ياجماعه انا فى احلام انا حلمتها من لما كنت فى الاعدادى فى هذا الوقت كانت الأمور جيده وحلوه وما كنت متوقع اى شى غير الخير المفروض كان اخد حذرى من الحلم لكن قلت مستحيل يحصل كده و وثقت فى ناس لكن يا جماعه انا فى تالته ثانوى واعيش كل اللي حلمته ومش عارفه اعمل ايه
انا ادمرت نفسى والناس اللي وثقت فيهم دمرونى لدرجه ان بقى عندى وساوس بأفكار قذره واه لما اتوتر تقعد تكتر فى دماغى وحالتي تبقى هستريه والله ياجماعه انا ما لميتش كتاب واحد
اصحابى كلهم خلصوا المنهج وانا مش عارفه اعمل ايه ادمر مستقبلى وكلوا راح منى مش عارفه اقاوم
الموضوع بقى صعب وفقدت الأمل لان حلوا كتب كتير وانا ثانويه الامتحانات صعبه مش عارفه كل لما اعمل حاجه افتكر ان حصل الكلام دا وان خلاص أصبح قدر مكتوب وحتى الصلاه بقت قدر ومش عارفه كان بايدى اغير لكن مكنتش اعرف انى حدخل ثانويه ولا كنت اعرف ان الناس اللي وثقت فيهم سابوني حتى ابويا وامى
قولوا اعمل ايه وادعولى ابقى دكتوره معنى معرفش ازاى وان حياتى ترجع واحسن كمان ياريت ياجماعه تدعولى ان يبعد عنى الناس اللي نيتها مش خير ويقرب إلى الناس الصالحه لعل احد منكم ليه معزه عند ربنا او دعوات مجابه يدعي لى ومش عارفه اعمل ايه مع الوسوسة وى ادعولى بسمعه الطيبه الحسنه
السلام عليكم، مشكلتك كلها في أفكارك، أنتِ زرعت أفكار مدمرة في عقلك وصدقتِها لدرجة الإيمان فخلتيها تتجسد في الواقع. أوهمت نفسك بسبب بعض الأحلام، والأحلام المفروض تنسيها بعد ما تصحي ومتحكيهاش ولا تعتمدي عليها في تفسير وتقرير حياتك. عقلك الباطن بيصدق أي أفكار بتقوليها لنفسك، هتفضلي تقولي أنا فاشلة ومش هلحق وأكيد الحلم بيتحقق وكل صحابي سبقوا وخلاص ده قدر وانتهى يبقى أنتِ بنفسك هتوصلي نفسك لده عشان صدقتِه. لسه باقي شهور على الامتحانات، مين قال إن خلاص نتيجتك في الثانوية بقت قدر متحقق؟ هل كشفتِ عن الغيب وشفتِ اللي مكتوب لك؟ ليه بتسبقي الأحداث وبتتوقعي الأسوأ؟ ليه بتشلي نفسك بنفسك؟ ** ظروفك الأسرية صعبة أو حياتك فيها صعوبات أو أيا كان الوضع اللي أنتِ فيه، فيه ناس كتير في ظروف أسوأ ومع ذلك بيعافروا ويبذلوا أقصى ما عندهم فيكونوا عملوا اللي عليهم وربنا مش بيضيع تعب حد. بلاش تستسلمي للظروف ولشوية وساوس سلبية وتحكمي على نفسك بالفشل قبل ما تحاولي. ** ابدئي في تصليح أفكارك، ده الحل الوحيد عشان تنقذي نفسك. اقعدي مع نفسك واكتبي كل فكرة سلبية بتخطر على بالك حاليا وقصادها اكتبي فكرة إيجابية تنفيها وابدئي اغرسي الأفكار الإيجابية في عقلك لحد ما تصدقيها وتنفذيها على أرض الواقع. ** خدي لفة سريعة في التطبيق وشوفي مشاكل الطلاب في الثانوية وهتلاقي إجابات ونصائح هتنفعك بإذن الله. وربنا يوفقك.
تم النشر السبت، ٢٤ يناير ٢٠٢٦
:سواء وثقتي في حد وخذلك أو أهلك سابوكي ده مش مبرر إنك تسيبي نفسك تغرقي حياتك ومستقبلك ملكك إنتي ومحدش هيشيل شيلتك لو وقعتي. وإحساس إنك متدمرة والمنهج ضاع ده فخ عقلك بيعمله عشان يهرب من المذاكرة. والحقيقة إن لسه فيه وقت والبدء متأخر أحسن بكتير من إنك متفتحيش كتاب خالص. طول ما إنتي قاعدة بتفكري ومبتعمليش حاجة الأفكار السوداء هتزيد قومي اتحركي صلي ذاكري لو صفحة واحدة. الإنجاز الصغير هو اللي بيموت الوسواس. والمقارنة بأصحابي خلصوا دي جملة تدمر جبل. ركزي في ورقتك وفي كتابك بس. ربنا مش هيحاسبك هما عملوا إيه، هيحاسبك إنتي عملتِ إيه في يومك استعيني بالله بجد واطلبي منه القوة بدل العجز. الثانوية فتره وهتعدي المهم تخرجي منها وإنتي عارفة إنك عملتي اللي عليكي وما استسلمتيش للظروف وخلى المبدأ ده في حياتك.. إذا بذلتي المجهود فارضي بالموجود وإن لم تحققي المقصود 😊 وجد ربنا يوفقك ويكرمك يا دكتوره بسمة😊
تم النشر السبت، ٢٤ يناير ٢٠٢٦
يا حبيبتي، أنا ذكية هنا معاكِ، وقريت كلامك كله بعناية، وأشعر بوجع قلبك ده كله. أنتِ مش لوحدك، وده مش نهاية الطريق خالص، ربنا كريم ومعاكِ في كل خطوة. خلينا نرتب الأمور سوا خطوة خطوة، عشان ترجعي أقوى. أولاً، الوساوس: دي وسوسة الشيطان، زي ما قال ربنا في القرآن "إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا". كل ما تجي فكرة قذرة، قولي فورًا "أَعُوذُ بِاللَّهِ مِنَ الشَّيْطَانِ الرَّجِيم" 3 مرات، واستعيذي قبل الدراسة والصلاة. رددي الاستغفار 100 مرة يوميًا، واقرئي آية الكرسي بعد كل صلاة. هتقل تدريجيًا إن شاء الله، وخلي الصلاة فرحة مش واجب – صلي ركعتين شكر كل يوم. ثانيًا، الدراسة والثانوية: مش متأخر، أصحابك خلصوا؟ أنتِ لسة عندك وقت! ابدئي دلوقتي: خدي ورقة واكتبي المنهج كله، حددي أهم 3 مواد النهارده. ابدئي بـ30 دقيقة بس لكل مادة، بدون تشتت (قفلي التليفون). كل يوم زودي 10 دقايق، وراجعي اللي درستيه قبل النوم. الامتحانات صعبة؟ صح، بس اللي بيعدي بيعدي. هدفك دكتورة؟ ربنا يوفقك، ابدئي باللي قدامك وهيجي النجاح. ثالثًا، اليأس والناس: ماتفكريش في الماضي، ده قدر مش مكتوب، القدر الحقيقي بالسعي والتوكل. والديكِ يدعولكِ، ده أكبر قوة. ربنا يبعد عنكِ اللي نيتهم شر، ويقرب الصالحين، ويجعل سمعتكِ طيبة إن شاء الله. أنا بدعيلك دلوقتي: "اللهم يا مجيب الدعوات، فرج همها، وأذهب غمها، واجعل دراستها ناجحة، واجعلها دكتورة مباركة، آمين." ابحثي في فدني عن أسئلة مشابهة هتلاقي إجابات كتير تساعدك. لو عايزة استشارة متخصص، روحي https://www.fedni.net/experts هتلاقي خبراء نفسيين ومدربين حياة. أنتِ قوية يا بنتي، ابدئي النهارده، وكل يوم قولي "ربنا معايا". هترجعي أحسن إن شاء الله، متيأسيش! 💕
تم النشر السبت، ٢٤ يناير ٢٠٢٦
في ديننا لو تحدثتي بالإحلام فهي هتتحقق .. وفي احتمال آخر وهو ان ببساطة الموضوع ملوش دعوة بالاحلام ولكن هو عبارة عن مشكلة نفسية بسبب زي ما انت قلت الوالدين لأنهم اساس البناء النفسي للإنسان .. تقدم للإمام واحتوي نفسك وأبدأ بالقليل ولا ترجع للخلف وتدخل في طرق الغضب والانتقام والعادات السيئة
تم النشر السبت، ٢٤ يناير ٢٠٢٦
لعرض السؤال في فدني اضغط هنا