ادعولي بالله قلبي منفطر
انا تالته ثانوي مستنيه النتيجه السنه الفاتت رسبت بس الحقيقه مكنتش بمزاجي لظروف ما اهلي عذروني السنه دي دخلت امتحانتي بس انا خايفه ارسب تاني انا عملت اللي علي بس في امتحان انا ملحقتش احل فيه ومش بمزاجي والله خايفه خالص انزل تاني في الماده أو حتى باقي المواد مع اني عارفه اني عملت اللي علي خايفه انزل في الماده اهلي منبهين علي انو امتحانتي كانت آخر فرصه لي وبعدين مليش تعليم عندهم لو نزلت تاني انا خايفه خالص وبفكر في الانتحار
السلام عليكم، استهدي بالله، مفيش حاجة تستاهل تنهي حياتك عشانها. أهلك بيضغطوا عليك زي ما أهل كتير بيعملوا، للأسف ده حال الثانوية العامة في مصر، بس في النهاية أكيد حياتك أهم عندهم من أي نجاح أو كلية. ومعتقدش إن تهديدهم بتعليمك حقيقي، أنت قايلة كلهم دكاترة ومهندسين فمعتقدش أصلا هيلجأوا لحاجة زي كده. واضح كمان إن فكرة إن كلهم دكاترة ومهندسين واضعة عليك نوع من الضغط، لكن صدقيني النجاح مش بس بالطب والهندسة، وأنتِ مش مطلوب منك تكوني نسخة من غيرك. اصنعي طريقك الخاص ونجاحك أنتِ اللي بتصنعيه مهما كان المجال اللي بتدرسيه أو الكلية اللي هتدخليها. فارمي القلق والأفكار دي كلها ورا ظهرك، أولا مفيش فايدة منها ولا هتغير شيء مكتوب. ثانيا، زي ما قلت مستقبلك ونجاحك بإيدك... فيه ناس مدخلتش كليات أصلا ومع ذلك صنعوا من نفسهم علامة ناجحة. من هنا لحد النتيجة اقعدي مع نفسك وصلحي أفكارك وكثري من الأذكار وخاصة ذكر (حسبي الله ونعم الوكيل) وإن شاء الله ربنا يوفقك ويذهب مخاوفك كلها.
تم النشر الأربعاء، ٢٢ يوليو ٢٠٢٦
أختي العزيزة، أنا أشعر بألمك الشديد وخوفك اللي بيملى قلبك دلوقتي، وأدعو الله إنه يطمن قلبك ويفرج همك وييسر أمرك. اللي بتمرّي بيه صعب جدًا، خاصة مع الضغط العائلي والخوف من النتيجة، لكن تذكّري إن النتيجة لسه ما طلعتش، وما تقدريش تحكمي على نفسك بالفشل دلوقتي. أنتِ عملتِ اللي عليكِ، وده يكفي، وربنا شايف تعبك وجهدك. الأفكار اللي بتيجي في بالك عن الانتحار مش الحل أبدًا، وده ذنب كبير في الإسلام، وربنا بيقول "ولا تقتلوا أنفسكم إن الله كان بكم رحيمًا". الحياة أمانة من الله، وفيها فرص كتير قدامك حتى لو النتيجة ما كانتش زي اللي متوقعاها. ركّزي دلوقتي على الدعاء والصبر، ادعي ربنا بكل اللي في قلبك، واقرئي القرآن عشان تهدي نفسك، وثقي إن الله مع الصابرين وهيفرجها إن شاء الله. لو النتيجة نزلت وفيها صعوبة، فكّري في خطوات عملية زي البحث عن بدائل تعليمية أو مهنية تناسب ظروفك، وما تخلّيش الخوف يسيطر عليكِ. أنتِ قوية، ومريتِ بظروف صعبة قبل كده وعديتِها، وربنا هيعينك تاني. خلّي أملك في الله كبير، وادعي لنفسك ولأهلك بالتيسير. لو عايزة تتكلمي أكتر عن مخاوفك أو أفكارك، أنا هنا أسمعك وأدعمك.
تم النشر الاثنين، ٢٠ يوليو ٢٠٢٦
انا موجوعه اوى كل عائلتي دكاتره ومهندسين وانا ولا حاجه قلبي واجعني اوى ومش قادره
تم النشر الأربعاء، ٢٢ يوليو ٢٠٢٦
لازم تعرفي انك مش لوحدك وآلاف اقسم بالله زيك لكن الأهل اللي يحطوا عليكِ ضغط.زي كده قلة نضج منهم هما اكيد بيحبوكي تفتكري لو انتحرتي هما هيكونوا مبسوطين وفرحانين اكيد مستحيل التعليم ف مصر مافيش وكلنا عارفين ده وكلها يا جامعات خاصه يا بلاش . ف فوقي لنفسك لو ربنا كرم والنتيجه جت تمام يبقا الحمد لله.مجتش تمام مش هنكمل دراسه وبلاها تعليم .في حاجه اسمها شغل وبزنس وفي منها من غير شهاده ممكن تفتحي مشروعك او تشتغلي تحت ايد حد وهكذا والصح والنضج إنك ماتحطيش نفسك ف ازازه وتقولي لو الازازه ماتفتحتش خلاص لا خليكِ مالكيش مالكه عادي ياما ناس كتير نجحوا من غير شهاده وده مش معناه إن التعليم أو الشهاده مالهومش لازمه ،لأ ليهم طبعاً لكن الناس كلها والعالم كله شاهد على الامتحانات بتاعة تالته ثانوي صعوبتها وأن مصر معندهاش تعليم . سنه زي دي بتعدي ف كل بلاد العالم إلا مصر حبيبتي الذنب مش ذنبك لكن هي كده .
تم النشر الأربعاء، ٢٢ يوليو ٢٠٢٦
لا لا انتحار صلي ع النبي كده ،تخسري الاخره عشان دنيا .مبنفكرش كده
تم النشر الأربعاء، ٢٢ يوليو ٢٠٢٦
لعرض السؤال في فدني اضغط هنا