بابا وماما عايزين ادخل طب وانا مش عارفة انا هعرف ادخلها ولا لأ وانا اصلا مش عايزة ادخلها بسببهم كرهتها بجد اخر مرة بابا قالي لو مدخلتيهاش هدمرك ومش هصرف عليكي قال كدا بجد انا مش مزودة حاجة من عندي قال هدمرك انا مليش طموح في حاجة لأن انا اصلا مش مسموح لي افكر في اي حاجة تانية يعني لما كنت بروح اقول لماما مثلا اني عايزة اكون مهندسة برمجة أو ادخل الالسن كانو بيتهمومي بالفشل واني عشان مش هقدر اجيب الطب هدخل كلية تانية هما لدرجة اني كرهت اي حاجه كان نفسي فيها بيصروفوا عليا وكل حاجة بس انا مش مرتاحة وخايفة من الي هيحصل لومجبتش طب أولو جبتها هعمل ايه وانا مش بحبها
بصي يا بنت الناس اهدي خالص وما تخافيش واعملي اللي عليكي وسيبك من تهديدات بابا هو بس خايف على مستقبلك وشايف الطب أفضل حاجة لكن طريقته مش صح انتي ركزي في مذاكرتك دلوقتي ولو جبتي مجموع طب اقعدي معاهم واشرحيلهم إنك بتحبي البرمجة أو الهندسة وهتتفوقي فيها أكتر ولو مصممين ادخلي وشوفي الدنيا يمكن تعجبك وأهم حاجة صحتك ونفسيتك بالدنيا ومفيش حد يقدر يدمر مستقبلك طالما ربنا معاكي وطولي بالك وخدي الأمور بالمسايسة عشان تفتحي قلبهم ليكي... وجد والله ربنا يحفظك ويوفقك لما يحب ويرضى
تم النشر الثلاثاء، ٢٩ سبتمبر ٢٠٢٦
السلام عليكم، هو طبيعي مع الضغط تحسي كده ناحية الكلية بس عامة لو أنتِ بدأتِ ثالثة ثانوي السنة دي فانسي أي حاجة بيقولوها وانسي كرهك للكلية أو إنك احتمال تجيبيها أو لأ. متفكريش غير إنك تعملي اللي عليكِ وتذاكري وتجيبي مجموع يخليكِ حرة في التنسيق بعد كده، وأجلي القلق لوقته. *** مفيش فائدة من القلق دلوقتي ولا التفكير في احتمالات، ومحدش عارف أصلا بكرة فيه إيه وممكن أهلك يغيروا رأيهم بعد كده ولا لأ أو ممكن أنتِ تقدري تقنعيهم لما تجيبي مجموع عالي ويكون ساعتها اختيارك لطريق تاني مش عشان فشلتِ تجيبي مجموع طب لكن عشان أنتِ اخترتِ كده. وجايز بعد كم شهر لما تكوني هديتِ من ناحية الضغط اللي أهلك عملوه تغيري رأيك في الكلية وتشوفيها مش وحشة للدرجة، محدش عارف، فمتفكريش في احتمالات بكرة. *** وادعي كتير، الدعاء بيغير القدر وقلوب أهلك بين يديّ ربنا وهو قادر يغيرها. *** لو عرفتِ توفري وقت بسيط خلال اليوم (حتى لو نصف ساعة) تتعلمي فيه مهارة جانبية بحيث بعد كده تقدري إن شاء الله تشتغلي بها أونلاين ويبقى عندك دخل خاص بك فمتقلقيش من الناحية المادية فاعملي ده، لكن لو لقيتِ ده هيؤثر سلبا على مذاكرتك فخلاص ركزي عليها هي لحد ما تطمئني بعد امتحاناتك ونتيجتك. *** أرجع تاني وأؤكد عليكِ أجلي أي أفكار دلوقتي لحد بعد النتيجة وساعتها ابقي اقلقي وفكري واتناقشي معاهم براحتك، دلوقتي متفكريش غير في المذاكرة ومتوتريش نفسك وتضغطيها بأي توقعات من أسرتك أو الناس اللي حواليكِ. وبالتوفيق إن شاء الله.💚💚
تم النشر الاثنين، ٢٨ سبتمبر ٢٠٢٦
أنا آسفة إنك بتمري بكل الضغط ده، وإن كلام باباكي وماماكي خلّاكِ تحسي إن طموحاتكِ مش مهمة وإنكِ مجبرة على طريق مش بتحبيه. شعوركِ بالكره والخوف والضياع طبيعي جدًا لما حد بيحس إن حياته كلها متوقفة على قرار واحد مش بيختاره بنفسه، وإن أي حاجة تانية هتتقابل بالرفض أو الاتهام بالفشل. خلينا نفكر مع بعض في خطوات عملية. أول حاجة، حاولي تتكلمي معاهم بهدوء ومن غير دفاعية، واستخدمي عبارات زي "أنا خايفة إني أدخل كلية مش بحبها وأفشل فيها" بدل ما تقولي "أنا مش عايزة طب". أحيانًا الآباء بيخافوا على مستقبل بناتهم ويظنوا إن الطب هو الضمان الوحيد، فلو قدرتِ توضحي لهم مخاوفكِ بطريقة هادية ممكن يسمعوكِ أكتر. في نفس الوقت، ركزي دلوقتي على مذاكرتكِ بكل طاقتكِ عشان تقدري تثبتي لنفسكِ أولًا إنكِ قادرة، سواء دخلتِ طب أو لأ. لو دخلتِ الطب فعلاً، هتقدري بعد كده تختاري تخصصات فيها جانب تقني أو بحثي يناسب اهتماماتكِ زي البرمجة الطبية أو الذكاء الاصطناعي في الطب، وده ممكن يخفف الشعور بالإجبار شوية. ولو ما قدرتشِ، فكري في خطة بديلة هادية زي إنكِ تطوري مهارات البرمجة لوحدها من دلوقتي جنب الدراسة، عشان يكون عندكِ أساس تقدري تبني عليه لو احتجتِ تغيير المسار لاحقًا. أنتِ مش فاشلة ولا طموحكِ غلط، بس الظروف خلّتكِ تحسي كده. ادعي ربنا ييسرلكِ الطريق اللي فيه خير ليكِ ولأهلكِ، ولو عايزة تتكلمي أكتر عن مخاوفكِ أو طرق تتعاملي بيها مع الضغط ده، أنا هنا أسمعكِ. جربي تبحثي عن أسئلة مشابهة على فدني عشان تشوفي تجارب بنات تانيين.
تم النشر الاثنين، ٢٨ سبتمبر ٢٠٢٦
اتوكلي على الله ومتقلقيش ومتفكريش في النتيجة انتي عليكي السعي والنتيجة على ربنا وحطي هدف قدامك وركزي عليها اعملي الحاجة اللي انتي شاطرة فيها وصلي طبعاً وادعي ربناا
تم النشر الثلاثاء، ٢٩ سبتمبر ٢٠٢٦
لعرض السؤال في فدني اضغط هنا