انا فى تالته ثانوي واهلى فى البيت ضغطين عليا جامد لدرجه انى بقيت بزاكر وانا بترعش من الخوف انا محتاجه راحه نفسيه ودعم مش رعب وخوف اعمل ايه
حل من الحلول أنك تكلمي حد كبير زي عمك أو جدك لو عايش و تتكلمي معاه و تشرحيله و تخلي يفهم أن الضغط دا هياثر عليكي ب السلب مش ب الايجاب و تخليه يروح يتكلم معاه و يفهمه الكلام دا انما لو اهلك قريبين منك و التعامل اكنكم صحاب كدا تقدري انت تكلميهم و تحاولي تفهميهم براحة لو مينفعش اي حاجة من دول ممكن تكلمي مدرس يكون قريب منك و المدرس يكلم ابوكي و دا افضل حل لأن هو بيكلم المدرس اللي هو اصلا عايز مصلحتك و عايزك متفوقة فكري و شوفي الحلول المناسبة ليكي على حسب الظروف من نحيتك انت بقى حاولي متضغطيش نفسك الثانوية العامة مش نهاية الحياة أو نهاية المطاف و مش هيا اللي يتحدد المستقبل ياما ناس اجتهدوا و اشتغلو على نفسهم و نجحو و هما في كليات قليلة مثال المدرسين ، اللي في كلية تجارة ، و أمثلة كتير و اعرفي ان ربنا مش بيضيع تعب حد انت اتعبي و اعملي اللي عليكي و حتى لو ربنا موفقكيش في ثانوية عامة هو مش هيضيع تعبك و هيكرمك على تعبك دا في حاجة غير الثانوية و ب التوفيق لينا كلنا بجد و بالتوفيق لكل اللي في ثانوية عامة و انا منهم 🤍✨
تم النشر الاثنين، ٢٨ أغسطس ٢٠٢٣
لازم تتكلمي معاهم .. وتحاولي توضحي ليهم ان بسبب الضغط ده بقيتي في الحالة ديه، ولو الضغط ده استمر عليكي حالتك النفسية هتسوء وبالتالي المذاكرة هتسوء. فالضغط مش هيجيب نتيجة ابدا كويسة .. وحاولي تطمنيهم بانك فاهمه اكيد انهم مش قصدهم اي حاجه وحشة تحصلك، وانك فاهمة الضغط ده سببه انك طبعا تبقى احسن حد وتججيبي احسن مجموع. ولكن قولي ليهم الموضوع ده تاعبك ومأثر عليكي ومش هيجيب نتيجة كويسة ع المدى حتى البعيد .. ودعمي ده بكلام دكاترة او استشاريين بيتكلموا عن الموضوع ده. يعني دوري ع دكاترة على اليوتيوب بيتكلموا عن الموضوع ده وابعتيها ليهم.
تم النشر الثلاثاء، ٢٩ أغسطس ٢٠٢٣
لو عندك.حد من قرايبك قريب منك خدي كتبك وروحي زاكرو عندو وابعدي عن الخوف دل
تم النشر الاثنين، ٢٨ أغسطس ٢٠٢٣
الراحه النفسيه مطلوبه غيري جو وخليك شخصيه قويه يمكن ان تأتي بالقرب من الله وصاحبة كلامه والحفاظ على الصلاه وان تعلميهم انك جاده وتعرفي مصلحتك واثبتي ذلك وتاخذي بالاسباب وتعتمد على مسببه والتوفيق من الله وحده والخوف من الشيطان فإذا حدث ذلك توضاي وصلى لله ركعتين وادع الله يصرف عنك والا فاقراي في كتاب الله صفحه الصفحتين تيسر كل عسير وبالله التوفيق
تم النشر الاثنين، ٢٨ أغسطس ٢٠٢٣
اعملي ال عليكي وصلي وحولي تفضفضي لحد هترتاحي مشكله الكل مع 3ثانوي
تم النشر الثلاثاء، ٢٩ أغسطس ٢٠٢٣
لعرض السؤال في فدني اضغط هنا