مساء الخير يارب تكونو في احسن حال
انا مشكلتي عندي تروما من الضرب ومعظمنا اكيد عدت عليه طفوله تقيله شويه من اهله بس عادي مشكلتي بس ان بقيت بتفزع لما حد يرفع ايده وهو جمبي لاي سبب بتخض وبرفع ايدي اكني بدافع عن نفسي واكنه هيضربني كدا اقدر اعالج المشكله دي ازاي.؟؟!
شبههي ولسه متحلتش لإني لسه في طريق علاجه، انا بكتب كل حاجه بحس بيها بالطريقه اللي احبها يعني خرجي خوفك في الورقه، مش قادره تكتبي شخبطي لحد ما تلاقي الشخابيط بقت منتظمه ساعتها هتعرفي انك خرجتي كل مشاعرك السلبيه فاهماني!! انا عن نفسي بكتب بطريقه بحبها وانا بتخيل اني بكتب روايه وبوصف شعور الضرب وكدا و دا بيخليني انسي الضرب واقرأ اللي كتباه بفرح 🙂🙂. يعني قبل كدا، انا عمتا بخاف من حاجه اسمها تعبان انا لما اتخيله بس بترعب رغم ان مفيش موقف معاه حتي ايموجي التعبان بخاف منه بس بدأت اتغلب علي خوفي منه عن الطريق الكتابه الاول وانا بوصف مظهر التعبان اللي بشوفه وبيرعبني بعدها اتجرأت وبدأت تدريجيا اشوف صور تعابين، الموضوع كان مرعب بالنسبالي في الاول وكانت بتجيلي كوابيس بسببه بس بعدها اتعودت علي صور التعابين واللي اكدلي اني معنتش بترعب زي الاول ان امبارح خرجت رحله مع العيله وكدا ف كان واحد معدي ولافف حولين رقبته تعبان قد طولي او ممكن اطول بجد والله، مشوفتش وش التعبان بس انا قعدت اتأمل الراجل بفضول مستغربه هو ازاي ماسكه اصلا واستوعبت هنا ان دي اول مره في حياتي كلها اشوف تعبان علي الحقيقه وابقي بالبرود دا يعني قبل كدا بس واحده صحبتي ورتني صوره اخوها لافف حولين رقبته تعبان عيطت سعتها من الرعب (كنا في مدرسه) وضربت البنت اللي جمبي بالغلط من رعبي وهي الغلبانه ضحكت وهي بتطبطب عليا وكان الموقف مرعب ومضحك في نفس الوقت وكانت مجرد صوره اما اللي شوفته امبارح تعبان حقيقي 🙂🙂😂
تم النشر السبت، ١٣ يونيو ٢٠٢٦
مساء الخير يا قمر، ربنا يسعدك ويخفف عنك. أول حاجة أحب أقولها لك إن اللي بتمرّي بيه طبيعي جدًا، والجسم بيحتفظ بالذكريات دي زي ما العقل بيحتفظ بيها، فالفزع التلقائي ده مش ضعف، ده رد فعل دفاعي اتكوّن من الطفولة عشان يحميكِ. علشان تعالجي الموضوع ده عمليًا، ابدئي بخطوة مهمة وهي الاعتراف بالمشكلة بدون لوم نفسك، وبعدين حاولي تتعرفي على المحفزات بالتفصيل (مثل رفع الإيد أو صوت عالي) وتسجّليها في مذكرة صغيرة عشان تقدري تتابعي التطور. بعد كده، ركزي على بناء شعور بالأمان في اللحظة الحالية من خلال أنشطة يومية بسيطة زي الرياضة الخفيفة أو الهوايات اللي بتحبيها، وده بيساعد الجهاز العصبي يتعلم إن الخطر انتهى. الأهم إنك تستشيري متخصصة نفسية متخصصة في علاج الصدمات، لأن العلاج السلوكي المعرفي أو تقنيات إعادة المعالجة بيساعدوا كتير في حالات زي دي، وهيتقدملكِ أدوات مخصصة لحالتك. كوني صبورة مع نفسك، التغيير بيحصل تدريجيًا، وأنتِ قادرة تتجاوزي ده خطوة بخطوة. لو عايزة تتكلمي أكتر عن أي جانب، أنا هنا.
تم النشر الجمعة، ١٢ يونيو ٢٠٢٦
فكره برضو شكراا♥️♥️
تم النشر الأحد، ١٤ يونيو ٢٠٢٦
هاتي الكتاب عادي طيب و غلفيه من برا بغلاف يخبي الاسم
تم النشر الأحد، ١٤ يونيو ٢٠٢٦
السلام عليكم، كتاب أبي الذي أكره د. عماد رشاد موجود فيه حلول لـ كل العقد بتاعت الطفولة، وكمان د. عماد رشاد عامل سلسلة التحرر من الماضي، رائعة أعتقد مواد د. عماد رشاد هتساعدك جدًا جدًا جدًا جدًا بجد
تم النشر الجمعة، ١٢ يونيو ٢٠٢٦
أنا حاسة بيك جداً وعايزة أقولك إن اللي بيمر بيه جسمك ده طبيعي دي صدمة من الطفولة ومتخزنة في جهازك العصبي فجسمك بيعمل رد فعل تلقائي عشان يحميك مش أكتر. عشان تتخلص من الموضوع ده جرب كلم نفسك في وقتها اول ما تلاقي نفسك اتخضيت خد نَفَس عميق وقول لنفسك أنا كبرت وخلاص بقيت في أمان ومفيش خطر هنا وحاول دايماً تعمل تمارين تنفس هادية عشان تقلل التوتر المخزن في جسمك. لو تقدر تتابع مع دكتور أو أخصائي نفسي، في تقنية اسمها (EMDR) ممتازة جداً وبتعالج صدمات الطفولة وتخلي الجسم يبطل يعمل رد الفعل ده. وماتضغطش على نفسك واصبر عليها وجسمك مع الوقت والأمان هيبدأ يهدأ ربنا يقويك ويهون عليك يا رب.
تم النشر الأحد، ١٤ يونيو ٢٠٢٦
في فديو علي. اليوتيوب اسمو الرايك الذاتي لازم تشوفه
تم النشر الأحد، ١٤ يونيو ٢٠٢٦
عفوا 🤍
تم النشر الأحد، ١٤ يونيو ٢٠٢٦
عندي مشكله ف النظر مع الضوء والتركيز ف النور ف مابعرفش للاسف اطول ف قراءة حاجه علي الفون
تم النشر الأحد، ١٤ يونيو ٢٠٢٦
مش لازم تشتري نسخة مادية ممكن تنزله اونلاين
تم النشر الأحد، ١٤ يونيو ٢٠٢٦
لو جبت الكتاب دا وحد لمحه هتشعلق😂
تم النشر الأحد، ١٤ يونيو ٢٠٢٦
لعرض السؤال في فدني اضغط هنا