السلام عليكم ورحمة الله وبركاته داخله اولي جامعه ولسه ماقررتش اصلا مش عارفه اخد قرار ادخل ايه ان بالمعني مش لاقيه حاجة ادخلها فعلا جايبه 57 في الميه وعملت تظلم طلعلي درجات بس مفيش حد عبرني ولا اتصل بيا لحد النهارده خايفه ما أخذهومش المهم انا مش عارفه ادخل ايه او اتصرف ازاي قبل النتيجه قولت أسنان وبصراحه قولت هيبقا أخري خالص ٨٥ مش هقل ولا هزيد ماما كانت دايما تقولي ٩٣ وخالو قال ٨٥ اتعشمت في الدرجه جدا وقولت خلاص لو جبتها يبقا علوم وهتوكل علي الله وجيت قبل النتيجه بيوم فـ بكلم نفسي ولقيتني بقول بصي لو ما لحقناش علوم وجبنا في السبعينات فـ احنا هنروح لحقوق حتي لو مجموعنا جايب كليات أعلي بالنسبه ليا شايفه الحقوق كليه من كليات القمه فـ قولت اي كانت النتيجه مش هزعل بقا فـ النتيجه ظهرت ما قدرتش اجيبها لنفسي قولت لاختي تجيبها طبعا شايله مستقبلي ومش تقبل عيلتي كان نفسي افرحهم واقولهم خلاص ربنا بيجازيكم علي كل اللي صرفتوه عليا في تعليمي يوم النتيجه ما قدرتش ابص لبابا كنت حاسه ان انا عامله حاجة غلط ومستحيل ابصله او حتي اكلمه بابا عمره ما كان من الناس اللي بتلوم لو ما وصلتش لحاجه وما اتكلمش لان هو شافني قد ايه تعبت من كتر توتر الامتحانات قبل الامتحان بيومين كنت في المستشفي بسبب نزيف وطلب مني منظار بس قولت هذاكر لان خلاص امتحاناتي ومش ناقصه تضييع وقت مش عايزه ادخل في التفاصيل اوي جات النتيجه خلاص وانهيار وعياط واصرخ بس بصوت مكتوم علشان الناس اصل عندنا حياتنا بتتمحور علي الناس ماينفعش صوتنا يبقا عالي حتي واحنا في اكتر انهياراتنا الناس مركزه معانا فعلا بشكل مرعب حتي يوم ماتعبت من كتر الوجع كنت بصرخ بصوت عالي ماما قالتلي الناس حاولت اكتم وجعي مفيش أصعب من كدا عموما كنت فاكره بقا ان هلحق حقوق انتساب وكدا واتعشمت خلاص انها هتبقا من نصيبي اهو حاجة وصلنالها ومش مهم المجموع وحققنا الخطه التالته اهو ربنا ما اداناش المجموع اللي عايزينه بس هنحقق حاجه مع ان كان فيه رفض اصلا الناس والناس وهتقول دي ودي وانتي بنت والناس ويقولوا اقل كليه ((بالنسبه ليا دي القمه فعلا من بعد الطب والعلوم فـ عندي الحقوق قمه بجد اي حد في حقوق دا يابخته عارفه انها دراستها مش سهله ومحتاجة مجهود وفعلا زي اي كليه قمه) بس خلاص دي كمان ضاعت من ايدي الحمدلله فعلا بقولها وانا راضيه بس اوقات المجتمع والناس هما السبب في عدم الرضا لدرجه ان اوقات بيضطروا يخلوا الواحد يقول لربنا ليه مش انا وصعبه اوي دي تتقال لواحد انضف مننا كلنا كلام كتير محتاجه اقوله بس السؤال هيطول بس لازم اتكلم مش لاقيه حد اتكلم معاه فعلا ماما بعد النتيجه بيومين قالتلي انا جمبك في اي حاجة انتي هتعملها وهسندك فرحت والله جات قالت لبابا قال شوفي عايزه ايه خاص وادخلهولك رديت عليه قولتله لا اللي ربنا كتبه هدخله مع ان مش حابه حوار المعاهد بس وقتها كنت فاكره ان لسه هقبل في حقوق علشان التنسيق ماكانش نزل والحمدلله ان رفضت لان كلمه اتقالت قدامي وجعتني اوي وأهلي عموما من الناس اللي بتقول انا عملتلك وعملتلك وحاجات كتير كدا ووقت ما اوصل هيتقالي دا انتي كنتي جايبه كذا واحنا اللي عملناكي عندهم تقريبا القمه في الطب وبس علي الرغم انهم بيفتخروا بأي حد سواء في كليه تربيه او تجاره او غيرها ويجوا عندنا ولا طبعا الاسبوع دا اسوء اسبوع مر عليا كل حاجه انكشفت قدامي كل اللي قال منهم راضيين اسفه في الكلمه طلعوا كدابين كلهم ماما قالتلي كسرتي ضهر بابا وفضحتينا و حاجات كتير اسفه تاني في اللي هيتقال مش المفروض دي لما شرف البنت بيضيع فـ بتضيع سمعه أهلها معاها ولا ايه بالظبط اتقالي ربنا كسرك وبيذلك قولتلهم كل دا يتقال الا ربنا ما بيكسرش حد ولا بيذل حد دا من حبه ليا والله اتشافت وحشه حتي يعني اتشافت ان كدا من عقوق الوالدين بابا قالي قبل كدا ربنا كان لازم يكسرك بس ما قدرتش اتكلم معاه ولا اقوله ان ربنا مش بيعمل كدا بس لما ماما قالتلي قدرت اقولها كدا ماما ضربتني بسبب ان بقولها وانا اعمل ايه انا كمان والله من جوايا مش قادره اعيش مهما كانت الدنيا كلها زعلانه عليا عمرها ما هتبقي زعلانه شبه ما الإنسان بيزعل علي نفسه ما قومتش من قدامها سبتها تضربني دا حتي كنت بجيبلها اي حاجه ينفع تضربني بيها كلامهم وحش اوي كانت فاكره ان مجموعي هيجيب حقوق قعدت تقولي يلا هتبقي ايه في الاخر محاميه طب مالهم يعني يا ماما هما وحشين شبههم شبه الدكاتره مافوقتش غير المهنه معلش دا بيشيل اسم اهله من طب ودا يشيل اسم اهله من حقوق وتربيه وحاجات كتير قالتلي فاشله وهتتكلمي قولتها حتي حقوق مش هلحقها والله قالتلي احسن احنا ربنا ابتلانا بيكي اصلا وكلام كتير اوي مالهوش لازم ان اقوله اختي من وقت ما النتيجه طلعت يوم النتيجه تقريبا قعدت تقولي معاهد معاهد طب سيبيني ارتاح طيب بلاش توجعيني اكتر عايزين ادخل كليه اي كليه حتي لو مش حاباها تقريبا مجموعي جايب تربيه بس نوعيه فنيه وموسيقي انا مش حاباها عموما مش هيبقا بالعافيه بقا تقوم تقولي مش جايبه حاجه وهتتشرطي كمان طب وانا اعيش ازاي؟ ما هو مش هبقا ما حققتش حاجه وكمان ادخل بالعافيه علشان الاسم كليه وخلاص لا انا مش من النوع دا خالص كان نفسي ابقا حاجه والله حتي هما عارفين ان ما قصرتش بس فاكرين ان هما لما يقولوا الكلام اللي يوجع دا يبقا خايفين علينا طب ما تسيبوني اعيش ولما تنسيق ينزل واكتب رغبات وزي ما تيجي بقا انا كمان مش عاجبني اللي بيحصل بس مش هقدر اتكلم لو اتكلمت هبقا بجحه لان مش جايبه مجموع حرفيا حتي امبارح وجعتني بكلامها تاني فضلت اعيط اكتر من ٤ ساعات مفيش حاجة في أيدي اعملها وبابا بليل جه سمعني كلمتين حلوين علشان كان بيسأل علي حاجة وما سمعتوش قالي بردو ربنا عمل كدا علشان شايف انك ما تستاهليش تبقي حاجة حاولت ابين ان الموضوع عادي وفضلت قاعده معاهم شويه وبعدين دخلت حرفيا ما نمتش دا انهارت وعادي فاكرين ان ما عنديش مشاعر حتي لما باجي اتكلم بيشوفوا كلامي ومشاعري بإستهزاء اللي هو انتي ماعنديش طاقه شبهنا وتقدري تتحملي حاجات كتير لان انا اللي عودتهم ان ما بشتكيش حتي من وانا صغيره كانوا حرفيا بيجوا عليا اوي عن اخواتي علشان ماشيين بمبدأ دي بنت بـ 100 راجل حرفيا كانوا بيقولولي كدا اللي هو تقدري تتحملي اي حاجة عايزين اللي يشوفك يقول كدا وانا بقا وقتها كنت صغيره وهبله ومش فاهمه حاجة فـ اتعودت اشيل مسؤليه نفسي واربي نفسي حرفيا لا احكي ايه مزعلي او عايزه ايه او أرفض لا احنا هنعمل اي حاجه يقولوا عليها حتي لو مش هقدر قالوا ان بغير من اخواتي اصل هما بشرتهم بيضه ومش عارفه ايه وانا مختلفه عنهم فـ أكيد هغير منهم واتقبلت الموضوع وقولت عادي حتي وصلت لمرحله ان ما بحبش نفسي بجد قالوا ان بغيت من اختي الكبيره وحاطه خطيبها في دماغي اللي هو اصلا خطيبها دا يعتبر خالنا هو ابن عم ماما بس لسه 21 سنه بس حضرتك دا خالو من غير اي حاجة مابقيتش بكلمه وحتي لما بيسأل عليا مش بروح اسلم عليه هو السلام اصلا من بعيد اللي هو ازيك يا خالو وخلاص مسحت رقمه اللي هو اصلا ماما هي اللي قالتلي دا رقمه خدي رني عليه من عندك مش انا اللي أخدته علشان غرض معين وازاي اصلا ومن غير اي حاجة ودي اختي؟؟ حتي لما ببقا نازله وهو موجود مابكلمهوش حتي لما هو بيكلمني ببتسم وخلاص كأنه مش موجود لما بيجي يوم الجمعه فـ يوم اجازه بقا بابا موجود وكدا فـ هنأكل كلنا لا مش بأكل معاهم بقعد في الاوضه لوحدي وبأكل مع ان ماما وبابا بره واختي الصغيره بس انا لا هبعد علشان مش عايزه مشاكل طب تعالي نلعب كلنا لا انا مش قادره هنام واي حاجة لا وبردو بتشاف غيرانه من اخواتي ولو اتكلمت وقولت ان نفسيتي بتزعل لا مستحيل تتكلمي ازاي تقولي كدا انتي مش بشر شبهنا لا انتي بتسحملي اي حد فيهم عنده مشكله بيحكيلي وبقعد اسمع وانا مبسوطه انا اجي اتكلم هيسمعوني لا طبعا مستحيل اسكتي دلوقت انا مصدعه انتي يا بنتي كئيبه ايه القرف دا اسكتي جبتيلنا المرض والنهارده صحيت بدري نزلت مع ماما نشتري كام حاجة للفطار والغدا ماما قالتلي هندخلك خاص شوفي حقوق ولا علوم ولا انتي عايزه ايه ما ردتش عليها بجد هرد عليها ازاي اقولها ايه وهما اصلا ماشيين غلط حرفيا يعني لما انتوا عايزين تشوفوني فرحانه وخايفين عليا فعلا ومش عايزين ان ازعل ليه بتقولوا كدا اصلا وليه الكلام دا لزمته ايه مش كفايا عليا دماغي يعني ولا ايه ما انا صعبان عليا الفلوس اللي دفعتوها قبل ما يبقا صعبان عليا نفسي وصحتي ومشاعري وخوفي وكل حاجة اعيش ازاي بجد واعمل ايه واتصرف ازاي واقولهم ايه اصلا لما سألتني تاني قولتلها مش عايزه حاجة لان حرفيا لو قولت عايزه هيعايروني اهلي من الناس اللي حرفيا بتعاير يعني انت اصلا كل لما تنجح هتفتكر انك داخل بفلوس أهلك وهما هيزودوها عليك اكتر الواحد اصلا لسه مش فاهم حاجة بجد ومش عارف يتأقلم اصلا ابدأ أتكلم معاهم ازاي وبجد بحس ان مش عارفه اقولهم كل الكلام دا بحس ان كلامي معاهم مش بيغير حاجة والله.
وعليكم السلام ورحمة الله وبركاته، يا بنتي. أول حاجة أحب أقولها لك إن اللي بتمرّي بيه صعب جدًا، ومشاعرك طبيعية تمامًا. الضغط ده من أهلك، والكلام اللي بيتقال، والإحساس إنك مش قادرة تفرحيهم أو تحققي اللي نفسك فيه، كل ده بيخلّي الواحد يحس إنه فاشل ووحيد. بس خليني أقولك حاجة مهمة: ربنا مش بيكسر حد ولا بيذلّه، ده اختبار وفرصة لكِ عشان تبني قوتك الداخلية، وإنتِ فعلاً قوية أكتر مما بتتخيلي. تعاملي مع أهلك دلوقتي محتاج صبر وهدوء، مش عشان تبرري كلامهم، لكن عشان تحمي نفسك. لما يكون الجو متوتر، حاولي تقللي الكلام المباشر عن الموضوع ده، ولو اضطريتِ تردي، قولي كلام بسيط زي "أنا فاهمة إنكم خايفين عليا، وربنا هيسهل الأمور". ده مش ضعف، ده حكمة. وفي نفس الوقت، ابدئي تركزي على اللي تقدري تتحكمي فيه: لما ينزل التنسيق، اكتبي رغباتك بناءً على مجموعك الفعلي، واختاري كلية تناسب قدراتك وميولك حتى لو مش "قمة" في نظرهم. الحقوق أو أي كلية تانية مش نهاية الدنيا، والنجاح بييجي من الجهد مش من الاسم بس. من ناحية نفسيتك، حاولي تكتبي كل اللي جواكِ في ورقة كل يوم، ده هيساعدك تفرغي الضغط بدون ما تتكلمي معاهم وتتعرضي لكلام أكتر. وادعي ربنا كتير، قولي "اللهم إني أسألك العافية في الدنيا والآخرة"، وتذكري إن قيمتك مش مرتبطة بمجموع أو كلية، ربنا شايف تعبك وجهدك. لو حسيتِ إن الكلام بيأثر عليكِ جدًا، ابحثي عن أسئلة مشابهة على فدني عشان تشوفي تجارب ناس تانيين وتاخدي أفكار إضافية. أنتِ مش لوحدك في الرحلة دي، وربنا هيفتح لكِ أبواب أحسن مما تتخيلي. خدي خطوة بخطوة، وهتعدي الفترة دي بإذن الله.
تم النشر الجمعة، ١٤ أغسطس ٢٠٢٦
لعرض السؤال في فدني اضغط هنا