ياجماعه انا محتاج مساعدتكم بعد اذنكم
انا حاليا بدرس برمجه ودرست 3لغات لحد دلوقتي
وعاوز اشتغل بس لسه مش عارف بقالي 6شهور بتعلم وفضلي حوالي 6شهور زيهم أو بالكثير سنه انشاء الله وحاليا انا دلوقتي مش عارف أرتب حياتي لاني في كلية تجاره المفروض تكون متخرج من بدري بعيد بقالي 3سنين لاني مش عارف أرتب حياتي عايش في ضغط كبير جدا اوي
ومن اهلي كمان لاني عندي 24سنه وضاغطين عليا وعاوزني انزل اشتغل ونا لو اشتغلت مش هعرف اواظب بين شغلي والي انا نفسي أوصله لأن كدا هدخل في دائره الشغل ومش هعرف اوفر حاجه خالص
ومش لاقي شغل يناسبني وبقيت محتار اختار اي
والمشكلة الكبيره أن احنا عيله كبيره وانا مش عارف اعيش في ضغط العيله ومعتش بعرف اقفل باب علي نفسي واقعد بتركيز وراحه خالص
بقا الايام كلها تشتت
ومش عارف اخد قرار
محتاج مساعده من فضلكم
وبفكر ارجع اشرب سجائر بسبب الضغط
السلام عليكم ورحمه الله وبركاته هنا احنا محتاجين كل اللي في ايدينا كده اسبوع نمرن نفسنا على فقه الاولويات. ليه الانسان ممكن يكون عنده حاجات كثيره جدا بس للاسف مش ظابط اي حاجه فيهم مش بيوصل لاي حاجه لانه مش عارف يرتب الاولويات الاولويات مهمه جدا جدا يعني خليني اقول لك دلوقتي انت محتاج تاكل ومحتاج تشرب ومحتاج تدخل الحمام ضروري جدا جدا. اهم حاجه فيها هتقول لنفسك لا انا هروح اكل واشرب الاول وبعدين ادخل الحمام صعب جدا ليه في عندك دلوقتي احتياج مهم جدا وانك محتاج انت مزنوق محتاج فرشه الحمام خلاص كده فهنا هي دي نفس فكره الاولويات في شيء بيكون ملح جدا وهو اللي ليه الاهميه الاكبر دلوقتي فانا هحتاج ان انا اخلي الحاجتين الثاني اللي هم برده مزمن خليهم يجوا في الترتيب بعدين مش هسيب نفسي جعان اكيد مش هسيب نفسي عطشان ولكن انا هحتاج ان انا ااجلهم ما بعد الحاجه الاهم ودي لها اهميه اكبر دلوقتي لان هيكون ليها ضرر اكبر لو انا اجلتها فده اللي محتاج تعمله برضه وانت بتبص على كل الحاجات اللي وراك ايه اللي ليه اهميه الاكبر دلوقتي انك تنجح وتخلص بقى الكليه بتعيد فيها بقالك ثلاث سنين فاتفرج نفسك لها وتخلص افضل لك كثير وبعد كده يبقى عندك وقت مضاعف بقى تخلص بقى دراسه البرمجه تشوف شغل مناسب وتشوف حاجه تناسبك على الاقل يبقى في ايدك شهاده تخرج انت خريج غير ما تبقى طالب في فرص العمل تبقى مختلفه تماما ولا انك تفضل قاعد عامل مصارين بالتوازي وانت مش عارف تركز في ده وتخلصه ومش عارف تركز في ده وتاخذ منه عائد او تلاقي فرصه عمل اتعلم ثقل اولويات في الحاجات البسيطه زي ما انا قلت المثال البسيط جدا بتاع اكل الفرن واحتياج للحمام في ابسط الاشياء كل شويه كده اه تشوف انا ورايا النهارده انا ايه الحاجات المطلوبه مني النهارده انا ماما طالبه مني انزل اشتري لها حاجه عشان اتعمل بها الغدا وانا محتاجه اروح اعمل مشوار وكمان محتاج اكوي هدومي اللي انا هروح بيها مثلا الكليه طب انهي فيهم الليل اولويات اعمل نيم فيهم الاول ومحتاج بقى ترتبهم فعلا على حسب الاهميه على حسب النت دائما اللي هيتحط رقم واحد هو اللي لو انا اخرته هيجيب ضرر اكبر بكثير انما الحاجات الثانيه ممكن لو قدمتها هيكون حتى لو في ضرر هيجي يقول لك من الضرر ده هيكون اقل من واحد لو اتاخرت وهكذا تعالوا نشوف الاولويات ان شاء الله ان شاء الله تفرق معاك كتير جدا. اتمنى اكون سعادتك على قدر خبرتي ويا رب كل امورك تكون.
تم النشر الجمعة، ١٢ يونيو ٢٠٢٦
مبدئيا الرجوع لشرب السجاير ده مش حل كده هروب الموضوع زي ده انت محتاج بس تقفل على نفسك باب ورقه وقلم وتقعد مع نفسك تجيب كل افكارك فيها لان ما حدش هيعرف مشاكلك وما حدش هيعرف ينظم لك حياتك غيرك طيب حضرتك درس لغات انت عارف انه في مصر محتاجه جدا للغات انت ليه ما جربتش ان انت تشتغل باللغات اللي مع حضرتك طبعا موضوع ان انت بتعيد ده عبء على قلبك من غير ما تاخد بالك فلازم اول حاجه تحاول قدر الامكان تخلص من الموضوع ده وباقي الحاجات الثانيه هتتحل بالتدريج والله المستعان ربنا يوفقك
تم النشر الخميس، ١١ يونيو ٢٠٢٦
أحمد، أول حاجة أحب أقولها لك إن اللي بتمر بيه طبيعي جدًا في السن ده، وكتير من الشباب بيحسوا بنفس الضغط ده. أنت بتحاول تبني مستقبلك في مجال البرمجة وفي نفس الوقت عندك مسؤوليات عائلية وضغوط دراسية، وده بيخلّي الوضع صعب. خلينا نفكر مع بعض بخطوات عملية تساعدك تخرج من الدائرة دي. أول حاجة: حاول تتكلم مع أهلك بهدوء ووضوح. اشرح لهم إنك مش بترفض الشغل، لكنك بتحاول تستغل الـ6 شهور أو السنة الجايين عشان توصل لمستوى يخلّيك تقدر تشتغل freelance أو remotely براتب أحسن. اقترح عليهم خطة زمنية واضحة (مثلاً: كل شهر هتعمل مشروع صغير أو تتعلم مهارة معينة) عشان يحسوا إن فيه تقدم. ده ممكن يخفف الضغط عليك شوية. ثاني حاجة: ركز على تنظيم وقتك حتى لو البيت مليان. جرب تقسم يومك لفترات قصيرة (مثل 45 دقيقة دراسة + 15 دقيقة راحة) واختار أوقات هادية في البيت، زي الصباح الباكر أو بعد الفجر. لو مش قادر تقفل الباب، استخدم سماعات أو ابحث عن مكان هادي بره البيت لفترات قصيرة زي مكتبة أو كافيه. كمان، حدد أهداف يومية صغيرة بدل ما تفكر في الصورة الكبيرة كلها، عشان ما تحسش بالإحباط. بالنسبة للتدخين: أرجوك متعودش ترجع له. الضغط بيخلّي الواحد يفكر فيه كحل سريع، لكن هو بيزود التوتر على المدى الطويل وهيأثر على تركيزك وصحتك. بدل كده، جرب تخرج تمشي شوية أو تلعب رياضة خفيفة، أو تكتب اللي بيضغطك في ورقة عشان تفرغ الضغط. وادعي ربنا ييسر أمرك، الاستخارة والدعاء بيساعدوا في اتخاذ القرارات. أخيرًا، لو لقيت شغل جزئي مناسب (زي شغل أونلاين بسيط في البرمجة) ممكن يساعدك ماديًا ويخفف الضغط العائلي بدون ما يأثر على دراستك. ابدأ بخطوات صغيرة ومتستسلمش. لو عايز تتكلم أكتر عن خطة دراسية أو تنظيم الوقت، أنا هنا. ربنا يوفقك وييسر لك الأمور. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ١١ يونيو ٢٠٢٦
اولا خلص دراستك وانزل شغل. سيبك من البرمجه 6 شهور مش رقم مقابل تلات سنين عدتهم. ما تقنعش نفسك انك صح. انا مش عاوز اكون قاسي واقولك اخبار وحشه بس لو تابعت اخبار ال Ai هتعرف الاخبار لواحدك. خلص كليتك. فكر في التسويق الالكتروني او الميديا باينج. لو تعرف تنزل تدريب في البرمج وتشتغل بعدها انزل . المهم متعلقش نفسك بتخيلان عشان التخيلات بتبقى بعيده جدا عن سوق العمل
تم النشر الجمعة، ١٢ يونيو ٢٠٢٦
مش شرط الشغل تنزل لبرا البيت، ممكن تشتغل اون لاين زي مثلا تقدم علي مكتبه او محل لبس وكدا وبتعرضهم علي النت، جروب واتس وفيس وانستا...
تم النشر الجمعة، ١٢ يونيو ٢٠٢٦
بالنسبه للشغل جرب تشوف حاجه من البيت يبقى ملهاش مواعيد معينه cold calls مثلا او شوف اى مهاره عندك تشتغل عليها على مواقع الفرى لانس
تم النشر الجمعة، ١٢ يونيو ٢٠٢٦
وبما انك متعلم جافااسكربت فمش هتواجه صعوبه في فهم nodejs نفسها بس الصعوبه هتكون في تعلم المكاتب نفسها وخصوصا لو اول مره ولعلمك بnodejs لو فهمت كيف ماسيه المكاتب فيها هتعرف تبني حاجات كتير اوي بيها وتتعلم مكاتب تعملك مواقع او بوتات تيليجرام وواتساب وديسكورد وتقدر تعمل بيها حتي العاب (مش بنفس كفائه اللغات المخصصه لها) وحتي تطبيقات لجميع الاجهزه ولا وكمان ضيف عليهم تقدر تعمل ذكاء اصطناعي كل حاجه وليها مكتبتها بجد هتستفاد وفرصتك هتزيد
تم النشر الخميس، ١١ يونيو ٢٠٢٦
طب حلو موفق بس ممكن تدوس اكتر وتخش على tailwind و nodeǰs ؟وبعدها تبدأ تختار هتشتغل بانهي داتا بيس سواء SQĹ او Mongoose وطبعا مكتبة express اساسي واعمل مشاريع كتيييير وافتح حساب لنكد ان وخمسات من دلوقتي عشان كل مشروع تعمله تضيفه عل طول واستعمل الذكاء الاصطناعي عشان يساعدك في الفهم بشكل اسرع بس متعتمدش على vibe coding واظن انت فعلا مش معتمد عليه وماشي صح عايزك تدوس جامد في الباك اند وتعمل سيرفر وتخطك ازاي تخليه يستحمل اكبر عدد ممكن وكيف تضيف كاشنج وداتا بيس وكيف تحميه كل مكتبه تتعلمها وتضيفها لمهراتك كل ما فرصتك بتزيد جدا وطبعا زي ما قولتلك اشتغل تضيف كل حاجه تعملها اول باول عل لنكد ان حتي لو مفيش عملاء
تم النشر الخميس، ١١ يونيو ٢٠٢٦
بفضل الله وكرمه اتعلمت الhtml وcssوالجافا إسكريب وحاليا بصمم مشروع ليهم كبير فيه ال3لغات
تم النشر الخميس، ١١ يونيو ٢٠٢٦
كمل فى البرمجة واستحمل ضغط أهلك لحد ما تتم افلى بدأته . ربنا يوفقك ويكرمك يارب 🤍
تم النشر الخميس، ١١ يونيو ٢٠٢٦
ممكن اعرف وصلت لايه في البرمجه اولا؟
تم النشر الخميس، ١١ يونيو ٢٠٢٦
طيب ركز اولا انك متعيدش السنه تاني وتعدي من الكليه ، نظم يومك وابدؤه بدري هتلاقي وقت وزياده، لو صحيت الفجر صليته وذاكرت وهيفيض وقت قبل الكليه كمان تعمل فيه اي حاجه وتروح كليتك و تاكل وتنام بعدها وتنزل تشتغل هتلاقي الوقت كفايه دراسه وشغل وتمرين وأكتر،ومش هيبقى في وقت اصلا تتخانق مع والدك،و ممكن تتخرج من الكليه وتتفرغ للشغل وتشوف مكان يبقى بتاعك لو عايز تستقل عن بيت والدك ،دي كلها افكار بحاول اديها ليك خد اللي يناسبك انت الأدرى بحياتك،+ انت في الحالتين تعبان، يا تتعب وتلاقي يا تتعب ومش هتلاقي، اتعب في اللي يفيدك، والفراغ أكتر حاجه بتتعب الإنسان ومش بتفيده.
تم النشر الخميس، ١١ يونيو ٢٠٢٦
وكمان انا وابويا مبنجيش سكه مع بعض وهو كارشني قبل كدا من البيت لانه بيلعب بجانب ان البيت بتاعه وكدا وهو أب والاب كلمته تمشي علي الي في البيت بدام الي سواء كبير او صغير بدام قاعدين فيه
تم النشر الخميس، ١١ يونيو ٢٠٢٦
ايوه بس الموضوع مش سهل خالص انتي عارفه الشغل في مصر أقل عدد ساعات شغل دلوقتي 6سعات
تم النشر الخميس، ١١ يونيو ٢٠٢٦
السجاير مش حل للمشكله وانت اللي هتنضر🙌🏼، إعمل حدود لحياتك ومتسمحش لحد يتدخل فيها او يأثر عليها ويُرهقك نفسياً حتى لو كانوا عيلتك، لأنها حياتك مش حياتهم، متشتتش نفسك في حاجات كتير وانزل دور على شغل يجيب فلوس تاخد منهم مصاريفك وتركن الباقي تستخدمهم في حاجه قيِّمه بعدين.
تم النشر الخميس، ١١ يونيو ٢٠٢٦
لعرض السؤال في فدني اضغط هنا