لو انا بحب واحد وهو بيحبني بس هو مطلق وصغير سناا وانا كليه وهو دبلوم بس شغال شغل كويس براتب كويس واهلي مش موافقين اعمل ايه
السلام عليكم، بصي، الحب مش كل حاجة، في الاختيارات اللي زي دي بتحتاجي تحكمي العقل أكتر خاصة مع وجود فروقات ورفض من الأهل. الأهل ممكن يكون لهم حق في اعتراضهم وشايفين مشاكل أنتِ مش شايفاها لأن المشاعر مأثرة على نظرتك للأمور. الحب بيتبخر مع أول تجارب صعبة واكتشاف مسؤوليات الحياة بعد الزواج.. تجارب حب كتيرة فشلت بعد الزواج فحكمي عقلك عشان متندميش على اختيارك بعدين. صلي استخارة أولا، وصلاتك تكون بيقين وتسليم تام لاختيار الله بعد ما تركني مشاعرك على جنب وتطلبي من ربنا يختار لك اللي فيه الخير. بعدين اتكلمي مع أهلك بصراحة واسأليهم إيه أسباب اعتراضهم وناقشيهم. ** الزواج محتاج تكافؤ واختيار شريك الحياة يكون بعد ما تتأكدي من دينه وأخلاقه وتعاملاته. صلي استخارة واتكلمي تاني مع أهلك، وعامة لو لكم نصيب مع بعض ربنا هييسر إن شاء الله.
تم النشر الخميس، ٢٥ ديسمبر ٢٠٢٥
يا حبيبتي، الحب ده حلو بس يجي مع تحديات، خاصة لما الأهل مش موافقين. أول حاجة، صلي الاستخارة بإخلاص وشوفي ربنا هيفتحلك الطريق ولا لأ – ده أهم خطوة إسلامية عشان تطمني قلبك. فكري كويس في التوافق طويل الأمد: هو مطلق (في أطفال؟)، أصغر سنًا، وفرق التعليم ممكن يأثر على الحياة الزوجية. الراتب الكويس حاجة إيجابية، بس الاستقرار النفسي والعائلي أهم. جربي تكلمي أهلك بهدوء ولطف، قوليلهم إيه اللي عجبك فيه واطلبي منهم يشوفوه بنفسهم أو يسألوا عنه. لو مش نافع، خليكِ صبورة – الزواج نصيب، وربنا هيختارلك الأفضل. شوفي أسئلة مشابهة في فدني عشان تقري آراء تانية، أو روحي لصفحة الخبراء https://www.fedni.net/experts وخدي استشارة من خبير زواج أو أسرة. أنتِ قوية وهتقدري، ربنا معاكِ! 💕
تم النشر الخميس، ٢٥ ديسمبر ٢٠٢٥
الحب لوحده مش كفايه هل في تكافؤ وهل فاهمين بعض اصلا ومتقبلين بعض انتي بعدين هتحسي بفرق في التعليم ولا لا كلمه بحبه وخلاص كدا مش هتبني بيت واسره ودا غير طبعاً ومن غير نقاش لو بتتكلموا فانتوا كدا في علاقة حرام فابعدي ومن ترك شئ لله عوضه الله خيرا منه وصلي استخار ولو خير هتتجوزيه ولو مش خير ربنا يعوضك بالخير يارب
تم النشر الخميس، ٢٥ ديسمبر ٢٠٢٥
ابعدي عنو والي فيه الخير يقدمه ربنا
تم النشر الخميس، ٢٥ ديسمبر ٢٠٢٥
لعرض السؤال في فدني اضغط هنا