مش عارفه اركز في دراستي نهائي بالذات أن ثانوية عامة مش عارفه التزم عشان اوصل لحلمي العيلة مش مساعداني بس هيحاسبوني يومين النتيجة مفيش دعم نهائي من ناحيتهم بالعكس أنا الي بتدمر منهم بحاول اتجاهل الحاجات الي بشوفها منهم لانها صعبة بس بجد أنا مأذية منها مش عارفه أعمل ايه و مش متبقي غير القليل و تنتهي الرحلة خايفة من الي هيحصل بس مش عارفه أعمل ايه
طيب هو مبدئيا الافكار دي كلها طول ما انت مركزه فيها. مش هتتحركي من مكانك. اما لا تقولي ان انت من الحلم بيضيع العيله هتلومك العيله مش مساعداك. مش عارفه تتحركي في مكانك من غير ما تعملي اي حاجه انت عماله تحبطي في نفسك. هتفضلي مكانك مش هتحركي في اي حته. طب ايه الحل ان الوقت بيعدي زي ما انت بتقولي تمر مفروغ منه؟ ومحتاجه تلحقي الباقي اطلعي منه باقصى استفاده ممكنه عشان تعملي ده لازم تشيلي كل الاخبار دي من دماغك تماما. واضحك على عقلك على فكره العقل البشري اتفهم مما يكون. ضحك عليه باقل حاجه باي حاجه. لو عارفين نتحكم فيه كويس. وارد جدا وهو بيضحك علينا عادي جدا لو احنا مش واعيين هو بيعمل ايه عادي جدا هو اللي يسوحنا. خلينا نحس حاجات مش حقيقيه. نعيش مواقف مش حقيقيه. ونفتكرها واقع ونتعامل مع الواقع. القدرات اللي عنده فظيعه بس التحكم فيها اسفه ما يكون. قعدت مع نفسك كده شويه وتسمعي لنفسك وتقنيه عقلك. ان الدراسه كانت متوقفه لاي سبب ما. ولسه فاتحه دلوقتي. وانك هتبداي دراسه زيك زي اي حد ثاني كلكم لسه بادئين من النهارده بكره الصبح ماشي النهارده. دي الدراسه الجديده خلاص ده هي دي المده بتاعه الدراسه من دلوقتي لحد الامتحانات والمنهج متوزع عليكم كلكم بالتساوي وكلكم مطلوب منكم ان انتم تقدم. امسحي بقى كل اللي فات طول ما انت بتفكري فيه مش هتعملي جديد مش هتوصلي للحاجه. وابدئي قسمي اللي باقي تمام وحاول قدر المستطاع تخلي عدد الجلسات كثيره على فترات صغيره تقريبا 25 دقيقه تكون كفايه جدا كل 25 دقيقه خمس دقائق بريك. على بعض كده خذي بالك كبير في حاجه بتحبيها فضي دماغك شويه وارجعي كملي. متديش اليوم كله ماده واحده عشان ما تزهقيش بسرعه. حتلاقي الموضوع ابسط مما يكون الانتقل للموضوع ان انت عماله تفكري في اللي وراكي وفي اللي عدى وفي ان انت لو كنت بدات من اول السنه طب وانا كنت ممكن اعمل كان ممكن ممكن ممكن طب خلاص هو اللي عدى عدى هنعمل ايه ثاني خلاص خلص نركز في اللي جاي بقى يعني خلي تركيزك 100% في اللي جايه ما تسويش واحد في الميه في اللي فات 1% بس تركيز في اللي فات يضيع 99% من اللي جاي فشيلي اي حاجه فاتت عملتيها غلط من حساباتك تماما وركزي في اللي جاي بس وبالتوفيق يا رب.
تم النشر الثلاثاء، ٣١ مارس ٢٠٢٦
مكنش في حد يدعمني ولا شفتهم طول السنه من شهر سبعه لحد شهر سته مشفتهنش عملت زيك كدا في النهايه وبقيت أفكر كتير ان مفيش دعم ويوم النتيجه مش هيبقوا معايا وهيرموا الللوم عليا بس صدقيني اكتر ناس هتبقي معاكي هتفرح لفرحك وتحزن علي حزنك والله ي حبيبتي دا الشيطان بيحاول يشتتك علي قد ما يقدر علشان تنزلي في اهم وقت تجاهلييييي عالاخر علي قد ما تقدري صدقيني الدعم مش بيتطلب لكن هتحسي بيه يوم النتيجه مفيش أهل بيرموا اللوم علي اولادهم مش بحب افتكر الثانوي بس علي قد ما اقدر عاوزه أعرفك انك شاده أعصابك وخايفه زياده عن اللزوم ودا غلط خليكي relax ابعدي عن المشتتات الي بتضيع دي أنا الفتره بتاعت ثانوي فقدت اعز ما أملك ما كانش حد يطبب عليا كنت استني بالليل يجي علشان أعيط واكلم ماما في خيالي زي ما بعمل دلوقتي لكن صدقيني احنا بتشتت نفسنا عالاخر المشاكل هتزول هل بقا هيأخروا ميعاد الامتحان علشان المشاكل؟ لا طبعا ركزي علي حلمك اعملي اللي عليكي وان شاء الله خير أنا موجوده لو احتاجتي شي أنا موجوده ❤️🌸
تم النشر الثلاثاء، ٣١ مارس ٢٠٢٦
بوصي للاسف كله بيتعرض للضغط النفسي بحجة اننا ثانوية عامة لكن عدم الالتزام دا ممكن يكون لانك قاعدة تدرسي وانتي مش حطة حاجة قدامك انتي بتدرسي عشانها او طلعتي كل طاقتك في بداية ثانوية عامة و تدريجياً عملتي زي البطارية طاقتك قلت منك تدريجياً و للاسف الاهل مش بيتفهمو ان الضغط النفسي دا اكبر مؤثر سلبي و بيأثر عاي نفسيتك لكن اولاً نقدر نبعد عن كلام الأهل و نتجنبهم قدر المستطاع، اعملي لنفسك جدول و اعمل حسابك انك لازم يكون في يوم فري ليكي ، هتقولي ثانوية عامة مش ثانوية عامة كل حد بيستحق انه يستريح عشان يتشحن تاني و لو مستريحتيش هتلاقي نفسك اخر السنة منهارة و مش عارفة تحلي بعد الشر او حتي في البيت قاعدة زعلانة و مرهقة و مش عايزة تذاكري فا لازم بجد ترتاحي ، تالتاً علاقتك مع ربنا ، قربي من ربنا ، صلي و اقرأي قرآن او انجيل *علي حسب ديانتك * لكن في الحالتين قربي من ربنا و ادعي و استغلي الايام الي بتمطر فيها و ادعي و ان شاءالله ربنا يستجاب ليكي ، و خامس حاجة و اهم حاجة حطي هدف قدامك ، مش غلط انك مش عارفة عايزة تكون اي ف المستقبل مش اجباري لكن وجود هدف بيساعد اوي انك تتشجعي للمذاكرة لانك عارفة انك عايزة تحققي حاجة و فجأة بشكل غير تلقائي هتلاقي نفسك من نفسك بتذاكري منغير ما تحسي بالتعب لان بكل بساطة انتي بتعملي كل دا لسبب معين ، و ان شاءالله خير
تم النشر الثلاثاء، ٣١ مارس ٢٠٢٦
انا كمان ٣ثانوي ربنا يوفقنا انا وانتي استحملي وادعي ربنا وقربيلو وصلي قيام الليل انا والله ما بلاقي تحسن في يومي الا لما اقرأ الاذكار فاقرأيها والله هتتصدمي من اختلاف يومك وهتقولي هو ازاي بقي جميل كدا وفي اليوم دا هتلاقي نفسك تذاكري وإن شاء الله تجيبي مجموع عالي وتدخلي الكليه الي نفسك فيها.
تم النشر الاثنين، ٣٠ مارس ٢٠٢٦
السلام عليكم، بصي أنا عارفة الموضوع أكيد صعب بس انتي محتاجة تبرمجي عقلك على التجاهل التام وإنك تكوني مرنة... لأن دي مش أول المشاكل اللي ممكن تواجهيها في حياتك ولا الموقف المعقد الوحيد اللي ممكن يقف قصادك مستقبلا... طول ما احنا عايشين بنواجه وممكن تقابلنا أزمات... هتدخلي كلية وهتتخرجي وتشتغلي هتواجهي ناس ومشاكل فلازم تتعلمي ازاي تذاكري وتشتغلي رغم الأزمات. أكيد هتحتاجي تبذلي جهد بالأول لحد ما تبقى عادة عندك إنك تركزي في المطلوب منك حتى لو الدنيا بتولع حولك... طالما هم مش بيبذلوا معك جهد أو يوفروا لك الجو اللازم لدراستك فاقعدي مع نفسك وفهميها إنك وهي وحدكم في الطريق ده وإن العزلة هي الحل الوحيد دلوقتي. اتكلمي معهم مرة أخيرة وفهميهم إن اللي بيحصل بيأثر عليك وإنهم لو استمروا بنفس الطريقة ميحاسبوكيش على النتيجة بعد كده... بعدها اقعدي مع نفسك وهاتي ورقة وقلم وفرغي كل الأفكار السلبية والمخاوف من عقلك عشان الفوضى اللي جوا دماغك تهدى وتعرفي تشوفي الوضع كويس وتلاقي المخرج. حاولي بس متضغطيش على نفسك من ناحية النتيجة والتوقعات ولا إن الثانوية هتحدد مصيرك ولا الكلام ده كله... ده هيؤثر عليكِ بالسلب.. ركزي دلوقتي تعملي اللي عليكِ حتى لو العالم بيضرب يقلب من حولك... الثانوية آخر حاجة محتاجاها هي القلق والضغط النفسي فاهدي كده خالص... وخليكِ أنانية دلوقتي وكل تركيزك على نفسك وملكيش دعوة بمشاكل أهلك ولا تصرفاتهم. مع المذاكرة طبعا ركزي على الصلاة والدعاء يوميا وألحي على ربنا بالدعاء... لو انتي مسلمة اقرئي سورة البقرة كل يوم حتى لو هتقسميها على ٣ أيام، هتفرق كتير معك وربنا هيزيد البركة في يومك ويوفقك إن شاء الله.
تم النشر الاثنين، ٣٠ مارس ٢٠٢٦
يا حبيبتي، أنا فاهمة تمامًا إيه اللي بتمري بيه، الثانوية العامة مرحلة صعبة أوي، والتشتت ده بيجي مع الضغط العائلي اللي مش داعم، وده بيأذي النفسية. بس أنتِ قوية وقادرة تتغلبي عليه، والوقت اللي فاضل هيكفي لو التزمتي بخطة بسيطة. هقولك خطوات عملية دلوقتي: 1. رتبي يومك زي اللي هيحارب معركة : اعملي جدول يومي صغير: مثلاً، 4 جلسات دراسة × 50 دقيقة كل واحدة (مثل تقنية بومودورو: 25 دراسة + 5 راحة قصيرة)، وركزي على مادتين بس يوميًا. ابدئي بأهم حاجة صباحًا بعد الفجر، وخلي الدراسة في مكان هادي بعيد عن العائلة (غرفة لوحدها أو حتى المكتبة). حددي هدف يومي صغير زي "أخلص فصلين النهاردة"، ولما تخلصيه، كافئي نفسك بحاجة بسيطة زي فنجان شاي. 2. تعاملي مع العائلة والأذى : حطي حدود: قللي التواصل معاهم قدر الإمكان، وركزي عينيكِ على حلمك. هما هيحاسبوكِ؟ خلي النتيجة ترد عليهم. لما تشوفي حاجة تدمرك، قولي لنفسك "ده مش هيوقفني"، وغيري المكان فورًا. أنتِ مش محتاجة دعمهم، ربنا معاكِ. من منظور إسلامي : صلي كل يوم، وادعي ربنا يفتحلك أبواب التوفيق. قولي "اللهم يسر لي أمري واجعل لي من لدنك سلطانًا نصيرًا". الصبر مفتاح الفرج. 3. قاومي الخوف والتشتت : كل صباح، اكتبي 3 أسباب ليه لازم تنجحي (حلمك، مستقبلك، إثبات نفسك). لو حسيتِ بتشتت، قومي اغسلي وشكِ وصلي ركعتين، ده هيرجع تركيزك. نامي باكر (10 مساءً) وصحي بدري، وكلي أكل صحي زي الفواكه عشان الدماغ يشتغل. أنتِ مش لوحدك، كتير نجحوا رغم العائلة السلبية. الرحلة هتنتهي بخير لو بدأتِ النهاردة. ابحثي في فدني عن أسئلة مشابهة هتلاقي إجابات تانية مفيدة. لو عايزة دعم أكتر، روحي صفحة الخبراء https://www.fedni.net/experts وابحثي عن مدرب حياة أو مستشار نفسي. أنتِ هتنجحي، صدقيني! قوليلي إيه اللي هتعمليه أول خطوة النهاردة؟ 💪❤️
تم النشر الاثنين، ٣٠ مارس ٢٠٢٦
وه انا كمان ثانويه عامه فاهم الي بتمر بيه بس ممكن اكون اقل شويه من ناحيه ضغط صلي علي نبي واعرفي ان نتيجه رزق من الله و سعي كمان ، و احنا بنفكر وبس ، طيب لو جبتي مجموع قليل هيحصل ايه يعني هتموتي؟؟طيب لو جبتي مجموع كبير هتعيشي سعيده طول عمر ؟الفكره مش من مجموع الفكره في الي هيتبقي بعد مجموع وهو (انتي) ثانويه عامه طريق بنتعلم منه مش بنعتمد عليه كل الاعتماد ، انا حلمي كان كليه طب بشري، بس وضع بيختلف وكل مدي انا ببعد عنه بس بحاول اثبت بقدر امكان وانتي كمان حاولي تثبتي و تستمري وتسيبك من اهلك عشان تقدري تستفيدي من رحله بقدر امكان ( تقربي من ربنا ، تعملي روتين صحي ، تشغلي عقلك في مسائل فزياء ، تبدعي في احياء )تتعاملي مع خوف وتوتر هي دي فكره ان نتعلم من رحله بينما نتيجه من الله تعالي دامك تسعي وناويه خير و وقعتي كثير حاولي تقفي تاني وتقعي وتقفي تاني عشان ان شاء الله ربنا يرزقك الخير ومتخفيش مدام نيتك خير لان ده الي هتاخذي عليه ثواب
تم النشر الثلاثاء، ٣١ مارس ٢٠٢٦
جربت اكلمهم وهما شايفين حاجه زي كده أما عن نوع الاذى ف بيبقى اوقات من والدي و أو اوقات من والدتي و إن ممكن كل واحد فيهم يكلم شخصيات تانية وأنا دي حاجه اذياني جداً بالذات من والدتي
تم النشر الاثنين، ٣٠ مارس ٢٠٢٦
يارب اللهم آمين و أنا دائما بحاول اتخطى
تم النشر الثلاثاء، ٣١ مارس ٢٠٢٦
لو فكرتي ان كل البيوت فيها مشاكل مش بيتكم لوحده ولو خرجتى من مفهوم المقارنه بينك وبين بيت صاحبتك الهادى مثلا هترتاحى اكتر وهتلاقى دماغك بتستجيب للمذاكرة مع نفسها وبتتجنب اى مشاكل تانيه علشان فى هدف فكري ان كل الناس عندها ابتلاءات ولكن مش هنقف عندها كدا مش هنعرف نتحرك من مكاننا بالعكس هنتعلم ازاى نتخطاها علشان نوصل لحلمنا وبعدين اى حاجه تحصل بقى مش مهم وربنا يوفقك وتحققي حلمك
تم النشر الثلاثاء، ٣١ مارس ٢٠٢٦
شكراً لكلامك و يارب يوفقك و تحقق حلمك 🫶🏻
تم النشر الثلاثاء، ٣١ مارس ٢٠٢٦
طيب جربتِ تكلميهم وتطلبي يساعدوك تركزي في الوقت الباقي على امتحاناتك؟ يعني هم عارفين وبيتعمدوا يزعجوك أو مثلا هي مشاكل بتحصل في البيت زي ما بيحصل في البيوت عادة والمشاكل دي بتأثر عليك ولا إيه نوع الأذى اللي تقصديه؟
تم النشر الاثنين، ٣٠ مارس ٢٠٢٦
لعرض السؤال في فدني اضغط هنا