انا بحب بنت اخدنا فترة نتكلم هيا اخدت قرار انها تبعد علشان تحافظ على نفسها خايفة من أهلها وانو دا حرام انا تقبلت الفكرة لانه دا صح بس انا لسة ظروفي مش تسمح أتقدم ليها غير كدا اهلي رافضين لأنها اقل مني في النسب رغم أنها مؤدبة ومحترمة جداا أهلها ناس كويسين بس النسب اقل دا بالنسبة ليا انا عادي جدا إن أكرمكم عند الله أتقاكم
من فترة سمعت انو ابن عمها متقدم ليها هيا على علم بالموضوع بس مش قالت ليا بحجة انه عادي ياما أتقدم ناس انا كدا كدا لسة بدرس مش هاتجوز دلوقتي
سألتها لو عايزة ابن عمك خلاص انا ابعد احافظ على نفسي قالت شوفتني قمت اتخطبت ليه
سألتها يعني هاتستني اكون نفسي وأتقدم ليكي قالت إن شاء الله هاستني بس شد شوية بقيت بعمل فوق طاقتي وزيادة انا لسة بدرس في آخر ترم في الكلية احتمال يكون عندي جيش
مش عارف اقنع اهلي ازاي دا اولا
ثانيا خايف من فكرة النصيب قووووي اني اتوجع انها بقيت لغيري انا اتمنى ليها كل خير والله هيا بنت عسولة تستاهل كل خير بس خايف اتوجع قوووي متى اقبل اني اخد وحدة تانية عايز حل اتقبل دا ازاي لو حصل
اهلي رافضين للشخص كمان اني لسة صغير قدامي العمر اكون نفسي اختار حد احسن لكن انا بحبها غير الحب هيا فيها صفات كتير كويس فيها عيوب اكيد بس مقدور عليهم
انا وهيا مش بنتكلم بطلنا كلام بس بحن ليها قوووي بتوحشها خالص بزعل انه في ايدها تسأل عني تتطمن عليا تديني كلام يحفزني اني اكون معاها بس مش بتعمل كدا استخرت ربنا اكتر مش مرة مش حاسس بحاجة معرفش اعمل ايه
طيب يعني أنت صغير تتزوج ولكن مش صغير عشان تعيش قصة حب، وكمان كلمة أنا أهلي شايفين أن قدامي العمر طويل دي خطر مش أهلك الِ هيحددوا حاجة زي دي، الأمر الثاني إنك ما تتكلمش معاها خالص إلا لو حضرتك كونت نفسك وكنت فعلًا قادر تشيل حواجز أهلك أنت ممكن تخطب وتروح الجيش لكن واضح من كلامك أن الأهل مش موافقين، إذا أنت ليه مكمل وليه مش عايزة تتخطب لحد، كلم أهلك وهي المفروض متنتظرش حضرتك لأنها بتأخر نفسها لسبب مجهول وأيضًا سبب لا يرضى الله عز وجل، فأنت المسؤل هنا تقدم واستعين بالله عز وجل واقنع أهلك ولو فعلًا ليكم نصيب من بعض هيكون ولكن بدون طرق تغضب ربنا وتأخر زواجك!
تم النشر الخميس، ١٦ أبريل ٢٠٢٦
السلام عليكم - البعد احسن حاجة حصلت اولا لان الكلام بينكم حرام ثانيا علشان الالم يبقي اخف لو لا قدر الله مفيش نصيب وبالنسبة للنصيب ف دا شيء مجهول بس بردو احنا عارفين ان الدعاء بيغير القدر ف ادعي انها لو خير ليك ربنا يجعلها من نصيبك ولو شر ربنا يبعدها عنك ومتزعلش منها هي موقفها صح انها منعت الكلام وحتي لو مفيش نصيب بينكم وهي قابلت عرسان واتخطبت ف دا مش حاجة غلط ومش معناه ان هي كانت بتلعب بيك هي يمكن بتحبك بس دا النصيب ف انت اعمل كل حاجة وابذل كل جهدك انك تجهز نفسك وتتقدملها -و بصراحة استفزتني كلمة نسب اقل مش يمكن النسب الاقل دي هي اللي تقدر تسعدك وتكون الزوجة المناسبة ليك دي كلها شكليات ومظاهر مش مهمة وفي الاخر كلنا ولاد تسعة ومش شوية هدوم وورق والقاب اللي هتعملنا طبقات وان كل واحد لازم ياخد من نفس طبقته
تم النشر الثلاثاء، ١٤ أبريل ٢٠٢٦
يا أخي العزيز، أنا ذكية، وأشعر بوجع قلبك ده كويس جداً، وده طبيعي لأن الحب الحقيقي بيوجع لما يتعطل. أنت راجل طيب وبتفكر صح إن الابتعاد كان قرار إسلامي سليم، وده يدل على إيمانكم اللي هيبارك فيه ربنا إن شاء الله. أولاً: فكرة النصيب والخوف ده النصيب من عند الله، زي ما قال تعالى: "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ". لو هي ليك، هترجع بطريقة شرعية وبموافقة أهلك، ولو مش ليك، ربنا هيفتحلك أحسن (وأنت صغير فعلاً، قدامك وقت تختار اللي يناسبك تماماً). عشان تقبل وتتخطى الوجع لو حصل: استمر في الاستخارة : صلِّها كل يومين، وادعي ربنا يريح قلبك ويبعد عنك اللي مش خير. مش حاسس بحاجة؟ معناها ربنا بيحميك من قرار متسرع. ركز على نفسك : خلص دراستك واستعد للجيش، طور نفسك (رياضة، قراءة، عمل جزئي)، ده هيقربك من التقدم ويثبت لأهلك إنك جاهز. لو اتوجعت : قرب من ربنا أكتر ولا تقلق، الوقت هيشفي الوجع، وادعي "رب اشرح لي صدري ويسر لي أمري". ثانياً: إقناع أهلك كلمهم بهدوء واحترام : قولهم "أنا بحب صفاتها اللي زي التقوى والأدب، والنسب عند الله التقوى. هي من أهل كويسين، وأنا هكون راجل مسؤول". أظهر لهم إنجازاتك عشان يشوفوا جديتك. لو رافضين قوي : اصبر، وادعي ربنا يلين قلوبهم. متعجلش، الزواج نصيب وتيسير. نصيحة عملية سريعة : ابعد تماماً عن الكلام معاها دلوقتي (حتى لو بتوحشك)، عشان تحافظوا على طاعتكم وترجعوا أقوى. لو عايز تتقدم، اجعل أهلك يروحوا رسمياً لأهلها قريب، بس بعد ما تخلص ترمك. ابحث في فدني عن أسئلة زي "كيف أقنع أهلي بالزواج، هتلاقي إجابات كتير مفيدة. ولو عايز استشارة خبراء، روح https://www.fedni.net/experts. ربنا يرزقك الزوجة الصالحة اللي ترضيك وترضي أهلك، ويفرج همك يا رب. أنت قوي، هتعدي إن شاء الله! 💪❤️
تم النشر الثلاثاء، ١٤ أبريل ٢٠٢٦
في التأني السلام .. اصبر على نفسك ومتخليش احتياجك العاطفي يحدد مصيرك .. ممكن مع الوقت تغير رأيك جذريا .. فتمهل
تم النشر الأربعاء، ١٥ أبريل ٢٠٢٦
لعرض السؤال في فدني اضغط هنا