أنا كنت دفعة السنادي ٣ث طبعا مش محتاجة اتكلم احنا أغلبنا بل كلنا اتظلمنا ف الدرجات وبردو في ناس مكنتش بتذاكر عشان محدش ينتقد النقطة دي
أنا حاليا بجد. مش قادرة أتخطى فكره ان الكليه الي كان نفسي فيها مش هخشها بجد كان نفسي جدا ادخل حاسبات ومعلومات كانت املي الوحيد كنت بصبر بيها نفسي وبقول ربنا هيعوضني فيها دايما بمر بمشاكل ومسؤولية بس كنت بصبر واقول واثقة ف ربنا هيعوضني ..
دلوقتي بقيت حتى مش عارفة افكر اعمل اي ف اللي جاي هنزل دور تاني تنسيق مرحلة تالتة اللي ممكن كبير ميكونش فيها غير كليات تربية بس والباقي معاهد فكرت ادخل كليه اهليه بس أنا اه عايزة ولكن لما بفكر ف والدي ممكن مبعرفش يدفع مصاريفها كل سنه او يدفع وبعدين يقولي أن أنا ضغطاه
حقيقي تعبت أنا ولا عايزة كليات اللي هتتحطلي ولا عايزة معاهد حقيقي نفسيتي ادمرت ومبقتش عارفة اعمل اي ي ادخل اي كليه أو معهد واخد كورسات برمجة جمبها واشتغل ي ابص التعليمي وان مقدميش غير فرصة واحدة أن اخش كليه أهلية ..
طولت عليكم بس حقيقي مش لاقية حد افضفض معاه
أنا آسفة جدًا إنك بتمري بكل الضغط ده، وأقدر إحساسك بالظلم والإحباط تمامًا. الثانوية العامة فعلاً بتكون مرحلة قاسية، ومشاعرك طبيعية جدًا بعد ما كنتِ بتتمني كلية معينة وبتصبري نفسك بيها. ربنا شايف تعبك وصبرك، وهو اللي بيفتح أبواب ما كنتيش تتخيليها، حتى لو الطريق دلوقتي مش واضح. خلينا نفكر عمليًا في الخيارات المتاحة بدون ما نضغطي نفسك. أول حاجة، لو دخلتِ أي كلية أو معهد متاح دلوقتي (حتى لو مش اللي نفسك فيه)، هتقدري تاخدي كورسات برمجة جنبها من مصادر موثوقة وبتكون رخيصة أو مجانية، وتبني مهاراتك خطوة بخطوة. كتير من الناس في مجال الحاسبات بيشتغلوا بمهاراتهم مش بالكلية بس، فلو ركزتِ على تعلم لغات زي Python أو Java أو Web Development، وعملتِ مشاريع صغيرة ورفعتيها على منصات زي GitHub، هتقدري تبني سيرة ذاتية قوية. ابدئي بخطة بسيطة: اختاري كورس واحد في الأسبوع، وخصصي وقت يومي للتطبيق، وهتلاقي نفسك بتتقدمي. كمان، فكري في إن الفرص مش محصورة في كلية واحدة. ممكن تدخلي معهد فني أو كلية تربية وتكملي فيها، وفي نفس الوقت تتعلمي البرمجة كمهارة جانبية، وده هيخليكِ أقوى لأنكِ هتكوني بتجمعي بين التعليم والمهارات العملية. لو والدكِ مش قادر يدفع مصاريف كلية أهلية، متضغطيش نفسك بيها دلوقتي، وركزي على اللي تقدري تعمليه بإمكانياتك الحالية. أنتِ مش لوحدك في الإحساس ده، وكتير بنات مرّوا بنفس الموقف ونجحوا بطرق تانية. لو عايزة أفكار أكتر أو تفاصيل عن كورسات معينة، قوليلي، وأنا هنا أساعدك. ولو حابة تشوفي قصص مشابهة، ابحثي عن أسئلة مشابهة على فدني عشان تلاقي وجهات نظر إضافية. أنتِ قوية، وربنا هيعوضك بإذن الله بأحسن مما تتخيلي.
تم النشر الخميس، ١٣ أغسطس ٢٠٢٦
مش تزعلي نفسك وحاولى تتصلحى معاها وتثقى فى قدراتك وارضى بالربنا يكتبه ليكى واى كليه تيجى ارضى بيها وان شاء الله ربنا هايوفقك ويسعدك
تم النشر الجمعة، ١٤ أغسطس ٢٠٢٦
ربنا معاكي وان شاء الله ربنا يوفقك في اللى جاى
تم النشر الجمعة، ١٤ أغسطس ٢٠٢٦
بس برضه في نقاط هتحتاجي تاخديها في الاعتبار حسب شخصيتك إنتِ وهدفك يعني هل إنتِ أصلًا بتحبي التعلم والكفاح وإنك تفضلي تطوري نفسك وتتعلمي حاجات جديدة ولا نفسك تمسكي وظيفة وخلاص وتستقري بعدها ومتبقيش عايزة تفضلي طول الوقت بتجري ورا كورسات وتطوير من نفسك وكده لأن كل طريق ليه طبيعته ومتطلباته وبالنسبة للخاص فلو المصاريف مش هتضغط على أهلك فدي حاجة ترجعلكم طبعًا لكن لو الميزانية مش أحسن حاجة فأنا شايفة بلاش خاص لمجرد دخول كلية معينة لأن المبلغ كبير وممكن بدل ما يتدفع كله في الكلية تستفيدي منه في حاجات تانية فعلًا هتفيدك زي كورسات الإنجليزي والبرمجة والتدريب في المجال اللي بتحبيه ففكرو في كل ده ومتخلوش إن الكلية اللي كنتو عايزينها مجاتش تحسسكو إن كل حاجة خلصت وربنا يوفقكم لكل خير 🤍
تم النشر الجمعة، ١٤ أغسطس ٢٠٢٦
@طويلبة علم 🥀🥀 بيقولوا كلية الآداب كلية تحقيق الأحلام 🤚🏻🤷🏻♀️ فبصو أنا معنديش معلومات كافية أوي عن كلية آداب وأقسامها وكل تفاصيلها بس اللي أعرفه (ويمكن أكون بقول حاجة غلط عشان كده أتمنى تبحثي أكتر بعدها أو حتى حد من أصحاب الكليات يفيدكو) سمعت إن فيها أقسام مختلفة وممكن الواحد يحاول يختار القسم الأقرب للمجال اللي كان نفسه فيه (مش عارفه اذا تفكيري في الموضوع دا صحيح ولا لا بس حسيتها حاجه كويسه) يعني مثلًا لو واحدة كان نفسها في مجال معين ومجموعها مجابهوش ممكن تشوف الأقسام الموجودة في آداب جامعتها وتحاول تختار أقرب قسم للمجال اللي بتحبه فلو مثلًا مهتمة بالتكنولوجيا والخرائط والبيانات و الكلام د ممكن تلاقي قسم زي الجغرافيا ونظم المعلومات الجغرافية GIS أو الجيوماتكس لو موجود عندها وهكذا وتحاول تشتغل على نفسها جنب الكلية في الحاجة اللي بتحبها وصحيح ممكن تقولي إن آداب طلابها بيشتكوا منها وإنها مش جايبة همها وأنا فاهمة ده ومش هقولك إن الظروف في مصر سهلة أو إن سوق العمل سهل لأن حتى طُلاب الطب دلوقتي بيعانوا وسمعت عن مشاكل كتير في التكليف والتخصصات وكده فالمعاناة موجودة عند الكل بس طبعًا مش متساوية عشان مابقاش بظلمكم بس فعلًا دلوقتي اسم الكلية لوحده مبقاش ضمان إن الشغل هيكون سهل وأنا مقتنعة إن اللي بيجتهد وبيتعب وعايز ينجح بيقدر يعمل لنفسه مكانه كويسه من أي مكان هو فيه وكمان التفوق في الكلية ممكن يفتحلك فرص كويسة بعدين زي الدراسات العليا وممكن لو جبتي تقديرات عالية يبقى قدامك فرصة تبقي معيدة حسب نظام القسم والجامعة ودي في حد ذاتها حاجة حلوة جدًا
تم النشر الجمعة، ١٤ أغسطس ٢٠٢٦
انا نفس دفعتك ، ونفس الحلم والحمد الله مجموعي 60٪ مرحله تالته برضو . وواثقة واللّه ان دا الخير حتى لو دا وجعني بس انا جاهله واللّه سبحانه مُدبر الامر ، وكمان نفس الاسئلة اللي ارهقتني ... هل ادخل كلية او معهد بمجموعي واخد كورسات لان الحمد للّه من نعم ربنا ان حلمي مجالاته واسعه ومش محصوره فكليه وبس ولا ادخل كلية اهلية تكون شهادتها كويسه لأن حتى حاسبات اهليه مجموعي مش جايبها ولما بحثت عرفت ان حتى حاسبات لو دخلتها لازم اطور نفسي واخد كورسات لأن التحدى قائم وقليل اللي بيتميز فيها ... ف ياريت حد يساعدنا لو يعرف وكمان حابه اقلك سيبيها للّه لأنها دنيا وطُبعت على كدر ولعله ابتلاء ربنا يغفرلنا ذنوبنا بيه يارب ويرفع درجتنا في الجنه يارب .
تم النشر الخميس، ١٣ أغسطس ٢٠٢٦
لعرض السؤال في فدني اضغط هنا