السلام عليكم ورحمه الله وبركاته
سمعت من معلمه قرأن إن المواظبة على قراءة سوره البقره يوميا بيبقي ليها اثر كبيرا جدا في تغير الحياه للافضل
انا الحمدلله مواظبه علي الصلاه و الورد اليومي من القرآن بس مش عارفه اقرا سوره البقره كلها في اليوم ازاي هي كبيره ممكن تقولي اقسمها ازاي
وعليكم السلام ورحمة الله وبركاته انا كنت زيك كدا وبقول مش هقدر اقرأها كلها لكن الحقيقه طلعت عكس المتوقع خالص انتي في البدايه هتحسيها كبيره لكن بعد كام يوم هتقرئيها في جلسه واحده هتاخد منك ساعه فقط وعن تجربه المهم في البدايه هتقسميها ازاي هي 49 صفحه هتقرئي بعد كل فرض 10 صفح فقط او في الفجر اقرئي 20 وبد كل صلاه 10 لان العشاء اغلب الناس بتكون تعبانه ومنهكه من شغل البيت او اي شغل بتعمليه طول النهار ف بتكون تعبانين فممكن تكسلي ف شوفي انهي يناسبك وربنا يقويكي يارب وفي حاجه تاني تحفههههه انا فرحانه جدا ان ربنا اعاني ووفقني اني اعملها وهي ختم القران في 6 ايام فقط لو عايزه تعمليها هتقرئي بعد كل فرض 20 صفحه بس كدا
تم النشر الخميس، ١٨ يونيو ٢٠٢٦
وعليكم السلام ورحمة الله وبركاته، نعم، لسورة البقرة أثر عظيم في حياة المسلم إذا واظب عليها، وهذا مستمد من أحاديث النبي ﷺ التي تؤكد فضلها، مثل كونها تطرد الشيطان من البيت لثلاثة أيام، وتحمي قارئها، وتجلب البركة والتيسير. كثير من النساء اللاتي يحافظن على قراءتها يلاحظن تغييرات إيجابية في الرزق والراحة النفسية والحماية من المشكلات، لكن الأثر يأتي مع الاستمرار والنية الصادقة، وليس مجرد القراءة السريعة. بما إن السورة طويلة، يمكنك تقسيمها بطريقة عملية ومريحة حتى لا تشعري بالإرهاق. جربي تقسيمها إلى سبعة أجزاء متساوية تقريباً (حوالي 40 آية يومياً)، أو اقرئي من أول السورة حتى نهاية الجزء الأول منها في يوم، ثم تابعي في اليوم التالي، وهكذا. مثلاً: اليوم الأول: من الآية 1 إلى 70. اليوم الثاني: من 71 إلى 140. وهكذا حتى تكمليها في أسبوع، ثم أعيدي الدورة. ابدئي بجزء صغير كل يوم بعد صلاة الفجر أو قبل النوم، وركزي على التدبر حتى لو كان بطيئاً. الاستمرار أهم من إكمالها دفعة واحدة، وستجدين مع الوقت أنها أصبحت جزءاً طبيعياً من وردك اليومي. استمري على ما أنتِ عليه من صلاة وورد، فهذا أساس جميل، وأضيفي البقرة تدريجياً. إذا أردتِ نصائح إضافية عن كيفية التدبر أثناء القراءة، قولي لي.
تم النشر الأربعاء، ١٧ يونيو ٢٠٢٦
السلام عليكم، سورة البقرة فعلا من السور اللي لها أثر عظيم وركة كبيرة، وأوصى الرسول عليه الصلاة والسلام بقراءتها في حديثه الشريف "اقرَؤوا سورةَ البَقرةِ؛ فإنَّ أخذَها بَركةٌ، وتَركَها حَسرةٌ، ولا تَستطيعُها البَطَلةُ" البطلة يعني السحرة. ** السورة صحيحة أكبر سورة القرآن لكنها في رأيي سهلة جدا وخاصة إنها من السور اللي بتتكرر باستمرار في إذاعة القرآن الكريم وفي المواصلات أيضا فقراءتها هتكون سهلة والآيات مألوفة. بالبداية ممكن تحسيها صعب تخلص في يوم أو جلسة لكن عن تجربة بعد كم مرة هتلاقيها أسهل بكتير وهتوصلي إن ممكن تقرأيها في جلسة ساعة أو ساعة تلت. ممكن كبداية تقسميها على ٣ أيام، تقرأي جزء أو ١٦ صفحة بعد الفجر أفضل أو تقسمي الجزء على صلوات اليوم، أنتِ مع الوقت هتحددي الروتين الأفضل لقراءتها المهم تواظبي عليها. كمان نقطة مهمة، لا تخلي اعتقادك إنها هي في ذاتها اللي هتبارك حياتك وتحفظك من السحر وغيره زي ما ذُكر في فضلها، هي مجرد سبب فوأنتِ بتقرأيها خلي في بالك إن ربنا هو الحافظ والرازق واقرئي بنية إن ربنا يعطيكِ فضلها ويبارك في حياتك. https://dorar.net/hadith/sharh/136176 بالتوفيق.💚💚
تم النشر الخميس، ١٨ يونيو ٢٠٢٦
وعليكم السلام ورحمة الله وبركاته بصي ممكن جزء أول اليوم وباقي السورة نهاية اليوم دوامي وبإذن الله مع الوقت هتكون سهلة معاكِ يعني هتيجي أيام تقرأي السورة في جلسة واحدة فقط الله يرضى عنك اللهم آمين ويرزقك البركة في الوقت
تم النشر الأربعاء، ١٧ يونيو ٢٠٢٦
مش كبيرة ولا حاجة انتى ممكن فى الأول مستصعبها بس والله مع الوقت هتحسى ان عادى ومش هتاخد منك وقت لأن مع التكرار وقت القرآءة بيقل ..... وفعلا المدوامة عليها من أعظم الحاجات اللى ممكن تعمليها 🤍
تم النشر الخميس، ١٨ يونيو ٢٠٢٦
بصي هي في الأول بس تقيلة لكن بعد كدا هتحسي الامر سهل جدا بإذن اللّه . هي جزئين و سبع صفحات ، والجزء ٢١ صفحة ، يعني تقريبا السورة كلها ٤٩ صفحة . يعني بإذن اللّه بسيطه بس في الاول بتلاقي صعوبة شويه لأنك مش متعوده، هي فضلها عظييم جدا وبتحميكي من أي شر والشيطان بيحاول يصعبها عليكي . بصي انتي ممكن تقسميها بعد كل فرض ١٠ صفحات أو تقرأي الصبح جزء و٣ صفحات وبالليل جزء و٤ صفحات . وبعد اما تتعودي هتقرأيها عادي وتاخد معاكي وقت ساعة وربع مثلا أو اقل لو بتتعلمي قرآن ولسانك متعود على القرآة . ربنا يوفقك ويحفظك ويجزيكي الجنة
تم النشر الأربعاء، ١٧ يونيو ٢٠٢٦
لعرض السؤال في فدني اضغط هنا