السلام عليكم ورحمة الله وبركاته حابة اتناقش مع حضراتكم في موضوع
وفاة الام اصعب حاجة في الدنيا وحقيقي الم صعب وصفه (ربنا يرحم أمهات المسلمين جميعا ويبارك في عمر الاحياء اللهم آمين) ومن وجهة نظري مفيش حد بيتكسر على موت الام غير امها وابوها واولادها -
ليه نادرا لما نشوف الزوج حزين ؟ ليه مش بيعيش على ذكراها ؟ ليه بيبقى سهل انه ينسى ويتجوز تاني بسرعة ؟ ليه مش بيحس بأولاده ؟ انا عارفه ان دا شرع ربنا انا بتكلم من الناحية النفسية والعاطفية
وعليكم السلام ورحمة الله وبركاته ، بصى الراجل بطبيعتو كتوم شوية فمش هيجى يحكى انو حزين أو او ، ومن ناحية انو بيتزوج تانى فدا بسبب ممكن احتياجاتو او هو شايف انو ممكن مقدرش يربى اولادوا لوحدو لو صغيرين ، والزوج اولا وآخرا عكس ما انتى قلتى بيكون لو فعلا بيحب زوجتو فيكون اكتر واحد زعلان وحزين عليها لكن بيضطر وبيجبر يمسك نفسو علشان عارف انو لو معلش كدة أولادو هيضعفوا ، وهيعيشوا على ذكرى امهم والحياة مبتقفش على حد غصب عننا مش بإرادتنا ، بالمناسبة أنا والدتى منوفيه وابويا اتزوج عادى وانا كمان اللى شجعتو على كدة علشان اخواتى صغيرين وفعلا كنا محتاجين حد معانا ، وهل أنا سعيد او هو سعيد دى حجات بتتركن على جنب لصالح اخواتى ، يعنى اعتقد مفيش ابن هيفرح لما أبوه يزوج ، اختى شبهك كدة بالمناسبة ، بس انتو اخدتكو العاطفة وعمتكو عن حاجه الأب والأولاد الصغار ، تقبل الشيء لا يعنى بالضرورة حبه ، اوقات بنبقى مضطرين لكدة ، واشهدك انى احب امى حبا لا يوصف بكلام ولا يقاس بالدنيا وما فيها فرحم الله امى واموات المسلمين 🤎🍂
تم النشر السبت، ٣١ يناير ٢٠٢٦
السلام عليكم - انا مش رافضة موضوع ان الزوج يتجوز تاني دا حقه وشرع ربنا بس المفروض يكون مع مراعاة ان في اولاد - بمعني ان الاولاد دول سواء كبار ولا صغيرين هما بيبقوا في حالة صعبة جدا بيبقوا تايهين وخلاص الحنية والامان راحوا وخايفين من حياتهم هتمشي ازاي من غير مامتهم ف يجي الاب يكمل عليهم انه هيتجوز تخيلوا القهرة اللي هيبقوا فيها بالذات لو القرار دا بعد ايام او شهر من وفاة الام ويمكن تفكير الاب انه دا لمصلحتهم بس للاسف ميعرفش انه كدا بيمرضهم نفسيا واولاده يطلعوا معقدين - من وجهة نظري المفروض ان يقعد معاهم يفهمهم انه مش هينسى امهم بس البيت محتاج ست تاخد بالها مننا وتدير البيت ويقولهم انهم اهم حاجة في حياته دلوقتي - حتي لو الكلام دا كدب بس علي الاقل هيطمن ولاده - ثانيا اختيار الزوجة المهم انها تكون ست كويسة عاقلة تعرف تتعامل مع ولاده والمفروض انه يخليهم يتقابلوا اكتر من مرة علشان الاولاد ياخدوا عليها - لكن للاسف في رجالة كتير علشان يتجوزوا بيودوا ولادهم عند جدتهم (يبقي الاب دا مستحيل يكون بيفكر في ولاده دا كل همه انه يتجوز تاني وخلاص ) وبكرر تاني ان مش ضد الفكرة بالعكس دا من حق الراجل لان سواء ولاده كبار او صغيرين هيجي يوم وكل واحد هيتجوز ويشوف حياته فهو علي الاقل يبقي معاه حد - بس لما يفكر في الجواز التاني يبقي عارف انه مش لوحده وان في اولاد في رقبته وهما اللي هيعيشوا مع الست دي اكتر منه (بحكم شغله ) . اما بالنسبة ان النبي صلي الله عليه وسلم تزوج بعد السيدة خديجة رضي الله عنها رغم حبه الشديد ليها بس متنسوش انه حزن عام كامل علي فراقها وتقريبا زيجاته الاخرى كانت ليها سبب وانه يعرفنا ان عادي الزواج من ارملة ومطلقة والكبيرة في السن والصغيرة والمسيحية رضي الله عن امهات المؤمنين جمعيا - وبس دي مجرد وجهة نظر لو حد شايف انها غلط يا ريت يقولي واسفة علي الاطالة
تم النشر الأحد، ١ فبراير ٢٠٢٦
وعليكم السلام ورحمة الله وبركاته يا نيهال، الله يرحم أمهات المسلمين ويطول بعمر الأحياء ويجعل قبرهن روضة من رياض الجنة أمين. أشعر بألمك تمامًا، وفاة الأم فعلاً جرح عميق يصعب وصفه، وأنتِ بتتكلمي من قلب جريح يشوف الفرق في ردود الفعل. خليني أوضحلك الموضوع من الناحية النفسية والعاطفية بشكل علمي وبسيط، مع الحفاظ على التوازن الإسلامي: 1. الاختلافات الطبيعية بين الرجال والنساء في التعامل مع الحزن: النساء أكثر تعبيرًا عاطفيًا: بناءً على دراسات علم النفس، النساء غالبًا يعالجن الحزن بالكلام والذكريات والدموع، فده بيساعد في الشفاء. أنتِ كأم وامرأة، قلبك مرتبط بالعواطف العميقة، فالحزن بيستمر أطول وأقوى. الرجال أكثر عملية: الرجال بيعالجوا الحزن "بالعمل" مش بالكلام. هما مش "بينسوا"، لكن بيحاولوا يبنوا روتين جديد عشان يحميوا نفسهم من الانهيار. زواجهم السريع مش نسيان، بل آلية دفاع نفسية (coping mechanism) عشان يرجعوا للحياة الطبيعية، خاصة لو عندهم أولاد محتاجين رعاية يومية. 2. الاهتمام بالأولاد: مش إنهم "مش بيحسوا"، لكن الرجل بيظهر حبه عمليًا: بيشتغل أكتر، بيبني مستقبل، وبيدور على أم بديلة للأولاد عشان يضمن استقرارهم. ده مش قلة عاطفة، بل غريزة وقائية. لو الرجل وقف مكانه حزين، الأولاد هيضيعوا، وده بيخلي الحزن أسوأ. 3. المنظور الإسلامي النفسي: ربنا سبحانه شرع الزواج بعد الوفاة عشان يحمي الرجل من الفتنة، وده يتناسب مع طبيعتهم العاطفية "الأقل تمسكًا بالماضي". الحزن مش حرام، لكن الاستمرار فيه بدون عمل بيكون عبء. نصيحة عملية يا عزيزتي: لو بتشوفي ده في محيطك، حاولي تفتحي حوار هادئ مع الشخص – ده بيساعده يعبر ويتقرب. ركزي على نفسك: اكتبي ذكرياتك في دفتر يومي، وابني روتين يومي قوي (صلاة، رياضة خفيفة، قراءة قرآن). لو الألم مستمر، جربي تمارسي "الامتنان اليومي": كل يوم اكتبي 3 حاجات شاكرة ربنا عليها، ده بيحول الحزن لقوة. لو عايزة استشارة متخصصة، روحي لصفحة الخبراء هنا: https://www.fedni.net/experts – في خبراء نفس وعائلة هيساعدوكِ أكتر. 💕
تم النشر الجمعة، ٣٠ يناير ٢٠٢٦
لو كان ده الصح ما كان الرسول صلى الله عليه وسلم تزوج بعد وفاة السيدة خديجة، ولما تزوج ظل فاكرها ومنسبهاش، الراجل مبيظهرش حزنه فممكن تحسي إنه مبيتأثرش بس لا بيكون متأثر وحزين
تم النشر السبت، ٣١ يناير ٢٠٢٦
💓💓وأنا كمان ،آمين إيانا وإياكِ
تم النشر الجمعة، ٣٠ يناير ٢٠٢٦
اللهم امين + مبسوطة بالمنقاشة معاكي -ربنا يزيدك من علمه @مِنّه حُسَيْن
تم النشر الجمعة، ٣٠ يناير ٢٠٢٦
أكيد ، ربنا يجبر قلبك 💌
تم النشر الجمعة، ٣٠ يناير ٢٠٢٦
لو حضرتك تقصدي نقطة الوفاء فالرسول صلى الله عليه وسلم بعد وفاة السيدة خديجه رضي الله عنها تزوج السيده سوده وكان وفيا جداا للسيده خديجه . وده علشان الأمور اللي حلها العقل وليس العاطفه مراعاة الأبناء ومراعاة الزوج وغيره كتير الأمر مش متعلق بالعلاقات الزوجيه فقط يعني في حاجات كتيره الرجل بيحتاج للمرأه داخل بيته فيها ،وخاصة إن الأيام دي مفيش حد فاضي لحد ولا حد بيساعد
تم النشر الجمعة، ٣٠ يناير ٢٠٢٦
عندك حق بس ليه الراجل ميعفش نفسه زي ما ستات كتيرة اوي بترفض الزواج بعد وفاة زوجها مع انه حلال بردو @مِنّه حُسَيْن
تم النشر الجمعة، ٣٠ يناير ٢٠٢٦
أكيد الموضوع فيه ضرر من الناحيه العاطفيه لكن في قاعده إن (الضرر الصغير أهون من الضرر الكبير) بمعنى إن ممكن الرجل ده مثلا لو لم يتزوج ممكن يتجه إلى الزنا . فهنا في الحاله دي كبيره من الكبائر يتم فعلها ولا ضرر مشاعر ؟!
تم النشر الجمعة، ٣٠ يناير ٢٠٢٦
للأسف هما الأغلبية كده ودي حاجه لاحظتها أن الست ممكن جوزها يتوفي أو تطلق وهي لسه شباب وتقعد طول عمرها متتجوزش بعده ، عكس الراجل اللي مش بيفرق معاه ، بس مش معني كده أن دي قاعده عامه هما الاغلبيه كده ، لكن في رجاله وفيه برده بس هتلاقيهم نادرين للأسف
تم النشر الأحد، ١ فبراير ٢٠٢٦
ودا مش معناه أنانية عند الزوج ولكن دي فطرة عند الطرفين حتى الزوجة .. فهم اجتمعوا لتحقيق مصلحة بينهم وهي السكن والحب والعفة وغيرها
تم النشر الأحد، ١ فبراير ٢٠٢٦
السلام عليكم .. النساء تغلب عليهم العاطفة والرجال يغلب عليهم العقل ... مع ذلك في ممكن تلاقي مرأة أكثر عقلانية من رجل ورجل أكثر عاطفية من مرأة ..... على العموم مثلا (أحمد) اتزوج (بدرية) والهدف أنه حابب (الراحة والسكن والحب والعفة إلخ) مش حابب (بدرية)شخصياً ... فلما ماتت (بدرية) فهو هيدور على (الراحة والسكن والحب والعفة إلخ ) عند حد تاني ...... عارف الكلام صادم بس دي الحقيقة
تم النشر الأحد، ١ فبراير ٢٠٢٦
انا مش بقول انه غلط دا حقه وشرع ربنا بس ليه بعد الوفاة علي طول - اما بالنسبة للنبي صل الله عليه وسلم تقريبا والله اعلم ان كل زيجة للنبي صل الله عليه وسلم كان ليها هدف علشان يعرفنا ان عادي الزواج من ارملة والمطلقة وعادي يتزوج من الصغيرة والكبيرة ( بالنسبة للسن ) @يُوسُف أسَامَة
تم النشر الأحد، ١ فبراير ٢٠٢٦
هوا الراجل بيعف نفسه ومينفعش راجل يقعد من غير جواز اصلا بدل مايبص لوحده او يعمل حاجه حرام
تم النشر السبت، ٣١ يناير ٢٠٢٦
صل الله عليه وسلم -بس هل كان علي حساب اولاده ؟ اكيد لاء كلنا عارفين النبي صل الله عليه وسلم كان بيعامل اولاده واحفاده ازاي - وتقريبا والله اعلم كل جوازه للنبي صلي الله عليه وسلم ليها غرض ف عادي انه يتزوج ارملة وعادي يتزوج اكبر منه في السن وعادي يتزوج المسيحية
تم النشر الجمعة، ٣٠ يناير ٢٠٢٦
لعرض السؤال في فدني اضغط هنا