اتقدمت لبنت وخطبتها وبعد الخطوبة اتسحلت فى الشغل علشان اكون مستقبلى وانا حالياً فى اخر سنه فى الكلية هى شايفة انى مقصر وبتلومنى انى بروح ليها مره في الشهر وانى بنام الساعه 10 علشان اقوم اروح شغلى هى بتضايق انى بنام بدرى وهى بتسهر ل 3 بالليل ممكن تنصحونى لله اتصرف ازاى
بص طالما هي عاوزك تتكلم معاها يبقى هي بتحبك ومنجذبة وحاول تفهمها واحدة واحدة انك بتسحل نفسك في الشغل عشانك وعشانها فيما بعد وأنه الشغل مهم بالنسبالك بس انتي الأهم بالنسبالي وقولها انا بعمل كل ده عشان فترة الخطوبة مطولش وحاول تقول مثلا لو كان اليوم فيه اكتر من 24 ساعة كنت اشتغلت اكتر من كده عشان تبقي في بيتي وأشوفك قدامي على طول وحاول تلطف الجو شوية بس متحاولش برضو تبين انك بتضحي عشانها وحاول تقولها أن الراجل الصح اللي عاوز البنت اللي معاه في الحلال بيتشغل بدل الشعلانة شغلانتين
تم النشر الجمعة، ١٢ يونيو ٢٠٢٦
أنت راجل شقيان وبتعافر عشان مستقبلك وده يشرف، بس خدها نصيحة من بنت وافهم خطيبتك صح.البنت دي مش بتنكّد عليك ولا عايزة تخرب حياتك، البنت بتحبك ومتمسكة بيك زيادة حبتين، وزعلها ده قمة الاهتمام! البنت لما بتبطل تعاتب وتشتكي من قلة الرؤية والاهتمام، اعرف إنها بدأت تبرد من ناحيتك ومش فارق معاها ، فاحمد ربنا إنها لسه بتتشاكل معاك عشان تشوفك.مرة في الشهر دي قليلة جداً وجفاء لأي اتنين مخطوبين، وهي دماغها رايقة وبتفكر فيك وطبيعي تفتقدك. حاول تظبط وقتك معاها.. مش هقولك سيب شغلك، بس النص ساعة اللي قبل ما تنام الساعة 10 دي، خليها مكالمة ثابتة ليها تسمعها وتطمنها، ويوم إجازتك اضغط على نفسك شوية ونزلها مرتين في الشهر بدل مرة. حسسها إنك شاريها ومقدر حبها، وهي لما تلاقيك بتحتويها هتستحمل معاك الدنيا كلها وكمان فهمها براحه . ربنا يوفقكم
تم النشر الجمعة، ١٢ يونيو ٢٠٢٦
أمر طبيعي انها تعمل كده ، اجمل فترة تمر بيها البنت هي الخطوبه ، نفسها تشعر انك معها ، فترة الخطوبة انا بسميها فترة الأساس يعني انت بتبني بيت ولازم يكون اساسه قوي لازم اطرف الآخر يحبك والبنت مش هتحبك إلا لما تقدم ليها كلمه حلوه خروجه حلوه امال اذي هنعرف بعض هي بتكتشف انت مين وانت كمان علشان كده لازم تعمل برنامج ليكم ذي الخميس من كل أسبوع هنخرج سوا ساعة ٩ مساء كل يوم هنتكلم نص ساعة قبل نوم يا ابني دا اجمل فترة تمر بها البنت والولد وبعد كده تاتي الموده والرحمة بينكم
تم النشر الجمعة، ١٢ يونيو ٢٠٢٦
أنت مش غلط في إنك بتسعى لمستقبلك وبتشتغل بجد، خاصة وأنت لسه في آخر سنة كلية، ده شيء يُحسب لك ويُشكر عليه. لكن في نفس الوقت، الخطوبة لها حقوق ومسؤوليات، والعلاقة دي محتاجة توازن عشان ما تتأثرش. البنت شايفة إنك مش بتديها الوقت الكافي، وده طبيعي إنها تحس بالإهمال لو الزيارات قليلة والتواصل محدود، حتى لو السبب مش تقصير منك. نصيحتي لك: ابدأ بحوار هادئ وصريح معاها. اشرح لها أهدافك وخطتك للمستقبل، وإن الشغل ده عشان تبني أساس قوي للحياة الزوجية. في نفس الوقت، حاول تلاقي حلول عملية زي: زيادة التواصل اليومي حتى لو رسائل أو مكالمات قصيرة، أو تخصيص يوم في الأسبوع للقاء ولو لساعات قليلة. كمان، لو هي بتسهر لـ3 الفجر، حاول تفهم سبب ده وتشوف إذا كان ممكن توافقوا على مواعيد نوم أقرب عشان صحتكم الاتنين. التوازن ده مهم في الإسلام، لأن الزواج شراكة ودعم متبادل، مش بس شغل ومستقبل. لو استمر الوضع كده بدون تفاهم، ممكن يحصل خلافات أكبر. جرب تطبق الخطوات دي وشوف النتيجة، ولو محتاج تفاصيل أكتر عن طريقة الحوار، قولي.
تم النشر الأربعاء، ١٠ يونيو ٢٠٢٦
اول حاجه فالشغل ابعتلها كلمه حلوه مش هتاخد ٥ ثواني حتي لو مش هترد ع الي هي بعتاه لحد ما تروح هي افكارها تهدي بالكلمه الحلوه لو هي من النوع الي بيفكر كتير ، ابعتلها صوره عشوائيه للشغل ومش لازم ده كل يوم ع الاقل كل يومين لو مشغول جداااا جداااا واكيد عندك ولو يوم اجازه روحلها وكلمها بكل صراحه وفهمها وضعك لو بعد كل ده لسه زي ما هي يبقي عيد تفكيرك
تم النشر الأربعاء، ١٠ يونيو ٢٠٢٦
روحلها وفهمها دا .. وحاول على الأقل تفضى نفسك يوم فى الأسبوع يمكن دا يخفف شوية
تم النشر الأربعاء، ١٠ يونيو ٢٠٢٦
مش متقبله يبقى المشكله عندها هي و مش ناضجه كفايه تدخل علاقه زي الجواز.
تم النشر الأربعاء، ١٠ يونيو ٢٠٢٦
انت صح، ودي الفطره الطبيعيه اننا ننام في وقت زي دا، الليل للنوم والنهار للشغل، ومش لازم ومش من الطبيعي انكم تبقوا لازقين طول النهار لبعض و بترغوا!، ساعتين حتى في اليوم كفايه بما انكم مخطوبين وهدف الوقت دا انكم تعرفوا بعض وتشوفوا هل الشخص دا يصلُح اني أكمل معاه واخد الخطوه اللي بعد كدا اللي هي الجواز!،فهمها بشكل ليِّن ولطيف اننا مش في مسلسل او روايه علشان نحب طول النهار والجواز والعلاقات مش بمثالية وخيال الشاشات.
تم النشر الأربعاء، ١٠ يونيو ٢٠٢٦
حاضر
تم النشر السبت، ١٣ يونيو ٢٠٢٦
حافظ على ضوابط الخطبه
تم النشر السبت، ١٣ يونيو ٢٠٢٦
احنا كبنات بنحب الاهتمام بس بصراحه هي اوفر اوي من غير زعل، فهمها بدا ولو هي فاهمه عرفها حدودها ( بس من غير عنف او زعيق بالله عليك🙂) يعني مثلا مش تقولها بقولك اي انا بتعب عشان اكون مستقبلنا فلمي نفسك واهدي شويه. انت بس ممكن تبعتلها زي رساله واحده وتدلعها في الرساله زي عامله اي معلش مش هبفي فاضي انهارده كمان، بس واقفل موبايلك عشان متشغلكش بالرسايل وتعرف تشتغل وتركز، الرساله ممكن تبان تافهه بالنسبالك بس بالنسبالها هتبقي حاجه كبيره ، هتفهمها انك مهتم بيها بس غصب عنك مش عارف توصلها
تم النشر الجمعة، ١٢ يونيو ٢٠٢٦
تسلمي 🤍
تم النشر الخميس، ١١ يونيو ٢٠٢٦
القرار قرارك انت لان انت الي هتتجوز ف انت اعلم بيها هي وبعدين فكرة ان الانسان يتزوج وهو لسه مش واعي كفايه للحياه الزوجيه عموما متعبه ف انت استخير ربّنا وادعي
تم النشر الخميس، ١١ يونيو ٢٠٢٦
الموضوع مستفز بجد يعني انت بتسعي وهي بتتقمص علشان حاجات تافهه اصلا راجع تفكيرك من ناحيتها لان ده جواز مش سنه ولا اتنين وهطلق ده عمر يعني لازم اختيارك يكون صح علشان مترجعش تندم
تم النشر الخميس، ١١ يونيو ٢٠٢٦
انت حاسس نفسك مش مرتاح وتعبان نفسيا وبتفكر ايه شعورها لو انفصلتوا!، انا متأكده إنها علاقه غير صحيه وفيها تعلق مرضي ومُستنزفه للطرفين،افهموا العلاقات بتمشي ازاي وايه شكل العلاقه الصحيه وفكوا التعلق المرضي دا وعيشوا.
تم النشر الخميس، ١١ يونيو ٢٠٢٦
ان شاءلله
تم النشر الأربعاء، ١٠ يونيو ٢٠٢٦
متفارقش بسرعه، خد وقتك وفكر هل الإنسانه دي أنا عايز أكمل معاها حياتي وأدخل معاها في خطوه كبيره زي الجواز...وهنا الإجابه مش بتكون مبنيه على شكل الإنسانه لأن الجمال مش أهم حاجه في النقطه دي،و هل العلاقه دي صِحيه وفيها نضج ولا علاقه مُستنزفه ومُستهلكه، جرب تعرفها اكتر وتسأل نفسك أسئله من هذا القبيل وقرر🙌🏼
تم النشر الأربعاء، ١٠ يونيو ٢٠٢٦
بص هوا انت مش غلطان وهيا برضو يمكن هيا من النوع اللى بيفكر كتير ودماغها بتروح وتيجى كتير فممكن انت ف وقت فاضى تبعتلها اى رساله مش هتاخد سنتين منك ولا من تعبك واقعد معاها حاول تفضى يوم تقعد معاها فيه يمكن فيه حاجه مزعلاها مثلا ومش عارفه تحكيلك لانها حساك بعيد عنها، اهدى خدلها هديه بسيطه ولا دبدوب صدقنى هتفرح اوى واقعد اتكلم معاها بهدوء وفهمها وشوف اى مشكلتها مع الفكره واستخيرو ربنا وان شاء الله ربنا يكتبلك اللى فيه الخير 🤍
تم النشر الجمعة، ١٢ يونيو ٢٠٢٦
طيب اعمل ايه بس بالامانه هى اتعدلت من امبارح
تم النشر الخميس، ١١ يونيو ٢٠٢٦
انا حاسس نفسي مش مرتاح وتعبان نفسياً ومش عارف اعمل ايه وابعد عنها ازاى وهل هى ممكن تتعب لما ابعد ولا ايه لان عايز ابعد من غير مااسبب ليها اذى نفسي
تم النشر الأربعاء، ١٠ يونيو ٢٠٢٦
طيب انا مش بعرف افارق حد بسرعه وبتعب وبفقد السيطرة على اعصابي فى الفراق اعمل ايه
تم النشر الأربعاء، ١٠ يونيو ٢٠٢٦
طيب ماهى مش متقبله ده
تم النشر الأربعاء، ١٠ يونيو ٢٠٢٦
لعرض السؤال في فدني اضغط هنا