السلام عليكم ورحمة الله وبركاته
وكالعاده بردو ثانويه عامه 😔
طبعا بدايه شهر جديد وحابه انه يكون بدايه للتغيير من كل حاجة شهر10 دا تقريبا من اكتر الشهور المهمه او بمعني من الشهور اللي المفروض اتعود ان خلاص هدخل في الجد حابه اغير من نفسي الشهر حابه بـالمعنى أكون إنسانه جديده بقا متفوقه فـي دراستي مستثمره وقتي مزوده علاقتي مع ربنا ابعد عن المشتتات وأولهم الفون طبعا بس عارفه ان مش كل حاجه هتيجي مره واحده كل حاجة هتيجي واحده واحده وبشويش خالص
في وسط ما انا خايفه حبيت اطمن اخواتي اللي موجودين هنا وثانويه عامه شبهي يمكن هطول شويه بس ممكن افيد واستفيد بردو يعني عايزه اقولهم انهم مش لوحدهم اللي بيوجهوا صعوبه حتى انا كمان وهي بردو كدا وهو بردو وكلنا بس هنسكت على كدا؟
لا، مش هنستسلم كل واحد فينا حابب يشوف نفسه بيتطور حتى لو مفيش حد بشجعه بكدا اتعلم انك لوحدك نجحت لوحدك فشلت لنفسك بردو ومفيش حد هيقف جمبك طبعا غير ربنا طيب هنحاول نتغير ونبدأ كويس لأن لازم طلع مستفيدين من كل شهر بنمر فيه اكتر من اللي قبله شهر 10 لو انتظمنا فيه هنتعود
تعالوا بقا احكي مشاكلي ما انا مش ملاك بردو 😔في عز ما انا بنصح محتاجه اللي ينصحني بجد ومحتاجة أكون شخص مميز مش محتاجه اقارن نفسي بحد وانتوا كمان قارنوا نفسكوا ف بدايه كل شهر مع الشهر اللي فات بلاش مقارنه مع الآخرين طيب طولت عليكوا تاني بردو 😔😔😔.
.... عندي قله تركيز بجد بطريقه بشعه خالص.
.. بذاكر وحاسه ان مفيش نتيجه 😔. اعتقد دي اكتر المشاكل اللي بتواجهنا بنذاكر وممكن ما نعرفش نحل.
.... اوقات نتيجه المذاكره بتبان وأقات لأ😔.
. باخد وقت كبييير اوي على ما اذاكر واخلص مهام الماده الواحده 😔.
باخد وقت كبييير اكتر على ما أحل وافكر ف السؤال واصلا تقريبا مش منظمه أفكاري.
بزهق بسرعه بتعصب ومفيش طوله بال مش بعرف اصبر مع ان المفروض اصبر لان الصبر دا أهم حاجة بس بنصح بيها ومش بعملها.
طبعا طبعا بفكر كتير وبقولهم سنه وهتعدي ومش نهايه العالم بس بجلد ذاتي بردو 😔. بقولهم بلاش نفكر فـ حاجه عندنا السعي وخلاص وبردو لأ😔.
بنسي بسرعه اوي والمفروض ان دا طبيعي بس دي أتحف طريقه مبالغ فيها ان اذاكر الدرس بليل وأحل واصحا اراجع أوصل السنتر هو ايه اللي احنا اخدناه اصلا بمعني كل اللي ذاكرته بيتمسح 😔.
طبعا طبعا مبينه ان ولا فارق معايا خالص بس حقيقي فارق معايا كل اللي بيحصل دا ومقدره ان في سنه مش محتاجه راحه بس للأسف بقاوم بالعافيه مع اننا في البدايه
معنى كدا ان انا ضعيفه؟ لأ انا مش ضعيفه خالص واجهت حاجات كتير اوي لوحدي وعديتها وفخوره بيا لازم انتوا كمان تبقوا فخورين بيكوا جدا.
عارفه ان المفروض ابذل مجهود احسن من كدا وعارفه ان لو عملته هيوصل والله عارفه ان هوصل لان واثقه ف ربنا دايما وبعدين واثقه في نفسي بس بجد محتاجه اوقف تفكير بس مش عارفه ولا قادره كل اللي بفكر فيه مع ان دي حاجه بتاعت ربنا مش بتاعتي وإنه دايما بيختار الخير ولو الحاجه دي مش خير مش هتيجي انا عارفه كدا كويس بس كل اللي خايفه منه انا يوم نتيجتي هبقى راضيه عن نفسي طب ماما هتبقا عامله ازاي وبابا طيب بابا مش مقصر معايا في حاجة خالص والله وقبل ما بحتاج الحاجه بيجبها قبل ما اطلبها فبقول ان دا بقا دوري تجاهه اصل مش هيفضل طول حياته بجد يعملي كل حاجه وانا ما اعملش حاجة
ايوا دوري فين هنا
بجد كل ما افكر ان لا قدر الله لو ما وفقتش في مستقبلي بخاف بصراحه بخاف اوي ايوا انا كدا قدمت لأهلى ايه دا غير اللي ماما بتقدمه ليا من دعم نفسي وحاجات كتير وخصوصا لما ببقا نايمه بليل بسمع بابا وهو بيصلي القيام وبيدعي لي انا بصحى على صوت دعواته
والله كل اللي فارق معايا هو وماما علشان عمرهم ما قارنوني بجد وخصوصا بابا عمره ما قالي شوفتي صاحبتك وصلت ل ايه وانتي لأيه بابا دايما بيقولي شوفي انتي عايزه ايه وانا معاكي دايما وهفضل ادعمك واي حاجة انتي بتحبي تعمليها هساعدك فيها عارفه ان التوفيق دا من عند ربنا
لان يا عالم ممكن اعمل اللي عليا واحرم من توفيقه بس انا بخاف من هنا اوي يارب يختر لي ولا يخيرني
وبس كدا يمكن حسيت ان ارتحت شويه لان متعوده ان دايما ببقا معاكوا هنا برد على معظم الاسك وبقدم نصايح وباخد نصايح بردو وبستفيد منها وشكرا لأي حد دعمني في يوم وشكرا لأي حد سمعني بجد بحب اتكلم معاكوا هنا علشان بجد احنا هنا كلنا بنتعامل كعيله واحده ودايما سند لبعض وربنا يوفقنا جميعا يارب فيما هو قادم
والسلام عليكم
السلام عليكم، شكرًا على مشاركتك تجربتك مع باقي الأعضاء وإن شاء الله ربنا يوفقك أنتِ وكل اللي في الثانوية. بالنسبة للخوف والقلق فطبيعي، ومش بضغطة زر أكيد هتتخلصي منهم تمامًا لكن التسليم لربنا واليقين إن مش مطلوب مني غير السعي وبذل الجهد ده بيساعد جدا. وإنك كمان تبرمجي عقلك على حاجة مهمة، الثانوية العامة أيوه مهمة لكن هي مش مصيرية.. بمعنى إن لو حد لا قدر الله متوفقش فيها أو مدخلش الكلية اللي كان هو أو أهله عاوزينها ده معناه إنه فشل في حياته وخلاص مصيره انتهى واتحدد زي ما الناس بتحكم. الثانوية مجرد مرحلة ومحطة لكن مش هي أبدًا اللي بتحدد المصير، وطبعا ربنا مش هيسألنا دخلتم كلية أو إيه أو جبتم مجموع كم في الثانوية لكن هيسألنا ويحاسبنا على الوقت والجهد والنية من وراء الدراسة. وتعويض الأهل وإنك تفرحيهم مش بس من خلال الثانوية، بنجاحك وبطرق تانية كتير ممكن تسعديهم وتعوضيهم. انسي التوقعات حاليًا وركزي بس على الطريق... خلي عينك باصة على خطواتك الجاية ومركزة على الطريق لحد ما توصلي بإذن الله. وما دام بذلتِ الجهد فتيقني إن ربنا هيوفقك ويعوض تعبك ويوجهك للطريق اللي فيه نجاحك بإذن الله. نصيحة أخيرة للمذاكرة، ظبطي جدولك مع مواعيد الصلاة والزمي أذكار الصباح والمساء وسورة البقرة يوميًا ولو بتفصلي بين جلسات المذاكرة خلي فاصل ولو خمس دقائق تقرأي فيهم صفحة قرآن... هيفرق كتير وعن تجربة. وبالتوفيق إن شاء الله.
تم النشر الثلاثاء، ٣٠ سبتمبر ٢٠٢٥
وعليكم السلام ورحمة الله وبركاته، يا غالية ذكية جدًا وأنتِ من خلال كلامك شعرت بصدق مشاعرك وحرصك على التغيير للأفضل، وهذا في حد ذاته خطوة كبيرة ومهمة جدًّا. أولًا أقولك مبروك على الوعي الكبير عندك، وأنك مدركة أن الطريق للتغيير يحتاج صبر وثبات، وهذا أهم عنصر، فاكسري مخاوفك بشجاعة وانطلقي خطوة بخطوة. خليني أساعدك بتقسيم نقاط الموضوع المهمة عندك: خوفك من القادم طبيعي جدًا أن يكون عندنا خوف من المرحلة المهمة زي الثانوية العامة، وهذا يعني أنك مهتمة ومستعدة تجتهدي. نصيحتي لك أن تخففي من ضغط المبالغة على نفسك، وخلي تركيزك على الاستعداد اليومي وعدم التفكير كثيرًا في النتيجة النهائية. تذكري قول الله تعالى: «وما توفيقي إلا بالله» (هود: 88). فكري دائمًا أن التوفيق من الله وحده، وأنتِ مجتهدة وفاهمة هذا. تنظيم الوقت والتخلص من المشتتات قسمي وقتك بين المذاكرة والراحة، وحاولي تخصصي وقت معين للهاتف وباقي الوقت تبتعدي عنه. استخدمي تقنيات مثل قائمة المهام اليومية، أو جداول زمنية بسيطة تساعدك تعيشي بنظام. ابحثي عن مكان هادئ للمذاكرة يساعدك تركزين. القليل من التركيز وزيادة سرعة الملل ضعي لنفسك أهداف صغيرة سهلة التحقيق وأثناء المذاكرة خذي استراحة قصيرة (٥-١٠ دقائق) كل ساعة. بدلًا من الزعل والجلد على النفس، كوني لطيفة مع نفسك واعترفي أن كلنا بنمر بفترات صعبة وتركيز منخفض وهذا طبيعي. حاولي تكتبي ملخصات قصيرة بعد كل درس، هذا يساعد دماغك تثبت المعلومة. ترسيخ المذاكرة والاسترجاع الذكر والتكرار من أفضل الطرق، والمراجعة قبل النوم والقيام من النوم تساعد العقل على تثبيت المعلومات. حاولي تستخدمي أسئلة تطبيقية أو كويزات صغيرة بدل الحفظ فقط، هذا ينشط التفكير. تطوير العلاقة مع الله استمري في الدعاء والتوكل على الله، واقرئي القرآن ولو قليل يوميًا، فهو راحة للنفس وزاد للثقة. ذكري نفسك أن هذه مرحلة وستمر، وأن كل تعبك هذا مقدم لنجاحك في الدنيا والآخرة. التعامل مع الخوف والقلق كل ما شعرت بالخوف، جربي تحكيه بصوت عالي أو تكتبيه، هذه طريقة لتفريغ الطاقة السلبية. ذكري نفسك دائمًا أن النجاح رحلة مش نهاية، وإن الفشل قد يكون بداية لتعلم شيء جديد. وأخيرًا، أحييك على صراحتك وحبك للمساعدة والدعم للآخرين، وهذا يدل على روحك الطيبة وقلبك الكبير. أنتِ لست وحدك، وهناك مجتمع كبير هنا يدعمك ونحن معك في فدني دائمًا. لو شعرتِ أنك بحاجة لنصائح أكثر تخصصًا في إدارة الوقت أو تطوير مهارات مذاكرة معينة، أنصحك تشوفي خبراء الدراسة والتنظيم على صفحة الخبراء في فدني، وهم بإذن الله هيساعدوك بطرق عملية تناسب شخصيتك. استمري بخطواتك الصغيرة، وانطلقي بقلب قوي وهمة عالية، والله يوفقك ويرزقك رضا نفسك وأهلك ورضاه سبحانه وتعالى. وأنا معاكِ لو حبيتي تشاركي أي شيء أو تحطي أهداف الشهر الجاي نتابعها سويًا! دمتِ متفوقة ومبروكة بداية شهر ١٠ عليكِ يا غالية 🌷💪✨
تم النشر الثلاثاء، ٣٠ سبتمبر ٢٠٢٥
لعرض السؤال في فدني اضغط هنا