يعني ايه يعني اذاكر وفاهمه
ويجي الامتحان الاقي نفسي معرفش حاجه
يعني ايه بجد
انا تعبت ومخنوقه اوي
اوي اوي بجد
شكلي هشيل😭
انا مخنوقه اوي اعمل ايه
المشكله أنها مواد عاديه
وانا اول مره اغلط فيها كدا
في ايه بجد
ليه عقلي يعمل كدا
انا مخنوقه اوي
هل من حل
انا مش هقدر اعيش ولا استحمل تاني
كفايه التوتر اصلا اللي هما عاملينه لينا
وبعدين انا كان نفسي اخلص علطول
😭😭😭😭
ليه كدا يارب
اللهم لا اعتراض بس ليه
هو انت مش هترضالي الاحسن طيب
انا مخنوقه اوي
السلام عليكم، أنا فاهمة إحساسك كويس بس حاولي تهدي كده وتستعيني بالله. انسي خالص المادة اللي عدت أيا كان اللي عملتِه فيها، اتعودي أي امتحان يخلص ارميه ورا ظهرك وركزي على المواد اللي بعده. أنتِ كده بتضيعي الباقي وفي الآخر ممكن يكون توترك مهيألك إنك عكيتِ في الامتحان وتكتشفي العكس، كتير حصل معانا نخرج من الامتحان حاسين إن حلنا أسوأ حاجة وربنا بيسترها والتصحيح بيكون كويس. فأنتِ استغفري ربنا كده وتوكلي عليه وهدي أعصابك. عارفة الكلام سهل والتنفيذ صعب بس فعلا مش قُدامك غير تقفلي عقلك عن التفكير في الامتحان اللي فات وتركزي على الجاي. أنتِ مش هتقدري تغيري اللي حصل بس في إيدك تغيري اللي جاي. وبلاش تدخلي اللجنة متوترة لأن التوتر بينسيكِ اللي أنتِ مذاكراه. لو رايحة نايمة كويس وأعصابك هادئة ومش متوترة هتقدري تحلي أفضل من واحد مقفل المنهج 100% بس متوتر ومش مركز. اعملي بالنصائح اللي قالتها طويلبة علم في إجابتها وكرري كتير ذكر (لا حول ولا قوة إلا بالله العلي العظيم) و(حسبي الله ونعم الوكيل) ردديهم كتير خلال اليوم وبين فترات الراحة بين جلسات المراجعة. ربنا معك ويوفقك.
تم النشر الأحد، ٢١ يونيو ٢٠٢٦
حبيبتي اهدي شويه ، في اسباب كتير تخلي دا يحصل منها انك تكوني متوتره . استهدي باللّه هقولك حاجه تعمليها وبإذن اللّه هتفرق ، بصي اول م تصحي صلي الفجر واقرأي قرآن اد م تقدري وقولي اذكار الصباح ، طول الطريق صلي على النبي صلى اللّه عليه وسلم كتير وكرري اي ذكر حفظاه . اول م تدخلي اللجنه قولي باسم اللّه توكلت على اللّه ، وتقعدي فمكانك لحد اما يجيبوا الورق تقرأي الفاتحة كدا وتقولي باسم اللّه اللّهم لا سهل إلا ما جعلته سهلا وأنت تجعل الحَزن إذا شئت سهلا ، رب اشرح لي صدري ويسر لي أمري واحلل عقدة من لساني يفقهوا قولي وتدعي بكل حاجه نفسك فيها ربنا ييسرلك ويلهمك الإجابه الصحيحه ولما تقفي عند سؤال تدعي ربنا يفهمك وسيبيه وهكذا اي سؤال يقف وفي الآخر ترجعي تفكري بالراحه وتدعي ربنا . والبابل شيت مش تخليه لآخر الوقت حلي ١٠ اسئله وظلليهم اللّه يوفقك يارب انا معاكي وحاسه بيكي بس بلاش يعيوني نقول ليه كدا يارب لأن دا من سوء الأدب مع اللّه وانا عارفه انك متقصديش ربنا يهون عليكي يارب
تم النشر الأحد، ٢١ يونيو ٢٠٢٦
انا مخنوقه محتاجه افضفض واعمل ايه دلوقتي هل ممكن اتصرف والحق نفسي ولا لا بس المشكله ان في باركود 😭😭😭😭😭😭
تم النشر الأحد، ٢١ يونيو ٢٠٢٦
لعرض السؤال في فدني اضغط هنا