال في فدني اضغط هنا