السلام عليكم ورحمة الله وبركاته
انا طالبة تالته ثانوي علطول بابا بيخاف من كلام الناس اووي وعلطول يضربنا انا واخويا علي اتفه الأسباب رغم انو طول الوقت يجي يبوسنا ويحضنا ويلعب معانا بس أقل حاجه بتحصل بيضربنا جامد لدرجه انو مره جسمي كلو اتعور وورم وقعدت شهرين احط مراهم وكريمات علي ما بدأ يمشي
ودايما لازم اطلع من الأوائل علي المدرسه عشان بابا ميضربنيش والمس بتاعتي كانت ديما تقول لماما اني بذاكر عشان خايفة من حد او من حاجه مش بذاكر عشان نفسي بس ماما كانت بتتجاهل الكلام وماما طبيعة شخصيتها بتحب تعمل الي هيا عايزاه مش فارق معاها كلام بابا لانو بيشد علينا بس هي مش بتخليه يعرف يتحكم فيها بس ماما بتحب اخويا اكتر مني ودايما بتدلعو واوقات بتدافع عن اخويا لما بابا يجي يضربو وبتاخد فلوس مني عشان تديها لاخويا
وانا لما كنت في تالته اعدادي جبت 265:280 بابا بهدلني علي ال 15 درجه دول لان انا كنت طول الابتدائي والاعدادي بطلع من الأوائل واوقات الأولى على المدرسه
قعد كل يوم يجيب الدرجات ويقولي دي اكتر منك بنصف درجه في العربي ليه دا ابوها سباك وانتي بنت وكيل وزاره وفضل كل يوم يقارني بناس كتير وكل يوم اعيط لحد ما دخلت ثانوي حصلي مشاكل نفسيه كتير خلتني عندي اكتئاب ومبذاكرش الا قبل الامتحان في أولى ثانوي والحمد لله بقيت كويسه في تانيه بس مبحبش اذاكر وبردو لميت المواد قبل الامتحان
بابا كان بيزعقلي كل نتيجه تظهر ومره جري ورايا علي السلم وقعد يحدفني بالشبشب وبابا من كتر خوفو من كلام الناس مسك محافظه صعب حد يمسكها وورط نفسو في حاجه صعبه وانا قبل ما ادخل تالته ثانوي شفت فديو لواحد بيقول ادعي ربنا باعلي حاجه ادعي ربنا بالاول على الجمهوريه وبدأت وقتها اخلي دا حلمي
وذاكرت كويس بس كان بيحصل مشاكل نفسيه وكمان مكنتش متعوده علي المذاكره عشان كدا راكمت وانا طول السنه مرعوبه من الي بابا هيعملو يوم النتيجه وكمان باقي شهر ونصف انا بقالي فتره بعيط في كل صلاه من الخوف وامبارح طول الليل سهرت اذاكر وصليت الفجر ونمت وبابا صحي بعد الفجر بساعه صحاني وقالي انتي طول السنه مبتناميش وعلطول بتذاكري في ايه
فأنا نمت من التعب راح صحي ماما وقالها بنتك نايمه من العشاء ومش عايزه تقوم تذاكر وراح الشغل وجه العصر وانا طول اليوم بذاكر وكنت وقتها صلاة وخدت بريك بعد الصلاه جه زعلي وقالي انتي بتدلعي ومبتذاكريش قفلت الباب عليا وقعدت اذاكر وجه العشاء بردو قعد يزعقلي وكلهم طلعو برا ورجعو الساعه 11. بليل
ودخلو اوضتي وقعدو يتكلمو عشان كانو في مناسبه وبيحكو الي حصل وانا في كتاب ب 500 جنيه قولت اوفر فلوسه وانزلوا pdf والكتاب مبيحملش وفي مشكله وكمان عايزة برنامج عشان اقدر احل في pdf فقلت لاخويا يساعدني قام بابا قالو يمشي وقعد يزعقلي وقالي اشمعنا صحابك عارفين البرامج دي هما احسن منك في اي قلتلو هما جايبين الكتاب قالي هيا دي المشكله هجيبهولك عشان مش يبقي ليكي حجه وبردو هما قعدو في اوضتي يتكلمو ويهزرو فأكيد مش هعرف اذاكر
ولما خلصو زعقلي تاني وقالي ذاكري وقالي بتطلبي كتب ببعد الناس تجيبلك بتقولي هجيب اونلاين بوافق لو مجبتش مجموع في الاخر متلوميش الا نفسك وسابني ومشي وراحو نامو عشان الوقت اتأخر وقالي متناميش تقعدي تذاكري روحت صليت وعيطت جامد اوووي وقعدت ادعي اني بس اجيب مجموع عشان خايفا منو اوي واصلا مراكمه كتير ومش عارفا اتصرف ازاي وتعبانه نفسيا اوي
أنت إنسانه شاطرة وصبوره بجد حسيت بكم الابتلاء اللي بيحصلك ده وعارف منه حاجه متأكد منها إن أكيد كم التعب ولالبتلاء ده ربنا هيعوضك عنه خير كبيير..... والدك طريقته غير سليمه معاك وانا متفق ان ده غلط منه بس ما تنكري إنه ساب فيك أثر أنك هتحسني من أولادك وتعرفي تربيهم بالطريقة اللي كنت تتمنيها، نصيحتي ليكي تجاهلي كلنا عندنا ابتلاءات ع فكرة ومن سلم من الابتلاءات فهو ميت سواء هو فوق الأرض أم تحتها... كنت اتمنى بعض من شخصية والدك دي تأثر فيا وتدفعني ولو بشوية خوف لان حرفيا حالتي عكس حالتك تماما بالرغم اني نفس السنة تبعك... فحرفيا لكل شيء صعب تجاهله يهون الطريق مهما حصل والله نصيبك محفوظ من قبل نزولك الى الدنيا، فالاستعانة بالله والعمل أشرف مليون مرة من الخسه والجبن والخوف من الموجهه وهو ما يبقى لك ، لا عليكي تذكري دائما أن هذا الوقت بمره وحلوة في كل حياتك سيمضي هذه العبارة تضع لك الحقيقة كي لا تتهاوي في صراع نتيجته تدمير ما رزقك الله من نفس سليمة، فتوكلي على الله، تجاهلي المشتتات، ركزي على ما بقي، ذاكري بجد ونزلي flip ممكن يحفزك للدراسة.
تم النشر الثلاثاء، ٢٩ أبريل ٢٠٢٥
بصي انا تالته ثانوي زيك وكمان انا ازهر وحرفيا خايفه جدا من يوم النتيجه اني مجبش مجموع انا عايزه اجيب مجموع علشان أهلى مش عايزه اكون سبب في كسرتهم بالرغم انا شبه عايشه لوحدي هما يعرفوا بس اني تالته ثانوي لاكن ميعرفوش كم المعاناة الي بعاني منها وكم الضغط الي انا فيه وانا امتحاناتي بعد شهر بالظبط ومراكمه مواد كتير جدا وهما طبعا ميعرفوش كدا ميعرفوش اني كل يوم بصحى مخنوقه وافضل ابكى بسبب اني نمت اصلا ف انا عشت السنه دي لوحدي ودا شعور صعب جدا انك انت بتذاكري علشان اهلك وهما مش حاسسن بيكى ولا حتى بيقولو لك كلمه حلوه بس برضوا انا عايزه اجيب مجموع علشان خاطرهم بس الفتره دي اكتشفت أن أهلى لو جبت مجموع أو مجبتش هما هيفرحوا شويه وينسوا بس انت الي هتعاني بعد كدا لو مجبتيش مجموع ودخلتى كليه مش حباها اهلنا عاوزين يشوفونا افضل ناس في الدنيا فعلشان كدا هتلاقيهم بيقارنوكي بحد بس انت ادعى ادعى كتير جدا ولو تعرفي تتكلمى مع باباكى وتعرفيه انك بتحاولى اعملى الي عليكي وتجيبي اخرك كل واحد فينا ليه تجربه مختلفه عن التاني ف اكيد مش هنتساوي مع بعض قولي ليه أن المقارنات بتتعبك وانك مش محتاجه تتقارني بحد لأن مفيش حد زيك
تم النشر الاثنين، ٢٨ أبريل ٢٠٢٥
وعليكم السلام ورحمة الله وبركاته، تذكري دائما انه لا حول ولا قوة الا بالله العليّ العظيم، لذلك مهما كان والدك قوي تذكري دائما ان الله اقوى، وان الله لطيف بعباده وارحم من امّك عليك... عندما تستحضري هذه الحقائق سيتلاشى خوفك من والدك شيئا فشيئا، حتى ولو ضربك حتى ولو اذاكِ نفسيّا لن تخافي ولن تبالي ولن تتأثري حتى لانك تستعينين بالله وتثقين به. الآن اريدك ان تبدئي بتغيير نظرتك للمذاكرة، لا تنظري اليها وكأنها عقاب، بل مكان لترتيب افكارك، ادخال معلومات لذهنك؛ تثقيف نفسك... عند المذاكرة لا تفكري بالنتيجة لانه كما قلنا : لا حول ولا قوة الا بالله. اذكري الله كثيرا وحوقلي كثيرا ، استغفري الله، اجعلي لك ورد يومي حتى ولو كنت على مكتبتك، حاولي أخد استراحات قصيرة اذكري بها الله. نظمي نفسك، برنامجك واظهري لوالدك انك تحبين المذاكرة، مثلا ادخلي الغرفة وقولي مبتسمة اريد ان ابدأ بالمذاكرة هل تحتاج لشيء؟ حفزي نفسك وكافئيها. اسأل الله ان يوفقك وان تحصلي على مجموع عالي
تم النشر الأحد، ٢٧ أبريل ٢٠٢٥
وعليكم السلام ورحمة الله وبركاته، أختي العزيزة. أشعر بمعاناتك وأتفهم حجم الضغط النفسي الذي تواجهينه بسبب الضغوط الأسرية والترقب حول نتائج الدراسة. إن التوازن بين دراستك وضغوط الحياة الأسرية قد يكون صعبًا، خاصة عندما تتعرضين لمثل هذه الضغوط من الوالدين. أولًا، أود أن أؤكد لك أن مشاعرك مهمة جداً، ومن الطبيعي أن تشعري بالخوف والقلق في مثل هذه الأوقات. يُفضل دائمًا أن نتحدث عن مشاعرنا ونتطلع إلى الدعم من الأشخاص الذين يمكنهم مساعدتنا. قد تكون هذه المحادثات مع الأصدقاء، أو حتى مع أخصائي نفسي إذا كان ذلك ممكنًا. ثانيًا، حاولي وضع خطة دراسية منظمة. يمكنك تقسيم المواد إلى أجزاء أصغر والعمل عليها بشكل تدريجي، على أن تتضمن الخطة فترات للراحة حتى لا تشعري بالتعب والضغط النفسي. هناك الكثير من الموارد المتاحة عبر الإنترنت للدراسة، ويمكنك العثور على مواقع توفر المحاضرات والدروس. لتحقيق توازن أفضل، حاولي أيضًا التواصل مع والدتك، وشاركيها مشاعرك ورغبتك في التحسين. ربما يمكنها مساعدتك في تقليل الضغط الذي تواجهينه من جهة والدك. وحاولي دائماً أن تكون لديك دعامات إيجابية، سواء من الأصدقاء أو المعلمين الذين يمكنهم مساعدتك وتوجيهك. تذكري أن الهدف هو النجاح، ولكن الصحة النفسية مهمة كذلك. لذلك، إذا شعرت بأن الضغط يزداد، حاولي التحدث إلى شخص موثوق به، واعملي على إيجاد طرق للسماح لنفسك بالتعبير عن مشاعرك بشكل صحي. أسأل الله أن يوفقك ويسهل لك الأمور، وأن تكوني قادرة على تحقيق أهدافك. ابذلي جهدك، وثقي في نفسك، وتذكري أن الأهم هو صحتك النفسية قبل أي شيء آخر.
تم النشر الأحد، ٢٧ أبريل ٢٠٢٥
لعرض السؤال في فدني اضغط هنا