السلام عليكم
انا عندي 20 سنه يعتبر ف تانيه جامعه ف الواقع عمري م كان ليا علاقات سابقه ومش مهتمه اني يكون ليا لكن بدأت اني ف الاجازه احس بملل ودورت علي شغل اونلاين ع الملل ده وبساعد ف البيت وكده كان عندي شغف كبير جدا للحياه واني احقق حاجات كتيره حتى لو بسيطه لكن حاليا انا ف مشاكل مع اهلي وشغفي ده مات حرفيا وبصحي وانام بس حتى شكلي اتغير وانطفيت بالصدفه لقيت ابليكشن ناس بتتعرف عليه اتعرفت على ناس بس للأسف حسيت ان دي مش شخصيتي وناس مختلفه عني والمواضيع كانت بتكون ساعات خارجه المهم استمريت ع الحوارات دي ولكن بعدين ندمت وحذفت اي حاجه ليها علاقه بكده
انصحوني اعمل ايه علشان متجهش للطريق ده تاني ومعملش حاجه شبه كده تاني مش عايزه اتكلم مع ناس غريبه وكمان شخصيتي بتتغير معاهم هل ده بسبب مشاكلي مع اهلي وضغوطات
السلام عليكم، بصي محدش خالي من المشاكل وكتير بيشتكوا من ظروف أسرية ومشاكل مع أهلهم فلو فضلتِ مركزة على المشاكل اللي في حياتك مش هتعملي حاجة. بدل ما مشاكلك مع أهلك تدفعك لطريق غلط خليها الدافع للتغيير واشغلي نفسك في تحقيق أهدافك، انشغالك هيقلل احتكاكك بهم وكل ما تنجزي وثقتك بنفسك تزيد كل ما هتكوني أهدى قصادهم لو حصل أي مشكلة وهتعرفي تمشي أمورك وتهادني. المشاكل ممكن تخليك تهربي لسلوكيات غلط وممكن برضه تكون دافع للتوجه لسلوكيات أفضل... فاقفي مع نفسك وحددي إيه المفروض تختاريه. ** برمجي عقلك إن كل الناس عندها مشاكل وفيه اللي ظروفهم أصعب منك واقعدي مع نفسك وابدئي خططي. اكتبي كل أفكارك وأهدافك على الورق مهما كانت صغيرة وتافهة وبعد كده هترتبيها حسب أهميتها وتبدئي تشتغلي على هدف أو اتنين بالكتير عشان متتقليش على نفسك. والهدف اللي هتشتغلي عليه تقسميه لأجزاء صغيرة، ده هيقلل التسويف والملل والهروب من المهام عشان مش هتحسي إنها تقيلة. *** لا تعتمدي على الشغف، الشغف مش هيرجع إلا بإنك تبدئي، غير كده لو فضلتِ منتظراه أو منتظرة تحفيز من الخارج مش هتمشي خطوة. ** أنصحك تبحثي على يوتيوب عن (نموذج عجلة الحياة المتوازنة) شوفي الفيديوهات واعرفي نظامها إيه وازاي تضعي أهداف لكل جانب من جوانب حياتك وتبدئي تشتغلي على الأهداف دي خطوة خطوة. وبلاش استعجال، التغيير بيحتاج وقت وصبر فاشتغلي بخطوات صغيرة وامشي واحدة واحدة بدل ما تاخدي خطوة كبيرة وتتقلي على نفسك وبعدين توقفي مرة واحدة. استعيني بالله وابدئي وإن شاء الله تغيري حياتك للأفضل. بالتوفيق.💚
تم النشر الثلاثاء، ٧ يوليو ٢٠٢٦
وعليكم السلام ورحمة الله، أختي العزيزة. أولاً، أقدر شعورك بالملل والفقدان المفاجئ للشغف، خاصة في عمرك اللي مليان طاقة وأحلام. اللي بتمرين بيه طبيعي جداً لما تتراكم المشاكل الأسرية والضغوطات، فهي فعلاً بتأثر على الطاقة والحماس والشكل حتى، لأن الجسم والنفس مترابطين. الندم اللي حسيتيه بعد التطبيق ده دليل على وعيك وقوتك الداخلية، وإنك حذفتي كل شيء خطوة إيجابية تستحقي التقدير عليها. عشان ما ترجعيش لنفس الطريق، ركزي على بناء شغفك من جواكِ أولاً. ابدئي بخطوات صغيرة يومية زي تنظيم جدول بسيط للدراسة أو المساعدة في البيت مع إضافة هدف صغير كل أسبوع، مثل تعلم مهارة جديدة أو قراءة كتاب يناسب قيمك. هذا يساعدكِ على استعادة السيطرة تدريجياً دون الاعتماد على الآخرين. كمان، خصصي وقتاً للتأمل في مشاعركِ وكتابتها، فهذا يوضح لكِ جذور الضغوط الأسرية ويمنحكِ قوة داخلية للتعامل معها بهدوء وصبر، وهو ما يتوافق مع قيمنا الإسلامية في الاعتماد على النفس والتوكل. تذكري أن تغير شخصيتكِ مع الغرباء كان إشارة واضحة إن هذا الطريق مش مناسب لكِ، فاستمري في حماية نفسكِ بهذا الوعي. لو عايزة أفكار إضافية أو تجارب مشابهة، ابحثي عن أسئلة مشابهة على فدني لتحصلي على منظورات أوسع. أنتِ قادرة على استعادة شغفكِ خطوة بخطوة، وأنا هنا لدعمكِ.
تم النشر الثلاثاء، ٧ يوليو ٢٠٢٦
شكرا جدا لنصيحتك لكن انا حتي ف الوقت ده بعيده جدا عن ربنا والصلاه تقيله علي قلبي حتي اني اعمل حاجه بحبها تقيله علي قلبي مع اني كنت شغوفه جدا تجاه اي حاجه بحبها وشاطره ف دراستي
تم النشر الثلاثاء، ٧ يوليو ٢٠٢٦
بلاش هروبك من مشاكل اهلك يوديك لمشاكل من نوع تانية. يعنى هل متخيلة ناس متعرفيهمش هيكونو احن او افضل من اهلك ؟ .. اكيد مستحيل مهما كان اهلك بيعملو ايه .. هى ممكن يكون فيه عدم تفاهم بينكم بس .. ف لو عايزة حل ف هو انك تهربى لحاجات مفيدة وافضل .. زى قراءة او رياضه او نتعلم حاجه شرعيه وكل دول متاحين مجانى وف جروبات ف كدا .. حتى لو صاحبتى حد هناك ف هيكون زيك وهيفيدك مش العكس
تم النشر الثلاثاء، ٧ يوليو ٢٠٢٦
لعرض السؤال في فدني اضغط هنا