السلام عليكم -
بقالي يومين حاسة ب الم في قلبي وفي بطني من فوق تحت القلب بس قولت يمكن من التوتر ان امتحاناتي قربت بس دلوقتي الم قلبي زاد اوي وضربات قلبي سريعة وكنت شايلة بيبي صغيرة حسيت انه هيقع من ايدي ف سبته بسرعة وامبارح جالي هبوط شديد لدرجة اني حسيت ان هيغمى عليا وعيني بدأت تقفل وجسمي ارتخى خالص واهلي اكلوني بسرعة عسل نحل وحلاوة طحينية مع اني كنت قاعدة بذاكر يعني مش بعمل مجهود عنيف + في صداع شديد بقاله يومين ومستمر وصعب اوي - هل دا بسبب التوتر ولا لازم اقلق ؟
وعليكم السلام ورحمه الله وبركاته بصي يا بنت الناس اهدي خالص كدا وصلي على النبي مفيش أي حاجة في الدنيا تستاهل تضيعي صحتك عشانها والامتحانات كدا كدا بتعدي والتوتر الزيادة ده هو اللي قلب معاكي بوجع قلب وهبوط وضربات قلب سريعة بس برضه عشان نقطع الشك باليقين ومينفعش تستهون بالأعراض دي لازم تروحي لدكتور أو ..المستشفى العامه عندكم .. يطمن عليكي وتعملي رسم قلب وتشوفي تحليل أنيميا وسكر عشان الدوخة والهبوط ده وتطمني على نفسك ولحد ما تروحي للدكتور بطلي تطبقي طول الليل ونظمي نومك واشربي مية كتييير وكلي امل يغزيكي أول بأول ومتقعديش بالساعات من غير أكل عشان ضغطك وسكرك ميعملوهاش معاكي وتتعبي فجأة صحتك بالدنيا يا بنت الناس وكل حاجة هتبقى تمام بس اهدي وبطلي قلق وكل حاجة هتتحل وعلى خير ان شاء الله... وابقى طمنينا عنك ربنا يحفظك ويوفقك.. بس معلش ممكن سوال هي امتحنات ثانويه ولا جامعه ؟
تم النشر الأربعاء، ٣ يونيو ٢٠٢٦
السلام عليكم يا نهال💚 أنا جالي في التنبيهات إنك وجهتِ لي السؤال بس تقريبا شكلك حذفتِ المنشن.. معلش مكنتش فاتحة التطبيق. إن شاء الله تكوني أفضل دلوقتي. القلق والتوتر يعملوا الأعراض دي عادي بس لازم طبعا تطمني في المستشفى عشان تستبعدي تماما أي سبب عضوي... خاصة لو فيه أنيميا مع التوتر اللي أنتِ فيه هتحسي بالأعراض دي أكتر. وبالنسبة للثانوية العامة، فصدقيني مفيش أي حاجة تستاهل إن صحتك ونفسيتك تتأثر... كلها محطات في حياتك والثانوية واحدة منها.. متخليش محطة واحدة تأثر على حياتك كلها، في النهاية نجاحك ومستقبلك أنتِ اللي بتصنعيه والطرق له مختلفة فخلي أعصابك باردة واعملي اللي عليكِ حاليا واستعيني بالله وإن شاء الله كله هيبقى تمام. ألف سلامة عليكِ يا قمر وبالتوفيق دايما.❤️
تم النشر الأربعاء، ٣ يونيو ٢٠٢٦
وعليكم السلام. أعراضك (ألم في القلب، ضربات سريعة، هبوط شديد، صداع مستمر) قد تكون خطيرة وتحتاج فحص طبي فوري، خاصة بعد حمل الطفل. لا تتجاهليها، اذهبي للطبيب الآن. إجابتي ليست بديلاً عن استشارة طبية. يمكنك البحث عن أسئلة مشابهة في فدني لمزيد من الآراء، أو زيارة صفحة الخبراء: https://www.fedni.net/experts . (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢ يونيو ٢٠٢٦
دايما يارب في احسن حال + لا شكر على واجب ، الدكتور قالك ايه ؟
تم النشر الخميس، ٤ يونيو ٢٠٢٦
@Ne hal طمنيني عنك بقيتي كويسه
تم النشر الخميس، ٤ يونيو ٢٠٢٦
حاضر الصبح اروح ان شاء الله لما جالي هبوط قبلها كان عندي صداع شديد وبعدين بقي في الم اسفل راسي ورقبتي وفضل حوالي ساعة الا ربع بعدين حسيت ان نفسي بقي اتقل ودايخة ودماغي تقيلة بس كنت شايفة الدنيا تمام ولما الدوخة زادت قومت من علي الكرسي وقعدت علي الارض ف لقيت جسمي ارتخي وعيني بدات تقفل @محمد احمد
تم النشر الأربعاء، ٣ يونيو ٢٠٢٦
هو الاحسن دلوقتي انك تروحي مستشفي بدل ما مش عارفه هتكشفي اي والاعراض كل عرض ليه تخصص فا المستشفي هتقيس الضغط والسكر ويعملو كام حاجه وهما يحددو بعد ما يحددو ممكن بقا تتابعي مع دكتور خاص هو لما جاللك هبوط شفتي الدنيا ضالمه وكنتي هتقعي ولا شايفه الدنيا تمام بس في هبوط ربنا يعافيكي وتقومي بخير
تم النشر الأربعاء، ٣ يونيو ٢٠٢٦
@Ne hal الف سلامه عليكي شفاكِ الله وعافاكِ + خلي بالك من نفسك وخلي صحتك النفسية أو الجسديه اولاويه عندك 🌸
تم النشر الخميس، ٤ يونيو ٢٠٢٦
قالي عندي برد شديد مبسبب التهاب في عضلات البطن + توتر مسببين ارتفاع في ضربات القلب وعندي التهاب في القولون واداني برشام لتنظيم ضربات القلب وحقن للقولون وبرشام للمعدة وبرشام للاعصاب
تم النشر الخميس، ٤ يونيو ٢٠٢٦
احسن الحمدلله شكرا علي سؤالك @أسماء 🤍
تم النشر الخميس، ٤ يونيو ٢٠٢٦
اه صح في كمان رعشة في ايدي اليمين وصباع السبابة بالاخص
تم النشر الأربعاء، ٣ يونيو ٢٠٢٦
لعرض السؤال في فدني اضغط هنا