انا دلوقتي في كلية تمريض في فرقة تانيه المهم لما دخلت الكلية ف ناس نفسنت منى ويكلمو اهلى وبنتكم بتخاف من الدم وهتتعامل ازاى و.... الخ
فانا مهتمتش بصراحه لان الشخص دا مش من عيلتى ف عادى بقا ف بعدين اكتشف نظرة اهلي ليا اللي تقول دى متعرفش حاجه واللي تقول دى مش هتعرف تتعامل بس بابا وماما بيشجعونى ع اى حاجه اتعلمتها حتى لو بسيطه بس إحساس ان عيلتي شيفانى كده مخليني احس احساسين... الاول انى فعلا فاشلة طالما هما شافوني كده والاحساس التاني هو انى لازم اشد كده واظهرلهم العكس واعرفهم انا هبقا اي بس برضوا مهما كان الواحد بيحتاج تشجيع وغير كده انا خلاص ف الكلية يعني لو الشغل معرفتش امشي فيه مش هينفع اغير الكلية يعني ف الواحد بجد محتاج تحفيز ع يكمل
قوليلهم ملكمش دعوه ولو فالحين وشايفينك فاشله اوي كدا خليهم يمسكو الحقنه ويدوها لنفسهم ونشوف من الشاطر فيهم والجدع يجرب، بجد والله طنشيهم وركزي علي نفسك وابني نفسك، غييرك لسه هيدخل تالته ثانوي 😭. بصراحه انا لو منك كنت هرد عليهم ومخليهمش يستهينو بيا ابدا، كنت منزله مشكله زيها بس ليها علاقه بتالته بقا وواحد الله يياركله كتبلي حاجه حلوه اوي، مين هم عشان يحسسوكي بالعزه او الذل!! اوعي تبيني انك متضايقه من كلامهم عشان هيخدوها كنقطه ضعف، عرفيهم انك عاادي ولا في باالك.
تم النشر الجمعة، ١٢ يونيو ٢٠٢٦
السلام عليكم ورحمه الله وبركاته انت بنفسك قلتي انه في شخص شخص حاقد شخص حاسد شخص غيران هو كان السبب في الصوره دي فازاي يبقى عندي المعرفه وبيبقى عندي المعلومه الحقيقيه دي انه في شخص هو المسؤول عن الصوره دي وانا اصدق الموضوع يعني الصوره اصلا مش حقيقيه والكلام مش حقيقي وانا بصدقه طب ليه بصدقه وانا عايزه الشخص ده اللي جواه غيره هو اللي يكسب هو اللي يكون صادق ويطلع الواقع بتاعي انا هو انا مش محتاجه اعمل كده وبعدين ابسط حاجه احنا نقولها لنفسنا ونقولها لاي حد ان احنا لسه في اول الطريق احنا لسه مش عارفين ازاي نحكم حكم من البدايه واحنا لسه مش عارفين نبقى كاني عامله زي الدكتور اللي داخل عمليه وحكم على المريض ان هو هيموت من غير ما هو اصلا يحاول يبقى؟ الناس العمليه ليه من الاول انا مش محتاجه اعمل في نفسي كده خالص بالشكل السلبي ده انا محتاج ان انا اي اي حد هيفكر ان هو يحبطني انا هرد عليه رد بسيط واقول له والله انا لسه بشوف والله انا لسه بتعلم انا لسه بشوف اذا كانت الحاجه دي اللي انا بتعلمها لاول مره هكون شاطره فيها ولا لا ودي حاجات عمليه فمحتاجه مره واثنين وثلاثه ونجرب كتير ونتعلم اكثر. وناخذ خبره حد ما نتاكد فعلا قد ايه احنا ناجحين في الحاجه دي ولا فاشلين فما ينفعش خالص ان حد يحكم الحكم ده من البدايه. اتمنى يكون افكك على قدرتي ويا رب كل الامور تبقى بخير.
تم النشر الجمعة، ١٢ يونيو ٢٠٢٦
أول حاجة، أنا فاهمة إحساسك كويس جدًا، وهو طبيعي جدًا لما الإنسان يحس إن نظرة الناس حواليه بتأثر على ثقته بنفسه. الشعورين اللي بتوصفيهم – الإحساس بالفشل من ناحية، والرغبة في الإثبات من ناحية تانية – دول بيحصل لكتير من الطالبات في بداية الطريق، خاصة في مجال زي التمريض اللي بيحتاج قوة نفسية وجسدية. بس خليني أقولك حاجة مهمة: إنك لسه في الفرقة التانية يعني عندك فرصة كبيرة جدًا تطوري نفسك، والإحساس ده بالذات ممكن يتحول لطاقة إيجابية لو استخدمتيه صح. عشان تطوري من نفسك، ابدئي بخطوات عملية صغيرة ومستمرة. أول حاجة، ركزي على الجانب العملي في الكلية: حاولي تتعرضي للمواقف اللي بتخوفك تدريجيًا، زي مشاهدة فيديوهات تعليمية عن التعامل مع الدم أو الجروح، وبعدين تطبيقيها في المعامل أو التدريب. كمان، خصصي وقت يومي للمذاكرة بطريقة منظمة – استخدمي تقنية "البومودورو" عشان ما تحسيش بالضغط، واقرئي عن قصص ناجحة لممرضات بدأوا بنفس المخاوف ونجحوا. وفي نفس الوقت، اكتبي يوميات صغيرة تسجلي فيها إنجازاتك اليومية، حتى لو بسيطة زي "فهمت درس كذا" أو "ساعدت زميلة"، ده هيساعدك تشوفي تقدمك بوضوح ويقلل من تأثير نظرة الآخرين. من الناحية النفسية، تذكري إن الإسلام بيحثنا على الصبر والتوكل مع الأخذ بالأسباب، قال تعالى "إن مع العسر يسرًا". استخدمي تشجيع والديك كوقود، وكل ما تحسي بالشك، صلي ركعتين وادعي ربنا يقويكي. ولو عايزة تحفيز إضافي، ابحثي عن أسئلة مشابهة على فدني عشان تشوفي تجارب بنات تانيين مروا بنفس الظروف. أنتِ قادرة، وكل خطوة صغيرة هتقربك من إثبات العكس لنفسك أولًا. لو عايزة نكمل الحديث عن خطة محددة، قوليلي.
تم النشر الأربعاء، ١٠ يونيو ٢٠٢٦
اولا موضوع الخوف من الدم دا بيتكسر مع الوقت ثانيا حاولي تفهمي اهلك ان كليه التمريض دي مش تركيب كنيولا ولا خياطه جرح لاء دا حوار كبييير اصل انا فرقه اولي برضو 😅 و بعدا كله الي يجي يرخم عليكي ب حوار التمريض او يقلل منك اضربي ليه مثال قولي له لو حصل قدامك كذا هتعمل اي ه تتلاقيه في الغالب معلش بس هيكون حماار 😂 ف احرجيه و افضلي علي كدا علي طول بقي لان انا لسا حاصل معايا نفس الموقف ده امبارح بس طلعته مسرح ف قفل الموضوع و فضل ساكت لاخر القاعده 😂😂
تم النشر الخميس، ١١ يونيو ٢٠٢٦
اللي بيحسسك انك فاشله وكدا فهما اللي فاشلين وعايزين ينزلوكي تحت، انتي دخلتي التمريض بمزاجك وانتي اللي بتتعلمي، من الطبيعي تعملي صح مره وتغلطي عشره لأن دا مش لعبه، من ناحيه الدم ف مع الوقت هتتجرأي متقلقيش ( وابقي ادعيلي اتجرأ شويه انا كمان عشان بخاف من دم الخربوش بردو🙂😂)، استعيذي من الشيطان وسيبي الحمار ينهق واضربيه، بمعني اشتغلي علي نفسك عشان انتي عايزه دا وعايزه تبقي احسن ممرضه واسمك معروف مش عشان حمار متضايق انك فوقه وربنا يسعدك ويحرمك من عين الحسود واسمك يتشهر كدا مشرفه
تم النشر الجمعة، ١٢ يونيو ٢٠٢٦
خليك ف الاحتمال الثاني وربنا يوفقك
تم النشر الجمعة، ١٢ يونيو ٢٠٢٦
متركزيش مع كلام حد ولا تستني كلمة انتي شاطرة او او ... خليكي واثقة من نفسك وخلي الرد عليهم بالنجاح
تم النشر الخميس، ١١ يونيو ٢٠٢٦
لعرض السؤال في فدني اضغط هنا