السلام عليكم ورحمة الله وبركاته - اولا حكايته الانتحار دي يا ريت تشيليها من دماغك لانها اولا والاهم حرام وكفر ثانية انتي لو موتي نفسك مفيش حد هيقول اصلا تعبانة او عندها مشاكل لاء للاسف هيقولوا انك غلطتي علشان كدا موتي نفسك - انتي ليه عاملة في نفسك كدا ليه مستحملة الكائن دا مع العلم انك مش مرتاحة معاه وحتي بعد ما صليتي الاستخارة وبردو مش مرتاحة ابعدي افسخي الخطوبة دي لانك فعلا تستاهلي حد احسن منه واحد محترم لا يشتمك ولا يهينك محتاجة حد يكون حنين يعوضك وراجل يحميكي ويحافظ عليكي لكن لما انتي بتعاني منه من دلوقتي يبقي هتعملي ايه لو اتجوزتيه هيبقي وضعك من سئ لكارثي -انا عارفة انك حاسة انك حمل علي عمك علشان كدا مستحملة لكن لاء انتي لو مش حابة كدا انزلي اشتغلي واصرفي علي نفسك علشان الاحساس دا يروح حتي لو بتدرسي ادرسي واشتغلي واقفي علي رجلك لغاية ما يجيلك راجل محترم ومتدين وحنين يحميكي ويعوضك - ربنا يصلح حالك يا رب ويقويكي
حبيبتي ربنا يقدم اللي في الخير ويصلح حالك يا رب
تم النشر الاثنين، ٢ مارس ٢٠٢٦
ربنا يصلح الحال يا رب انا اتكلمت مع خالتى و هى قالتلى استحملى الفتره دى بس و لو جه هوا اتكلم و قال انتى عملتى كذا ولا عملتى كذا احنا اللى هنفشكل الموضوع و دى مش فرصه لا دا فتره بس علشان نبين لعمى أنه هوا اللى متعمد يعمل كدا
تم النشر الأحد، ١ مارس ٢٠٢٦
لعرض الإجابة في فدني اضغط هنا