بصي هو عادي انك تشجعي غيرك بس مش عادي انك تستني حد يساعدك في الدنيا دي متعتمديش علي حد خالص لانك في الغالب انتي اللي هتتوجعي في الاخر - شجعي نفسك انتي كمان وانك هتقدري ومتستنيش مساعدة غير من اللي خلقك وبس - ادعي وقولي يا رب الدعاء بيغير القدر وحطي حلمك قدامك وجاهدي نفسك في المذاكرة حتي لو ملكيش نفس معلش اقعدي واجبري نفسك علي المذاكرة والاحسن انك تلاقي طريقة ممتعة تحفزك علي المذاكرة او اعملي لنفسك جو يشجع علي المذاكرة وشدي حيلك احنا فعلا دخلنا في الوقت الجد وخلاص المراجعات هتبدا - بس حابة اقولك ان ثانوية عامة مش نهاية الدنيا والنجاح الحقيقي اننا ننجح في المجال اللي ربنا هيختاره لينا - شدي حيلك وربنا يوفقك يا رب ويوفقنا جميعا ويعدي السنة دي علي خير
فيه برنامج قوي جدا جدا لتركيز انا فعلياً مشغله ع طول ع هاتفي اسمه digital detox
تم النشر الأحد، ٥ أبريل ٢٠٢٦
حبيبتي انا وانتي يا رب - العفو واياكِ
تم النشر الأحد، ٥ أبريل ٢٠٢٦
ربنا يرحمهم ويرحم والدتك ويجعلها في الفردوس الأعلي من الجنه، ربنا يقويكِ بجد ويعينك انك تكملي وان شاء الله ربنا هيعوضك خير وان شاء الله تدخلي طب لأنك تستحقي عن جدارة، عيوني والله لو احتاجت اي حاجه هبعتلك شكرا ليكِ بجد وجزاكِ الله كل خير
تم النشر الأحد، ٥ أبريل ٢٠٢٦
بصي انا معاكي في نفس المركب وللاسف حصلت عندي 3 حالات وفاة ورا بعض وقفوني عن الدراسة فترة وراكمت ومش عارفة الم المتراكم بس بحاول اهو وعايزة اقولك اني كمان حاسة اني معنديش شغف بس بحاول كل يوم الاقي لنفسي حاجة تشجعني زي اني نفسي ادخل طب علشان اتخصص اورام علشان والدتي اتوفت بالكانسر ولما احس ان بردو شغفي قل افكر اني لازم اجتهد علشان نفسي اطلع ادرس الطب برا مصر مثلا بحاول اديني نفسي طاقة اني اكمل - ولو احتاجتي حاجة اكتبيلي واحنا مع بعض ونشجع بعض
تم النشر الأحد، ٥ أبريل ٢٠٢٦
عملت نوت مش مشجعه بدور علي الجو او الحاجه اللي تشجعني مش لاقيه برضو بحاول ومش قادره كتبت المسج وقومت أحاول تاني انا مش من النوع اللي استسلم بسهوله بس بكمل وانا مش قادره ولو فضلت كدا انا مش هخلص حاجه في منهجي وعموما شكرا جدا علي نصيحتك وإهتمامك ي قمر
تم النشر الأحد، ٥ أبريل ٢٠٢٦
اعملي نوت صغير واكتبي فيه تاسكات اليوم اللي عايزة تخلصيها واكيد مش المنهج كله في يوم واللي تخلصيه علمي عليه دا هيديكي دافع انك تكملي
تم النشر الأحد، ٥ أبريل ٢٠٢٦
لعرض الإجابة في فدني اضغط هنا