السلام عليكم - البعد احسن حاجة حصلت اولا لان الكلام بينكم حرام ثانيا علشان الالم يبقي اخف لو لا قدر الله مفيش نصيب وبالنسبة للنصيب ف دا شيء مجهول بس بردو احنا عارفين ان الدعاء بيغير القدر ف ادعي انها لو خير ليك ربنا يجعلها من نصيبك ولو شر ربنا يبعدها عنك ومتزعلش منها هي موقفها صح انها منعت الكلام وحتي لو مفيش نصيب بينكم وهي قابلت عرسان واتخطبت ف دا مش حاجة غلط ومش معناه ان هي كانت بتلعب بيك هي يمكن بتحبك بس دا النصيب ف انت اعمل كل حاجة وابذل كل جهدك انك تجهز نفسك وتتقدملها -و بصراحة استفزتني كلمة نسب اقل مش يمكن النسب الاقل دي هي اللي تقدر تسعدك وتكون الزوجة المناسبة ليك دي كلها شكليات ومظاهر مش مهمة وفي الاخر كلنا ولاد تسعة ومش شوية هدوم وورق والقاب اللي هتعملنا طبقات وان كل واحد لازم ياخد من نفس طبقته
العفو وربنا يرزقك ما تتمنى يا رب
تم النشر الاثنين، ٢٧ أبريل ٢٠٢٦
شكرا لحضرتك ان شاء الله خير بدعي ربنا كتتتير
تم النشر الأحد، ٢٦ أبريل ٢٠٢٦
ممكن تكون سمعت من حد تاني او يمكن بسبب باقي الاسباب اللي قولتهالك قبل كدا - ربنا يبارك فيها ويحفظها يا رب و ربنا يجمع بيها في الحلال ان شاء الله خليك دايما بتدعي وطلع صدقات بنية ان اهلك يوافقوا وان ربنا يجمعك بيها
تم النشر الأحد، ٢٦ أبريل ٢٠٢٦
انا موصل ليها انو اهلي رافضين بسبب اني صغير لسة بس هيا حاسة لأنها مرة قالت الكلام الجد انو اهلك يكلموا اهلي انا مش أعلى منها ولا حاجة ان أكرمكم عند الله اتقاكم بالتقوى مش فلوس أو نسب انا بحبها لروحها وادبها انو التربية دي اتمنى اشوفها في بناتي حتى لو غلطت وكلمت ولد كلنا بتغلط عمري ما حصل بينا تجاوز ولا مسكت ايديها ولا الشغل دا اقسم بالله كنت اقولها لو جه يوم وطلبت اشوف حاجة منك يعني شعرها او جسمها انا اسف ابعدي اعملي بلوك اوعي تبعتي حاجة ليا لو هانخسر بعض الواحد كان بيخاف عليها من نفسها يقولها صلى قربي لي ربنا بلاش لبس ضيق او بنطلونات دا كل الموضوع الواحد اعتبرها مراته والله نفسي تكون من نصيبي كل مرة بكتشف اني بحبها قوووي انو وجودها في حياتي كان احلى حاجة في الدنيا بدعي اقول يارب أجمعني بيها على خير
تم النشر الأحد، ٢٦ أبريل ٢٠٢٦
بصراحة تصرفها صح لان اولا انت في مكان شغلها يعني هتبقي محرجة وخايفة ان حد يتكلم عليها وحش ثانيا هي مكسوفة ما هو دا مش كلام عادي ولا بتقولها اسمك ايه ف دي محرجة ثالثا هي ممكن تكون حاسة بالذنب علشان كدا دي حاجة صعبة انها تعملها رابعا هي ممكن تكون وصل ليها كلام اهلك عليهم او ان اهلك شايفينهم اقل منهم ف دا عامل حاجز ما بينكم او خايفة ان العلاقة دي متكملش ف نتج عن دا رد الفعل دا واكيد لو في حاجة حلال بينكم مش هيكون دا رد فعلها
تم النشر السبت، ٢٥ أبريل ٢٠٢٦
عايز اسأل حضرتك للانسان لو فيه صفات مش كويسة في الأسلوب مثلا ممكن يكون حاد في التعامل يعني الواحد لما بيتكلم بيكون مبتسم التبسم في وجه أخيك صدقة عايزها كدا لما اتكلم معاها تبتسم هيا لما روحت لمكان شغلها اخدت منها شغل بتتعامل رسمي جداا بتحط عينها في الأرض لما كنت اطلب اني ابص في عيونها بدل ما تخبيهم تقولي خلاص امشي تحطهم في الارض تبص نص بصة وتخفي عيونها ببقا هاموت اشوف عيونها بترفض تقولي لا وقت ما كان بينا كلام مش دلوقتي عايز اعرف دا رفض ولا ايه هيا عايزة تتحكم فيا الكلام اللي تقوله يتنفز انا لا طبعا بحاول افهما انو كل حاجة ليها تبعيات لو حصل كدا هايحصل ايه لو حصلت حاجة تاني هايحصل ايه
تم النشر السبت، ٢٥ أبريل ٢٠٢٦
كمل في اللي انت بتعمله كمل اقناع في اهلك واستغل وكون نفسك واقطع التواصل مع البنت دي نهائي علشان ربنا يبارك في مجهودك اللي بتعمله علشانها وتكون حافز انك تكمل في المعركة دي وزي ما قولتلك مع كتر الزن هتلاقي اهلك بيقولولك اعمل اللي تعمله انت حر - حتي لو محصلش نصيب لا قدر الله انت مش هتخسر حاجة لانك اولا كنت بتحارب علشانها لاخر دقيقة ثانيا تجهيزك لنفسك هينفعك في جوازك عموما سواء هي او غيرها ف كمل وربنا معاك ومطلع عليك
تم النشر الجمعة، ٢٤ أبريل ٢٠٢٦
قصة السحر دي هزار انا مش هاكفر بالله انا زعلان اني ضيعت وقت كبير في العلاقة دي غير اني قليت من قيمتي فيها خالص لدرجة انو هيا شايفة اني هاموت عليها بس كان كل فكري انه حب بجد اني وعدتها لازم اوفي بوعدي حاليا حد وصل لي أهلها اني بسال عنهم الكلام انتشر في بيتهم ليها لي أخواتها و امها يعني والدها قال ليهم ليه معرفش رغم اني متقدمتش رسمي بقيت مش عارف حاجة شوفت حلم اني بطلب من امي اني اخدها هيا رافضة نهائي دا أثر في نفسيتي خالص صليت استخارة اكتر من مرة حسيت براحة في آخر استخارة مش عارف اخد قرار ابعد نهائي علشان اتجنب اهلي بس بحس اني هاخسر بنت كويسة ذات ادب واحترام اني وعدتها بس هيا بتقول انه نصيب حتى لو الوعد مجاش دا نصيب كمان خايف من شكلي في نظرها اني مش راجل وسبتها البنت فيها حاجات كتير حلوة خالص بس الخوف من النسب و الطباع السيئة
تم النشر الجمعة، ٢٤ أبريل ٢٠٢٦
انت بتقول ايه سحر ايه بس حرام اما بالنسبة للفيديوهات اللي بتقول عليها ف دي ناس بتجمل صور الحرام علشان تعمله وتبقي عادي ايه يعني ما كله بيعمله بس الحرام بين والحلال بين وهي موقفها صح مليون المية كلامكوا غلط وحرام واللي بيدا بالحرام ربنا مش هيبارك فيه والشيطان بيستغل لحظات ضعف الانسان ف هو بيوسوس ليك انها مش بتحبك وانك بتحارب علي الفاضي بس عدم كلامكوا هو الصح والحلال حتي هنا كلنا بننصح اي بنت انها تقطع علاقتها باي شاب وبنقولها انها غالية واللي عايزها يروح يتقدملها وهي معززة مكرمة في بيت اهلها - اما بالنسبة لاهلك ف مش هتقدر تحاسبهم لانهم اهلك وسبب وجودك في الدنيا ومعلش مش هيقدروا يسيبوا اخوك في محنته ف حاول تعتمد علي نفسك وتشتغل وتقف علي رجلك والله اهلك ساعدوك في حاجة يبقي كويس مفيش مساعدة يبقي اعتمد علي ربنا وعلي نفسك علي الاقل لما تتقدم للبنت دي اهلها يشفوك راجل شقيان ومسئول وهتكبر في نظرهم - وبالله عليك شيل الافكار الوحشة دي من دماغك واستعيذ بالله من الشيطان الرجيم واستغفر ربنا
تم النشر الأحد، ١٩ أبريل ٢٠٢٦
بفكر أعملهم سحر بس متى يأثر الجن يقول كتر خيرك لا لا عايز اسال عن حاجة ساعات بشوف فيديوهات لناس بتقول لو بتحبك تبقى مدلوقة لو بتحبك تتكلم وتسال وتهتم دا كان زمان بداية التعارف دلوقتي كبرت بقيت ساكتة بتسمع بس مش بتتكلم اقولها اتأكد من فين انك بتحبني تقولي كدا دا مش متأكد اني بحبك على اساس انها كلمتني من ورا أهلها انها اختها عرفت اني كلمتها كان ممكن تحصل مشاكل طبعا خلاص اخدت قرار انها تحافظ على نفسها قلت ليها تمام حقك اصلا انا معنديش وقت للكلام دا حرام وغلط بعدنا للسبب دا بس من جوة قلبي بحبها قووي بتوحشها لدرجة اني عاوزها تحس بيا عايز اي حاجة تخليها تعرف قد ايه انا اتوحشتها ما باليد حيلة اني اخطبها الاقيها من اهلي ولا الظروف اللي لبست فيها بسبب اخويا اهلي مقتدرين الحمدلله بس اخويا وقع في ديون لازم تتسد دا جاي عليا انا ممكن اتحرم من وحدة بحبها علشان اهلي شايفين انه الأولى دا هو اخذ كل حاجة نفسه فيها اشمعنا انا بدل المحل فتحتوا ليه ٣ وخسرهم واتجوز اللي حبها و سددتوا ليه الدين مرتين ودي التالتة هو مش مسؤل لما اتكلم انت مش بتحب اخوك يعني هو اخد كل دا مش بحب اخويا انا حقي فين من دا كله دا يرضى ربنا اتظلم انا علشانه والله حرام
تم النشر الأحد، ١٩ أبريل ٢٠٢٦
اكيد الموضوع مش كدا انت اكيد شايف الدنيا عاملة ازاي والشباب مبقتش مسئولة ومحاكم الاسرة بقت مليانة وبيكون معظهم شباب في العشرينات ويمكن اصغر كمان ف الاهل بيشوفوا حاجة زي كدا وان المفروض تبقي كبير علشان تعرف تحافظ علي بيتك ف خلال الفترة دي اثبت لاهلك ولاهلها انك راجل مسئول حتي لو صغير في السن واستعمل اكتر سلاح بيجيب فايدة وهو الزن افضل زن علي اهلك علشان يوافقوا عليها وفرصة انهم يوافقوا هتزيد لما يشوفوا سعيك واجتهادك علشان خاطرها وحتي لو مشفوش كدا هيزهقوا من الزن ف هتلاقيهم بيقول ليك انت حر اعمل اللي تعمله - واهم حاجة التزم بالصلاة وادعي ربنا من كل قلبك انه يجمعك بيها في الحلال @السائل
تم النشر السبت، ١٨ أبريل ٢٠٢٦
هما ليه شايفين اني صغير اني مراهق مش محترمين مشاعري خالص ايه يعني البنت تتجوز عادي انا بالنسبة ليا مش عادي ازاي اتقبل انها مع غيري هو دا سهل بالنسبة ليهم هما مش شافيين اني هاتعب نفسيا اني هازعل ممكن اتعقد في موضوع الزواج هما كل واحد في حياته بيته وعياله هما مالهم اصلا كل واحد هايقول نفسي نفسي اقعد انا في الزعل عليها اضيع نفسي علشان ايه انت صغير انا قادر افتح بيت اصرف عليه اديني بشتغل ليه لا انك تعيني اتزوج يعم منا تخلص هيا تعليم قدامها فترة حلوة ييجي سنة ونص
تم النشر السبت، ١٨ أبريل ٢٠٢٦
معلش صعب اوي انك تغير تفكير الاهل لانهم بيبقوا مقتنعين والموضوع دا محتاج صبر والحاح بهدوء ومش بالعصبية والعند واذكر دايما ايات واحاديث توضح ان الاهم من النسب الدين والاخلاق وقولها قصة عمر بن الخطاب رضي الله عنه لما زوج ابنه عاصم من بنت بائعة اللبن ودا بسبب امانتها مع ان عاصم ابن امير المؤمنين وهي مجرد بائعة لبن بس اللي كان مهم هو امانتها وتدينها وخوفها من ربنا واحنا الحمد لله مسلمين وعارفين ان ديننا دين المساواة - اما بالنسبة للسن ف مش لازم طالما الشاب جاهز ومجهز شقته وعنده شغل يعرف يفتح بيه بيت يبقي خلاص يتجوز حتي لو عنده 18 سنة مش هتفرق اهم حاجة يكون شاب واعي ومسئول
تم النشر الأربعاء، ١٥ أبريل ٢٠٢٦
بس تعبت من اهلي تفكيرهم صعب جدا جدا ليه تتجوز بدري انت تستنى لحد 30 ليه اتأخر ليه اسيب وحدة بحبها وبتحبني واثق انه ربنا هايعيني في موضوع الزواج هايفتح ليا أبواب رزق اكتر مستني امي تيجي من السعودية علشان اتكلم معاها محتاج طريقة اقنعها بيها معرفش اعمل ايه اهلي بيقولوا روح واتقدم ليها قول ليهم مليش اهل كلامهم كسرني قووووي
تم النشر الثلاثاء، ١٤ أبريل ٢٠٢٦
كلام حضرتك صح في موضوع النسب انا مقتنع بيها انها بنت تستاهل كل تعب وكل حاجة حلوة
تم النشر الثلاثاء، ١٤ أبريل ٢٠٢٦
لعرض الإجابة في فدني اضغط هنا