يا جماعة انا واحدة داخلة سنة ٢بكالوريا سنة مصيرية ودلوقتي انا في اجازة انا خلصت امتحانات نقل ٢٣ /٥ وقلت استغل الاجازة علشان هدخل السنة مطمنة وانا دلوقتي داخلة علي الشهرين في الاجازة وقلت هقرأ كتب واسمع بودكاست واتأسس في المواد الي عليا اكتر
وانا الحمد لله مستوايا حلو وكنت من اوائل الاعدادية وللأسف في أولى ثانوي اتحطيت في فصل مش كويس وبسبب أعمال السنة مطلعتش من الأوائل على الجانب آخر واحدة قريبنا في نفس سني بس في فصل تاني هي اصلا مستواها ضعيف بس جت السنة دي وطلعت من الأوائل
وقتها اهلي قالولي ازاي وانت لا وكنت بحاول افهمهم الوضع بس للاسف كانوا كل شوية يعايروني بنتيجتي اخواتي وامي وابويا اصلا بايع الدنيا وبايعني وميعرفش اني داخلة شهادة اصلا الوضع ده وصلني للحالة من الزعلان والضيق ودموعي قريبة جدا لدرجة اني بدأت اعمل حاجات وحشة علشان اطلع من الي انا فيه زي اغاني مشاهدة محرمات
كان بيزيد عليا السوء وكنت برجع لربنا واقرأ الأذكار واسمع بود كاست واقع واقوم واقع بس زاد الموضوع شوية ان انا لسه في اجازة وأهلي قالولي اكيد قريبتنا دي بتذاكر من دلوقتي بيزيدوا عليا الضغط وكمان قريبتنا كانت بتتخابث عليا وبتقولي مش بذاكر وانا بقولها ماشي َكنت عارفة انها بتذاكر وانا لما اقولها مش بذاكر تقولي انت بتتخابث عليا وتقلب الترابيزة انا وضع سيئ وانا يعني شهر وهبدأ دروس بس عاوزة ادخلها بحال احسن وكمان انا على الفيس بوك والتيك توك ونومي مش بظبط خاالص وبكسل اعمل اسهل الحاجات
حاسة بيكي بصراحة و فعلا جو المقارنات متعب جدا بصراحة __________________________________________ اللى هحب اقوله لك استمتعي بما تبقى من اجازتك حبيبتي لسه قدامك السنة كلها هتذاكروا و هتراجعوا و هتحلوا بدل المرة عشرة _____________________________________________ لو بتحبي الكتب اشتري كتاب و اقريه او شوفي فيديوهات مفيدة على اليوتيوب (ابعدي عن الشورتز او الريلز علشان هتضيعي وقت كتير على مفيش) _____________________________________________ طنشي اي كلام اللى هتسمعيه طالما مش هيفيدك يمكن اي نعم قريبتك عايزة تشد حيلها بس طبعا مش على حسابك يعنى😅 لو قالت حاجة زي: بتذاكري دلوقت او كده. قولي لها: هيفيدك في ايه يعنى!؟ و لو قالت لك: انا بذاكر كذا وكذا و المادة الفلانية صعبة و كده. قولي لها: ربنا يوفقك _____________________________________________ ريحي دماغك علشان بجد ماحدش هيساعدك قد نفسك اي كلام ارميه في عرض الحيطة هي اصلا هتكون سنة طويلة عريضة و فيها اللى مكفيها ____________________________________________ رغم ان اهلي كانوا سابوني اختار المسار اللى انا عايزاه و انا بالمناسبة دخلت شعبة أدبي لكن كان واضح جو المقارنات في كلامهم كانوا دايما يقولوا شفتي ابن جارتنا المهندس ولا بنت خالك اللى دخلت كلية مش عارفه ايه و كانوا يقولوا و ماله لو بقيتي دكتورة و كلام من دا بس انا كنت بسمع من ودن و برمي الكلام من الودن التانية😆 و بقول لهم ربنا يوفق كل الطلبة في مجالاتهم و انا مش قد الطب مش علشاني دخلت أدبي من اساسه او اني مش شاطرة بس انا مش هقدر خالص ابص في وش حد تعبان او كده بحس اني هعيط علشان بيصعبوا عليا. دا انا لو راحة اكشف و بشوف كل الناس اللى هتكشف بزعل لهم جدا 😅 _______________________________________________ فالاحسن يا حبيبتي انك ما تسمعيش مقارنات حد و اوعى تقارني بين حد و بين نفسك علشان انت اللى هتعبي و في الآخر كلها ارزاق ربنا كاتبها لنا من قبل ما نتولد انت بس اسعي في تعليمك و ركزي على نفسك و مالكيش دعوة بحد🤍 معلش طولت عليك بس كان لازم اقول لك كل حاجة في بالي🤍🫂 حاولت اخلي الكلام على فقرات علشان ما تحسيش ان الكلام كتير😅🤍 ربنا معاك و يوفقك و يكتب لك الخير كله🤍🫂
تم النشر السبت، ٤ يوليو ٢٠٢٦
انتى يا اختى لازما تغيرى من تفكيرك وتتقى ربنا فى نفسك انتى لسه صغيره ما شاء الله وانا ياخدوا منى كل حاجه وارجع على الصفر وارجع سنك انتى فى نعمة كبيرة من الله عز وجل اشكرى الله وانظرى إلى الأقل منك فى الصحه والجمال والمال واكبر نعمه انك مولوده مسلمه وفى غيرك مش مسلم ولازما تعرفى ان الشيطان خبيث وبيوسوس بخبث وكمان النفس الاماره بالسوء فحافظى على نفسك بالدعاء والعبادة وصومى فتره علشان افكارك وجسمك تبقا كويسه باذن الله واعرفى أن الدنيا سجن المؤمن وجنة الكافر وإن الله اذا احب عبد ابتلاه الدنيا ولا حاجه وانا عارف أن الموضوع مش بيبقا سهل إلا باذن الله فأنتى اغتسلى واتوضى وصلى ركعتين توبة ولا تيأسى وطلعى همومك كلها الدعاء وانتى بتصلى وكونى صادقه واتعلمى الاسلام الصحيح أكثر من العلماء الصالحين واهم حاجه احذري من العلماء الضاله اتأكدى بنفسك من كل كلمة بتسمعيها من كذا مصدر وابحثى طلب لمعرفة الحق نيتك تبقا كده واهم حاجه دينك ولا ثانويه ولا اى شيء اعتبرى نفسك دكتوره او بقيتى زى مانت عايزه بس خسرانه الاخره هتبقى مرتاحه ولا تبقى مسلمه كما يحب الله والرسول وتعملى اللي عليكى والنتيجه مش فارقه اهم حاجه انتى عملت اللي عليكى ونيتك سليمه واعرفى انك لما هتبقى كويسه فى العباده مافيش حاجه هتضايقك لو اضيقتى من حاجه هتبقا مده قصيره و هتبقى اتعلمتى درس جديد فى حياتك وحاجه زياده وهترجعى أحسن من الاول باذن الله انتى دورك فى الحياه اصلا العبادة وتربى نفسك على القرآن والسنة النبوية الشريفة وتدعي إلى سبيل الله بالحكمة والموعظة الحسنة الاقربون و الى حد استطاعتك وتجاهدى فى سبيل الله و العبادة جهاد وإنفاق المال فى سبيل الله جهاد ولما تتجوزى إن شاء الله تربى ولادك وبناتك باذن الله على الاسلام الصحيح جهاد برضو وبناتك هيبقوا زيك واحسن منك كمان إن شاء الله وولادك تربيهم برده على القران والسنه النبويه المطهرة وتربيهم على أن يكونوا رجال مجاهدين فى سبيل الله مستعدين لأى معركة حتى لو فى وقت سلم لا ينسوا قضيتهم فى الحياة الحفاظ على كل مايخص الاسلام فاهمة هذه العقيدة والانتماء ويعملون بالحلال ويكون الدين عندهم مقدم على كل شىء لازما يبقا عندك رؤيه مستقبلية فانتى قومى بتربية نفسك بنفسك وانتى لسه صغيرة صدقيني نعمة وأسسى نفسك صح بالدين علشان ربنا يرزقك الزوج الصالح إن شاء الله بس ابقى عارفه مش اى وحده ربنا يرزقها بالزوج الصالح والعكس اصحى وفوقى انتى مش فى الجنة انتى فى الدنيا و المشوار بيخلص يا جنة يا نار شوفى انتى بقا طبعا عايزه الجنة صح اعملى لها عملها زى مانتى بتعملى علشان تنجحى فى الامتحانات و واعرفى أن امتحان الدنيا اصعب من اى امتحان فى الثانويه أو الكليات الصعبة فاصبرى إن الله مع الصابرين واى حاجه اذياكى فى دينك ابعدى عنها وخليكى قويه انتى مسلمة خلى راسك مرفوعه بالحق دائما ولا تجعلى نفسك وسط القمامة ابدا صاحبى البنت الصالحه المحترمه ولو خابت انصحى و ابعدى عنها فورا واى حد خايب ابعدى عنه خليكى فطنة وذكية والخايب ده البعيد عن الإسلام فهمه. مش مهم مركزه الاجتماعى المهم الدين ده الفلتر بتاعك واعرفى أنه لا طاعة لمخلوق فى معصية الخالق واعرفى انك الحياة مش ورديه لزمن تبقى قوية وصبوره وهتكتسبى الحاجات القيمة ديه وأشياء أخرى لما تتعلمى الدين صح وأكثر والمرأة المسلمة هى ام المجاهدين فانتى ركزى وأدركى النعمة التى انتى فيها واعرفى أن المسلمات الصالحات مهمتهم عظيمه واجرهم باذن الله كبير وقد وصى النبى بهم صل الله عليه وسلم فانتى لو تعرفى النتى فيه هتمسكى فيه بأيديك وسنانك انتى قاعده على كنز ومكنتيش واخد بالك حفظى بقا عليه لانك هتسيألى عليه لو ضيعتيه ومتقرنيش نفسك بحد فى أمور الدنيا ولكن تنافسى على أمور الآخرة بنيه سليمة ومحبة الخير للمسلمين وطيبه بدون غلط وحقد وحسد واسمعى سيرة امهات المؤمنين ونساء المسلمين الذين بذلوا الغالى والنفيس فى سبيل الله حتى ترتفع عندك الهمة اسمعي سيرتهم من الشيوخ الصالحة بدل ما تضيع وقتك على شوية ناس ملوش لازمة على التيكتوك والكلام ده امسحى البرنامج ده اصلا يعنى ملل ويخلى الشيطان توسوس واهم حاجه خليكى دائما نظيفة وطاهره علشان تبقى مرتاحة نفسيا ووسوسة الشيطان تهدر شوية لأنهم بيحوموا على النجاسة وصومى حد الاستطاعة حولى تحبى الصوم واحده واحده ولا تنتظرى اى شى من أحد وبالنسبة لأهلك وانا عارف انهم العب الأكبر بالنسبالك لو شايفاهم بيعملوا حاجه غلط قولى وانصحى اليسمع يسمع والميسمعش براحتوا خليكى فطنة وذكية اهم حاجة حافظى على دينك ونفسك ولا تكونى سبب فى أذية مسلم أو تظلمى واعرفى أنه لا نافع الا الله سبحانه وتعالى للعبد سبحانك اللهم وبحمدك أشهد أن لا إله إلا أنت أستغفرك واتوب اليك وصل اللهم وسلم وبارك على النبى وعلى آله وعلى ابراهيم وعلى آله انك حميد مجيد وسلم تسليما كثيرا يارب العالمين واخر دعوانا أن الحمد لله رب العالمين
تم النشر السبت، ٤ يوليو ٢٠٢٦
صلي على النبي اولا اهلك يعني دا شى مش غريب ملكيش دعوه بكلامهم ولا بقريبتك اصلا ومش معني انك مطلعتيش من الأوائل ف اولي ث يبقي انتي خلاص كدا مش هتنفعي ومش هتجيبي مجموع اهلك مش هقتنعو اهم حاجه انتي بمعني الاجازة اسسي نفسك ف اللغات أساسيات نحو بلاغه وادب والانجليزي. احفظي كلمات خارجيه حطي ببالك انك لازم تعملي كل اللي عليكي وتجيبي آخرك وانك تعملي حاجات غلط انتي بتظلمي نفسك بتضيعي حالك انتي حرام عليكي بجد يعني بتشيلي ذنوب وكمان هتدخلي مرحلة انك تدمني كل دا بلاش بجد ربنا ممكن يعاقبك بسبب فعلك دا انتي لازم تبطلي وترجعي لربنا وتوبي تخيلي تموتي ع الحاجات دي وانتي اي اللي يستاهل يخليكي تعصي ربنا كدا اهلك مش قريبين منك انتي خليكي مع نفسك وفهميهم انك اهم سنه بس قبل كل دا انتي لازم تفوقي وبطلي الذنوب دي بجد لانك بتموتي نفسك بالبطي وبتعدي نفسك عن ربنا والواحد ماشي بتوفيق الله اصلا مش شطارتنا ف انتي اسعي ف الشهر دا انك تحفظي قران وتصلي تسمعي بودكاست ذنوب الخلوات لمحمد الغليظ لازم تفوقي بجد
تم النشر السبت، ٤ يوليو ٢٠٢٦
يا بنتي، أنا فاهمة تمامًا الضغط اللي بتمرّي بيه. السنة دي مصيرية، والمقارنات العائلية بتزود الجرح، خاصة لما الأهل يعايروكِ بنتيجة حد تاني وهم مش شايفين الظروف اللي مريتِ بيها في أولى ثانوي. الشعور بالضيق والدموع القريبة ده طبيعي جدًا لما الواحد يحس إنه لوحده في المعركة دي، وإن محاولاته ما بتتقدّرش. ربنا شايف تعبكِ ومحاولاتكِ الرجوع له، وده أهم حاجة. من الناحية الإسلامية، الرجوع لله بالأذكار والقرآن هو الطريق الصح، حتى لو رجعتِ تقعي تاني. حاولي تخلّي الرجوع ده مستمر بطريقة بسيطة: اقرئي ورد يومي صغير من القرآن كل يوم، واسمعي بودكاست مفيد في أوقات محددة مش عشوائي. ابتعدي عن الأغاني والمحرمات تدريجيًا، لأنها بتزود الضيق زي ما قلتِ. قولي لنفسكِ إن النجاح الحقيقي هو رضا ربنا أولًا، وبعدين النتيجة. عمليًا، عشان تدخلي الدروس بحال أحسن، ابدئي بخطوات صغيرة دلوقتي في الإجازة: حددي 3 مواد بس تبدئي فيهم بمراجعة خفيفة يوميًا (مش لازم ساعات طويلة). استخدمي جدول بسيط: ساعة دراسة، بعدين نشاط مفيد زي رياضة خفيفة أو ترتيب غرفتكِ. قلّلي السوشيال ميديا والتيك توك بإنكِ تحطي وقت محدد ليهم (مثلًا نص ساعة بعد الظهر) وتطفي النت باقي اليوم. النوم هيتظبط لو حددتِ وقت نوم ثابت، حتى لو بدأتِ بتأخيره تدريجيًا. بالنسبة للضغط العائلي والمقارنة مع قريبتكِ، حاولي تتجاهلي الكلام ده قدر الإمكان وتركزي على نفسكِ. أنتِ عارفة مستواكِ الحقيقي، والفصل اللي كنتِ فيه أثر عليكِ، وده مش عيب. لو الأهل بيتكلموا، ردّي بهدوء إنكِ بتعملي اللي عليكِ وخلاص. أنتِ قادرة تتجاوزي الفترة دي، وكتير بنات مرّوا بظروف مشابهة ونجحوا. ابحثي على فدني عن أسئلة مشابهة عن ضغط الثانوية والمقارنات العائلية، هتلاقي تجارب كتير بتفيد. أنتِ مش لوحدكِ، وكل خطوة صغيرة بتقربكِ من الراحة والنجاح. ربنا يوفقكِ ويشرح صدركِ.
تم النشر السبت، ٤ يوليو ٢٠٢٦
لعرض السؤال في فدني اضغط هنا