Nehal El-Masry

معلش بس يعني اي علشان قدك هو دا عيب؟اومال لو اكبر منك كنت عملت اي ؟تزوج النبي صل الله عليه وسلم من السيدة خديجة وهي اكبر منه ومفيش حاجة في ديننا يمنع ان الشاب يتزوج من بنت قده او اكبر منه (تُنكَح المرأة لأربع: لمالها، وحسبها، وجمالها، ودينها، فاظفر بذات الدين) -ثانيا انت لو اخدتها اصغر منك فلما حضرتك توصل لسن الاربعين وهي تكون لسة في العشرينات هل هي هتبقي مبسوطة وهي لسه شباب وجوزها عجز ؟فكر بالمنطق اللي بيمشي الدنيا في الجواز هو العقل والتربية مش السن ف لما تحكم تقول اصل هي مستهترة او مش مسئولة او انها مش متربية وبتغلط فيك او في اهلك لكن طالما هي تقدر تفتح بيت وتحافظ عليه ف ايه المشكلة بقي -ثالثا الواضح من كلام حضرتك انك معجب بشكلها وبس واكبر دليل علي كدا ان مجرد ما والدك رفض انت قبلت الرفض وما حاولتش معاه بل بالعكس بعدت واللي مصعب عليك البعد انه ازاي الجمال دا يكون لحد غيرك

بص انا ك بنت بقولك ان طالما احنا شبعانين حنية من الاب والاخ مش بنفتح باب لاي شخص تاني يدخل حياتنا انت وظيفتك تقعد معاها وتتكلم معاها بهدوء وقولها انك بتحبها وبتغير عليها دا مش هيقلل منك بالعكس هي هتفرح وهتبقي مبسوطة وكلمها عن وجهة نظرها ويا ريت تقولها ان الشباب برة بيشوفوا البنات ازاي وانهم ممكن يتراهنوا علي مين اللي يوقع البنت الاول لما تقولها كدا هي هتخاف قبل ما يحصل معاها حاجة هتجري عليك تقولك وانت اديها مساحتها يعني لما تيجي تحكيلك حاجة اسمعها للاخر وبلاش تتعصب حتي لو عملت مصيبة علشان متفقدش ثقتها فيك وانصحها بالراحة وخد رايها في حاجات تخصك البس دا ولا لاء كدا انت بتحسسها انها مهمة جدا في حياتك

احساسك طبيعي جدا واي بنت بتبقي بتحلم باليوم اللي هتتجوز فيه والامير اللي هيجي علي حصان والكلام دا كله بس مش دايما الواقع كدا يمكن لو بصيتي حواليكي هتشوفي انه صعب ومش كل الجوازات بتنجح -ف صبري نفسك ان انا نصيبي لسه مجاش ربنا شايلي الاحسن واشتغلي وخلي عندك طموح من الشغل لو انتي خريجة كليه معينة اشتغلي بشهادتك ولو معاكي دبلوم حاولي تعملي معادلة وتدخلي كليه من قسمك في الدبلوم حتي الدراسة هتشغل وقتك واشغلي واعملي لنفسك حتي لو النصيب جه انتي هتكوني انسانة كبيرة عندك شغل - بس بلاش لمجرد انك عايزة ترتبطي وتتجوزي تقبلي باي حد بلاش استني اللي يساهلك وربنا هيكرمك ان شاء الله

في الاول كدا انتي اكيد عارفة ان العلاقة دي حرام -ثانيا هو لو عايزك في الحلال يبقي لازم تقطوا العلاقة دي فورا اعملي بلوك بس سيبي رقم والدك وهو لو بيحبك بجد هيدخل من الباب مش هينط من الشباك -اختاري وقت مامتك تكون هادية ورايقة فيه وكلميها قوليلها انك حابه تكونوا صحاب وانك تحكيلها علي حاجة تحصل في يومك وبعدين احكيلها بالراحة هي غالبا هتنفعل ودا طبيعي جدا هي هتتخض شوية وهتقعد مع نفسها وتروق حتي لو اخدت منك الموبايل ف دا هيكون من دافع خوفها عليكي لان هي متعرفش مين الشخص دا واذا هو كويس ومحترم ولا لاء ودا بصراحة الاحسن علشان ممكن اصلا يكون بيضحك عليكي وبيعشمك وبما انك بتحبيه ف مرايه الحب عمية وممكن بردو لاء ف انتي تسيبي لمامتك الفرصة انها تحاول تعرفه وهي اصلا اللي هتمهد الموضوع لوالدك دا لو فعلا جه يتقدم ف فالوقت دا مفيش حد هيساعدك غير مامتك ف انتي لازم تقوليلها ومعلش استحملي ردود افعالها -بس الاهم اقطعي العلاقة الحرام علشان ما بني علي باطل فهو باطل

جرح الطفولة بيفضل معلم في القلب والوجع اللي بيجي من الاهل عمره ما بيتنسي ابدا -الله يكون في عونك علي اللي مريت بيه - بس انت غلطت لما سبت نفسك للشيطان -بس انت لازم تفوق بقي وتدرك ان قيام الساعة ف اي لحظة فحاول ترجع بلدك او اي بلد عربية ولومش هتقدر اعتزل في بيتك الحالي ودور علي شغل حلال وخليك من بيتك لشغلك ويا ريت لو تادي صلاتك في المسجد لو قريب منك وصلي واستغفر ربك علي ذنبك طول الوقت استغفر واطلب السماح من ربنا -كرسك حياتك لشغلك اللي هتاكل منه بالحلال وعبادتك لربنا اللي ان شاء الله تغفر ذنبك وحاول تروح لدكتور نفسي علشان تتطلع اللي جواك وترتاح -وخلي عندك يقين ان كله هيتحاسب وكل حد اذاك ربنا هياخدلك حقك سواء في الدنيا او اكيد في الاخر ف حاول تنسي الماضي ودا مش سهل بس انت كدا بتعمل الغلط والحرام وبتاخد الماضي واللي حصل فيه كاعذار ف توب يا اخي الي الله لانك ملكش غيره -ربنا يهديك ويكفيك شر الشيطان اللهم امين ويصلحلك حالك

بصي انتوا الاتنين دلوقتي ف اهم مرحلة في حياتكم اللي هي تالتة ثانوي ف اللي انتوا بتعملوه دا تشتت وبس (تغيير المجموعات)ف ركزي في مذاكرتك وفي الدروس اعملي نفسك مش واخدة بالك ومركزة مع المدرس واول ما تطلعي خدي صحبتك او لو بتمشي لوحدك مدي وامشي بسرعة وبردو بلاش تبصي خالص علشان ميفهمش انك بتديله امل -انتي مش عارفة ربنا شايل ليكوا ايه يمكن تكونوا من نصيب بعض ويمكن لاء ف الصح انك بلاش تتعلقي ولا تديله امل في التعلق -ويمكن هو اصلا ياخد دا حافز انه يذاكر ويشتغل علشان ياخدك في الحلال -ف ركزي في دراستك وسيبي الموضوع علي ربنا ربنا يوفقك يا رب

شعورك طبيعي لانك اول مرة تسمعي الكلام دا من راجل ف انتي مخضوضة من الوضع الجديد -اسالوا عليه كويس(العريس)-اتكلمي معاه وحطي حدود للكلام فهميه انك اول مرة تسمعي الكلام دا وانك متوترة وياريت تكلميه انه يبطل الغزل او الكلام الرومانسي لانكم انتوا لسه اغراب عن بعض وخليكي شجاعة معاه واتكلمي بثقة علشان ما يخدش عنك انطباع انك ضعيفة الشخصية ف قولي انك عاوزة العلاقة دي ربنا يكون راضي عنها-ربنا يوفقك يا رب

يمكن نفسية او انميا او نقص معادن في جسمك -متسرحيش شعرك وهو مبلول خليه ينشف خالص لان الشعر بيبقي تقيل وهو مبلول -سرحي بمشط خشب - وخدي فيتامينات -وبترجع بردو الاسباب للاكل ف كلي الحاجات اللي غنية بالمعادن

انتي المفروض تسالي نفسك انا معاقة؟انا عايشة علي الادوية ؟انا متشوهة ؟لو اجابتك لاء يبقي تقولي (الحمد لله الذي عافانا مما ابتلي به الكثير )وانا مش بنتقدك خالص انا عارفة ان احنا كبنات مهتمين بالموضوع دا ودي طبيعة عندنا واحيانا اللي بتمشينا الهرمونات بس من رايي خليكي دايما واثقة انك جميلة وانتي عارفة انك جميلة فخليكي كدا ومتنقصيش من نفسك لانك طالما شايفة نفسك جميلة غيرك هيشوفك جميلة - مين اللي قال ان الجمال مقياس لكل حاجة او لكل الناس قال رسول الله ﷺ : ﴿ إن الله لآ ينظر إلى صوركم وأموالكم ، ولكن ينظر إلى قلوبكم وأعمالكم ﴾يعني يوم القيامة ربنا مش هيدخلك الجنة ان شاء الله عشان شكلك جميل لاء علشان اعمالك الجميلة وقلبك النقي -وبعدين في داهية الناس انتي هتكرهي نفسك علشان حد هي الناس بتصرف عليكي ولا ماسكين عليكي زلة-وعلي فكرة النصيب مش بيقف علي الجمال وهل كل جميل عاقل؟هل كل جميل سوي ويقدر يحافظ عليكي ويفتح بيت ؟حبي نفسك زي ما انتي واللي عايزك يحبك زي ما انتي

أحب اقولك ان ولا واحدة منهم كانت صاحبة كويسة والاتنين مفيش واحدة منهم كانت بتحبك بجد ودول مش صداقات حقيقية لان الصحبة بجد مش هتسيبك على أتفه الاسباب وحتى لو حصل مش هتسيبك بالسنة او نص سنة فدول مش هنعتبرهم اصحاب -انتي يمكن اللي خلاكي تتمسكي بيهم في الاول انك عايزة يبقى في حد في حياتك تتكلمي معاها وتروحوا مع بعض الدروس تكلميها لو مدايقة يعني كنتي بتشغلي الفراغ اللي جواكي فمتزعليش نفسك عليهم بالعكس انسيهم وطنشيهم وحسسيهم إنك أحلى من غيرهم وانصحك مفيش احسن من امك علشان تصاحبيها على الاقل لا هتتخانق فيكي ولا هيجي يوم وتسيبك.

هي بتأثر على النفسية بسبب انك بتحسي بالذنب وبتلومي نفسك وبتأثر على صحتك من حيث الم في الضهر والبطن وأحيانا حساسية تحت الجلد وبيحصل لغبطة في الهرمونات -بصي هي خطوة عايزة إرادة بجد وتقفي قصاد نفسك وشهواتك ارجعي لربنا وادعي لنفسك بصلحان حالك دا رقم واحد رقم اتنين حاولي تلهي نفسك بالقرآن والاذكار وكمان ممكن تعملي اي حاجة تانية بتحبيها ويكون فيها تركيز بحيث ميكنش عندك فرصة للتفكير فيها تالت حاجة نزلي برامج على موبايلك تحجب عنك أي حاجة وحشة تخليكي ترجعي تاني. رابع حاجة نامي بالليل بدري وبلاش سهر لان الليل وقت الشياطين وانتي هتبقي لوحدك واهلك نايمين فهتفكري وترجعي للغلط تاني فانتي صلي العشا ونامي هتصحي بدري هتروحي لجامعتك فهتنشغلي بدراستك واصحابك ولو فكرتي أثناء النهار اطلعي اقعدي مع أهلك واتكلموا في أي حاجة المهم تبعدي تفكير في الغلط دا. خامس حاجة فرغي مشاعرك يعني هاتي دفتر واكتبي فيه كل حاجة حاسة بيها واكتبي انك بتجاهدي نفسك وكل فترة افتحي الكشكول هتلاقي نفسك مبسوطة بجهادك لنفسك وابقي كافئي نفسك بقى اشتري لنفسك حاجة حلوة. -يا ريت تمارسي رياضة - فانتي بتعالجي نفسك بترك العادة نفسيا وجسديا وترجعي علاقتك بربنا -وافتكري ديما ان في حاجة اسمها موت ودا مش بيستأذن حد فتخيلي انه جالك وانتي بتغضبي ربنا هتكون اخرتك ايه؟ فانتي لازم تاخدي قرارك وتوقفي فورا - ربنا يصلح حالك ويقويكي ويبعد عنك الشيطان اللهم آمين.

انا بحييكي جدا جدا علي قوة تمسكك بدينك وانتي كدا قلبك مش ضعيف خالص بالعكس دي اول نقطة تاني نقطة الالتزام والطاعة ملهموش دعوة بالتعليم الازهري او التعليم العادي الحرام بين والحلال بين ودا علي كل البشر مش الازهريين بس فكون ان الطلاب اللي في الجامعة متبعين الحرام فدول ناسيين ان في حاجة اسمها حرام وناسيين الموت وعذاب القبر والاخرة -تالت نقطة انا معاكي ان المناظر بقت فظيعة ومبقاش فيه حياء خالص والتبرج زاد عن حده الا من رحم ربي فمن وجهة نظري ان لما بنت تبقي بأخلاقك ومبادئك لما تدخل في الوسط دا المفروض تبقي مشمئزة وتبقي حاسه بالفخر إنك في زمن انتشار الفتن لسه محافظة على مبادئك ومتعيطيش أبدا على ترك الحرام بالعكس افرحي وكوني صداقات مع البنات اللي زيك المحترمات اللي انت شايفاهم كويسين وقوي قلوب بعض وثقي في نفسك وامشي بمبدأ الصاحب ساحب بس خليكي انتي الساحب واسحبي البنات للطريق الصح وتاخدي ثوابهم ولما تحسي ان حد هيسحبك لطريق الغلط فورا ابعدي عنها ولو مقتدرتيش خلاص انعزلي عن الاشكال دي واشغلي يومك بمحاضراتك ووقت الفراغ اقرئي قرآن او اذكار ودايما خليكي متاكدة انك بتعملي الصح وخليكي دايما فخورة انك بتعملي لآخرتك ولو حد اتنمر عليكي بسبب انك مش زيهم خلي ردك واحد انا متهمنيش الدنيا انا بعمل لآخرتي وبس والله هما هيتكسفوا من نفسهم وهيجي اليوم وهتشوفي انك كنتي صح وخليك عارفة ان حتى في موضوع الجواز الولد مهما كان بيبص على البنات المتبرجات وحتى لوكان مصاحب لما بيجي يتجوز بيدور على المحترمة اللي مش متبرجة او كانت مصاحبة فمعظم البنات اللي انتي شايفاهم دلوقتي بيخسروا آخرتهم وممكن يخسروا دنيتهم كمان- ربنا يعينك ويقويكي على طاعته

بصي يا حبيبتي كلنا يجيلنا يوم ونقع ونحس إنها نهاية الدنيا ونشوف الدنيا سودا ومبقاش فيها حاجة حلوة اللي انتي فيه ممكن يكون اضطراب نفسي أو عندك مشاكل او مريتي بحاجات صعبة عليكي ويمكن حصل عندك تراكم في مشاعرك واللي أكيد انها وسوسة من الشيطان - ومفيش حاجة اسمعها وقعت نهائي الانسان مش بيوصل للمرحلة دي غير لما يبقي في القبر لكن طول ما فيه النفس كل يوم بيمر بتحديات مرة ينجح ويثبت نفسه ومره يقع ويتعلم من غلطه لكن مهما وقع لازم يجي يوم ويقوم -رجعي ثقتك بنفسك وقومي كملي حياتك ارجعي للقران ولو 5 ايات كل يوم حتى لو تلاوة مش حفظ -اهتمي بنفسك اعملي عالم خاص بيكي في اوضتك حبي نفسك اعملي ماسكات اتفرجي على حاجة بتحبيها دوري على السعادة بنفسك متستنيش حد يسعدك وبكرة ربنا يرزقك بابن الحلال اللي يستاهلك هتحبيه وتتجوزي وتخلفي عيال زي القمر خلي دا تفكيرك خليه إيجابي مش سلبي وصلي وادعي ربنا يريح قلبك ويرجعك ليه ولطاعته -هاتي دفتر وفرغي فيه مشاعرك اكتبي انا حاسه بحمل على قلبي .انا مرتاحة النهاردة .انا النهاردة قرأت وجه من سورة البقرة .انا النهاردة حاسة اني حزينة -اكتبي كل حاجة المهم متكتميش في قلبك واتكلمي مع حد قريب منك سواء مامتك او اخواتك او اصحابك ولو حابة انا هنا هسمعك كمان.

يمكن علشان من عاشر القوم اربعين يوم بقى منهم الا من رحم ربي وللاسف الدنيا بقت وحشة اوي وبقى مفيش اخلاق الا من رحم ربي - اما بقى سؤالك (ليه) علشان دا بيبقى القسمة والنصيب واختيار ربنا لكل واحد يمكن شخص من الكويسين لما يتجوز نرجسي يقدر يغيره وتبقي دي حكمة ربنا أو ممكن النرجسي يبوظ حياة الكويس فعلشان الكويس يهرب من العلاقة دي يبدأ طريق جديد يكون أحسن ليه ويفيد ناس تاني في انهم ميقعوش في شخص نرجسي - نهاية الكلام ان احنا حياتنا كلها مكتوبة ومتقدرة ولكل حاجة هنمر بيها لازم يكون وراها حكمة من ربنا (وعسى أن تكرهوا شيئًا وهو خير لكم)

بصي هي خطوة عايزة إرادة بجد وتقفي قصاد نفسك وشهواتك ارجعي لربنا وادعي لنفسك بصلحان حالك دا رقم واحد رقم اتنين حاولي تلهي نفسك بالقرآن والاذكار وكمان ممكن تعملي اي حاجة تانية بتحبيها ويكون فيها تركيز بحيث ميكنش عندك فرصة للتفكير فيها تالت حاجة نزلي برامج على موبايلك تحجب عنك أي حاجة وحشة تخليكي ترجعي تاني رابع حاجة نامي بالليل بدري وبلاش سهر لان الليل وقت الشياطين وانتي هتبقي لوحدك واهلك نايمين فهتفكري وترجعي للغلط تاني فانتي صلي العشا ونامي هتصحي بدري هتروحي لمدرستك فهتنشغلي بدراستك واصحابك و دروسك ولو فكرتي اثناء النهار اطلعي اقعدي مع أهلك واتكلموا في أي حاجة المهم تبعدي تفكير في الغلط دا خامس حاجة فرغي مشاعرك يعني هاتي دفتر واكتبي فيه كل حاجة حاسة بيها واكتبي انك بتجاهدي نفسك وكل فترة افتحي الكشكول هتلاقي نفسك مبسوطة بجهادك لنفسك وابقي كافئي نفسك بقي اشتري لنفسك حاجة حلوة -يا ريت تمارسي رياضة لان للاسف العادة بثاثر علي الجسم من حيث الطول وألم في البطن والظهر - وغير هي بتأثر علي الصحة النفسية بسبب احساسك بالندم - لكن هي مش بتاثر بشكل مباشر علي الرحم او المبايض يعني الجهاز التناسلي فمفيش مشاكل في الحمل لكن ممكن تسبب عدوي وبتسب هياج تحت الجلد فانتي بتعالجي نفسك بترك العادة نفسيا وجسديا وترجعي علاقتك بربنا -وافتكري ديما ان في حاجة اسمها موت ودا مش بيستاذن حد ف تخيلي انه جالك وانتي بتغضبي ربنا هتكون اخرتك اي؟ فانتي لازم تاخدي قرارك وتوقفي فورا - ربنا يصلح حالك ويقويكي ويبعد عنك الشيطان اللهم امين

وعليكم السلام ورحمة الله وبركاته - معني انك انتبهتي لحد واعجبتي بيه لمجرد انه كتب تعليق فانتي ممكن تكوني وحيده ومنعزلة اجتماعيا فمجرد ما كتب التعليق انتي شعرتي بالفرح انك مميزة علشان تفاعل معاكي ودا حصل بدافع انك عايزة تتكلمي مع حد أو تكوني صداقات وانا مش قصدي مع اولاد انا قصدي عموما بدليل انك فكرتيها في الاول بنت ومه ذلك دخلتي تشوفي الحساب - ويمكن انتي عندك مشاكل فكنتي بتهربي منها بالدخول على البرنامج دا ومع الوقت بدأ التعلق -اما اللي عمله هو فدا الصح وهو معاه حق لأن دا حرام وانتي عارفه دا كويس واللي بيبدأ بالحرام ربنا مش بيبارك فيه فلو انتوا ليكوا نصيب في بعض والله لو اجتمعت الدنيا كلها على منعه مش هيقدروا لان خلاص ربنا عايز كدا ولو بردو الدنيا كلها اتجمعت علشان تبقوا مع بعض وربنا مش عايز عمركم ما هتتجمعوا- أول حاجة انتي صلي وادعي ربنا ان لو كان ليكي خير فيه يقربه ولو فيه شر يبعده وقولي دايما (اللهم لا تعلق قلبي الضعيف بما ليس لي واكتب لي الخير وراضني به )وحاولي تقربي من مامتك واخواتك وصاحبيهم واشغلي وقتك بطاعة ربك وربنا يصلح حالك اللهم امين

اكيد ينفع مفيش حاجة في الدين تقول انه مينفعش بس دا بيعتمد علي البنت واهلها لو هما ناس سطحية واللي يهمهم المظاهر ف هيرفضوا -اما لو هما ناس اهم حاجة عندهم انه يكون انسان محترم صاحب دين وخلق وبتشتغل وهتصرف عليها خلاص هيتوكلوا علي الله -بس خليك عارف ان ربنا مخترلك نصيبك ومش معني ان ميحصلش نصيب في كل مرة اتقدمت فيها انك فيك حاجة غلط لاء دا اكيد شر ليك وانت ملكش فيه نصيب وان شاء الله ربنا يرزقك ببنت الحلال ان شاء الله

اولا كدا انت شكلك عمرك ما صحبت حد والصحبة دامت او في حاجة من هذا القبيل لان حسيت من كلامك انك مبسوط من الصحبة دي كانها حاجة جديدة عليك اما ان من بداية العلاقة وهو عايز يتجوز اختك فهو ممكن يكون مقرب منك علشان الموضوع دا لان انتوا طول عمركم قرايب اشمعني دلوقتي بقيتوا صحاب؟ حتى لو هو انسان كويس وجدير باختك دا ملوش علاقة انك تتجوز اخته وهو لو طيب مش لازم اخته تكون طيبه زيه فلما تفكر في موضوع الزواج يبقى تروح نظرة شرعية وتتكلم مع بنت خالك وتصلي استخارة وتشوف انت هترتاح ولا لاء وكذلك اختك مع ابن خالك - اما بالنسبة للام فوالدتك ممكن يكون عندها حق لانها ممكن تشوف ان بنت خالك نسخة من امها او ان امها بتقدر تسيطر عليها لدرجة انها ممكن تخرب عليكوا بعد الجواز او ان امها متسلطة هتتدخل في كل حاجة في حياتكم - بالنسبة لحته ان لو حصل مشاكل اخوها يدخل ويقومها دي مظنش لانها عادي ممكن متسمعش كلام اخوها -فكل دا انت لازم تتاكد منه قبل ما تاخد خطوة انك هل مرتاح لبنت خالي (مرتاح ليها هي مش اخوها انت هتتجوزها هي مش اخوها) هل بنت خالك ليها شخصية مستقلة فكريا بحيث ان امها متقدرش تسيطر عليها بعد الجواز وتحس ان امها عايشة معاكم في البيت ولو حصل نصيب بنكم انتوا الاربعة المفروض من الاول انتوا الرجالة تقولوا ان الجوازتين غير بعض يعني كل واحد بحياته ومشاكله ملوش دعوة بحياة التاني وبالتوفيق إن شاء الله وربنا يكتبلك الصالح اللهم امين ومتنساش تصلي استخارة

والله انتي محظوظة وربنا بيحبك لان الانسان دا سطحي اخد بالمظاهر ومعني انه يسال دكتور كمان ف دا شكله عايز ارنبة ولا قطة تخلف وخلاص ويمكن لو كنتوا اتجوزتوا وخلفتي عاملك على اساس خدامة مكنتيش هتحسي انك زوجة - فانسي دا مش نصيبك وربنا اكيد شايلك حاجة احسن بكتير وفي ناس كتير بيشوفوا التخن جمال ولو انتي مش حابة شكلك خلاص حاولي تنظمي اكلك وتخسي علشانك انتي مش علشان حد - في المستشفيات الحكومية فيها قسم نفسي وعصبي وبالمجان كمان تقدري تروحي وتشوفي دكتور لو حاسه انك هتستريحي

يا حبيتي اللي مريتي بيه صعب جدا من اخوكي بس انتي عالجتي دا بطريقة وحشة جدا بطريقة حرام وغلط واتمني مترجعيش للطريق دا تاني لانك عارفة انهم ناس مش كويسين ومع ذلك انتي بس عايزة تتكلمي مع حد وانتي كدا بتاذي نفسك اكتر حاولي تتكلمي ما والدتك او اي حد قريب منك او بتحسي بالامان معاها ولومفيش اقرب مستشفي ليكي روحي قسم العلاج النفسي واتكلمي من دكتور هيقدر يساعدك بس اهم حاجة بلاش ترجعي للطريق الغلط تاني

بصي يا قمر مامتك بتعمل كدا من خوفها عليكي لان للاسف الدنيا دلوقتي ملهاش امان خالص لان للاسف اقرب الناس لينا دلوقتي هما اللي بياذونا واحنا للاسف من ثقتنا وحبنا فيهم بنديلهم الامان وهما بيستغلوا دا - للاسف انا شفت بعيني انا بنات بيدوا رقم صحباتهم لشباب واحيانا قرايب كمان وفي بنات كمان بتستغل قربهم من صحباتهم او قرايبهم علشان يملوا دماغهم بحاجات مش كويسة وانتي دلوقتي في جامعة في انتي طول ما انتي برة البيت هي بتبقي مرعوبة عليكي والله كل يوم بنسمع حاجات تشيب من بنات فهي خايفة من كدا ان حد يسببلك مشكلة - ويمكن ضحكها على الشات دا هي كدا بتخبي خوفها بالطريقة دي ف عادي انتي مش بتعملي حاجة غلط ف سيبي الموبايل علشان هي تطمن عليكي - والاحسن انك تعملي كدا بنفسك قبل ما هي تقرأ الشات يعني تقعدي معاها لما ترجعي من الجامعة وتحكيلها يومك او لما تخلصي كلام مع صحبتك قوليلها يا ماما دا حصل واحد اتنين تلاتة -هي من جواها هتطمن انك بتحكيلها كل حاجة -ربنا يخليهالك يا رب ومتزعليش لانها والله بتحبك وخايفة عليكي

اولا كدا مفيش حاجه اسمها فشل حتي في الثانوية دي مرحلة بنمر بيها وربنا بيدينا الاحسن لينا غير ان دلوقتي مفيش حاجة اسمها كلية قمة النجاح اللي بجد ان تنجحي في اختبار ربنا ليكي وتتفوقي في الكلية دي انتي ممكن تبقي معيدة في الجامعة او حتي لما تتخرجي مين قال ان مفيش شغل علي فكرة ممكن تشتغلي في شركة خاصة او حتي في بنك شئون قانونية تو انك تشتغلي مع محامي ف الشغل انتي تقدري تدوري وهتلاقي ان شاء الله -اما بالنسبة للجواز انا عمري ماسمعت ان المحامية مش بتتجوز مين قال كدا بالعكس دا ملوش دعوة الناس بتشوف انك متعلمه ومعاكي شهادة خلاص عادي بعدين نصيبك هيجيلك لحد عندك -بلاش تشغلي بالك بكلام الناس بتقوله من دماغها وخلاص -والله انا اعرف محامية شاطرة ومشهورة وتخيلي جوزها معاه دبلوم ومتجوزين ومعاهم 3 اولا دا النصيب لما ربنا يكون كاتب اتنين لبعض

ماشاء الله ربنا يبارك فيهم يا رب ويجعلهم ذرية صالحة اللهم امين - عصبيتك شئ طبيعي يمكن من قلة النوم والارهاق والمجهود المبذول مع اطفالك بس بلاش العصبية دي تطلع علي الاطفال اول ما تتعصبي استعيذي بالله من الشيطان و نظمي نفسك شهيق وزفير وخلي دايما القران شغال في بيتك من تحصين ليكي ولاولادك ومنها راحة نفسية ليكي وبركة في البيت - تقريبا الاطفال في السن دا مش بيبقي في مهارات هما بيبقوا بيتعلموا مشي او بداية كلام ممكن لو بداوا يتكلموا تعلميهم نطق الحروف صح بالذات السين علميهم بسم الله الرحمن الرحيم والفاتحة السور القصيرة -بالنسبة للاكل بطاطس مهروسة وكوسة مهروسة كبدة فراخ زبادي رز بلبن مهلبية بسكر قليل طبعا كيكة - اعرف طفل عنده 6 شهور ماشاء الله بياكلوه كل دا - ربنا يبارك فيهم ويحفظهم

مش لازم يكون رفض يمكن حصلت ظروف شغلتهم او يمكن لسه العريس مرجعش ولو الموضوع طول ف عادي يعني يبقي مفيش نصيب وشر وربنا بعده عنك

طيب بالنسبة ان حضرتك شايف من وجهة نظرك ان البنت اللي بتحاول تلاقي الراجل اللي تعيش معاه لبقيه حياتها بدون مشاكل او انهم يعيشوا حياه كريمة انها كدا (مصلحنجية)وانا بعترض مع حضرتك في النقطة دي هو مش استغلال للراجل بس هو ضمان حق للبنت ودا بيكون تفكير الاهل اللي إلى حد ما صح لان شباب اليومين دول متساهل وواخد كل حاجة ببساطة حتى كلمة انتي طالق او يمد ايده علي مراته بقت حاجة سهلة اليومين دول فلما الراجل من دا يبقى ماضي قايمة اقل حاجة بنص مليون جنيه هيفكر ميت مرة قبل ما يخرب بيته بايده ودا طبعا غير الراجل المحترم اللي أهم حاجه عنده معامله زوجته بطريقة شرعيه ترضي الله والرسول -النقطة التانية اللي هي طبيعي اي شخص سواء كان راجل ولا ست يختار اللي هو عايزه واللي يرتاح ليه يعني ينفع دلوقتي أقولك روح اتجوز اي واحد معدية من شارع الهرم ولا حضرتك عندك معايير لزوجتك -اما بقى بنات الاصول مفيش اكتر منهم الا من رحم ربي -فمش معني ان حضرتك مريت بتجارب يبقي كل تجربة زي اللي قبلها ان مكنش ليك نصيب في اي وحدة اتقدمتلها ومحصلش نصيب وربنا هيكرمك بنصيبك اللي كاتبهولك

اكيد لاء في السن دا لانه هيتعب نفسيا جدا وطالما الحمد لله مفيش مشاكل عضوية فخلي بالك وشوف اذا كانت نفسية لكن هو دلوقتي داخل على سن مراهقة يعني هيبقى شايف نفسه انه كبر وهيبدأ انه ممكن تلاقيه عاطفي بزيادة فدا هيسبب ليه مشاكل نفسية كبيرة - اقعد معاه وفهمه انه دا مش بمزاجه وانه غصب عنه وطمنه انك ديما معاه وهتساعده صحيه كل يوم يدخل الحمام - وفي طريقة قرأتها من فترة فممكن تجربها انك تلف صوابعه (الوسطى والبنصر )بالبلاستر لانهم تقريبا مسئولين عن الوعي فلما يبقى عايز يعمل حمام البلاستر هيضايقه فهيصحى من النوم في يدخل الحمام جربها يمكن تنفع -أتمنى له الشفاء العاجل

في طريقة اتبعتها وحدة تخنت ومش عارفة تخس تاني والكلام دا من 30 سنة تقريبا كانت بتجيب خميرة بيرة وتدوبها في ميه وتحط سكر وتشربها وكانت بقلي العيش البلدي في الزيت وتاكله -اشربي لبن بعسل اسود - بس نصيحة بلاش تاخدي كورتيزون لان سبب لوحدة تليف في المبايض وحاليا مش قادرة تخلف

اولا انتي عارفة اللي انتي بتعمليه دا غلط وحرام ؟ثانيا هويمكن يكون خلاص ضمن وجودك وانك بتحبيه ومش هتقدري تسيبه ف عادي لو تجاهلك شوية -المفروض دلوقتي تعملي لنفسك كرامو وقيمة ف تعملي بلوك وقبل ما تعملي بلوك سيبي رقم والدك قوليلوا اللي عايزني يدخل البيت من بابه مينطش من الشباك

ان يتخانق فيك علشان مصلتش فرض من فروضك -او مزعل حد من اهلك -او عاكست بنت فهو اتضايق واتخانق فيك اللي يكلمك ويقولك تعالي نصلي الفجر في المسجد جماعة -اللي يكلمك الصبح يقولك قوم هتتاخر علي شغلك او قوم ذاكر

خليكي محافظة علي نفسك وبلاش اي علاقة غير رسمية -غير كدا انتي لسه صغيره انتي عندك 21 مش 51 ومع ذلك استغلي فترة الخطوبة في معرفة الشخص اللي هترتبطي بيه ولو قلقانة ابقي زودي مدة الخطوبة وصلي استخارة لحد يوم الفرح وارجوكي بلاش انك توافقي على عريس لمجرد ان اهلك مبسوطين بيه او انك توافقي علشان كلام الناس توافقي في حالة ان حصل قبول وانتي مرتاحة ومبسوطة -ربنا يختارلك الصالح يا رب

حلك الاول هو انك ترجع لربك بالصلاة والاستغفار والدعاء بصلاح حالك وقراءة القران يمكن هتلاقي صعوبة في الاول بس والله هترتاح تاني حاجة بلاش سهر بالليل لان دا اولا الوقت المحبب للشياطين تانية انت بتبقي لوحدك ف هتفكر كتير لكن بالنهار انت معظم ليوم هتقضيه برا البيت او حتي مع اهلك خليك دايما في تجمع علشان متجيش فرصة انك تفكر تالت حاجه مارس الرياضة روح جم او اطلع اجري في مكان في مناظر طبيعيةعند زرع او علي النيل وشم هوا نضيف واول متلاقي نفسك هتفكر في الموضوع دا فكر انك متراقب وربنا شايفك وان انت ازاي بتدعي ربنا يصلحلك حالك وانت بتعصيه وافتكر ان الموت مش بيستاذن حد وبيجي في اي لحظة فكر انك ممكن تموت وانت بتغضب ربك رابع حاجة فرغ مشاعرك يعني هات دفتر واكتب فية اي حاجة انت حاسس بيها سواء شعور فرح حزن توتر خوف اي حاجة وكل فترة افتح الدفتر هتلاقي نفسك كاتب مثلا انك بقالك اسبوع مجاهد نفسك هتفرح وهيبقي عندك اصرار انك تكمل وكل فترة كافئ نفسك بخروجة حلوه او تشتري لنفسك هدية -ربنا معاك ويقويك يا رب ويكفيك شر نفسك وشر الشيطان

انتي مش محتاجة حاجة غير تثقي في نفسك وبس واشتغلي علي نفسك وقوي نفسك علشانك انتي حبي نفسك وشكلك لانك لو حبيتي نفسك هتشوفي الدنيا كلها بمنظور تاني خالص حتي لو حد قالك كلمة وحشة في وشك مش هتهمك بعدين خلي دايما تفكيرك انك الحمد لله ربنا خلقني في احسن صورة وبلبس لبس يرضي ربنا واخلاقي كويسة وسلوكي كويس خلاص انا ميهمنيش كلام حد ولا لازمني كلام حد لان اصلا احنا عارفين ان لما حد يتكلم علي غيره تبقي غيبة ونميمة غير كدا دا بيبقي عندهم نقص ف بيحاولوا يداروه بالكلام علي غيرهم ف خلاص انتي قبل ما تنزلي من بيتكم الصبح بصي لنفسك في المرايه انتي تمام يبقي خلاص انزلي بثقة انك تمام -وهم اصلا ممكن يكونوا مش قاصدينك انتي ف حتي لو قصدينك وانتي واثقة في نفسك وراضية عن نفسك وشكلك والله ولا حتي هيهمك رايهم

حلك الاول هو انك ترجع لربك بالصلاة والاستغفار والدعاء بصلاح حالك وقراءة القران يمكن هتلاقي صعوبة في الاول بس والله هترتاح تاني حاجة بلاش سهر بالليل لان دا اولا الوقت المحبب للشياطين تانية انت بتبقي لوحدك ف هتفكر كتير لكن بالنهار انت معظم ليوم هتقضيه في الجامعة تالت حاجه مارس الرياضة روح جم او اطلع اجري في مكان في مناظر طبيعيةعند زرع او علي النيل وشم هوا نضيف واول متلاقي نفسك هتفكر في الموضوع دا فكر انك متراقب وربنا شايفك وان انت ازاي بتدعي ربنا يصلحلك حالك وانت بتعصيه وافتكر ان الموت مش بيستاذن حد وبيجي في اي لحظة فكر انك ممكن تموت وانت بتغضب ربك رابع حاجة فرغ مشاعرك يعني هات دفتر واكتب فية اي حاجة انت حاسس بيها سواء شعور فرح حزن توتر خوف اي حاجة وكل فترة افتح الدفتر هتلاقي نفسك كاتب مثلا انك بقالك اسبوع مجاهد نفسك هتفرح وهيبقي عندك اصرار انك تكمل وكل فترة كافئ نفسك بخروجة حلوه او تشتري لنفسك هدية -ربنا معاك ويقويك يا رب ويكفيك شر نفسك وشر الشيطان

بصي الحاجة الاكيد ان مامتك والله بتحبك جدا وانا اضمنلك دا وانا مش هقول كدا غير وانا متاكدة لاني كنت كدا مع والدتي وكنت بقول زيك كدا دا هي بتكرهني لانها كانت شديدة معايا جدا بس اللي عرفته بعد كدا انها كانت بتمر دايما بايام صعبة وانها اللي شايلة البيت رغم وجود والدي بس كان مشيلها فوق طاقتها ف كانت بتطلع تعبها فيا لدرجة ان في مرة كانت متخانقة معاه فجت بتكلمني راحت مسكتني من رقبتي وحرفيا كانت هتموتني في حاجة عملت صوت في زوري سحبتني وهي انهارت جمبي وبقت بتعيط بهستيرية وبتعتذر مني وانا مكنتش فاهمة في اي عرفت بعد كدا انه بسببه انا بقولك دا ليه دلوقتي؟ علشان والدتك بتمر بنفس الظروف دي دلوقتي الضغط كله عليها الناس كلها مستنية تشوف تربيتها وتشوف عيالها فهي مضغوطة نفسيا ويكمن ماليا وحاسه دايما انها مراقبة من الناس فكان نفسها تشوفك علي الاقل بتنجحي واما بالنسبة لمجموعك ف دا اللي ربنا كتبه ليكي وانتي لازم ترضي بيه نصيحة لو عايزة ترجعي تفرحيها اجتهدي في الكلية لغاية ما تكوني دكتورة في الجامعة ان شاء الله اشتغلي علي نفسك -ونصيحة اقعدي مع ماما واتكلمي معاها وطلعي كل اللي في قلبك من ناحيتها بانكسار وحزن مش بهجوم واتهام قوليلها انا نفسي نبقي صحاب ونتكلم مع بعض وان شاء الله خير لكن الاهم انها والله بتحبك

في الظروف دي بيبقي صعب ان الاب يتغير او يغير افكاره بسهوله ويمكن السبب انهم اتربوا علي كدا واتعمل معاهم كدا فهما ماشين بمبدا زي ما اهلنا ربونا هنربي ولادنا - مش عايزة اقولك انعزلي عنهم لاني مش بفضل دا لكن اصحي الصبح مثلا اعملي مصالح البيت وبعدين ادخلي اوضتك لو عندك اخوات كونوا سند لبعض اقعدوا مع بعض سلوا نفسكوا العبوا اتكلموا مع بعض فضفضوا لبعض وممكن كمان تكتبي كل اللي بتحسي بيه هي طريقة متجربة وانا عن نفسي بعملها معايا دفتر بكتب فيه اي حاجه حاسة بيها سواء خوف زعل فرحة توتر كل حاجة لانك كدا بتفرغي مشاعرك في الورق وربنا يعينك وكله باجره وثوابه

ربنا يخليه يا رب هو مش بيضحك عليه بس من وجهة نظري انه شايف ان الدنيا فانية ومش مستاهلها ورميها علي الله وان اهم حاجة بالنسباله ان ولادوا كويسين ويمكن اللي مخليكي حاسه كدا انك مش كل ما هتمشي هتلاقي كل الناس زي والدك للاسف الدنيا بقت وحشه حوالينا هو محتسب كل حاجة عند ربنا والله ربنا هيراضيه علي كدا دنيا واخره وخليكي دايما فخورة بيه

بلاش لانها ممكن تكون متعرفش اصلا انه متجوز وهو يكون ضاحك عليها او انه قايلها مثلا انه مش مبسوط مع مراته او انكم هتطلقوا او انك مش بتخلفي او انك مش مهتمية بيه ف هي في الاغلب مضحوك عليها اما بالنسبة لجوزك اتكلمي معاه صارحيه -مش هقولك اطلقي لان خراب البيوت مش سهل ولو فيه اولادك هما اللي هيضروا سامحي مرة اتنين لكن بردو لو استمر لاء في الوقت دا هقولك كرامتك اهم واطلقي بس نصيحة اهتمي بيه وبنفسك علشان ميجيش يوم وياخدها حجة انك كنتي مقصره

ربنا يسعدها يا رب ويهدي سرها - ممكن تقربي من والدتك وتصاحبيها وممكن تشغلي يومك بالاذكار والقران وممكن كمان تشتغلي او انك تتعلمي تعملي حاجات بالتريكو او اكسسوارات او تعملي حاجات بالجبس وتلونيها ممكن تعملي شمع اللي في كوبيات ممكن تجربي اختراعات حديدة بشوية كراكيب في البيت هتلاقي فيديوهات كتيرة حاولي تطبقي عليها

المفروض تقطعي اي علاقة مش رسمية لا حب ولا غيره لان اللي هيحب هيدخل من الباب مش هيرمي طوب علي الشباك وانتي اكيد عارفة ان دا حرام وكمان غلط وانتي قولتي انه لسه بيدرس ف هو احتمال كبير يكون بينيمك اقتراحي ليكي احكي لوالدتك وقوليلها واستشيريها وقولها اعمل اي

هل انت بصحة كويسة؟ هل عندك إعاقة؟ هل ماشي بالأدوية؟ لو الاجابة لاء فنقول (الحمد لله الذي عافانا مما ابتلى به غيرنا )الثقة في النفس حاجة مهمة جدا وانت لازم تشتغل على نفسك انك تزود ثقتك في نفسك وعلى فكرة عمر ما هتحس ان الناس بتحبك غير لما انت تحب نفسك وتحب شكلك مهما كان - وممكن كمان تظبط نفسك تنزل جم تشتري هدوم نضارات بس دي من باب الشياكة وإنك تزيد نفسك حلاوة لكن خليك واثق في نفسك انك من غيرهم هتبقى حلو برضو

مبدئيا كدا انتي عارفة انه بيستغلك من الاول وبيلعب بمشاعرك وانتي يمكن اصلا مش بتحبيه ممكن يكون اعجاب بشكله مثلا تعود بما انك من صغرك وهو قصادك ف اكبر غلط انك سمحاله بس انه يلعب بمشاعرك دا مستحيل يكون بيحبك ف ابعدي عنه خالص تجاهليه وادعي انه يطلع من عقلك وابدئي اهتمي بنفسك ودراستك ولو عندك مهارة نميها او اتعلمي حاجة جديدة -اعمل اكسسوارات مثلا اشغلي وقتك او اشتغلي ولو شفتيه صدفه اياك تبصيله تجاهليه تماما كانه هوا والله ثقته في نفسه هتتهز ومش بعيد كمان يجي يقولك بحبك بس خليكي متاكدة انه كداب وانه عايز يرجع ثقته في نفسه انه جامد ومدوبك وبالله عليكي اياك تدخلي في علاقة محرمة وغلط واعرفي ان ربنا هيرزقك بابن الحلال اللي يستاهلك ان شاء الله

مش بالعمر علي فكرة ولا انتوا بقالكوا كام سنة مع بعض ودي تقريبا مش صاحبة اصلا لان الصحبة اللي بجد اللي تتخانق معاكي في الوقت دا يا اما علشان مصلتيش فرض او انك اهملتي في مذاكرتك او متخانقة مع والدتك مثلا دي الصحبة اللي تستاهل نقول عليها صحبة كويسة وبتحبك وخايفة عليكي نفس خوفها علي نفسها لكن هي كدا بتشوش عقلك عن المذاكرة ف من وجهة نظري ابعدي عنها وخلي بينكم مسافة متحكيش ابدا علي مذاكرتك قدامها ولا علي خصوصياتك وركزي في مذاكرتك وربنا معاكي يا رب

الشكل مش بيبقي معيار في الاغلب الا عند الناس السطحيين اللي بتشغلهم المظاهر وبس ويمكن دا كرم ولطف من ربنا ليك انه بيبعد عنك الناس دي وبعدين متنساش الاية الكريمة (وعسى أن تكرهوا شيئًا وهو خير لكم)والله لو بيبقي رايد بالقبول والله الدنيا هتمشي مهما كان الشكل -ربنا يرزقك ببنت الحلال ان شاء الله

يمكن فعلا ضغط نفسي او توتر ويمكن علشان انتي بعيدة عن ربنا ف يمكن اشارة ليكي ان الموت مش بيستاذن من حد ف من وجهة نظري المفروض نبقي مستعدين للموت من جهة العبادات والصلاة والموت حق والموت مش بيخوف اللي بيخلينا خايفين من الموت هي مواجه ربنا لينا وتقصرينا في اوامر ربنا لينا ومعاصينا بنخاف من السؤال بعد الموت بنخاف من فكرة اننا هنبقي في القبر لوحدينا يا اما هنبقي في نور يا ظلمة واعمالنا هي اللي هتتقرر دا ف اللهم لا تقبض ارواحنا الا وانت راضي عنا يا ارحم الراحمين

بالنسبة للتاجيل اللي بيحصل استخيري كتير لغاية حتى يوم الفرح وادعي انه لو في خير يقربه ولو شر يبعده اما بالنسبة للشخص انتي بتقولي انو كويس معاكي وحنين وطيب وانتي هتتجوزي الشخص مش عيلته - اما بالنسبة لعلاقته باهله هو كبر في وسط مفكك فهو ممكن يكون عاش حياته طفولته بشبابه في مشاكل او ضغط نفسي يمكن هو علاقته باهله كلها مشاكل فممكن يكون دا الطبيعي بينهم بس هو بيعاملك عكس كدا فهو ممكن يكون حاسس بالحب والامان السكينة اللي محسهاش مع اهله -فلو حصل نصيب بينكم واتجوزتوا فخليكي ام وصاحبة ليه قبل ما تكوني زوجة وعوضيه نقص العواطف اللي عنده ومن دلوقتي حاولي تصلحي علاقته بامه وساعديه انه يبرها -ومتخديش في بالك من اخواته ولا حكاية العزومات دي كلها كلام فاضي المهم الشخص اللي معاكي ربنا يصلحلك حالك يا رب اللهم امين اسفة علي الاطالة

طيب دلوقتي انتي سبتي الاولاني ؟من جهة نظري انتي غلط وغلطانه انك في علاقات غير شرعية وحرام وانتي اجمل واحسن انك تبقي في موضع مش كويس تمام وهو غلط انو يبقي معاه السوشيال ميديا بتاعتك -ف اولا كدا لازم تقطعي اي علاقة غير رسمية ومحرمة وانتي بتقطعيها تتقوليلوا بيت ابويا مفتوح اللي عايزني يدخله من بابه مينطش من الشباك وتعملي بلوك ولما يبقي في حاجة رسمية اقعدي معاه اعتذري منه وان دا من الماضي ويا ريت متفتحوش الكلام في الموضوع دا تاني -وياريت تطولي في فترة الخطوبة لانها ممكن تبين اذا هيعيرك ولا لاء-لكن الاهم توبي الي ربك واطلبي السماح والمغفرة

بصي يا سكر اولا كدا كلنا بنمر في حياتنا بمشاكل بتاثر علينا ف انتي كنتي في المرحلة دي وتصرف المدرس غلط جدا وهو محتاج يتعالج لان المدرس في المرحلة دي بيبقي مصدر التحفيز للطالب (اللي فهمته انك 3ثانوي)ف انك عايزة ترجعيله مجرد انك تثبتيله العكس دي حاجة حلوة بس بشرط لو كان هو مدرس شاطر وانتي هتستفادي منه لكن لو لاء وانك هتروحي علشان تثبتيله انك ممتازة ف ملهاش اي لزمة لانك هتحطي نفسك في ضغط نفسي وهتتعبي غير كدا هو مين اصلا علشان تثبتيله -اما بالنسبة لخالك ف ملوش علاقة انه بيطلع اوائل يبقي لازم عيلته كلها تبقي من الاوائل كل واحد بمجهوده ومذاكرته ونصحتي ركزي واجتهدي واطلعي من الاوائل علشان تثبتي لنفسك انتي وتفرحي وتفتخري بنفسك وفي الوقت دا لو عايزة ابقي خلي خالك يوري للمدرس دا نجاحك وبس اتمنالك التوفيق والنجاح وان شاء الله من اوائل الجمهورية انا وانتي يارب -انا كمان 3 ثانوي

يمكن هي شايفة انه بما انك بعيد عنها وقدرت انك تعيش لوحدك ف انت كدا كبرت ومش محتاج لدا -للاسف في امهات كدا فاهمين الوضع غلط ويمكن هي زمان اتربت في بيئة كدا ف شايفة ان دا عادي -نصيحة مني حاول تحسس مامتك باحتياجك ليها بدون ما تقول يعني مرة كدا ترجع البيت تنام علي رجلها وتغمض عينك بدون ما تتكلم او تدخل تحضنها وتطول في الحضن وانا ساكت بردو اكيد هتسالك انت كويس ؟في اللحظة دي قولها انا محتاج ليكي اوي واتكلم انت وهي وافتح قلبك ليها قولها ببقي تعبان في يومي وببقي محتاك اسمع صوتك -ربنا ييسرك امورك اللهم امين ويصلح حالك

اولا دا شخص مستحيل يكون متدين والدين برئ منه دا انسان قذر ثانيا الموضوع اتقفل المهم انك ترجعي لربك وتوبي توبة نصوحة وحسني علاقتك باهلك اقعدي معاهم واتاسفي وقوليلهم اسبابك انك تعملي كدا يعني انهم اهملوكي وقوليلهم اهتموا بيا شوية وحاولي تصاحبي مامتك واحكيلها كل حاجه عنك وعن اللي مدايقك

في الاول كدا انتي غلط جدا وللاسف دي تعتبر خيانة دا انتي تطلقي ولا انك تخوني لانك انتي أحسن وأشرف من انك تكوني ست خاينة حتى لو جوزك وحش وفيه كل العبر الوحشة بس هو على الاقل واثق فيكي وغير كدا انتي مش قد غضب ربنا عليكي والله احنا البشر منقدرش على غضبه انتي غلطانة جدا بس كلنا بنغلط احنا مش ملايكة انهي العلاقة دي فورا وارجعي لربك وتوبي توبة نصوحة وحاولي تقربي من جوزك ولو مفيش تحسن وانتي مش مرتاحة فاطلقي فورا على الاقل تكوني مطلقة احسن ما تكوني خاينة

العفو ولك بالمثل ان شاء الله +حابة اقولك حاجة اخيرة ان الست اللي بيحركها المشاعر والهرمونات وعواطفها ف لو راجل محترم ويعرف ربنا هيقدر دا ويحتويها وميشفش غيرها طول عمره مهما كبرت او عجزت هيفضل شيفها حلوة ودا بجد اكتر حد يستاهل يتقال عليه راجل في الدنيا هيكسب حب واحترام مراته وهتولعله صوابعها العشرة شمع وحفاظ بيته وهيكسب ربه دنيا واخرة -لكن الراجل اللي ميهتمش بيها ويهملها ويبقي كل اللي همه نفسه ومصلحته وميفكرش فيها ولا في مشاعرها ويخون حتي لو بنظرة هي لما تكتشف خيانته هيبقي عندها 3 حلول يا تخون زيه وتشوف حد يقدر مشاعرها اللي جوزها اهملها يا اما تطنش ودوس علي كرامتها علشان بيتها وعيالها وتعيش جسد بدون روح يا اما هتطلق والبيت يتهد علي دماغه وفي الوقت دا هيخسر بيته و هياثر علي ولاده ونفسيتهم وهيخسر ربه لانه ماحفظش علي الامانه اللي ربنا ادهاله -ف زي ما انت تحب تختارك زوجتك علي الفرازة خليك اهل انك تستاهلها -ربنا يوفقك ويقدملك اللي فيه الخير -واسفة علي الاطالة

اكيد طبعا -بس معنديش استعداد اني اختار غلط علشان شوية نحنحة ف اكيد هلتزم بمد الخطوبة والضوابط

مفيش حاجة اسمها علشان قدي يبقي راسها براسي مفيش حاجة اسمها كدا الراجل راجل والست ست والجواز مركب وليها ريس وكلمته هو اللي بتمشي وهو الراجل بس بردو الست هي اللي بتوزن المركب علشان متتقلبش بيهم هما الاتنين -ولو بنت قالت غير كدا وان كلمتها هي اللي تمشي والريس حنفي وتنزل المرادي لاء انا اسفة هي كدا متربتش

لو بتكلمني انا ف انا عن نفسي بالنسبالي الوقت اني همد في الخطوبة لان مفيش حد مش هيغلط في الوقت دا يعني وشه هيبان علي حقيقته وبالذات في المواقف +ان عندي اهلي هيسالوا عليه كويس طبعا

طب ما طبيعي البنت بتبقي عايزة كدا بس لو واحد من الالف احترمها واحتواها ودلعها ومش هتبقي عايزة باقي الالف

وانا ليه اخد راجل اناني انا لو ملقتش الراجل المحترم اللي يشلني في جوة عنيه وانا اشيله فوق راسي يبقي بلاها احسن اهلي اولي بيا

مش كل الرجالة والله في ناس محترمة جدا -انا بالنسبالي الراجل اللي عينيه بتزوغ دا مش راجل دا كائن حي اناني

+انا كنت بتناقش معاك علي نقطتين 1-السن 2-ان الرجالة لازم عنيها تزوغ علي سن الاربعين

وبعدين انا معرفهاش علشان احكم عليها من شوية صور لان المظاهر خداعة لابعد حد

طيب يبقي تقول ان انا مش هقدر استحمل غرورها لكن حضرتك قولت علشان قدي

والزواج في الاخر مودة ورحمة حتي لو مفيش حب الاساس هي المودة والرحمة - يعني ست محترمة وكويسة وقادرة تفتح بيت ومريحة جوزها و حنينة +راجل مسئول بيصرف علي بيته حنين علي مراته وبيتقي الله فيها -ومش معني كدا يكونوا ملايكة لاء انا قصدي يكملوا بعض يحترموا بعض في حضورهم وغيابهم

وعلي فكره الراجل اللي بيتحكم في نفسه وفي عينه من صغره خوفا من الله فهيفضل طول عمره يغض بصره علشان ربنا ومراعاة لمشاعر زوجته

سيبك ان الستات بتفضل وفيه بس في ستات بتيجي في وقت ما تعرف ان جوزها بص لبرا عقلها بيقف ف تتغابى وتعمل زيه علي اساس انها بتردها ليه -وانت مقبلتش ان مراتك تبص لبرا ف ليه تقبل ليها الخيانة -مهو خلينا نعترف انها خيانة حتي لو بالنظر

حضرتك ماجوبتش علي سؤالي بردو هل تقبل ان مراتك اللي في سن العشرين انها تبص لبرا ؟

حضرتك عندك كام سنه؟

وبعدين تعالي نفكر بنفس المنطق انت عندك 40 ومراتك لسه في العشرينات هل هي مش هتحتاج حد يدلعها ؟ هل هتسمحلها تبص لبرة؟

وسني دا اكبر دليل ان السن ملوش علاقة بالعقلية وطريقة التفكير يمكن سني اه صغير بس عقلي كبير ومريت بموافق كبرتني عن سني بكتير +ان كلامي اللي قولته لحضرتك مبني علي واقع انا شفته الست لو عايشة مع راجل سوي وهي مرتاحة معاه ومبسوطة روحها بتفضل شباب وبتبقي دايما بتحاول تبذل كل جهدها علي تفضل محافظة علي زوجها لكن لو العكس وهي عايشة معاه في نكد وقلة تقدير روحها بتموت وحتي لو عندها 20 سنه وشها هيدبل وتبقي زي الوردة الدبلانة

18 سنه

بعدين هو مش الدين امرنا اننا نغض البصر ؟{قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ}، - بس حضرتك كدا مش بتدور علي وحدة كويسة تفتح بيت وتحافظ عليه حضرتك بتدور علي واحدة حلوة مهما بتكبر تفضل صغيرة ولو كبرت ندور علي واحدة اصغر واجمل

انت بتدور علي مبررات الخيانة من دلوقتي؟والله انت لو صرفت عليها وودتها عيادات التجميل هتبقي قمر وهي عمرها 60بس ادفع

انت شخص محترم علشان بتفكر في اهلك كدا -بس اظن ان والدك دلوقتي عايزك ترفع راسه في تعليمك ف من وجهة نظري دوس علي نفسك في دراستك وجيب اخر ما عندك واحنا خلاص دخلنا في نص السنه -حاول تقلل طلبات الا للضرورة القسوة ومجرد متخلص اخر يوم في امتحاناتك انزل شغل واصرف علي نفسك وعلي جامعتك بس دلوقتي حاول ترفع راسه بشهادتك -وربنا يديك ما تتمني انت واهلك يا رب

هتشوف نفسها علي اي ؟هي اعلي منك علم ولا مكانة دي قدك في السن يعني مش زلة هتمسكها عليك

ممكن تكون حاجة حصلت ما بينكوا في الماضي وعقلك مش مستوعبها -حاولي تروحي لدكتور نفسي

كلامك كله صح ودا اللي حصل معايا فعلا كنت طول الوقت اتخانق انا وهي وكان بينا حواجز كبيرة جدا كنت ممكن اتكلم مع اي حد وافضفض لاي حد بس مستحيل اروح اكلمها او احضنها لغاية قبل وفاتها ب سنه واحدة واحدة صحبتي راحت قالتلها اني قولت اني انا وماما مش قرييبين من بعض ومستحيل اتكلم معاها او اقولها حاجة في حياتي ولما ماما واجهتني قولتلها اه وانهارت وحكيتلها كل اللي في قلبي ومن اللحظة دي قضيت معاها احسن واجمل سنه في عمري عمري ما هنساها ابدا والندم بياكلني علي كل لحظة غباء ضيعتها وانا بعيدة عنها -بلاش دي بالذات اعملي اي حاجة وروحي لدكتور نفسي بس لازم تصلحي اللي انتي فيه علشان متعيشيش اللي اختك عايشاه دلوقتي لا عيد معايا ولا حزن معايا ولا امتحانات معايا وخوفي الاكبر اني ادخل امتحانات الثانوية من غير ما تدعيلي دا اصعب عليا من الامتحانات نفسها ف متضيعيش وقت

العفو ربنا يوفقك

يبقي مش نصيبك "وعسى أن تحبوا شيئًا وهو شر لكم" ادعي ربنا يريح قلبك وحاولي تشغلي نفسك وربنا يرزقك بابن الحلال اللي يستاهلك

طالما مش مرتاحة معاه دي اشارة من ربنا انفصلي عنه وبلاش تضغطي على نفسك وتحاولي تتقبليه علشان متتعبيش بعد الجواز صلي استخاره ولو لسه مش مرتاحة فركشي وانتوا على البر

حبيبتي واياك - ربنا يقويكي اللهم امين ويكفيكي شر الشيطان اللهم امين

هو خليكي عارفة ان علاجك في النفسية مفيش علاج بيشتغل الا لما النفسية تبقى كويسة فانتي حاولي تبعدي عن اي حاجة تدايقك

رقائق دي اللي هي بودكاست ؟لو اه ف ياسر الحزيمي

جربي مش هتخسري حاجة علي الاقل هتاخدي خبرة

لسة مالقتش نصيبك

اجري علي نفسك وعالج نفسك علشان علشان انت كدا بتاذي نفسك

انتي معترفة بغلطك -وربنا يتقبل توبتك اللهم امين -لو حصل اي تواصل دلوقتي اعملي ليه محضر في مباحث الانترنت وهما هيتصرفوا

حبيبتي البقاء لله ربنا يرحمه ويجعله من اهل الجنة -وحسبي الله ونعم الوكيل في كل ظالم ومفتري -ولو هما قبلوا باكل مال اليتيم هتشوفي عقاب ربنا ليهم وهما بيصرفوه علي صحتهم -واتمني حد يقدر يفيدك

ولو مرتبط بالموبايل امسح كل حاجة مرتبطة بالذنب دا او ترجعك ليه

معنى انك بتبعد عن الذنب فترة كبيرة وفي الاخر بترجع ممكن يكون الذنب دا مرتبط بمكان او حاجة فلما بتشوفها او بتروح المكان دا بترجع تاني لورا -حاول تشغل نفسك دايما وتشغل تفكيرك وحاول تكون في مكان في ناس سواء مع اهلك أو صحابك علشان حتى لو فكرت متنفذش الذنب ونام بالليل بلاش سهر علشان متبقاش لوحدك والشيطان يلعب في دماغك.

هي يمكن بتسال من بعد ضجة المتحف المصري وكدا فهل من العادي انها تقول ان اصلها يرجع ليهم كنوع من انواع الفخر بالحضارة والكلام دا

ايوة يا جماعة بس دا بردو حفظ لحق الست - كلمة انتي طالق بقت سهله والشباب دلوقتي مش كلهم ناس سوية مسئولة ومعظمهم طايشين وانا قلت معظمهم مش كلهم في ناس كتير محترمة ومش محتاجة قايمة علشان يصونوا بيتهم لكن انا بتكلم عن الطايشين دول لو مفيش حاجة تربطهم هتبقي كلمة انتي طالق لبانة عندهم ف اللي داخل علي عمار مش هيخاف

لاحظي اني قولت فخر وثقة لكن مقولتش غرور وكبر -علي العموم ربنا يريح قلبك ويختارلك الصالح ويبعدك عن فتن الدنيا اللهم امين

حتي اختيارنا بيبقي مكتوب ولما بنصلي استخارة والامور بتمشي او بتفق طب ما دي بايد ربنا وحتي لو احنا اللي بنختار واختيارنا كان غلط بيبقي فيه عبرة ورا اختيارنا دا ويمكن ابتلاء من ربنا وبيشوف هل هنصبر ولا لاء

طالما متاكدة انه مش تعبان او في حاجة وجعاه فعياطه عادي (عياط تعلق) هو اتعود انه يتشال فعايز يتشال فبيعط عادي لكن حاولي متخلهوش يعيط ويصرخ كتير علشان زوره ميوجعوش

مين قال كدا ربنا لما يبقي قاسم حاجة لحد هتحصله حتي لو وقف علي شعر راسه بردو هتحصله

سؤال في محله هي فعلا كدا علطول؟

عادي علي فكرة انا خالي وخالتي اتجوزوا اتنين اخوات بس خالتي كانت بتاع مشاكل في كانت بتزعل كتير ف امها كانت شديدة ف كانت بتقول لخالي يودي مرات بيت اهلها فهو كان بيرفض وبيقولها ان مراته ملهاش دعوة والجوازتين غير بعض وخالي بقالوا 25 سنة متجوز عمر ما مراته راحت لبيت اهلها زعلانة- هما ناس قرايبي بس استصعبت اقول ابن خال ماما وبنت خال ماما ف قولت خالي وخالتي بس والله دا حصل

دا شئ عادي الي حد ما اننا بنحب حاجة وبعد فترة ممكن نحسها انها عادية -بس انا حاسة ان حصل حاجة خلتك حاسه بكدا اذا حابة احكيلي

هي قصدها علي الفراعنة قبل المسيحية حتي يعني وقت ما كانوا بيعبدوا امون والاه الشمس والكلام دا كله

ممكن تفاصيل للحاجة اللي تخليكي توصلي لكدا

معلش مش فاهمة يعني وصلتي للاحتراق ممكن تفسير

اكيد معاكي حق تزعلي بس دي حاجة بينهم ويمكن هما كان حصل بينهم حاجه في اليوم دا فهي كانت مدايقة منه اه تصرفها غلط قدامكوا بس في الاخر دي حاجة بينهم بلاش تدخلي بينهم بدل ما تخربي بيت اخوكي واتعاملي معاها عادي ولو انتي مدايقة اوي ممكن وانتي بتهزري معاها تقولي انه مكنش ينفع تتصرف كدا قدامكم وتاخدي الموضوع بضحك وهزار