من وجهة نظري واللّه اعلى وأعلم .. محدش يقدر يقلك وافقي أو لأ لأن دا يرجعلك انتي هو تقريبا قال مميزاته وعيوبه وانتي تشوفي هل دا مناسب ولا لأ .. يعني مثلا بخصوص النظافه لو انتي حد النظافه عنده خط احمر وعايزه يكون نظيف جدا ومهتم بأدق التفاصيل زي اظافره ف هنا محتاجه تعيدي التفكير اما لو عادي ف تمام لو انتي هتقلبي على نفسك اي لفظ وقت الغضب بإستثناء الشتيمه بالوالدين ف دا يرجعلك انتي وتفكيرك فالأمر هل من منظور ديني ولا نفسي بس . لو انتي متقبله انك تشاركي في المصاريف ف تمام برضو . كل دا بيرجع ل انتي ايه المواصفات اللي عيزاها في شريكك واي المميزات اللي ممكن تتنازلي عنها واي العيوب اللي ممكن تتعايشي معاها وتتقبليها فيما بعد ؟ وكمان نسبة التوافق الفكري بينكم عامله ازاي وهل اهتماماتكم البعض مشترك بحيث تلاقوا نقطه تتقابلوا فيها ولا لأ ؟ أما لو هتكلم ف بعض النقاط من منظور ديني ف القوامة للرجل تعني ان يقوم بكل احتياجات اهله سواء ماديا أو نفسيا على قدر استطاعته طبعا والزوجه مُكلفة بالطاعه له فيما يرضي اللّه ولو حبت تشارك في البيت ف دا فضل منها . والإتفاق على الأمر دا قبل الزواج بيخلي الرؤية واضحة للجميع ، ولو ان الأفضل للمرأة هو القرار في بيتها ودا مش تقليل منها بل حفظًا لها ولمكانتها العالية في تنشئة جيل صالح . عمل الزوج في المنزل مش بيكون بشكل خد وهات لأن العلاقه قائمة على المودة والرحمة فلو هو راجع تعبان يبقى من حسن اخلاقك ان يرتاح شويه ولو انتي تعبانه فهو يساعدك عادي لأن الرسول صلى اللّه عليه وسلم كان يعمل في بيته ويساعد اهله . بخصوص تدخل الأهل ف كويس انكم تحددوا مين اللي ممكن ترجعوا له فآخر محطة من خلافكم لأن الافضل : مشاكلكم تتحل بدون تدخل حد بُعدا عن تضخيم المشكلة وكمان لحفظ صورة كل واحد قدام اهل التاني .
اللّه يكتبلك الخير ، فكري كويس وشوفي انتي عايزه اي 🌿.
تم النشر الاثنين، ١٠ أغسطس ٢٠٢٦
هو بالنسبة للنظافة فهي تفرق معايا جداً بالنسبة للشتيمه فهو كان بيقولها بغرض أنه لو سألت عليه وحد قال إنه بيشتم أو كده ما اكونش غشيتك أنا زي اي شاب عادي بيقول أنا مش ملاك بس بيقول في البيت أكيد لأ طالما اللي قدامي محترم بس أنا بردك مش مطمئنه بالنسبة للمشاركة في المصاريف فأنا عادي بس اكيد مش هشارك وهو مقتدر يصرف عالبيت بالأخص أن دخله مش وحش
تم النشر الاثنين، ١٠ أغسطس ٢٠٢٦
لعرض الإجابة في فدني اضغط هنا