فهماكي كويس واللّه بس ممكن طلب 🥺🫂 بلاش باللّه تقولي بكرهه أو فاشل وتقسي أوي كدا ، انا فاهمه كويس انت تعبتي بس عارفه واللّه بيحبك أهو من غير م اعرفه لأن دي فطرة ربنا فقلوبهم . ناس كتير هنا هتقلك احسن من كلامي بس انا هقلك نصيحتي كأخت ليكي . بصي في آباء كتير كدا ومش بيكون قصدهم واللّه ولكن شايفين انهم الكبار وهم الصح لان عندهم سن وخبره اكتر و حتة الإنتقاد المستمر ممكن تكلميه فيها بالراحه وباللين انك نفسك يدعمك وكدا ، كتير من الأهالي مش بيعرفو يعبرو عن حبهم لكن واللّه دي فطرة بدليل ان ربنا أمرنا ببرهم لأن قلوبنا ممكن تجحد وتقسى ولكن هم قلوبهم مفطوره على كدا ولما تخلفي هتفهمي كلامي . كمان بما انك عايزه تقربي من ربنا فمن اوسع الأبواب لدا هي بر ابوكي لأن فعلا في اب بيكون قاسي وهنا اجرك يكون اكبر لأن دا بلاء ، احنا مأمورين ببرهم والإحسان ليهم ما داموا لم يطلبو منا الشرك باللّه او فعل المعاصي . فانتي تغافلي وخليكي لينه وقولي له ايه مدايقك . تخيلي والدك يشوف كلمة بكرهه دي واللّه قلبه هيتكسر تخيلي لو مات دلوقت عمرك م هتكوني مبسوطه . افتكري الخير ليه وانه سبب وجودك في الدنيا ، افتكري ايام طفولتك ، انتي مشفتيش فرحته لما اتولدتي واللّه جربي تقربي منه ولو قاسي هيلين ، عامليه بإحسان وتغافلي ، هو كمان مأمور يرعاكي ويحسن تربيتك وتلبية احتياجاتك فقدر استطاعته ولكن لو قصر فحسابه عند ربنا وانتي واجب عليكي بره . ربنا يكتبلك الخير .
ربنا يصلح ذات بينكم بس بجد واللّه دا والدك أيًا كان ازاي محدش بيختار اهله ، انتي المهم تبريه عشانك وعشان ربنا امرك بكدا ولان دي كمان صلة رحم ، وعلى قدر استطاعتك يعني مشاعرك محدش يلومك عليها بس مثلا لو طلب منك مساعده او كلمك تردي وتكلميه بإحترام ، وربنا يهديه يارب ويلين قلبه
تم النشر الجمعة، ٢٦ يونيو ٢٠٢٦
انا مش بقدر اتعامل مع اى حد بكرهه عادى انا يمكن بعدى عنه وعدم اختلاطى بيه بيقلل ذنوبى من ناحيته
تم النشر الجمعة، ٢٦ يونيو ٢٠٢٦
تمام انا فهماكي ، طب اي رأيك تعتبري انك في بلاء مهي الدنيا دار بلاء اصلا تعاملي على الأساس دا وتصبري وتاخدي اجر عظيم جدا لأن من اعظم انواع البر هي لما يكون الوالدين فيهم طبع القسوة لأن في الحاله دي لما تبريهم كأنك بتقولي انا بتعامل مع ربنا مش مع الناس وتحتسبي اجرك على اللّه . ربنا يهون عليكي ويربط على قلبك ويصلح ذات بينكم يارب .
تم النشر الجمعة، ٢٦ يونيو ٢٠٢٦
طيب واى رايك فى الاب الى دائماً بيعامل طفله عمرها صغير بالضرب والتهزيق عارفه انا قولتلوا بكرهك فى مرة عارفه قال اى قال مش مهم اب كل الى همه يبعت بنته تجيب ليه سجائر علشان مزاجه مش كل اب كويس وهو مش راعى ربنا فيا ة
تم النشر الجمعة، ٢٦ يونيو ٢٠٢٦
لعرض الإجابة في فدني اضغط هنا