جماعه انا بمر بفتره صعبه جدا ومحتاج/ه نصيحه واقعيه وحلول من حد مر بنفس التجربه او ماجل او عاد ولسة في الثانوي او عاد ودخل الكليه
للاسف شيلت ماده في الثانويه العامه ومجبر/ه علي دخول الدور الثاني وحاسس/ه بضيق وتوتر مش طبيعي وانهيار حقيقي وزعل علي نفسي خصوصا ان الماده دي كنت متمكن/ه منها. الظروف والمراقبين زفت وكل.حاجه زفت حاسس/ه او متاكد/ه ان كل حاجه مقفوله في وشي وخايف/ه من بكرا
انا تايه/ه بين قرارين ومش عارف/ه اكمل وادخل دور تاني ولا اوقف واعيد السنه؟ الفكره ان الدور الثاني مش بياخد الدرجه كامله وندمت اني دخلت الامتحان اصلا وماجلتش من الاول عشان اخد الدرجه كامله ولو قررت اعيد العيب هو اني هقعد سنه كامله اضافيه في البيت عشان ماده واحده وده امر محتاج ثبات نفسي كبير جدا خصوصا مع نظره المجتمع وضغطه ال كلنا عارفينه وكمان زعلي ان زمايلي هيدخلو الجامعه وانا لسة
بس بقول لنفسي: هل ده احسن ولا اني ادخل دور تاني ومجيبش المجموع ال بحلم بي اصلا؟ وهل لو عدت السنه وجبت مجموع عالي هل في اي طرق او حلول اكاديميه تخليني بعد سنه او سنتين في الجامعه اسرع دراستي واروح مع الدفعه ال تناسب سني؟ انا عارف/ه ان الانظمه التقليديه ممكن مفيهاش ده بس اكيد في تجارب او طرق تانيه غايبه عني
حقيقي مخنوق/ه ومش طايق/ه افتح كتاب وخايف/ه لو عدت يحصل نفس الموقف ومجيبش مجموع ومش متخيل/ه نظره الناس وكلامهم ورابط/ه قيمتي بالوضع ده غصب عني وهل الاعاده هتدمر حياتي ومستقبلي فعلا؟ واي الحكمه من ان كل حاجه تضيع بسبب ماده واحده؟ ساعدوني بنصيحه واقعيه وصح وشجعوني انا عايز/ه اكمل بس مش عارف/ه ازي
انا حاسس/ه او متاكد/ه اني مش هدخل الجامعه السنادي وده مسببلي ضيق كبير جداااااا جداااا ومش قادر/ه اهون علي نفسي
السلام عليكم ورحمه الله وبركاته. انا لا انصحك تماما لانك تاخذي سنه كامله بتعيدي على اييي طيب ليه نصيحه دي ودائما خذي النصيحه على ان هي نوع من الاقتراحات حتى لو انت مش شايفه ان ده الاحسن او يعني تفكير بيقول دي مش احسن حاجه اسمعي المقترح وفي الاخر القرار بتاعك. انك تخلي السنة كامله فاضيه انت هيبقى عليك ضغوطات دي جايه من نفس الشكل اللي انت بتتكلمي بيه دلوقتي انك هتبقى دائما بصه لحواليك وصلوا فين وانت فين حتى لو هي ماده واحده بس انا كلها انت هتسيبي الموضوع كله هتبقي طول السنه لحد وقت الامتحانات. تركيزك كله بتشوفي كل الناس مشيت ازاي وطريقه اتوجه لفين وانت هتحسي نفسك واقفه في مكانك ومتحركتيش للاسف مش هتعرفي تستغلي الوقت بتاع السنه ده رغم انه لو في حد حاطط هدف عادي جدا هيقول انا ما فيش مشكله هخلي السنه دي السنه هاستغلها بطريقه ثانيه وده ممكن نعمله بقى سواء احنا في ثانوي سواء احنا في دمعه عادي جدا بنعمله السؤال اللي انت بتساليه بشكل مستمر حتى وانت بتتكلمي مع الذكاء الاصطناعي الذكيه. انك بتتسالي هل في التنسيق اتعامل معامله الدور الثاني ولا التنسيق ما بيتعملش غير بالمجموعه هو ملوش دعوه جايبه المجموع ده بدور ثاني ولا بالدور الاول جدا ده التنسيق بتاعك بتاع الكليات عادي جدا وعلى حسب المجموع بتاعك هتتوجهي للكليه اللي هتناسب المجموعه بتنسيق بيبقى بس في مرحله اولى مرحله ثانيه فالمرحله الاولى دي بمجموعات معينه بعد ما دول ويخلص التقديمات بتاعتهم تخش المرحله الثانيه على حسب المجموعات الاقل وهكذا لكن غير كده مش هتتعاملي معامله يعني اقل درجه لمجرد انك كان عندك دور ثاني لا خالص هي بس الفكره كلها زي ما انت ذكرتي. معلومه الاكيده خلاص انه اخذ الدرجه ليه ياخذ نص الدرجه لان هو؟ ما بيحبوش يسيبوا الموضوع ده لشخص ممكن يقول طب خلاص انا مش هدخل الامتحان انا مش مهم في الدور الثاني همتحن والامتحان يبقى مختلف واجيب درجه كويسه ويبقى الموضوع ايه احسن لانه لو الباب ده اتفتح وما كانش فيه يعني نوع من انواع الصعوبه اللي محطوطه في امتحان الدور الثاني وهي الصعوبه ان انت مش هتاخذي الدرجه كامله بس مش اكتر من كده؟ فانت اللي مطلوب منك بس او ان انت محتاجاه انك الماده تنجحي بيها وما تضطريش تعيدي يعني امتحانات الدور الثاني معموله عشان ما تضطريش تعيدي سنه ان الاوبشن ده موجود ومتاح وانا يعني اقرر ان انا اعمل له كده تجاوز وعيد سنه كامله طب ما هم عملهولي عشان اصلا ما عدتش سنه كامله وانجح في الماده واكمل بقى واستمر السنين اللي بتحدي وطالما مش مضطرين لها صدقيني. الايه تاني واذكرك واذكر نفسي بيها عسى ان تكرهوا شيئا وهو خير لكم تكرهيش فكره انك نزلت في الماده انه ممكن يكون داخل ليكي ان ممكن يكون هو انك تمتحني امتحانها وتجيبي درجه معينه هو اللي هيوجهك احسن مكان انت تدخليه رغبه ما كنتش عامله حسابك ان ده احسن حلو.
تم النشر الأحد، ١٢ يوليو ٢٠٢٦
أختي العزيزة، أولاً أريد أن أقول لكِ إن ما تمرين به طبيعي جداً، وكثيرات مررن بنفس الشعور بالضيق والانهيار والندم بعد شيل مادة في الثانوية العامة. الظروف السيئة والمراقبين والضغط النفسي كلها عوامل خارجة عن سيطرتكِ، ولا تعني أبداً أنكِ فاشلة أو أن قيمتكِ مرتبطة بهذا الموقف. كثيرات عدن ودخلن الدور الثاني أو أعدن السنة ثم نجحن ووصلن للكلية التي يحلمن بها، والحياة لم تتوقف عندهن. دعيني أساعدكِ في المقارنة بواقعية: الدور الثاني خيار أسرع ويوفر عليكِ سنة كاملة، حتى لو لم تأخذي الدرجة الكاملة، فالهدف الآن هو النجاح والانتقال للمرحلة التالية. ركزي على خطة دراسية يومية واقعية لهذه المادة فقط، قسمي الموضوعات، وراجعي الأخطاء السابقة، واطلبي مساعدة من معلمة أو زميلة موثوقة إن أمكن. أما إعادة السنة فهي خيار إذا كنتِ تشعرين أن الضغط سيؤثر على أدائكِ بشكل كبير، لكن تذكري أن سنة إضافية ليست نهاية العالم، ويمكنكِ تعويضها لاحقاً من خلال الاجتهاد في الجامعة أو حتى الالتحاق ببرامج أو دورات تسرّع الدراسة في بعض الكليات. من الناحية الإسلامية، هذا اختبار للصبر والتوكل على الله، وكما قال تعالى "إن مع العسر يسرا"، فلا تدعي اليأس يسيطر. قيمتكِ ليست في نظر المجتمع أو الدفعة، بل في اجتهادكِ وثباتكِ. ابدئي بخطوة صغيرة اليوم: حددي قراراً واضحاً (دور ثاني أو إعادة) بناءً على طاقتكِ الحالية، ثم ركزي على ما تستطيعين التحكم فيه. ابحثي عن تجارب مشابهة على فدني لتجدي دعماً إضافياً من بنات مررن بنفس الموقف. أنتِ قادرة على الاستمرار، وهذا لن يدمر مستقبلكِ أبداً.
تم النشر الاثنين، ٦ يوليو ٢٠٢٦
انت تقدر تشيل درجات رأفة من بعض المواد وتعيد عليهم بدل متعيد علي واحده ، انا هعيد السنة انا دفعة ٢٠٢٦ ، ادخل ملفي الشخصي واقرأ تجربتي انا كتباها
تم النشر الجمعة، ٢١ أغسطس ٢٠٢٦
زي حالتي بس انا مفيش ماده متأكده منها
تم النشر الجمعة، ١٠ يوليو ٢٠٢٦
عليك بتلاوة القرآن والاستغفار
تم النشر الأربعاء، ٨ يوليو ٢٠٢٦
الفكرا مش خوف من المجهول الفكرا اني بتكلم بناء علي حسابات ويقين لل حصل ومش مجرد تخمين وعشان كداا بدور عن حلول واقعيه للخطوه الجايه
تم النشر الثلاثاء، ٧ يوليو ٢٠٢٦
اللي إنتي فيه ده الخوف من المجهول ،، أولا النتيجه لسه ما ظهرتش، وإنتي لسه مش عارفه أي حاجه ومش عارفه إن ربنا ممكن يغير كل حاجه علشان يجبرك ، ومش متأكده إن الإجابات اللي بتنزل صح ولا لأ ،، كملي وحاولي تشدي في الكام ماده اللي جايين . ما تفكريش في أي حاجه لحد ما النتيجه تظهر ،، + الإنسان مقدر لكونه إنسان فقط *ولقد كرمنا بني آدم ....* فقيمة الإنسان لا تتحدد بناءًا على الشهادات والفلوس والعلم وغيره كتير زي ما ناس كتير معتقده، ،، استعيني بالله وكملي
تم النشر الثلاثاء، ٧ يوليو ٢٠٢٦
هحكيلك على موقف حصل معايا من شهر ممكن يحسسك إن التأخير دا لعله يكون خير لك ، في امتحانات الفاينل بتاعتي الترم دا كان عندي امتحان ولادة وكنت مستعجل جدا ومش لاقي عربيات ، فضلت مستني نص ساعة مفيش عربية جات ، فاضطريت أركب توكتوك ، بس قدر ربنا إن التوكتوك اتقلب بينا وكتفي اتفتح واتخيطت 10 غرز يومها بس الحمدلله لحقت الامتحان ، اوعى تحزن على قدر ربنا فهو دايما خير لك، ومتنساش حديث الرسول صلى الله عليه وسلم (احرص على ما ينفعك ، واستعن بالله ولاتعجز ، وإن أصابك شئ فلا تقل: لو أني فعلت كان كذا وكذا ، ولكن قل : قدر الله وما شاء فعل ) ، ربنا يعينك ويكرمك يخويا
تم النشر الثلاثاء، ٧ يوليو ٢٠٢٦
انا بنسبه كبيره شيلتها
تم النشر الاثنين، ٦ يوليو ٢٠٢٦
لعرض السؤال في فدني اضغط هنا