تمام يا جميلة أنا حاسه بمشاعرك و مقدرة جدًا انك زعلانه منها وفعلا الإنسان لما يعطي اهتمام لحد بشكل كبير والحد دا يتجاهله بالشكل اللي بتحكيه أو لا يبادله نفس الإهتمام ف دا مؤلم فعلا . كمان مقدرة ان كل واحد فينا احيانا بيعمل حاجات كتير غلط وحرام وهو مش عارف بس المهم وقت ما ربنا يبعتله حد يعرفه يستجيب لأمر اللّه تعالى . 90٪ من التفاصيل اللي حكيتيها حرام وبتكون سبب في غضب اللّه وعشان كدا حصل كل المشاكل دي لأن الصحبة غير صالحة والتصرفات مخالفة لتعاليم ديننا فبالتالي الحياة منزوعة البركة والحرام أينما حل أحدث خراااب كبير فوق م نتخيل . ف مهم تعرفي أن مفيش حاجه اسمها ارتباط ودا حرام ، وكمان حرام تكلمي خطيبها حتى ولو بغرض الصلح بينهم لأن خطيبها مش من محارمك فالبتالي اللي يحل المشاكل دي هو والدها أو أي رجل من محارمها بس انتي لأنك مكنتيش عارفه وقلبك طيب عملتي كدا بس خلاص عرفنا انه حرام ف نبعد عنه ولا أي ؟ انتي بتحبيها ولكن بسبب أخطاء كتير منكم انتو الاتنين العلاقه بينكم باظت .. دلوقتي تعملي ايه ؟؟ تحفظي كرامتك وتبعدي أو على الاقل علاقتكم تكون سطحيه ولو صحبتها فيها خير ليكي ربنا ييسر ويصلح ذات بينكم ، أما لو فضلتوا بعاد ف ممكن هي كانت مش خير ليكي ف ربنا بعدك عنها فنقول الحمد للّه . كمان مهم جدا جدا تتوبي لربنا من ذنوبك وترجعي له سبحانه ، وهو بيفرح بتوبة عبده ، صلي وقربي من ربنا وواللّه هتلاقي راحة كبيرة جدا جدا وبركة فحياتك تغنيكي عن الناس كلها ، وسبحان اللّه ربنا ييسرلك ويرزقك صحبة صالحة تاخد بإيدك للجنة وناس كويسة تحبك بجد ... بس المهم نتوووب لأن طول م احنا واقعين في الحرام ف منستغربش ابدا كثرة المشاكل والضنك في العيشة . أنا معاكي لو احتاجتي أي مساعده . اللّه يوفقك يارب ويردك له ردًا جميلا .🤍🌹
الشكر للّه ،حبيبتي 🤍🌹
تم النشر الأحد، ٩ أغسطس ٢٠٢٦
ان شاءلله شكرا جدا ليكي بجد 🤍🤍
تم النشر الأحد، ٩ أغسطس ٢٠٢٦
فهماكي جدا واهو الحمد للّه انك فهمتي ان في البعد دا خير وسبحان اللّه بقيتي تقربي من ربنا اكتر . أما بخصوص سؤالك ف انتوا الاتنين كان عندكم أخطاء كتيرة يعني لا هي صح ولا انتي كمان ومقدرش احكم عليها بشكل ثابت لأني م سمعت منها فعشان كدا ارضي بالواقع وقولي الحمد للّه وربنا يكتبلكم كل خير ، فعلا هي وسوسة شيطان وكمان من نفسك الأمارة بالسوء لأنك واضح بتحبيها فالبتالي بتحاولي تثبتي ان ممكن هي صح علشان ترجعي تاني ... وانا بقلك بلاش وحافظي على كرامتك افضل مادام هي مش حابه ترجع وكمان كانت بتعينك على الحرام ف البعد افضل بكتير وربنا يعوضك بصحبة صالحة .
تم النشر الأحد، ٩ أغسطس ٢٠٢٦
هو حرفيا من وقت مابعدت عني لقيت اني ممكن اصلي السنن عادي واقرا قران اكتر عادي هي كمان مكنتش وحشه كنا بنساعد بعض اننا نتغير ونتقرب لربنا بس انا محستش اني بقرب لربنا اوي غير لما بعدت وفكرت ف نفس كلامك الي هو احنا مكناش خير لبعض كنا بنساعد بعض ف حاجات غلط كتير ولما اختلفنا شوفت قد اي انها شخص متقلب الود وافتكرت حاجات كتير من احنا وصغيرين تقول انها مينفعش تكون صحبتي وانها مكنتش بتعمل حاجة من نفسها انا الي كنت اقدم وهي كانت تردلي الي بعملو هي بنفسها قالت كدا بس ف وقت صفا اما دلوقتي بتقولي مطلبتش منك حاجه وبتكلمني وبتعاملي معامله مهينه جدا انا بس كل الي مجنني معقوله هي تكون صح ونا شيطاني عميني ومش شايفة كدا دا سؤالي بس
تم النشر الأحد، ٩ أغسطس ٢٠٢٦
لعرض الإجابة في فدني اضغط هنا