K. V

بصراحه مفهمش اوي في الدين بس كنت دايما بسمع ابله الدين في المدرسه تقول ان زي ما فيه حاجه اسمها عقوق أباء في حاجه اسمها عقوق ابناء وان في واحد راح لسيدنا محمد عليه افضل الصلاه والسلام واشتكاله من بنته(مش فاكره الحوار فهشرحه) قاله ان بنته بترفع صوتها عليه وبتعاند وكدا فالرسول سأله انت بتدي بنتك حقها في الحنيه والامان وكدا قاله لا راح قاله (الرسول رد عليه: عققت ابنتك قبل ان تعقك) ف ردك عليهم دي عاجباني وانا لو منك هعمل نفس الحاجه، انا اساسا بعملها لما يغلطو في ماما قدامي ولمو نفسهم ومعنوش بيعملولها حاجه ودا ثواب لأنك دافعت عن مامتك وهما اللي قطعو الصله مش انتو اللي قطعتوها.. اخرك بس ممكن لما تقابل اطفالهم تقولهم السلام عليكم او تبتسملهم بس وتمشي، مش شرط سلام بالايد بس عشان تراعي ضميرك من ناحيه صله القرابه وكدا، ابتسامه بس مش اكتر، اما اللي شتمو امك نفسهم ف بصراحه لو منك هتعامل علي انهم مش موجدين ومش همسك موبايل لما اقابلهم اللي هو ايوا انا متعمده اتجاهلكم.دا رأيي بس اكيد مش متأكده دا صح ولا لأ انا بقول انا كنت هعمل اي 🙂🙂

هو بصراحه انا قدك وعلمي علوم بس شوفت قبل كدا (عدي بالصدفه) طرق مذاكره رياضه، كان بيقول انك تحلي وتتخيلي انك هتقابلي حد من علماء الرياضه اللي انتي لازم تثبتيله انك بتعرفي تحلي وبردو تشرحي كأنك مدرسه بتشرحي لواحد مبيفهمش حاجه في الرياضه وتتخيلي اي الاساله اللي هيسألهالك ف هتتعمقي اكتر في الماده جربتهم مره وكانو حلوين عشان كنت ضايعه رياضه في سنه تانيه، لحقت نفسي قبل الامتحان بيوم الحمد لله وعديت السنه علي خير 🙂

نصيحه من واحده لسه هتدخل تالته ثانوي كمان شهر🙂🙂 دا وسواس وانا عارفاه كويس كان بيجيلي وانا في تالته اعدادي الترم التاني وكنت بعيط وواثقه اني مش هدخل ثانوي عام اصلا وهما كانو قايلنلي ان هم مش هيدخلوني خدمات او منازل وهيعتمدو علي مجموعي، دا بيبقي عادي، ركزي علي المذاكره واستهدي بالله، خدي انفاس عميقه قبل ما تذاكري عشان متتوتريش وانتي بتذاكري فتاكلي الكتاب مذاكره من غير فايده، هيبقي صعب والشعور لوحده يشل وانا اعرفه كويس لأنه بيجيلي كل مره وبيجيلي دلوقتي والله ولشه مدخلتش اصلا تالته ثانوي، هدخلها كمان شهر ف حاولي تزقي نفسك وهي قربت تخلص اهي وان شاء الله هتجيبي المجموع اللي نفسك فيه وتدخلي تجمل جامعه والكليه اللي انتي عايزاها بمجموعك انتي

ممكن تحسني لغتك جاامد زي الاجانب كدا، هيبقي صعب بس هيبقي حلو، وتقدري بعدها تشتغلي مترجمه مثلا او ممكن تسافري وتشتغلي بره ك دكتور في جامعه السن للي بره بس هتبقي لازم تتقني لغه البلد مع اللغه التانيه او تتخصصي السن عربي في البلاد اللي بره او تشتغلي في الصفاره برا بردو.

حبيبتيييي ربنا يعينك اوي اوي بجد ويحميه ويرجعهولك سالم باذن الله 😭.. لو تقدري ابقي ابعتيله كل شويه حتي لو مردش او موصلتش اصلا، دنك وراه وابقي ادعيله في صلواتك " بارب انا عملت بالاسباب وعملت كل حاجه عشان اوصله ف حلها من عندك يارب " ومتقلقيش يعني وثقي في ربنا وابقي طمنينا لما يرجع باذن الله.. جربتو تبلغو؟ لو كان مشي من غير ما ياخد هدومه ولا حاجه تثبت انه قرر يسيب البيت نهائي يبقي بلغو لان دا دليل انه كان في لحظه غضب وبيخطط يرجع تاني اما لو مشي بهدومه وكل حاجه بتاعته ف بلغو بردو بس هتبقي الموضوع صعب شويه لأن ممكن يتعمد علي انه مشي بمزاجه بس بردو هيدورو عليه ويحاولو يوصلوله بأي طريقه وان شاء الله ربنا معاكو ويصبرك بجد والله قلبي معاكي وليكي عليا يا ستي هدعيله في كل صلاه وبتكلم جد والله مش بجامل انا حلفت و وعدتك بس اهم حاجه مترهقيش طاقتك بزعلك واستغليها انك تحاولي توصليله والدعاء يغير القدر ف متقلقيش 😔🫶🫶🫶🫶

انا قدك هدخل تالته ثانوي بردو بس كعمر فانا اصغر منك بسنه واحده، خرجي ورقه حتي لو ديرتي من علي الارض واكتبي فيه كل اللي بتحبيه واللي بتكرهيه واي مواهبك او صفات لاحظتيها في نفسك يعني مثلا مثلا لقيتي نفسك بتحبي المعلومات بس مش المذاكره اقرأي كتب، بتحبي الاغاني اسمعي بس متنسيش نفسك عشان ميبقاش حرام عليكي، بتحبي قرآه القرآن او حفظه اعمليه، حاولي تعيشي حياتك علي قد ما تقدري ومش شرط تختلطي بغيرك يعني انا قاعده لوحدي بردو، اعملي كل حاجه بتحبيها لان تالته ثانوي هتيجي علينا فتره كارهين نفسنا وحياتنا وممكن نفكر كمان بالانتحار فلما تعملي كل حاجه انتي حاباها هتبعد عنك فكره الانتحار.. شوفي فيديوهات علي النت تكتشفي فيها نفسك، انا اكتشفت حاجات عن نفسي والله ما كنت اعرفها 🙂

شبههي ولسه متحلتش لإني لسه في طريق علاجه، انا بكتب كل حاجه بحس بيها بالطريقه اللي احبها يعني خرجي خوفك في الورقه، مش قادره تكتبي شخبطي لحد ما تلاقي الشخابيط بقت منتظمه ساعتها هتعرفي انك خرجتي كل مشاعرك السلبيه فاهماني!! انا عن نفسي بكتب بطريقه بحبها وانا بتخيل اني بكتب روايه وبوصف شعور الضرب وكدا و دا بيخليني انسي الضرب واقرأ اللي كتباه بفرح 🙂🙂. يعني قبل كدا، انا عمتا بخاف من حاجه اسمها تعبان انا لما اتخيله بس بترعب رغم ان مفيش موقف معاه حتي ايموجي التعبان بخاف منه بس بدأت اتغلب علي خوفي منه عن الطريق الكتابه الاول وانا بوصف مظهر التعبان اللي بشوفه وبيرعبني بعدها اتجرأت وبدأت تدريجيا اشوف صور تعابين، الموضوع كان مرعب بالنسبالي في الاول وكانت بتجيلي كوابيس بسببه بس بعدها اتعودت علي صور التعابين واللي اكدلي اني معنتش بترعب زي الاول ان امبارح خرجت رحله مع العيله وكدا ف كان واحد معدي ولافف حولين رقبته تعبان قد طولي او ممكن اطول بجد والله، مشوفتش وش التعبان بس انا قعدت اتأمل الراجل بفضول مستغربه هو ازاي ماسكه اصلا واستوعبت هنا ان دي اول مره في حياتي كلها اشوف تعبان علي الحقيقه وابقي بالبرود دا يعني قبل كدا بس واحده صحبتي ورتني صوره اخوها لافف حولين رقبته تعبان عيطت سعتها من الرعب (كنا في مدرسه) وضربت البنت اللي جمبي بالغلط من رعبي وهي الغلبانه ضحكت وهي بتطبطب عليا وكان الموقف مرعب ومضحك في نفس الوقت وكانت مجرد صوره اما اللي شوفته امبارح تعبان حقيقي 🙂🙂😂

كل ما تتخيل قول لنفسك ليه اتخيل وانا ممكن اذاكر او اشتغل ( علي حسب المرحله) واحقق اللي انا عايزه فعلا وكافئ نفسك بالتخيل يعني مثلا قول لعقلك انا هذاكر ساعه واحده بس ومش هذاكر بقيت اليوم هتلاقي نفسك ناسي الوقت اصلا وبتذاكر وابقي خد راحه بعد ساعه وكافئ نفسك بالتخيل بردو وبعدها ارجع تاني وذاكر، مع الوقت هتلاقي نفسك كاره التخيل وبتفضل انك تذاكر عشان تحقق اللي نفسك فيه ( مجرباها)

قدي انا لسه هدخل تالته ثانوي كمان شهر بردو، بص هو انا بعملها عشان حاجه اساسيه وهي اني بخطط للسفر بعدين السنه الجايه او في الجامعه، اقدم علي منحه يعني وكدا ودا لازم اللغه تبقي بووم ف انا بتفرج علي For Skills عشان احسن السمع و الكلمات بيديهالي وبسجل الكلمات في كراسه معايا. مستر الانجليزي بتاع المدرسه قالي ان اللي عايز يتعلم انجليزي محتاج كلمات بس ومن ناحيه القواعد متقلقش كدا كدا في تالته بيدينا كل القواعد تاني الفكره بس ان اللي بيعرف يحلها افضل هو اللي متعود عليها فانت ممكن تبقي تضغط علي نفسك في وقت حل القواعد وربنا معانا كلنا يارب وينجدنا من ام السنه 😭😒😒

مش كل الرجاله حلوين ف الدراسه هي النجده بتاعتك منهم لو لقدر الله بعد الشر جالك واحد وحش لأن بمكانتك تقدري تحطي رجلك فوقه، بصراحه من رأيي تركزي علي دراستك بس بردو مش تسيبي فكره الجواز، خلصي ثانوي بس علي خير بعدها اما تدخلي الجامعه باذن الله كدا كدا هيجيلك عرسان كتير كدا كدا لأن الولاد بتصدق الجامعه تيجي عشان تلحق تتقدم للبنت قبل ما حد يخادها غيره، ساعتها بقا ابقي اختاري براحتك وارفضي اللي عايزاه ووافقي علي اللي عايزاه بس خدي بالك شهادتك هتختار مين هيتقدملك، واكد ابن ناس ولا واحد الله يعين مراتو عليه، ربنا يوفقك يا رب ويرزقك بالزوج الصالح 🤍

اقرأي صفحه واحده من القرآن لو مسلمه او الانجيل بعدها ذاكري 25 دقيقه و 5 دقايق راحه والراحه دول من غير موبايل، كلي فيها او اتمشي فيها اهم حاجه مش موبايل ومعلش هي سنه زباله انا لسه هدخلها كمان كام شهر.. الموت مش حل لأن الانتحار كفر وانا متأكده انك ان فكرتي هتلاقي نفسك بتفضلي المشاكل دي علي انك تقابلي ربنا كفر باختيارك ف بلاش بجد، ربنا مخليكي حيه لحد دلوقتي عشان لسه ليكي رساله في الحياه ف مش شويه كتم هتحدد انتي مين، مندل سقط 8 مرات في حياته و والت ديزني اللي صنع طفولتنا كلنا اترفض من 9999 شركه ودا مش تخمين رقم دا بجد ف مش شويه كتم هتحدد قيمه حياتك، اعقلها وتوكل ف ذاكري واعملي اللي عليكي واسهري واتبعي عشان متندميش علي الاقل وتقولي انا عملت اللي عليا وربنا يوفقك ويحققلك اللي تتمنيه ويذكرك بالاجابات في الامتحان يا رب

قوليلهم ملكمش دعوه ولو فالحين وشايفينك فاشله اوي كدا خليهم يمسكو الحقنه ويدوها لنفسهم ونشوف من الشاطر فيهم والجدع يجرب، بجد والله طنشيهم وركزي علي نفسك وابني نفسك، غييرك لسه هيدخل تالته ثانوي 😭. بصراحه انا لو منك كنت هرد عليهم ومخليهمش يستهينو بيا ابدا، كنت منزله مشكله زيها بس ليها علاقه بتالته بقا وواحد الله يياركله كتبلي حاجه حلوه اوي، مين هم عشان يحسسوكي بالعزه او الذل!! اوعي تبيني انك متضايقه من كلامهم عشان هيخدوها كنقطه ضعف، عرفيهم انك عاادي ولا في باالك.

في جمله هو عشان مكدبش وربنا يسامحني، انا نفسي مش مقتنعه بيها ف مش متأكده منها بصراحه، كنت بشتكي لتيتا وجدو علي بابا بردو عشان بيعاملنا وحش ولما يزهق منا بيطردنا وبعدها يرجعنا ( عشان بنات وبنضف) فكنت دايما بواجهه واعاند جاامد اوي وكنت برتاح اني عملت كدا بس تيتا وجدو قالولي ان الرسول صلي الله عليه وسلم لما جاله واحد وقالت يا رسول الله ( مش فاكره الحوار بالظبط فهشرحه) قال للرسول ان ابواه كافرين وهو بيعاندهم وعايز يسيب البيت ويسيبهم ويرميهم من الآخر الرسول قاله ان هو لاظم يطيع ابواه في كل حاجه الا الكفر والشرك، مقولتش انك تنفذ اوامرهم بالحرف لأن ربنا عوضك بنجاح اهو وان شاء الله يرزقك بالزوجه الصالحه وبنين وبنات صالحين، انا بس بقول انك تطنش يعني اي، يعني مثلا مثلا قالولك انت وانت وانت واخرج ومش عايز اشوف خلقتك والكلام اللي بيحرق الواحد دا ارميه، بعيدا عن الموقف ومش بشتم والله عشان متفهمنيش غلط بس لو كلب نبح بنرد عليه!!، بالنسبه للعنف ف مش عارفه اقول حسبي الله ولا ربنا يسامحهم ولا ربنا يعينك بجد والله انا اتضايقت بس عشان بابا بيرفع صوته علينا ويزعقلنا بس ناحيه للعنف دا ربنا يعينك بجد والله، بالنسبه لسكتك فأنا كأخت خايفه اوي من الناحيه دي لأن دا اول طريق بياخدو الشباب وبيضيع حياتهم كلهم ومش بيعرفو يصلحو غلطتهم ف حاول علي قد ما تقدر تبعد عن الحاجات دي بجد واتعود ترجع لربنا في كل حاجه، انا عن نلسي اكتر لحظه بحبها لما اعيط وانا بصلي، بحبس نفسي في اوضه عشان احس بالخصوصيه وادعي بكل حاجه رغم اني مش قريبه من ربنا خالص ولعلمك انا بالنسبالي الشباب اللي عاشو المعاناه دي هيبقو رجاله بجد لأنهم ربو نفسهم بنفسهم ف افتخر بدا، انا بفرح لما اواجه كلمات بابا بالصمت لأني ببقي متأكده اني كدا ببقي اقوي من اخر مره كلامي معاه. ربنا يعينك ويحرمك من العين ويرزقك بالمال الحلال ويبعدك عن الحرام ويرزقك بحاجه تعوضك عن كل دا وتنسيك ماضيك كله ومتنساش اي مصيبه تقابلك (لعله خير)

من غير زعل بس الرجاله ( مش كلهم طبعا) بتحب تصاحب البنت يومين يتصورو معاها بعدين يسيبوها ف لو عايزه بجد جواز ناجح اقعدي في الخطوبه كتير، اقل حاجه سنه اما لو حابه اكتر هيبقي احسن طبعا.. دي نصيحه مامت صحبتي ليا مجربتهاش بصراحه بس عاجباني 🙂🙂

بتاعت اللغه دي انا كنت عايزه اعملها بردو وبالنسبالي كانت صعبه لكن لما حددت هدف اني اسافر وقت الجامعه وكدا بدأت احسن اللغه وانا مستمتعه، اقنع دماغك انك هتسافر حتي لو كدا وكدا وهتلاقيها شغاله يعني واتفرج علي فيديوهات تيك توك مثلا تحفزك علي مثلا مهاره وتعلم اللغه، حاجات تافهه بس بتفرق لما العقل يقتنع بيها

بص، هو لو انا مكانك كنت سيبتهم لأنهم سابوني من الاول اصلا وربنا شاهد علي دا ف سيبك منهم وركز علي حياتك لأن زي ما في حاجه اسمها عقوق آباء في حاجه اسمها عقوق ابناء وهما عاقوق قبل ما انت تعوقهم ف متقلقش من ناحيه صله الرحم لأن هم اللي قطعوها مش انت ف ركز علي نفسك بقا، ابني نفسك وسيبك من الطريق الوحش لإنه هيضيعك جامد واله انا عندي اخ اصغر مني ومرضالوش حاجه زي دي ف سيبك من الطريق دا وابني نفسك واتقدم لبنت محترمه وبنت ناس تصونك وتصونها وتنسي اللي آذوك خالص، ممكن عوض ربنا في جوازك وممكن في نجاحك وممكن في حاجه تالته ربنا مش بيسيب حد انما بيختبر قوتنا وصبرنا وان استنيت الموت اعرف انك مكنتش قد اختبار ربنا فمتستناهوش وعيش حياتك، حضرتك لسه في سن الشباب فمتضيعش حياتك عشان ناس رايهم وكلامهم وتصرفاتهم في الزباله، اعتبرهم تعابين وابعد عن آذاهم لكن لو حاول يعضك اتعلم ازاي تتعامل مع تعبان وربنا معاك ويعوضك يا رب العالمين ويسمع الدعاء.

بعد الشر عليك، بص هو انا لما بحس بكدا بقول ربنا مش هيخليني عايشه طول الوقت دا ويكون مليش لازمه فبحلف اني لازم اعمل حاجه، حياه الانسان مهمه ولو كل واحد مشي بالمبدأ انو مستني موته مكنش المجتمع هيمشي دا غير انت عايز تموت عشان واحد ملوش ريحه اللازمه ليك!! لو تموت فتموت بحاجه تستاهل مش واحد ضيع نفسيتك وبيحاول يضيعك نهائ.... طنش وكمل حياتك وابني نفسك والله لو بايدي كنت عملت انا كدا بس المشكله اني بنت ومش هعرف حتي اعيش لوحدي، ركز علي حياك وملكش دعوه بيهم بجد والله دور علي مصلحتك من غير ما تأذي حد.

هو عامة فتره العلاج بتختلف من شخص لآخر يعني ممكن تقعد سنين مع اشطر دكتور وتكون متعالجتش بردو ودا عادي.. ممكن تبقي تغير الدكتور ولو محبتهوش ترجع للدكتوره تاني بس ساعتها حاول متغيرش تاني عشان لازم تثبت مع دكتور عشان تعرف تتعالج وربنا يشفيك ويشفينا كلنا

لما تيجي تذاكر وتجيلك الافكار دي قول لنفسك هفكر فيها بعد المذاكره واكتبها في ورقه، مش الموقف كله بس عنوان للموقف (عشان تقنع عقلك انك هتفكر فيها بعد ما تخلص اللي وراك) وارجع للمذاكره، انا بعملها بس عشان احيانا وانا بذاكر بتجيلي اساله في دماغي ملهاش علاقه بالمذاكره فبكتبها في ورقه واعينها وارجع للمذاكره وبعد المذاكره برجع اشوف السؤال، هو عشان سؤال ف الموضوع عادي اما الافكار انت مترجعلهاش

الزوج هو الشخص اللي بيصون، هو مش هيصونك دا بيبيعك في اتفه الحاجات مش هيبقي معاكي وقت مرضك، وقت زعلك، وهيخونك كتير ويريت كدا بس دا هيبهدلك، اتخلي عن حبك ليه وانتي كدا كدا باين عليكي عسوله يعني وربنا مش بينسي حد وهيجبلك شخص يصونك بجد اما متدخليش نفسك دوامه تندمي عليها لما تكبري في السن.

شبههي بالظبط واتخلصت منها عن طريق الكتابه.... بكتب اللي بحس بيه والموقف نفسه بعدها احرق الورقه فالعقل بيبرمجها علي ان كدا اتخلصت من الموقف دا وبينساه، ولو افتكره مش بيحسسك بالذل وكدا لا، بيفتكره عادي ومش بيديله اهميه وينساه تاني.

فاهماكي اوي كمان والله بس انا اعرف واحده قريبتي معاها نفس المشكله وبتتطرد برا البيت بعد جوازها منه بسبب الموضوع دا وهو مخليها خدامته ومطلع عينها، بدافع عنها دايما واقولها تواجهه وانا كمان بواجهه وازعقله وهو اكبر مني اصلا بس انا مش شايفه فيه النضج اللي يخليني اعمله حساب، هددها بالقتل تلات مرات قدامي وهي بقت مخلفه منه ومش عايزه تنفصل عنه عشان ميقولوش علي عيالها ان امهم مطلقه ومبقاش ليها قرار انها ترجع تاني، هي مش بتعرف تواجهه بس انا لما اقعد معاهم ولقيته بيشتمها مثلا قدامي بزعقله بجرأه وانتي ممكن متلاقيش اللي يحميكي من اذي زيه وهو خانك تلات مرات في الحالات دي المفروض تنسي العاطفه وتفكري بجديه وبمصلحتك لأن زي ما بيقولو الحب اعمي وهيخيلك انه مش هيخون تاني، مقولتش تبعدي عنه لو عايزاه اوي كدا بس عرفيه علي الاقل بقيمتك وعرفيه حدوده بدل ما يتجرأ ويدخل عليكي بواحده تانيه ويطردك من البيت (بعد الشر) لما تتجوزو ودا حصل حقيقي لواحده تانيه بردو جارتنا

قاومها ل 25 يوم بالظبط من غير تقطيع في الايام وكل ما تحس انك مش عارف شتت نفسك بالموبايل او القرآءه او الكتابه، شغل، اي حاجه او اقنع نفسك انك هتأجلها لربع ساعه او حتي اتكلم مع مراتك حتي لو هتسهر ليل كامل بتشتت نفسك مش مهم المهم تبعد عنه، بعد 25 يوم هتكون خلاص اتعودت ف عادي ومش هترجعلها تاني

لو انا منك هبعد واريح دماغي لأنه خانك تلات مرات وعايز يرجع كمان!! طالما عملها مره هيعملها تلاتلاف مره لانه هيحسبها انك كدا كدا مسامحه ف هيكررها وهو ضامن انك مش هتيضيعي منه اما لو ربتيه وحسستيه بقيمتك عمره ما هيعملها، مترجعيش ليه وفي رجاله تانيه كدا كدا واحسن منه، الدنيا مش علي واحد يعني (دا رأيي) او لو حابه ترجعيله فممكن تربيه شويه يعني تطلبي حاجات زي شروط عشان يرجعلك، هاتلي وهاتلي وهاتلي وهاتلي هيخليه يتربي وكل ما يفكر يخونك تاني هيفتكر انك طلعتي عينه ف مش هيكررها ولو كررها يبقي سيبيه خالص بقا

اقرأي قرآن ولو نص صفحه بس بعد كل صلاه بعدها هدي نفسك لأن باين عليكي من النوع اللي بتتوتر بسرعه شبههي وممكن تجيلك بعد الشر نوبات هلع، هي بتجيلي وصعبه اوي ومش هتجيلك ان شاء الله ان اتحكمتي في نفسك ف هي صعبه والله وعارفه شعور فقدان الشغف اللي هوا يحصل زي ما يحصل، كل حاجه مكتوبه عند ربنا ف كدا كدا مكتوبلك هتجيبي كام وهتروحي كليه اي واللي هيغير كل المكتوب هو عملك بالاسباب ف ركزي واستهدي بالله، امنعي الموبايل خالص وحطيه في اوضه تانيه او في النيش عشان محدش يجي ناحيته بعدها زاكري، كل ما تحسي انك عايزه تنامي او تمسكي موبايلك حلي صفحه واحده او افتحي صفحه واحده تذاكريها، لو اقنعتي عقلك بدا هتلاقي نفسك ذاكرتي درس كامل، درس علي درس هتلاقي المنهج بيتلم مع الوقت.

طالما شغفك هندسه يبقي اختاري علمي رياضه، انا علمي علوم وبحب الأحياء لكن بحس ان الرياضه حلوه وزيك بردو عندي حلمين واحد علمي علوم والتاني علمي رياضه بس لقيت نفسي بألف في الرياضه واخترع حل محدش عمله وبينقصوني بسببه 🙂🙂فقررت ادخل علوم

قوليله انا عندي ضغط مالي ومحتاجه الفلوس ضروري هيجبهوملك

واحده صحبتي كانت بتسألني هدخل اي قولتلها علمي علوم وسألتها قالتلي مش عارفه مستوايا ادبي بس بيقولوا سمعتهم وحشه وضمن الاغبيا فهدخل علمي، مكدبش عليكي بس انا ساعتها زعقتلها لأنها بتهتم برأي التانيين وحلفتلها ان ملوش علاقه مش عشان دخلت علمي علوم يبقى هي لازم تدخل شبهي، انا مستوايا ميجيبش ادبي ولا يحصل حاجه فيه انا بحب الاحياء وهي بتحب التاريخ والفلسفه والحاجات دي، اعتذرتلها بعدها اني زعقتلها وقولتلها ان ملهاش دعوه برأي التانيين ولو هي شايفه مستواها ادبي فعلا تدخله من غير تفكير، تاني يوم قالتلي ان مامتها قالتلها نفس الكلام فشجعتها وسجلت ادبي فعلا، مفيش حاجه اسمها اغبيا، الاغبيا هم اللي بيقولو ومقتنعين ان العلمي أعلى مكانه، والله انا لو ليا في ادبي كنت هختاره وكنت بتضايق احيانا عشان ابلتي في الدرس كانت ادبي وسألتني قبل كدا قولتلها هبقي علمي علوم راحت مزعقالي عشان مش هختار ادبي وحسستني كأني خنتها وكدا فسيبتها، مش هغير شعبتي عشان رأي واحده وانتي كذلك، هتستفادي اي لما تدخلي علمي ومتجيبيش مجموع وتكرهي المجال؟ سيبك منهم، ربنا خلق عقولنا واهتمامتنا مختلفين، انا اعرف واحده دخلت ادبي ودخلت السن واشتغلت مبرمجه لرجل أعمال واتجوزو في الاخر وهي ناجحه واحسن من تلاتلاف دكتور ولا مهندس، اوعي لنفسك وسيبك من رأي المجتمع، لو جيت وقولتلك اي القرف اللي انتي لابساه دا هيتغيري لبسك كله عشان ترضيني؟ لأ مش هتعمليها لأنها حياتك... ربنا معاكي ويحققلك اللي نفسك فيه يا رب ومتضيعيش نفسك عشان رأي واحد ملوش لازمه في حياتك. حاسه اني طولت اوي اسفه 🙂

هيرجعو باذن الله متقلقيش وثقي في ربك، ممكن ربنا بيختبر صبرك ويرجعهولك تاني، سيدنا يوسف عليه السلام لما بعد عن ابوه، سيدنا يعقوب افتكر ان حصله حاجه ودمر نفسيته وبصره راح من بكاءه زفي الاخر طلع ان سيدنا يوسف في مصر بينشر الدين ورجع لابوه تاني سالم، محدش عارف الغيب فبندعي بس عليكي بالدعاء انه يرجع بالسلامه ويارب يرجعهولك سالم ومعافي يا رب هو واخواته وينسيكي كل المك دا وتعيشي معاه يا رب 🥺🫶🫶

هما لو قرأوه عادي بالنسبالي انا بحطه تحت المرتبه عشان ميضيعش وعشان اخويا الصغير بيقطعه، يعني لو قراوه عادي بس بردو بفضل الخصوصيه لإني بكتب فيها الحاجات اللي بتخوفني واللي بتفرحني والمواقف اللي حصلتلي مش عايزه انساها وكدا، مش بوريها لحد لاني مش بثق في حد يعني مش بديها لصحابي مثلا لاني متوقعه بكل سهوله يستغلو المكتوب ضدي وبالنسبه لعيلتي عادي بالنسبالي يقرأوها انا مش بخبي حاجه بس بفضل الخصوصيه يعني مش حابه حد يعرف اي اللي مخوفني فاهماني

اقولك علي مكان تعينيه فيه؟ عينيه في كيسه سوده واحشريها ورا الدولاب او ورا السرير بتاعك، حاسه اني بخبي جريمه بس عادي اتعودت عشان لو قرأو هيبقي يوم اخرتي 🙂🙂.. انا بريئه 🥺😂

شبهي بردو 🙂.. بس انا بعين كراستي تحت السرير او فوق الدولاب، ممكن تكتبي وبعد ما تكتبي تحرقي الورقه او تقطعيها وتطلعي فيها كل غلك اللي جواكي ولو عايزه تحتفظي بيها عينيها، اتخيلي ان الورقه عرضه للسرقه ولازم تعينيها في مكان محدش يتوقعه وعقلك هيفكر بحاجات برا الكوكب 😂

بس خرجت مخاوفي كلها عن طريق الكتابه خاصه ان صحابي كلهم عارفين مخاوفي وانا خايفه حد يستغلها ضدي ف بحاول اتغلب عليها عشان كدا بحاول عن طريق الكتابه، جربيها ومش هتندمي

اي دا توأميي 🙂😂😂

شكرا لحضرتك جدا 🫶🤍

قلبي ثانكيوو 🫶🫶

في البيت مخوفيني من لوقت اللي هيجيلي فيه حد د انا قولت اهزر مع تيتا واقولها انا نفسي تحقيق جنائي قالتلي هتتجوزي ازاي لأ ومن ساعتها مش بقولهم انا نفسي في اي اصلا كل ما حد يسألني بقوله معنديش هدف.

زيي معرفش حاجه في الاحياء بردو بس بحبها هي والكيميا والفيزيا ف معنديش مشكله فيها بصراحه، انتي بقا انا لو منك كنت هواجهم يعني ادخل علمي علوم ومجيبش مجموع ولا علمي رياضه واجيب مجموع لانه تايبي؟! لو الموضوع قفل ف احنا في اجازه، استغليها في انك تحاولي تحبي الاحياء، التيك توك بيعمل شغل انا بس بكتب Obsession with the love of Biology بيجبلي فيديوهات كتيره وبتخليني بعشقها اوي اوي.

اللي بيحسسك انك فاشله وكدا فهما اللي فاشلين وعايزين ينزلوكي تحت، انتي دخلتي التمريض بمزاجك وانتي اللي بتتعلمي، من الطبيعي تعملي صح مره وتغلطي عشره لأن دا مش لعبه، من ناحيه الدم ف مع الوقت هتتجرأي متقلقيش ( وابقي ادعيلي اتجرأ شويه انا كمان عشان بخاف من دم الخربوش بردو🙂😂)، استعيذي من الشيطان وسيبي الحمار ينهق واضربيه، بمعني اشتغلي علي نفسك عشان انتي عايزه دا وعايزه تبقي احسن ممرضه واسمك معروف مش عشان حمار متضايق انك فوقه وربنا يسعدك ويحرمك من عين الحسود واسمك يتشهر كدا مشرفه

احنا كبنات بنحب الاهتمام بس بصراحه هي اوفر اوي من غير زعل، فهمها بدا ولو هي فاهمه عرفها حدودها ( بس من غير عنف او زعيق بالله عليك🙂) يعني مثلا مش تقولها بقولك اي انا بتعب عشان اكون مستقبلنا فلمي نفسك واهدي شويه. انت بس ممكن تبعتلها زي رساله واحده وتدلعها في الرساله زي عامله اي معلش مش هبفي فاضي انهارده كمان، بس واقفل موبايلك عشان متشغلكش بالرسايل وتعرف تشتغل وتركز، الرساله ممكن تبان تافهه بالنسبالك بس بالنسبالها هتبقي حاجه كبيره ، هتفهمها انك مهتم بيها بس غصب عنك مش عارف توصلها

مش شرط الشغل تنزل لبرا البيت، ممكن تشتغل اون لاين زي مثلا تقدم علي مكتبه او محل لبس وكدا وبتعرضهم علي النت، جروب واتس وفيس وانستا...

بدبوس الطرحه لو محجبه وحطي ايدك علي رجلك، لما يلمسك هيتغز ويشيل ايدو ولو رفع صوته عليكي عشان اذيتيه وكدا قوليلو انا حاطه الدبوس علي رجلي اي اللي جاب ايدك عليها..لو بشعرك بقا، اعملي بنفسك ازازه صغيره حتي لو برفيوم فاضي، حطي فيه مايه بشطه ولمون وملح وشيليها معاكي دايما، اي حد يضايقك.. في عينه علي طول ودا دفاع عن النفس.. انا عن نفسي بطرف موبايله في فكه مع الازازه بيلم نفسه

ربنا يعينك بجد ويعوضك بزوجه واولاد ينسوك كل دا، عمتا ربنا رحيم وغفوور جدا جدا اكتر من اي حد يتخيله يعنيانا كواحده بعترف اني مش متقربه من ربنا اوي بس لما بتظلم او كدا برجع لربنا وبيجبلي حقي وانا خاطه رجل علي رجل ف ربنا مش بينسي حد انما بيدخل المشاكل لعباده المحببين عشان يدعوله لأن ربنا بيحب الدعوه ف انت ادعي لنفسك باللي تتمناه دنيا واخره وحاول تبعد عن السكه دي، والله عارفه انه صعب لأني زيك عندي لدمان بردو بس مش ادمان دا، ادمان ذكاء اصطناعي وبيدمرني بردو دنيا واخره بس بحاول ابعد عنه، دايما لما بحس اني عايزه ارجع استخدم التطبيق اللي مدمنه عليه تاني بفتكر كميه وفيات الشباب يعني واحد الله يرحمه في سني واتوفي اول امبارح ورغم اني اول مره اشوفه الا اني زعلت اوي عليه ربنا يرحمه، المهم سيبك من اللك اللي هبدته دا وحاول ترجع لربنا، الجمله اللي بتشجعني ( كل اللي ماتو كانو فاكرين انهم هيتوبو بكره)

لسه مدخلتش تالته ف مجربتش المشكله دي لكن عندي اقتراح انك تحطي الوقت قدامك يعني الامتحان عليه كام يوم.. علقي ورقه عليها مثلا فاضل تلات ايام وقولي دا كل ما تخافي " اللهم اجعل خوفي امنا وسلاما عليا كما جعلت النار امنا وسلاما علي ابراهيم " بس وربنا معاكي ومعلش هي سنه رخمه وانا كارهاها قبل ما ادخلها اصلا بس ان شاء الله خير يعني، اجبري نفسك، معرفش صح ولا لأ بس انا لما احس اني بعمل حاجه غلط وانا غافله بأذي ايدي بقلم مثلا عشان افوق من اللي انا فيه

قولي لنفسك تلات حاجات اول ما تصحي من النوم، انا جميله، انا ذكيه، اقدر اعملها ( لحلمك يعني وكدا)، قوليها قدام مرايه وكرريها كأنك بتكلمي الشخص اللي في المرايه مش نفسك، العقل زي الكمبيوتر لو برمجتيه علي حاجه هيقنعك بيها ولو مثلا بشرتك غامقه وكارهه نفسك متتفرجيش علي بنات بشرتها بيضه والعكس بردو فاهمه. كدا كدا الجمال في عين الناظر لو مشفتيش نفسك حلوه ومقدرتيش نفسك مين هيعمل كدا!!

زيي في الأول كنت بتضايق وبحس ان مليش قيمه او كدا وكانو بيتريقو كمان ويقولو ان اناوانا صغيره كانو شاكين اني مش بتكلم بسبب هدوءي ويقولو ان حجمي كان زي الصرصار وشكلي وحش بس لما كبرت احلويت، كنت بتضايق في الاول وارد عليهم لكن دلوقتي بقيت ماشيه بمبدأ ملكش فيه طول ما انا واثقه في نفسي وعارفه قيمتي بمعني، انتي فوووق خالص فاهماني، تلاتلاف واحد يتمني رقمك وتلاتلاف واحد يتمني بس انك تعبريه، امشي بالمبدأ دا ودا مش تكبر، دي ثقه وكل يوم ثقتك هتزيد بنفسك. قولي لنفسك ان شا الله ما عنهم كلموني هما الخسرانين بس مش الدنيا الحياه مش واقفه علي ناس مش حاسه بيكي يعني