طويلبة علم 🥀🥀

من وجهة نظري واللّه اعلى وأعلم .. محدش يقدر يقلك وافقي أو لأ لأن دا يرجعلك انتي هو تقريبا قال مميزاته وعيوبه وانتي تشوفي هل دا مناسب ولا لأ .. يعني مثلا بخصوص النظافه لو انتي حد النظافه عنده خط احمر وعايزه يكون نظيف جدا ومهتم بأدق التفاصيل زي اظافره ف هنا محتاجه تعيدي التفكير اما لو عادي ف تمام لو انتي هتقلبي على نفسك اي لفظ وقت الغضب بإستثناء الشتيمه بالوالدين ف دا يرجعلك انتي وتفكيرك فالأمر هل من منظور ديني ولا نفسي بس . لو انتي متقبله انك تشاركي في المصاريف ف تمام برضو . كل دا بيرجع ل انتي ايه المواصفات اللي عيزاها في شريكك واي المميزات اللي ممكن تتنازلي عنها واي العيوب اللي ممكن تتعايشي معاها وتتقبليها فيما بعد ؟ وكمان نسبة التوافق الفكري بينكم عامله ازاي وهل اهتماماتكم البعض مشترك بحيث تلاقوا نقطه تتقابلوا فيها ولا لأ ؟ أما لو هتكلم ف بعض النقاط من منظور ديني ف القوامة للرجل تعني ان يقوم بكل احتياجات اهله سواء ماديا أو نفسيا على قدر استطاعته طبعا والزوجه مُكلفة بالطاعه له فيما يرضي اللّه ولو حبت تشارك في البيت ف دا فضل منها . والإتفاق على الأمر دا قبل الزواج بيخلي الرؤية واضحة للجميع ، ولو ان الأفضل للمرأة هو القرار في بيتها ودا مش تقليل منها بل حفظًا لها ولمكانتها العالية في تنشئة جيل صالح . عمل الزوج في المنزل مش بيكون بشكل خد وهات لأن العلاقه قائمة على المودة والرحمة فلو هو راجع تعبان يبقى من حسن اخلاقك ان يرتاح شويه ولو انتي تعبانه فهو يساعدك عادي لأن الرسول صلى اللّه عليه وسلم كان يعمل في بيته ويساعد اهله . بخصوص تدخل الأهل ف كويس انكم تحددوا مين اللي ممكن ترجعوا له فآخر محطة من خلافكم لأن الافضل : مشاكلكم تتحل بدون تدخل حد بُعدا عن تضخيم المشكلة وكمان لحفظ صورة كل واحد قدام اهل التاني .

طيب ازاي من غير سبب محدد ؟ اكيد في سبب أو حتى اسباب متراكمة ادت انك تكوني بالشكل دا ، فممكن تقولي ونحاول نساعدك . وكمان الأفضل انك تتواصلي مع اخصائية نفسية كمان في هنا تقريبا ف يارب يساعدوكي .

الأفضل تستشيري طبيب ، لأنها صغيرة جدا ف ممكن أي خطأ يضرها بشكل كبير . الطبيب هيشخصها بشكل صحيح ويعطيها العلاج المناسب .

في الأول من الناحية الدينية مهم نعرف ان الأبوين هيتحاسبوا على ظلمهم لأبنائهم ، وكمان ابنائهم دول لو كرروا نفس الظلم على ولادهم ف هم كمان هيتحاسبوا لأن لاتزر وازرة وزر أخرى والإنسان الناضج العاقل البالغ مُكَلف ومُحاسب عن كافة أقواله وأفعاله . أما من الناحية النفسية ف الإجابة هي ان اه ممكن يأثر وبشكل كبير لو الأبناء دول لم يصلِحوا من نفسهم قبل تربية ولادهم بنفس الشكل السابق ، ومهم يعرفوا أن ابنائهم أمانة ومسؤولية واجب عليهم يخططوا كويس ازاي هيربوهم بشكل صحيح حتى لو دا كان فيه مشقة ومجاهدة للنفس بسبب اللي شافوه من والديهم ، لأن زي م احنا عارفين قول الرسول صلى اللّه عليه وسلم : « كلكم راعٍ وكلكم مسؤول عن رعيته » أما لو أصلحوا من نفسهم وحضروا دورات عن التربية الصحيحة مثلا ف ربنا هيجازيهم خير لِمجاهدتهم لنفسهم وحرصهم على حفظ الأمانة اللي ربنا أكرمهم بيها .

ربنا يعينك يارب ويبارك في ذريتك . طيب انتي خريجة ايه ؟ صدقا انا ما اشتغلت قبل كدا ولكن سمعت عن مهارات ممكن تتعليمها في وقت مش طويل وتشتغلي بيها زي كتابة الديسكريبت وكمان المونتاج و الماركتينج . لو معك لغة فممكن تشتغلي بيها ومش لازم خدمة العملاء . وانصحك تبحثي يوتيوب هتلاقي فديوز كتير عن الشغل من البيت اسمعيها ممكن تفيدك جدا .

تمام يا جميلة أنا حاسه بمشاعرك و مقدرة جدًا انك زعلانه منها وفعلا الإنسان لما يعطي اهتمام لحد بشكل كبير والحد دا يتجاهله بالشكل اللي بتحكيه أو لا يبادله نفس الإهتمام ف دا مؤلم فعلا . كمان مقدرة ان كل واحد فينا احيانا بيعمل حاجات كتير غلط وحرام وهو مش عارف بس المهم وقت ما ربنا يبعتله حد يعرفه يستجيب لأمر اللّه تعالى . 90٪ من التفاصيل اللي حكيتيها حرام وبتكون سبب في غضب اللّه وعشان كدا حصل كل المشاكل دي لأن الصحبة غير صالحة والتصرفات مخالفة لتعاليم ديننا فبالتالي الحياة منزوعة البركة والحرام أينما حل أحدث خراااب كبير فوق م نتخيل . ف مهم تعرفي أن مفيش حاجه اسمها ارتباط ودا حرام ، وكمان حرام تكلمي خطيبها حتى ولو بغرض الصلح بينهم لأن خطيبها مش من محارمك فالبتالي اللي يحل المشاكل دي هو والدها أو أي رجل من محارمها بس انتي لأنك مكنتيش عارفه وقلبك طيب عملتي كدا بس خلاص عرفنا انه حرام ف نبعد عنه ولا أي ؟ انتي بتحبيها ولكن بسبب أخطاء كتير منكم انتو الاتنين العلاقه بينكم باظت .. دلوقتي تعملي ايه ؟؟ تحفظي كرامتك وتبعدي أو على الاقل علاقتكم تكون سطحيه ولو صحبتها فيها خير ليكي ربنا ييسر ويصلح ذات بينكم ، أما لو فضلتوا بعاد ف ممكن هي كانت مش خير ليكي ف ربنا بعدك عنها فنقول الحمد للّه . كمان مهم جدا جدا تتوبي لربنا من ذنوبك وترجعي له سبحانه ، وهو بيفرح بتوبة عبده ، صلي وقربي من ربنا وواللّه هتلاقي راحة كبيرة جدا جدا وبركة فحياتك تغنيكي عن الناس كلها ، وسبحان اللّه ربنا ييسرلك ويرزقك صحبة صالحة تاخد بإيدك للجنة وناس كويسة تحبك بجد ... بس المهم نتوووب لأن طول م احنا واقعين في الحرام ف منستغربش ابدا كثرة المشاكل والضنك في العيشة . أنا معاكي لو احتاجتي أي مساعده . اللّه يوفقك يارب ويردك له ردًا جميلا .🤍🌹

تأمل معي: ما الذي يدفع الزارع إلى الكدح والعرق؟إنه أمله في الحصاد، وما الذي يغري التاجر بالأسفار والمخاطر ومفارقة الأهل والأوطان؟إنه أمله في الربح، وما الذي يدفع الطالب إلى الجد والمثابرة والسهر والمذاكرة ؟ إنه أمله في النجاح، وما الذي يحفز الجندي إلى الاستبسال في القتال والصبر على قسوة الحرب ؟إنه أمله في النصر، وما الذي يحبب إلى المريض الدواء المر ؟ إنه أمله في العافية، وما الذي يدعو المؤمن أن يخالف هواه ويطيع ربه ؟ إنه أمله في رضوان ربه وجنته. الأمل ـ إذاً ـ قوة دافعة تشرح الصدر للعمل، وتخلق دواعي الكفاح من أجل الواجب، وتبعث النشاط في الروح والبدن، وتدفع الكسول إلى الجد، والمجد إلى المداومة على جده، كما أنه يدفع المخفق إلى تكرار المحاولة حتى ينجح، ويحفز الناجح إلى مضاعفة الجهد ليزداد نجاحه. إن الأمل الذي نتحدث عنه هنا ضد اليأس والقنوط ، إنه يحمل معنى البشر وحسن الظن ، بينما اليأس معول الهدم الذي يحطم في النفس بواعث العمل. ويُوهي في الجسد دواعي القوة ؛ ولهذا قال ابن مسعود رضي الله عنه: " الهلاك في اثنتين: القنوط والعُجب "... والقنوط هو اليأس، والعجب هو الإعجاب بالنفس والغرور بما قدمته. قال الإمام الغزالي: " إنما جمع بينهما: لأن السعادة لا تنال إلا بالسعي والطلب، والجد والتشمير، والقانط لا يسعى ولا يطلب، لأن ما يطلبه مستحيل في نظره .

ربنا يهديكي ويهديني يارب . سؤال ومش لغرض السخريه : هل انتِ مُسلمه . لو مسلمة يا جميلة ف حرام كل اللي بتحكيه . وحرام توصفي نفسك كدا والتطبيق في رجال اكيد . اتقي اللّه في نفسك ربنا خلقك غالية واللي يرغب بالزواج منك هو اللي يأتي يقابل والدك مش انتي تروحي تقابليه ، لو مسلمة وعندك اي استفسار عن الموضوع انا معاكي ، وافتكري كلنا بنخطئ بس السر ف هل هتتوبي وترجعي عن المعصيه ولا هتكملي وتتجاهلي نظر اللّه لكي

لي يمضي على بياض يا أختي ؟؟! المؤخر وتقريبا بيكون حسب عرف البلد ف مش اقدر اقول دا عادي ولا لأ . وعندي كمان تعليق وهو ان الله سبحانه وتعالى شرع الطلاق عند استحالة العشره ودا من رحمة ربنا علشان محدش يعيش مع انسان /ة مش متقبلها والعشرة بينهم مستحيله فكدا تعجيز ليه ومنعه من حق ربنا اعطاه له لأن على بياض ممكن تكتبي اي حاجه اعلى بكتير من امكانياته ودا هيخليه أو يخليكي تكملو برغم كرهكم لبعض ، وربنا يباركلك ويسعدك طبعا ولكن الزواج مش بالطريقه دي لأنه مش بيع وشراء ولو مش واثقه فيه من الاساس فغلط انك تكملي معاه مش تحمليه فوق طاقته عشان تحفظي حقك وبالمناسبه دا مش حفظ للحق ، الزواج ميثاق غليظ ولازم تختاري كويس حد تستأمنيه على نفسك وروحك ، حد بيتقي اللّه فحياته وبكدا الماديات هتكون اخر حاجه تفكري فيها .

اكيد في حل يا جميله وبالمناسبه احيانا دا بيكون اختبار من ربنا هل بتصلي لمجرد الروحانيه الجميله ولا في سبيل إرضاء اللّه بل ولما تجاهدي في الطاعه انك تعمليها بأحسن شكل برغم ثقلها عليكي بتاخدي اجر كبير بإذن اللّه . بصي اول حاجه التركيز والبعد شويه عن الفون لانه بيشتت عن كل حاجه وكمان استشعار عظمة الموقف من اول وانتي رايحه تتوضي تقولي انا دلوقت هقابل ملك الملوك وتحسني وضوئك بتمهل ، اول م تقولي اللّه أكبر تقولي جواكي بااااس الله اكبر من اى حاجه هفكر فيها بل كل حاجه عيزاها اطلب دلوقتي فرصه كبيره اوي لان الدعاء والإلحاح فيه بيحسسك بلذه وانك عايزه تصلي تاني وتستشعري وتحاولي تفهمي معنى كل كلمه بتقوليها وتبحثي عن معنى الحركات ، وبرضو تغيير السور دا بيساعد في التركيز ولو مش حافظه كتير وبتصلي نافله امسكي المصحف واقرأي منه . واعملي تحدي لطيف وانتي داخله تصلي تقولي بعد الصلاة هذكر نفسي صليت بسورة اي ودعيت بإيه دا هيخليكي تنتبهي اكتر . ولو في زلات ومعاصي ودا طبيعي عندنا كلنا تستغفري علطول وتتوبي وتذكري اللّه . ربنا يرزقك لذة طاعته يارب .🥀

فهماكي كويس واللّه بس ممكن طلب 🥺🫂 بلاش باللّه تقولي بكرهه أو فاشل وتقسي أوي كدا ، انا فاهمه كويس انت تعبتي بس عارفه واللّه بيحبك أهو من غير م اعرفه لأن دي فطرة ربنا فقلوبهم . ناس كتير هنا هتقلك احسن من كلامي بس انا هقلك نصيحتي كأخت ليكي . بصي في آباء كتير كدا ومش بيكون قصدهم واللّه ولكن شايفين انهم الكبار وهم الصح لان عندهم سن وخبره اكتر و حتة الإنتقاد المستمر ممكن تكلميه فيها بالراحه وباللين انك نفسك يدعمك وكدا ، كتير من الأهالي مش بيعرفو يعبرو عن حبهم لكن واللّه دي فطرة بدليل ان ربنا أمرنا ببرهم لأن قلوبنا ممكن تجحد وتقسى ولكن هم قلوبهم مفطوره على كدا ولما تخلفي هتفهمي كلامي . كمان بما انك عايزه تقربي من ربنا فمن اوسع الأبواب لدا هي بر ابوكي لأن فعلا في اب بيكون قاسي وهنا اجرك يكون اكبر لأن دا بلاء ، احنا مأمورين ببرهم والإحسان ليهم ما داموا لم يطلبو منا الشرك باللّه او فعل المعاصي . فانتي تغافلي وخليكي لينه وقولي له ايه مدايقك . تخيلي والدك يشوف كلمة بكرهه دي واللّه قلبه هيتكسر تخيلي لو مات دلوقت عمرك م هتكوني مبسوطه . افتكري الخير ليه وانه سبب وجودك في الدنيا ، افتكري ايام طفولتك ، انتي مشفتيش فرحته لما اتولدتي واللّه جربي تقربي منه ولو قاسي هيلين ، عامليه بإحسان وتغافلي ، هو كمان مأمور يرعاكي ويحسن تربيتك وتلبية احتياجاتك فقدر استطاعته ولكن لو قصر فحسابه عند ربنا وانتي واجب عليكي بره . ربنا يكتبلك الخير .

مساء النور. حبيبتي انتي كدا فطرتك اللي ربنا خلقك عليها سليمه ودا الأصل ان ميكونش ليكي اي علاقه برجال اجانب عنك ، هم مش حابين دا .. يبقى عيب فيهم مش فيكي . ولكن فرقي بين حاجتين وهم الخجل المذموم زي انك تكسفي ترفضي حاجه مش مريحاكي او متعرفيش تتكلمي كويس مع الناس وشخصيتك ضعيفه مثلا فهنا محتاجين نصلحها ، أما لو اللي عندك حياء وبعد عن مواطن الاختلاط وكثرة الكلام مع الرجال بدون سبب فدي صفه محموده وتدل على إيمانك . النقطة التانيه وهي الزواج .. لازم تفهمي وتفهمي اهلك انه رزق من اللّه ومكتوب فوقت محدد إن شاء اللّه وان تدعي ربنا بالزوج الصالح وانتي تصلحي من نفسك وكدا تبقي اخدتي بالأسباب . فمتزعليش خالص، اللي يتكلم يتكلم ، لأن الناس مش بتسكت فأي حال من الأحوال وخلي اعصابك تلاجه ولو حد كلمك تقولي دا رزق من اللّه وربنا هيكرمني في الوقت المناسب بالشخص المناسب . بخصوص العرسان فلو مش مرتاحه للأول ومش حابه شكل التاني فارفضي الإتنين عادي لأن القبول من أساسيات الزواج اللي لا غنى عنها ، ومتقبليش بأي حد غير اللي تحسي براحه تجاهه لأن دا عمر مش لعبه . ربنا يكتبلك الخير .

بصي النحافة او السمنه مش ديما بسبب الأكل . ليهم علاقه اه بس مش بشكل اساسي ، انصحك تروحي لدكتورة تغذية لأن ممكن معدل الحرق عندك عالي ، أحيانا برضو الموضوع بيكون له علاقة بلخبطة هرمونات وكدا فهنا تقريبًا دكتورة نساء تساعدك . ربنا يبارك في صحتك يارب ويقوي بدنك .

حبيبتي اهدي شويه ، في اسباب كتير تخلي دا يحصل منها انك تكوني متوتره . استهدي باللّه هقولك حاجه تعمليها وبإذن اللّه هتفرق ، بصي اول م تصحي صلي الفجر واقرأي قرآن اد م تقدري وقولي اذكار الصباح ، طول الطريق صلي على النبي صلى اللّه عليه وسلم كتير وكرري اي ذكر حفظاه . اول م تدخلي اللجنه قولي باسم اللّه توكلت على اللّه ، وتقعدي فمكانك لحد اما يجيبوا الورق تقرأي الفاتحة كدا وتقولي باسم اللّه اللّهم لا سهل إلا ما جعلته سهلا وأنت تجعل الحَزن إذا شئت سهلا ، رب اشرح لي صدري ويسر لي أمري واحلل عقدة من لساني يفقهوا قولي وتدعي بكل حاجه نفسك فيها ربنا ييسرلك ويلهمك الإجابه الصحيحه ولما تقفي عند سؤال تدعي ربنا يفهمك وسيبيه وهكذا اي سؤال يقف وفي الآخر ترجعي تفكري بالراحه وتدعي ربنا . والبابل شيت مش تخليه لآخر الوقت حلي ١٠ اسئله وظلليهم اللّه يوفقك يارب انا معاكي وحاسه بيكي بس بلاش يعيوني نقول ليه كدا يارب لأن دا من سوء الأدب مع اللّه وانا عارفه انك متقصديش ربنا يهون عليكي يارب

بصي الإنسان بطبيعته بيحب الدنيا فلو عاش ١٠٠٠ سنه هيتمنى يوم زياده. غير كدا زي م قلتي الموت مكتوب يعني ببساطة اليوم والساعة والدقيقة اللي هيغادر فيها الدنيا مكتوبة والمكان كذلك . طيب يبقى ليه يروح المستشفى ويعافر ؟! لأن ببساطة احنا مأمورين بالأخذ بالأسباب لآخر لحظة ودا اللي بنفهمه من قصص الأنبياء والصالحين .

بداية كدا لا تقولي والنبي لأن الحلف بغير اللّه شرك . بصي يحبيبتي لازم تعرفي كويس ان البداية اللي مترضيش ربنا نهايتها مش هترضيكي ابدا . اللي انتي فيه دا اسمه تعلق مش حب ، الحب بيجي مع العشره والمواقف والزعل وتفاصيل كتيرة وطبعا كل دا مش بيحصل غير بالزواج ، طيب ممكن نقول معجبة مثلًا حتى لو كدا حراام تكلميه . اللّه سبحانه وتعالى قال " ومن أعرض عن ذكري فإن له معيشةً ضنكا " . يعني الضيق والزعل دا طبيعي . يا اختي انتي غالية ربنا خلقك كدا ودينك كرمك وخلى اي حد عايزك يبذل الغالي والنفيس عشان بس يعرف يتكلم معاكي ... يبقى انتي تعملي فنفسك كدا ؟! مع الوقت هتنسي وبلااش تتجاهلي نظر ربنا ليكي يعني سبحانه اكرمك بنعمة البصر والقلب والإيد وبدل م تشكريه تروحي تعصيه بيهم !! الحل انك تحذفي رقمه وتقومي تصلي ركعتين توبه عن كل حاجه عملتيها وتستغفري وتقربي من ربنا ، وتدعي يرزقك بزوج صالح ووقتها بس هتعرفي معنى الحب بجد ، لأن اللي بيحب حد مش بياخد بإيده للنار لأ بيساعده علشان يدخو الجنه مع بعض . طب انتي عارفه لو تبتي هتفرحي ربنا تخيلي !! اللّه يصلح حالك وينزع من قلبك حب الحرام ويتوب عليكي وكنصيحة اخيرة اقرأي قرآن كتير هتحسي براحة كبيرة جدا وعلقي قلبك بربنا لأن المتعلق بغير ربنا مخذول والناس هتفنى وربنا هو الباقي .

https://t.me/+ML_HHhJsWjc0ODU0 دي قناة تليجرام فيها كتب كتيييرة جدا ومفيده كتب دينيه وتزكية وسيرة وفقه شوفي الكتب في وصف القناة اللهم بارك

واللّه يا أختي ما أعلمه وما يحثنا عليه ديننا هو أن التعامل بين الرجل والمرأة عند الحاجة وبقدر الحاجة يعني ملوش حق ابدا ان يتدخل في ما لا يعنيه ، فممكن لا تسترسلي معه في الكلام او تقولي دا أمر شخصي ولا يهم حضرتك في شئ ، او مترديش اصلا ومع الوقت لما يلاقيكي مش بتتكلمي هيسكت . وربنا يثبتك يارب

يا جميلتي اهدئي قليلا ، لم يكن ما حدث شرًا بل خيرًا لِكلاكما، من الجيد وللّه الحمد أنكِ اعترفتي بذنبك وبأن هذا معصية للخالق جل وعلا ، لأنه علاقة محرمة وسبحان ربي فلم يُحرم شيئا إلا لحكمة عظيمة ، فتجدي قلبكِ متعلق بشئ وهمي وحزن شديد وإهدار لمشاعرك في غير محلها الصحيح ، لا يوجد سعادة ولا حب في هذه الدنيا أجمل من حب اللّه والتعلق به ومن ثم حب زوجك الصالح ، وحلالك ..فهذا الحب يبارك اللّه فيه لأنه في رضاه . أما عن شأن ذاك الرجل فلا علاقة لكِ به ولا تعودي مهما كانت الأسباب إلا أن يشاء ربي شيئًا . ما يشعر به هو نِتاج معصية وإن اشفقت عليه فادعي اللّه له بأن يربط على قلبه . أما عن زواجك سواء به أو بغيره فهذا قدر وكتوب عند اللّه توبي إلى اللّه وتقربي إليه واهتمي برضاه وعلقي قلبك به وانشغلي برضاه وحبه عن رضا الناس وحبهم ، وستجدين راحة واللّه لو خيّروكي بينها وبين كنوز الدنيا لَخترتيها . أسأل اللّه لك الهداية والتوبة النصوح وأن يرزقك السعادة في الدنيا والآخرة 🤍🥀

قال ربي تبارك وتعالى : ( وما خلقت الجن والإنس إلا ليعبدون ) لا تدع نفسك والشيطان يقودانك لليأس من رحمة اللّه ، مهما كانت صعوبة ما تمر به استعن باللّه ولا تعجز ، اللّه لم يخلقك عبثًا حاشاه سبحانه فهو الحكيم، يا أخي هل تعلم أن اللّه ارحم بك من أمك ؟! ، لا تبتئس فهي دنيا فانية وإن كنت بعيدا عن ربك فاسجد وأقترب لأن الإعراض عن ذكر اللّه من أعظم أسباب الضنك والحزن . وإن كنت قريبا فأبشر فإذا أحب اللّه عبدًا ابتلاه والحزن ليس حرامًا بل هو طبيعة بشرية ولكن الغير طبيعي والمهلك أن تظن باللّه ظن السوء . أسأل ربي تبارك وتعالى أن يُذهب عنك الهم والحزن وأن يحفظك من شر نفسك ومن شر الشيطان وأن يردك إليه ردًا جميلا ويجعلك من عباده الصالحين .

لا حول ولا قوة إلا باللّه 😭❤️‍🩹 انتي سنك اد ايه طيب ؟ انتي كويسه دلوقتي طمنيني عليكي ، والذي نفسي بيده له نصيب من دعائي اللّه ينتقم منه ويعذبه دنيا وآخره . بصي إياكي ثم إياكي تخافي روحي عند جدتك أو جدك لو عايشين وادعي ربنا كتير أوي وبلااش كلام خايفه على اخواتك ولا الكلام دا ، انتي لو عملتي بلاغ هتحميهم من تربية زباله بالشكل دا ، روحي اعملي بلاغ علطول فأقرب قسم شرطة وموبايلك خلي التسجيل شغال ديما وتجنبي انك تكوني معاه لوحدك لو مامتك نزلت انزلي معاها بأي حجة أو روحي لحد من قرايبك ، وصارحي والدتك ومتخافيش وهيكون افضل لو سجلتي وسمعتيها التسجيل ، متخافيش باللّه وقولي لها كل حاجه وربنا معاكي انتي قويه كمان للحرص أكتر هاتي بخاخه وخطي فيها شطه وليمون وخليها ديما فإيدك أو جمبك ولو حاول يقربلك رشي فعينه منها واخبطيه بأي حاجه المهم اوعك تستسلمي وباللّه باللّه ما تخافي قولي لأي حد كبير من محارمك افضل ولو مفيش عادي أي حد وروحي بلغي علطول . مش عارفه احنا وصلنا لإيه الناس نسيت ان في حساب وبقت كالحيوانات بل واللّه ظلمت الحيوانات بهذا التشبيه .

لو عايزه نصيحة يقلبي لو كنتي مسلمة ، فحابه اقلك ان كل حاجه غلط من الأول للأخر ربنا خلقك غاليه واللي عايزك يكلم وليّك وبس لأن مبدئيا دي علاقة محرمة شرعا لأنك أهو شفتو النتيجه ... تعلق بلا أي أساس وحزن وهم واستنزاف لمشاعرك فموضع خطأ تماما ، لما تكلمي حد صاحبه فالمفروض تخافي من ربنا مش منه لأن ببساطة لا صداقه بين ولد وبنت ولو بيصحيكي للفجر حتى . التعامل يا غاليتي بين الرجل والمرأة في ديننا عند الحاجة وبقدر الحاجة فقط يعني للضرورة بس . بل كمان مش بيعاملك كويس وبيهينك مع العلم لو بيعاملك كملكة حرام برضو ولكن انتي ربنا خلقك عزيزة بلاش تذلي نفسك وإلا دينك أولا ثم كرامتك واللي بالمناسبة هتبقى عندك وقتما تراعي ربنا في أقوالك وأفعالك . فتوبي لربنا واستغفري وربنا يكرمك بحد يصونك ويقدر قيمتك في الحلال ، ومعلومة حتى لو مخطوبين حرام الشات وكلام الحب وكدا لأنه يعتبر خلوه إلا إذا كان في ضرورة وتتكلمي بقدرها وبس ، وابحثي عن كل كلامي بإذن اللّه هتفهمي أكتر 🤍 سامحيني لو كلامي فيه حده بس من خوفي عليكي كأخت ليا في اللّه .

أحل اللّه لك الزواج وحرّم أي شئ غير ذلك . حضرتك عارف ان دا ادمان ف الحمد للّه ، أول شئ توب لربنا سبحانه وتعالى لأن دا ذنب كبير واقف مع نفسك وحاسبها وخلي عندك عزيمه على عدم العودة.يعني قول انا مستحيل ارجع لكدا ، ابعد عن أي مثير وغُض بصرك ولا تتبع خطوات الشيطان وادعي كتير واستشعر نظر ربنا ليك لأنه هو البصير والرقيب ، ومهم تجاهد نفسك ولا تيأس وفكل مره تهم بالتوبه والإغتسال وصلاة ركعتين توبه وتستغفر ، وعند الشعور بذلك الأمر تقوم تتحرك فورا تعمل رياضه أو اي حاجه ،وكمان تعاقب نفسك يعني لو وقعت هتتوب طبعا وبعدها هتعمل طاعه صعبه عليك سواء صدقه او قراءة قرآن أو قيام ليل كتير ...اي عمل صعب ودا الهدف منه انك تبقى عارف فيه مقابل هيتعمل وكمان علشان الحسنات يُذهبن السيئات فأتبع السيئة بالحسنة تمحُها ودا حديث ولكن مش متذكره لفظه الصحيح بس دا معناه . والصلاة إياك والتقصير فيها بسبب الأمر دا ، وشوف صحبه صالحه واقرأ القرآن وافهمه واعرف أن ذنوب الخلوات كارثه وبتجعل كل اعمالك يوم القيامة هباءا منثورا فخاف على نفسك . كمان في اعراض انسحابيه لما تحصل مترجعش تاني بل اعرف انك ماشي صح منها الضيق الشديد والرغبه في هذا الفعل وممكن حزن شويه وعدم الرغبه فحياتك الطبيعيه ، اول اسبوع صعب وبعدين واحد تلو الآخر هتلاقي الأمر اختفى بإذن اللّه فجاهد نفسك ، وطبعا لا تنسى الدعاء والإستعانه بالله فكل دا ، وربنا يتوب عليك يارب ويجعلك من عباده الصالحين

دا الشيطان يقلبي عايزك تُحبطي ، ثقي في اللّه ربنا قال في حديثه القدسي " أنا عند ظن عبدي بي فاليظن بي ما شاء " يعني تتوكلي على اللّه حق التوكل وتعملي بالأسباب اللي فإيدك وبعد كدا مُدبر الأمر يتولاه فواللّه من شقّ البحر لموسى بعصا فشوفي هل دا سبب يكافئ المعجزه دي ولكن سيدنا موسى قال كلّا إن معي ربي سيهدين ومن أخرج الماء من الصحراء القاحله ومن أسرى بعبده ليلا من المسجد الحرام إلى المسجد الأقصى ، ومن شقّ القمر لنبيه ، ومن خلق الإنسان بكل تفاصيله ومعجزات خلقه، ومن جعل زوجة زكريا تُنجب وهو شيخ كبير وهي عاقر ، ومن جعل العصا ثعبان وخلق السماء بغير عمد لقادرٌ على تحقيق أمنيتك فقط يقُل لها كوني فتكون فإذا انقطعت الأسباب فادعيه يخلق لكي سببا وإذا قال العقل والمنطق واجتمع الإنس والجن على أن هذا الشئ مُحال فهو سبحانه رب المحال ورب كل شئ وبيده الملك وهو على كل شئ قدير فادعي بيقين وتوكلي عليه سبحانه وثقي إن اقداره ليكي خير من أمنياتك فدوما لما تدعي بأي حاجه في النهايه قولي في عفو وعافيه لأن أحنا جاهلين ولا نعلم الخير فين قولي يارب دبر لي الخير حيث كان ولا تكلني إلى نفسي طرفة عين ، اللّهم اخترلي ولا تُخيرني وربنا يحقق لكي ما تتمني في عفو وعافيه يارب🥀

لا يست البنات الموضوع بسيط يعيوني 😊🫂 بصي أول حاجه لازم تعرفيها أن اللي بيتنمر دا عيب فيه وفأخلاقه مش فيكي خالص ، وغالبا الأهل مش بيركزوا فكلامهم لأن فاكرين كدا عادي ومش عارفين أن البنت ليها معامله مختلفه فاعطيلهم اعذار لأنهم بيحبوكي واللّه ، بس لازم تصارحي اللي قدامك وتقولي انا بدايق من كدا يعني تفرغي إحساسك بس بطريقه مهذبه وفوقت مناسب . تاني نقطه هي جسمك ..مبدئيا لو هتخسي فعلشان نفسك وبس يعني لو شايفه ان وزنك بيأثر على حركتك وصحتك فكدا هتخسي عشانك ولو لأ وعاجبك نفسك فمش مهم كلام أي حد اجمدي كدا ، وغالبا زيادة الوزن بتكون بسبب جينات أو هرموناتك عايزه تتضبط أو لخبطه في الأكل فأنتي هتروحي لدكتورة تغذية ودكتورة نساء وتشوفي اي المشكله وتعالجيها ببساطه زى م الطبيبه هتقولك . والشكل والاهتمام بنفسك ممكن تبدأي بخطوات بسيطة زي انك هتهتمي بنظافتك طبعا وتعملي كل اسبوع اسكرب لكل جسمك علشان الجلد الميت بيخلي البشره باهته اوي وبعد كدا هتروحي لصيدلي كويس أو دكتورة جلدية ودا الافضل علشان تقولك نوع بشرتك ايه تعطيكي اللي يناسبها تطلبي منها تقولك غسول للوجه ونوع مرطب كويس وبادي لوشن دا مرطب برضو بس للجسم ، وكمان هاتي مرطب شفاه وهاتي روج بس يكون جميل عليكي وديودرنت اللي هو مزيل علشان تبقى ريحتك جميله ديما وكمان نوع برفيوم أو بادي سبلاش ودا كل شويه تحطي منه في اليوم حتى لو رايحه تطبخي😅علشان تبقي رايقه كدا ، وشعرك تسرحيه اول م تصحي وقبل م تنامي واسمعي فديو عن العنايه بالشعر هتفهمي المهم بس تغسلي الفروه كويس ومتلفهوش وهو مبلول علشان بيعمل ريحه مش حلوه . وبالتدريج بق تجيبي مسكره وكدا . أما الهدوم ف الخروج طبعا عايزه ملابس شرعيه ومحترمه لاتصف ولا تشف ولا تكن زينه في نفسها وكل الاهتمام والبرفيوم دا قدام بابا والنساء والمحارم بس ها🤭 هتروحي أي مكان وتشوفي لبس مريح ولون هادي واللي هو تشوفي شكل اللبس كدا يكون راقي ومحترم وفي البيت شوفي بتلبسي بيجامه ولا عبايه أكتر وهاتي كام واحده كيوت ولون بتحبيه وبيكون حلو فيكي وحاولي ملابسك أغلبها يكون قطن علشان العرق والحفاظ على البشره وكدا . وكمان فكك من كلام الناس اتغيري وحسني من نفسك عشانك واي كلام تسمعيه تطنشي خالص وتقولي انا حابه نفسي كدا ولو قالو اتغيرتي ليه قولي ربنا هداني ومبسوطه خليكي بارده يعني وطبعا كل دا مش هيجي مره واحده بل بالتدريج وآخر حاجه بق ودا السر علاقتك بربنا بجد نفسيتك وحتى جمالك بيتأثروا بشكل كبير لأن اللي مع ربنا مش بيهمه الناس ف صلاتك فوقتها وورد القرآن والأذكار وقيام ليل ولو ركعتين ودا سر نور الوجه بجد والدعاااااء الدعاااء بكل حاجه نفسك فيها قولي يارب هب لي حسن الخَلق والخُلُق وأنِرلي وجهي بطاعتك وقلبي بحبك ويارب اجعل جسمي صحيح وشكلي جميل وشعري طويل وجميل حرفيا بكل حاجه وتدعي ربنا ييسرلك كل اللي قلتهولك فوق . وبجد لو عملتي كدا هتبقي بيرفكت وقمر😚🫂

أنا لسه صغيرة😅 ولكن من باب النصيحة اتعلمي لغة وخدي كورسات فيها خاصة الإنجليزي وكمان خدي كوسات برمجة ، تقريبا دول هينفعوكي جدا في سوق العمل لأنهم مطلوبين جدا ، وكمان من الناحية الدينية دبلومة علم شرعي بجد قمه في الروعة واقرأي كتير انك تبقي حد مثقف فدا شئ تحفه وربنا يوفقك يارب لِما يحب ويرضى 🤍

أسأل اللّه تعالى أن يتوب عليك وأن ينزع من قلبك حب الحرام ولذته وأن يجعلك من عباده الصالحين يارب وهدعيلك واللّه . اقرا اللي هقولهولك كويس👍 بص الحل الأساسي هو رجوعك لربنا مش كلام وخلاص واللّه لا بجد الدعاء بينازع القدر فانت وانت بتصلي وساجد تدعي كتيييير اوي حرفيا وعيط وقول لربنا كل حاجه قول له يارب انا ارتكبت كبيرة بس انا عايز ارجع انا تعبت من الحرام وكرهته وادعي ولح في الدعاء قول يارب اجعلني من عبادك الصالحين وارزقني الهدى والتقى والعفاف والغنى انت الحمد للّه اخدت خطوات وندمت وتركت الزنا وندمت وبقيت بتصلي ...حلو اوي . انت كدا ماشي صح ، كل اللي بيحصلك دا نفسيا اسمه الاعراض الإنسحابيه يعني مثلا لما حد يكون مدمن مخدرات بيتجنن حرفيا ودا كمان ادمان. بص استشعر نظر ربنا ليك اول م ترجع البيت قول ربنا يراني دانا لو امي فتحت الباب وانا بعمل كدا هتدمر ما بالك ربنا الخالق جل وعلا يراك في الوضع دا ، وكره نفسك فيه افضل قول دا قرف ودا بيخيليني اعزكم اللّه زي الحيوان ، قول انا اللي اتحكم فنفسي وشهوتي مش هي اللي تقودني كالانعام كدا لا انا راجل وكل دا ميهزش شعره مني ، الكلام مع النفس له تأثير كبير وطبعا الثوابت الصلاة على وقتها ويا سلام لو صحبه صالحه كدا دول هتلاقيهم في المسجد واوعى تيأس وتكتئب مهو دا هدف الشيطان اصلا ان تيأس من رحمة ربنا وتدخل النار وعليك بالقرآن واللّه سحر ديما امسك المصحف اقرأ آيه واحده بس واللّه هتلاقي قلبك كاره المعصيه اصلا واول م ترجع تشغل قرآن فموبايلك بصوت عالي كدا .وهتلاقي الشهوة زادت بشكل جنوني وتحس انك خلاص هتقع قوم فجأة كدا اصدم دماغك اعمل ضغط اتحرك رش ميه عليك وسيب باب اوضتك مفتوح ديما وافتكر ربنا بيفرح بتوبتك واللّه تخيل تفرح ربنا اللي بيقول " واللّه يريد أن يتوب عليكم ويريد الذين يتبعون الشهوات أن تميلوا ميلًا عظيما ، يريد اللّه أن يخفف عنكم وخُلق الإنسان ضعيفا " شفت تخيل القرآن بيخاطبك ازاى ربنا بيقلك انه يريد أن يتوب عليك وانك ترجعله وتبعد عن غضبه وعن الحرام بيقلك انه سبحانه يعلم انك ضعيف ولكن بس خد خطوة وافتكر قول حبيبنا " التائب من الذنب كمن لا ذنب له " يعني يسيدي كأنك اتولدت من جديد وكمان عايزك تتعب شويه في البداية معلش اكتب على يوتيوب وصف الجنةوالنار واسمعه وبعدها ابحث عن حكم الفعل دا هتلاقي كتير جدا بيتكلم في الامر دا اسمع اللي قلبك يرتاحله وافتكر كمان مره اهو ... التشتت ، الشهوة الجنونية ، الحزن الشديد والاكتئاب بدون سبب ، وتذكر اللي كنت بتعمله وجلد الذات كل دا معناه انك ماشي صح مش غلط دي اعراض طبيعيه لأن كيميا دماغك بترجع لطبيعتها السليمة والدوبامين بيتظبت عندك فاوعى اوعى تيأس وتزعل لا كمل ولو حسيت انك هتعمل كدا جااااهد نفسك قول لا انا ربنا خلقني عزيز انا المسيطر على نفسي مش العكس ولو وقعت اوعك تحبط برضو فورا فورا تقوم تغتسل وتصلي ركعتين توبه حتى لو مش حاسس بندم وتوزن الكفه اللي هو انا لو عملت الذنب دا هستغفر ١٠٠٠ مره وهقرأ جزء قرآن ولا اكتر يعني ايه ... المعنى انك في المقابل هتعمل حاجه صعبه عليك جدا يعني مثلا لو بخيل تطلع صدقه كبيرة وهكذا تشوف اي الطاعه الصعبه عليك وتعملها مع الوقت نفسك والشيطان هييأسوا لأن عارفينك ذنب الخلوات مرتبط معاك كمان بطاعة الخلوات يعني تقول لنفسك كدا ...انا زي م عصيت ربنا في السر وغرني ستره المرخي عليا هطيعه واتعبد في السر برضو . وادعي ربنا بالزوجة الصالحة لأن الشيطان اللي بيوهمك ان كل النساء كدا وخوف نفسك ان الموضوع له آثار برضو على صحتك ونفسيتك وطاقتك . اسفه لو طولت عليك بس سبحان الله شيخي لسه متكلم في الموضوع دا النهارده اعتبرها اشاره ليك من ربنا وانا حاولت افيدك باللي اعرفه.

قال تعالى " وعسى أن تكرهوا شيئًا وهو خيرٌ لكم " انها تبعد ممكن دا خير كبير ليكي ، يمكن لو فضلت كانت اذتك وانها تلاقي بديل فدا يدل على عدم نضجها لأن مفيش مانع تبقى مصاحبه اتنين ، ربنا يربط على قلبك ويكرمك بصحبة صالحة تكون معاكي في الدنيا وفي الجنة بإذن اللّه . قربي من ربنا أكتر واقرأي في القرآن واعملي خلوه تتحدثي فيها مع اللّه وتحكي كل همومك صدقينا راحة ما بعدها راحه واللّه . المتعلق بغير اللّه مخذول خلي قلبك ديما متعلق باللّه بس لأن الناس كلها فانيه وهيجي وقت وتمشي بس ربنا سبحانه وتعالى هو الحي القيوم وهو أقرب إليك من حبل الوريد