تعرضت للتنمر في صغري وهذا اثر على نفسيتي أنا الآن مراهقة اخاف تكوين الصداقات وأكره ذاتي ولا اثق بنفسي
ما تمرين به الآن هو أثر جانبي طبيعي لتجربه عيشتها في طفولتك لكنه ليس قضاءً حتمياً ولا قدراً مكتوباً ليقيدكي بقية حياتك. إليك الخطوات للتعامل مع هذا الأثر: قبول الذات اولا: توقعي عن جلد نفسك وعن كره ذاتك بسبب كلمات خرجت من أشخاص غير سويين وتصالحي مع مظهرك وشخصيتك كما انت الفصل بين الماضي والحاضر: من اذوكي في الماضي كانوا أطفالاً غير واعين وانت اليوم لم تعودي تلك الطفله الضعيفه. كما ان البشر ليسوا نسخه واحده فلا تتوقعي الاذي من الجميع قبل ان يحدث. امنحي الحاضر فرصه دون احكام مسبقه ولكن بحدود تحميكي تفكيك الخوف الاجتماعي: الانعزال لن يحل المشكله بل سيزيدها ويغذي الخوف داخلك بناء الاستحقاق والثقه: كره الذات يأتي من التركيز على العيوب. استبدلي ذلك بالتركيز على مهاراتك ، دراستك او اي موهبه صغيره تمتلكينها وقومي بتطويرها. فالانجاز الشخصي هو اسرع طريق لبناء الثقه بالنفس والثقه لا تأتي من فراغ بل تصنعها الانجازات الصغيره. البدء بخطوات بسيطه: لا تطالبي نفسك بإنشاء صداقات عميقه فجأه. يكفي الان مجرد إلقاء التحيه او الابتسامه الخفيفه او المشاركه في حوار عابر مع زميله واحده ترتاحين لها انت لست ما قيل عنك في الصغر بل انت ما تختارين ان تكونيه الان. خطوه بخطوه وستتجاوزين هذه المرحله
تم النشر الأربعاء، ١٠ يونيو ٢٠٢٦
اقرأي كتب واسمعي بودكاست عن الثقة بالنفس ومواجهة التنمر ده هيساعدك كتير ان شاء الله وحاولي تتجاهلي كل حاجة وتنسي علشان تعرفي تكملي حياتك من غير اي اهتمام لأي حد علشان انتي بس اللي هتتعبي لو ركزتي مع كل كلمة بتتقال ليكي
تم النشر الاثنين، ٨ يونيو ٢٠٢٦
السلام عليكم، تجاوز الأثر النفسي للتنمر ممكن يحتاج منك الاستعانة بمختصة تتابع معك بخطوات عملية إذا مش هتقدري وحدك. لكن فيه حاجات ممكن تعمليها لحد ما تتابعي مع مختصة إذا استدعت الحاجة. ** لا تركزي حاليا على تكوين أصدقاء أو إنك تكسري حاجز الخوف الاجتماعي مرة واحدة، خلي تركيزك وتوجهك الحالي على تنمية نفسك. الثقة بالنفس هتتبني واحدة واحدة لما تخلي يومك نشط وفيه إنجازات حتى لو كانت صغيرة.. كل ما تتقدمي خطوة كل ما هتستمدي تقديرك من نفسك وبنفسك ومش هيكون تركيزك على صورتك في عيون الناس اللي هي سبب كبير في اهتزاز ثقتك لأنك من غير ما تحسي منتظرة تقييمهم أو خايفة من نظرات عدم الرضا والتنمر. الصداقات والعلاقات الاجتماعية هتيجي بالتبعية مع اهتمامك بنفسك وتركيزك عليها. ممارسة الامتنان كل يوم وسيلة تانية تعلي تقديرك وحبك لنفسك وتخلي تركيزك كل يوم على نعم ربنا والحلو والإيجابي في حياتك فيقل بالتالي إحساس النقص والأفكار السلبية. ** اشتري نوتة حلوة كده وخصصيها للامتنان واكتبي كل يوم ٣ حاجات على الأقل أنتِ ممتنة لوجودها في حياتك، نعم بتحمدي ربنا عليها، حاجات حلوة حصلت في يومك. كمان، يا ريت او تكتبي حاجات بتحبيها أو شاطرة فيها أو مهارات حابة تتعلميعا واختاري أهم حاجة أو حاجتين منهم وابدأي اتعلميهم حتى لو مجرد بس تخصصي ربع ساعة كل يوم لتعلم المهارة دي.. خلال وقت قصير هتلاقي نفسك تقدمتِ وثقتك بنفسك بتعلى كل يوم. ** والأهم من كل اللي فات ده إنك تستعيني بربنا وتتوكلي عليه وتدعيه دائما بصلاح الحال. بالتوفيق إن شاء الله.💚💚
تم النشر الاثنين، ٨ يونيو ٢٠٢٦
أنا آسفة جداً لما مررتِ به، وأقدر شجاعتك في مشاركة هذا. التنمر في الصغر يترك أثراً عميقاً، لكنه ليس نهاية الطريق، ويمكنكِ تجاوزه بخطوات عملية. أنصحكِ بشدة بالتوجه إلى خبراء نفسيين متخصصين في فدني للحصول على دعم مخصص: [ https://www.fedni.net/experts](https://www.fedni.net/experts) . ابحثي عن خبراء في الصحة النفسية أو التنمر والثقة بالنفس. في الوقت نفسه، جربي البدء بخطوات صغيرة مثل كتابة نقاط إيجابية عن نفسكِ يومياً، أو الانضمام إلى أنشطة جماعية آمنة تناسب اهتماماتكِ. ابحثي أيضاً عن أسئلة مشابهة في فدني لتستفيدي من تجارب الآخرين. أنتِ لستِ وحدكِ، ويمكنكِ بناء ثقتكِ بنفسكِ تدريجياً.
تم النشر الاثنين، ٨ يونيو ٢٠٢٦
بتبدأ انك تعمل انجازات يومية ولو صغيرة تسترجع بيها الثقة الأول وبعدين تبدأ انك تشوف حاجة اجتماعية وتشارك فيها وتحط نفسك تحت الأمر الواقع
تم النشر الاثنين، ٨ يونيو ٢٠٢٦
ورط نفسك في كلام وغير زاويه النظر عن نفسك ومن اكثر الطرق الي فادتني في اني استعيد نفسي هي اني كنت بكلم نفسي واشجع نفسي ... ومبدأ ورط نفسك في انك تتكلم او تخرج مع قرايبك او اصحابك ده هيساعدك تعمل خبره اجتماعيه قويه وهتزيد ثقتك بنفسك ... اما عن الكلام مع نفسك فده هيخليك تجبر عقلك انو يغير نظرته عنك فلما تقول انك واثق بنفسك قدام الناس سواء تقولها مع نفسك او قدام الناس ده بيخلي عقلك في كل مره تقول كده يصدق انك كده وهتتغير ... وفي كتاب العادات الذرية بيقول نفس الموضوع ده فانت لو حابب تحقق هدف يكون هدفك هو التغيير بشكل كامل فلما حد يسألك عن حاجه في ذاتك مثل الثقه قول انك واثق من نفسك حتي لو جواك غير كده فده هيخليك فعلا تتغير في اي حاجه انت عايز تتغير فيها ... فالخلاص قول لنفسك ولغيرك انك واثق وجميل حتي لو هتمثل وورط نفسك في مناقشات وحديث وخروجات مع الناس واغلط براحتك محدش واخد او هياخد بالو اهم حاجه انك تقول لنفسك انك واثق فيها
تم النشر الاثنين، ٨ يونيو ٢٠٢٦
قولي لنفسك تلات حاجات اول ما تصحي من النوم، انا جميله، انا ذكيه، اقدر اعملها ( لحلمك يعني وكدا)، قوليها قدام مرايه وكرريها كأنك بتكلمي الشخص اللي في المرايه مش نفسك، العقل زي الكمبيوتر لو برمجتيه علي حاجه هيقنعك بيها ولو مثلا بشرتك غامقه وكارهه نفسك متتفرجيش علي بنات بشرتها بيضه والعكس بردو فاهمه. كدا كدا الجمال في عين الناظر لو مشفتيش نفسك حلوه ومقدرتيش نفسك مين هيعمل كدا!!
تم النشر الأربعاء، ١٠ يونيو ٢٠٢٦
اتأكد ان كلام الناس مداس حطه تحت رجلك يعليك تحطه فوق دماغك يكسرك
تم النشر الأربعاء، ١٠ يونيو ٢٠٢٦
لعرض السؤال في فدني اضغط هنا